温野菜 (海港城)

营业中

休息中

我感覺這間店裝修不錯，又多人排隊，認為好好食。但結果牛肉好一般，重要一碟得4片，其他食物分量都好少，要叫好多先夠飽。味道又無咩特別。但最重要是連醬油都沒有。只有一些日式醬汁，味道奇異又清淡。令我立刻失去食欲，不值得推薦。

友人專程回港為我慶祝生日，真的好感動！雖然是生曰飯但都不可太過放縱，選定了日式火鍋店，清清地。店內裝潢有別於一般的日式火鍋放題店，時尚明亮，卡位還非常寛敞。我們被安排坐在海景位置，有靚景有美食，一樂也。由於不是任點任食，都好吖⋯⋯免得唔食又覺唔低，食多又飽到死。總之喜歡邊款就點邊款。一人一鍋，湯底我就試了骨膠原柚子，希望變得靚靚。嚐了一口湯，感覺柚子味好清新，但湯底比較鹹。食火鍋唔食牛等於冇食過，而我又是牛痴，叫上了三款，鹿兒島和牛，美國牛和澳洲牛。三款比較當然係鹿兒島和牛最軟熟，油脂分布平均，入口即溶。其餘二款囗感都不錯呀！牛味香濃，軟腍，最重要價銭吸引食得過。黑松露雞肉丸就麻麻地，因為黑松露味不夠嗆，有點失望！蔬菜點了紅心蘿蔔，南瓜，生菜，水菜和白木菇，款款鮮嫩多汁，略兼份量太少末能盡興。又一頓豐盛的生日晚餐，多謝友人的厚愛喔

今天下午獲得特別休假 就同家姐去左一嚐以日本野菜為主打的溫野菜之前晚餐時間一直想一試 可惜不是booking滿了便是apps訂位等到2046都未到今天算好天時地利人和 終於可以成功入座快看照片介紹吧！

小熊帶小豬去試溫野菜既lunch set隻碗有細心既設計，可以隔走湯叫左2個唔同既set，分別就係牛肉既部位(質素)唔同，但每個set價錢都好合理前菜係薯仔配鹽漬生魷魚，真係幾咸，而且食完舊薯仔都幾滯，點解用薯仔做前菜架呢？好！開餐啦，每人揀一個湯底，唔洗就嚟就就去最好😁我食壽喜燒湯底(左)，會送多隻蛋而小熊就話咖哩湯底到最尾淥烏冬好正喎睇唔睇得岀牛肉個分別呢？呢杯凍柚子蜜，好少柚子，味道似水中晒伏跟餐會有雪糕送經理就介紹公司啱啱入左蕨餅，好新鮮可以試下咁見都係加$8，試下啦質素真係幾好既總括呢間餐廳食物質素係唔錯，lunch set嚟講都好抵食係飲品方面唔好再揀柚子蜜，可能叫返汽水嗰D會穩陣D

大約兩星前黎食過一次，個次兩個人食，有5個不同既餐，最尾揀左一個168餐一個278餐。兩人加埋豬、雞、蟹腳、牛(有和牛)、好幾款鍋物，真係食到捧住個肚走。今日同多幾個朋友去，一去到見餐牌得返3個餐，仲要貴左好多，(green Monday 淨菜餐都248) 358起跳，下一個餐好似5字頭，當堂打左個凸。留意返，原來358個餐同以前168食既野接近一樣，鍋物全部set曬無得揀，大部分湯底仲要加錢，無甜品送。加價加到咁，仲點敢黎食？我今日無影餐牌，如果下次有人影左上黎，一比較以前個餐牌就知。費事大家去到俾個餐牌嚇餐，有驚無喜，講定大家知先。後記，職員送餐時，對住食物咳左兩聲，講句對唔住就走左，我地成班朋友你眼望我眼，都唔知點算好。

野菜鍋之前係日本食過，所以今次係香港開就好興奮叫左個豆乳湯底，好重黃豆香。鹿士島和牛，入口即溶好香牛肉味，不過百幾蚊得個三片，就好唔抵。佐賀和牛，都係入口即溶, 都係得三片，不過牛肉味比鹿兒島嘅牛肉味重。食完好似冇食過咁美國牛肉，普普通通，都好有牛肉味

