渝痴漁醉

营业中

休息中

自己都幾怕喺銅鑼灣區搵野食，一來通常都好多人，一至五有打工仔，一至日都有好多遊客。另外無論好食與否，通常價格一般較高。之前已經黎過呢間餐廳，記得佢地有午市套餐，加上新張期內有折，所以今日午餐都決定再訪。餐廳位於金百利廣場，上面都幾多食肆，所以平日食飯時間通常都要等好耐電梯，至於今日因為係週日，都少左一班辦公室嘅客人，較為輕鬆。裡面裝潢簡單，位置都幾多，下午茶時間去到人流唔多，但期後愈坐愈多人，遊客都佔半數。配合店面，牆上有好多「魚」嘅圖案，杯墊、名片都係魚形，幾可愛。餐廳主打川菜，有唔少人都推介過烤魚，但由於我地食午飯就唔想太激烈，留待下次再試。午市供應飯麵套餐，定價$35-$76，附送冷熱飲品，選擇挺多，揀粉麵仲有優惠價加配小食，另有麻辣香鍋、小炒、涼菜等，定價合理。水煮牛肉套餐 $76：一般食午飯我都好少食水煮，不過今日突然想重口味一番，店員都話佢地嘅水煮唔會話太過辣，稍為調整口味。套餐配飯、飲品。一上枱無論賣相、色水都好對勁，我啲口水已經湧緊出黎。除左牛肉，裡面仲有芽菜、黃瓜、香菜、粉皮，而且都係啲容易吸收味道嘅材料。牛肉片份量不少，食落嫩腍唔老唔韌芽菜、黃瓜都好入味，仲有好耐冇

今日和一位喜歡辣同事去食魚鍋，見到食評新餐廳只開業一個月，當然要去朝聖一下。牆壁圖畫都很藝術，令客人走進了台灣小店感覺。所有擺盤有其店名，自家製作。點了一渣名為漁痴漁醉飲品share，藍藍的，有2片檸檬，以伏特加調製雞尾酒，裡面更有2條小鯊魚的象皮糖，很可愛。飲醉了，實在漂亮，甜甜的易入口。我們點了漁翁招牌豆花烤魚（中辣），辣度可以自選，我們選了未食過的吳郭魚。魚烤過有魚皮有燶燶的烤痕，魚肉頗鮮嫩，有點像鯉魚樣子，辣辣麻麻的，有炸過脆豆，芽菜，如果豆花再多幾件就更好了。有圖有真相吳郭魚$258！枱上小食甜甜可幫助減辣，提子乾和蠶豆另外點了小食，麻辣豬爽肉$48服務員推介，豬爽肉是豬臉頰位，爽口難得部位，所以值得一試，咬下有層次感，不肥膩，的確爽口。有點五花腩樣子。最令我們想再黎衝動，鄰桌夫婦所點小菜配白飯，很有鑊氣，價錢更比烤魚經濟，下次會再試。食物正宗麻香不錯店鋪贈送小風扇，很可愛的魚形。

位於銅鑼灣金百利廣場8樓的渝痴漁醉，主打雞煲、鮮活烤魚和四川菜。餐廳的空調足夠，位置舒適和整潔。入座時間為兩時多，不算多人，所以見到店員正在抹無人坐的部分。餐廳提供午市套餐，五十多元便有一套客飯連飲品，這段時間更有全單八折。小龍坎口水雞飯來到了，雞胸的位置頗嫩滑，配上特製四川辣汁，味道令人回味無窮。底下更有少許青瓜粒，十分爽脆，這四川辣汁的辣度不算很厲害，即使平時吃十小辣米線的小女也能接受。雖然如此，辣度的後勁頗厲害。再點了一客渝漁串串