<温野菜午市定食I>-$139+$10+$10今次又一支公黎到👶🏼最愛牛角集團期下既温野菜，例牌整個lunch set先。有牛有豬有雞既定食I就岩哂👶🏼啦☺️。套餐加$10有得選擇其他湯底，柚子骨膠原凍嗰時係成舊啫喱咁，但一煮熱就溶哂好qq，仲可以美容(好似係🤔)。味道其實就一般般，鹹鹹地帶d清香咁。.肉類就真係無得輸，全部都高質又比足料，每盒至少有4-6塊，點柚子醋食又滑又嫩😍，牛肉油脂分佈平均，雞肉超嫩滑，豬肉更加香濃帶甜味。温野菜出名既蔬菜盒更加係出色，fresh到生食都有甜味，果然係日本蔬菜既質素😏仲有前菜飯麵同雞軟骨丸子，加$10要埋個温野菜雪糕(其實牛角雪糕好食d😂)，成餐都好似去左轉日本咁滿足😌

話說一個晚上，兩頭食肉獸四出覓食，其中一頭領著說吃甚麼野菜，餘下那頭嚇得不知所措，卻又無奈地緊隨其後。食肉獸卒之走到了一間名為溫野菜的餐廳，單看店名還以為是素食餐廳。事實上，餐廳是以提供各式由日本新鮮直送的肉類、食材而聞名。為了一次過可以試多一些，食肉獸叫了很多不同種類的肉，交錯嘗試。牛肉有佐賀黑毛和牛西冷、鹿兒島黑毛和牛肩脊肉、澳洲和牛肩脊肉。相比之下，的而且確日本牛的霜降雪花肥牛較佳，油花均勻，紋理清晰，只需涮一涮，在短短十秒之間已嚐到極品和牛，香軟嫩滑集於一身，牛肉可以在嘴裡化開來，超然的美味! 同是和牛品種，澳洲貨始終差之千里，肉質實了些，牛味亦差了一截。豚肉包括熊本豚梅肉、熊本豚腩肉、丹麥豚梅肉。日本豚肉涮完後，腍滑得來有質感，鮮香豐腴，肉汁也多，沾了湯汁一起吃，勁惹味! 在較爽的梅肉與較腍的腩肉之間，小人偏愛前者，貪其爽得來有嚼勁。丹麥的豚梅肉算是中規中矩，不靭，但肉味確實不及熊本豚肉那麼突出，需要蘸點醬汁同吃。這裡的湯底是各自一鍋的，不必眾人爭拗。在多款湯底的選擇下，小人要了北海道咖哩湯底。日式咖哩本就不辣偏甜，以它來涮肉為的是增加食味及少許刺激感，況且濃湯更能突顯肉之鮮

之前係日本都有食過酒店職員推介嘅溫野菜，當時係食放題，最近上網見到介紹溫野菜有和牛套餐食，就決定嚟試下。星期六大約五點幾已經嚟拎位，原來都幾多人，我地都等左差唔多一個鐘先有得入。幸好被安排坐卡位，呢度嘅位都算寬敞，坐得幾舒服。晚市A餐種類多 ($228)A餐前菜有泡菜、蠶豆及椰菜。另外肉嘅種類較多，有美國牛胸腹肉、美國牛肋肉、丹麥豚腩肉及雞腿肉。雖然呢個算係較平嘅餐，但牛肉非常薄身，瘦肉比例較多，食落口感亦非常嫩滑。豚肉亦非常薄，滾10多秒已經可以食。B餐價格中等有和牛 ($348)前菜有鵪鶉蛋、辣醬芝士及沙律。B餐另有松葉蟹腳，蟹腳啖啖肉。肉有熊本豚腩肉、美國上級牛肋肉、澳洲m9和牛肩肉、美國牛胸腹肉。每塊肉都非常薄，澳洲m9和牛肩肉特別嫩滑，全部牛肉滾幾秒就食得，太耐會無咁嫩，但唔會太韌。C餐和牛入口即溶 ($448)C餐同樣有前菜配菜及蟹腳等等，肉方面有比較高級嘅佐賀A5黑毛和牛、澳洲M9和牛肩脊背、美國上級牛肋肉以及熊本豚腩肉。雖然呢個餐並唔係最貴，但係當中嘅和牛非常薄，同埋脂肪比例較少，食落真係有入口即溶嘅感覺。我諗溫野菜咁多人等係因為就算最平嘅套餐，當中嘅肉唔會好似其他餐廳

天氣又有D涼涼地，食下暖暖的邊爐午餐。今曰胃口麻麻地，食清D的雞肉拼豚肉配柚子湯底，而友人則點牛肋肉配豚肉藥膳湯。雞腿肉比預期的少，薄薄的四件，幸有豬肉片同雞肉肉末同烏冬，否則一定唔夠。雞肉滾過後都唔多入味，有點白烚的感覺,清清地；豚肉肉質滑溜，肥瘦剛好，沒有豬的蘇味，果然是曰本豬，有肉味又滑溜。個人覺得柚子湯雖有淡淡柚子淸香，但味道有點淡了，隱隱約約的有橙的味道，唔係咸的，令肉食有點清新氣息。而友人的牛肋肉有三大片，顏色嫩紅，肉質不錯。相比上次的澳洲和牛唔差太遠。而蔬菜方面好像縮了水，每款只有兩三片，質素不錯，非常新鮮，嫩綠爽脆，入口爽甜，但分量很少。藥膳湯有點像小肥羊湯底，不用沾醬令食材都好夠味道了，有提鮮的作用，吾係中藥味。。蘋果蘆薈蜜非常清潤，甜甜地，酸酸地，不錯！加錢的綠茶蕨餅：麻麻地，太硬唔煙韌，但加紅豆茸配雪糕幾好食！下次要試試蕃茄湯。

記得新開張數天，就帶老友們來試試我最喜愛的日本shabushabu店，可能才開張數天，食品如日本店鋪一樣新鮮好味，服務好到令人想回來再光顧。但昨天再去之後，我和老友們都覺得服務質素直線下降，感覺跟光顧酒樓火鍋沒分別，雖然食品新鮮美味，也不想再來光顧。我們全選擇了晚市定食A，再另加一點肉、菜、和飲料。柚子鍋一直是我的最愛，清香而鹹味不會太重，所以我連醬油也沒使用。蔬菜一貫新鮮，生菜十分爽口，白菜清甜。我和老友點了相同飲料，可是顏色深淺不一，味道也是一杯濃一杯淡，當我們向服務員要求加濃一點時，他們都沒有表情地只把飲料拿去又拿來，也沒有道歉。上菜時都大大力，令人感覺很不舒服。我們的食品車下層還放著食品，職員看到上層食品都清空了，話也不說便快速推開食品車，當我們向該職員提到還有食品在下層，她把食品拿過來但一句「唔好意思」都沒有。今次用餐經歷十分不愉快。好好的日式火鍋餐廳被黑口黑面、半點基本禮貌都不懂、不尊重自己工作的職員們轉換成一間香港地道式火鍋。坦白說，我們同桌其中3個人也做服務業，我們工作時也不會做到如此差的地步，真心覺得十分失望。價錢中等，不算十分便宜，但今次印象太差，即使食品再好味，很

中午12點到, 等位的人不是很多, 好快有位, 但店內座位較少, 但如果唔好彩真係要等位, 相信要等好耐,午餐有定食及單叫肉類, 定食 有A至H, 包括兩款肉類(雞/牛/豬, 分不同產地), 還配搭野菜, 飲品, 白飯, 竹筒免治雞, 單球雪糕, 北海道昆布湯, 最重要係一人一爐, 唔使撈人地口水了, 因為身邊有朋友唔食牛, 我亦唔使避忌為左佢地而唔食得牛, 除了要選擇雞/牛/豬, 也要注意下產地(丹麥/美國/澳洲/日本), 定食H 是熊本豚+鹿兒島黑毛和牛, 太吸引了, 但價錢係最貴, 要$168.可以加$10升級湯底, 有好多款選擇, 我揀左蕃茄湯, 好濃既蕃茄味, 仲有加$20的藥膳湯, 應該好補上菜時間都OK, 不過食材上齊後, 張枱真係唔夠擺整餐感覺都幾好, 服務幾好, 最後仲有雪糕食 (雲呢拿/ 紅豆/ 士多啤梨/ 綠茶)食左大約1.5HR, 又要花時間揀邊個定食, 如果公司的食飯時間好緊迫既話, 可能未必夠時間食

見到呢度咁多好評，好想黎食，黎到已多人排隊～ 湯底叫咗12種之藥膳香鍋，會放藥材-集松子仁、紅棗、杞子、草果、蓮子、花椒、金針等落你嘅鍋～ 飲完好暖身～D肉好新鮮好大塊同切得ok厚～M9和牛肩脊肉好有咬感好味～上級牛肋肉好食好淋～淮山卷好新鮮彈牙～炸豆腐魚餅好滑好味～日本直送生菜好新鮮好爽～因為食材好新鮮好味，又坐得舒服，所以好鍾意黎呢到ShabuShabu～

好少會排成個鐘以上既隊。但係温野菜係值得等的，我地呢次等左個幾鐘，都比其他等2.5鐘既朋友好彩la 前菜芝士腐乳(唔記得叫咩...自己作..)- 咸咸地 口感結實真係似芝士 味道唔錯 幾開胃醃鵪春蛋-入味 香滑 好好味！！好想自己有一碟... 昆布湯清清地 昆布絲 爽口好味唔好睇佢清清地 d, 昆布鮮甜味 夾埋d 料 好味的😊 柚子骨膠原湯柚味清香 食落清甜 打邊爐熱氣 都可以護下膚😂😂 番茄湯香濃茄面，酸得來有甜，最重要-- 係最後個雜炊 餃子 芝士丸 - 味道同口感 都好豐富葛絲 年糕 - 彈牙 有咬口 蔬菜 - 唔係摘好 洗得十級 干淨 咁簡單，入口新鮮，呢個質素，唔可能唔係日本貨源 所有肉... 入口你就知係咩質素😊 呢個價錢冇呃你真係日本既感覺😁👍🏻其實個set有蟹腳，感覺有 蟹道樂 既味道架，食得太快先記得未影相😂😂😅總結食物同服務質素同日本既温野菜 不相上下分別係 日本有set 同放題 2種，我地呢度就只有set呀，本人好鍾意食菜同煙靭有咬口既食物，係呢個層面，香港既比日本既好呢😂😂 香港呢間菜(vegetable

每逢月頭給家用媽媽時，她總愛說我早出晚歸，很少時間與她及爸爸吃飯，而踏入3月份，媽媽竟然一反常態，主動要求吃火鍋，由於爸媽年紀已不細了，叫太多高脂的食物，對身體不太好，所以這次我決定帶他們到溫野菜試試。 溫野菜。顧名思義就是與蔬菜有關，店內的蔬菜全都是由日本新鮮直送，而且全都是時令食品，種類繁多，品優有一定保證。而除了蔬菜新鮮外，這裏的牛肉亦同樣出色，嚴選高質佐賀A5黑毛牛、無激素雞肉及無荷爾蒙的熊本豚肉，不論是素食者及肉食者都照顧周到。 而這裏的湯底選擇蠻多，當中較受歡迎的，包括有骨膠原柚子鹽湯、鰹魚湯、藥膳湯等等，而大家只需多付十多元就可以，便可以選擇飯或麵，當然，每一款湯底都推介的麵飯配食，如：北海道昆布湯適合跟配玉子雜炊配料烹用。 而湯底全都是一人一窩，每個由HK$19-$29不等，價錢平易近人，我點的是骨膠原柚子鹽湯，送上來時湯底全都是啫喱凝固狀的，店員表示這些是將濃縮的骨膠原加入柚子、鹽及高湯調成，所以才會出現啫喱狀，遇熱便會慢慢由啫喱狀變成液態狀。 個人覺得這個湯底的味道不錯，柚子味道不但濃郁清新，而且鹹度不算很高，加上湯內有重重的骨膠原，感覺非常養顏。朋友點的是鰹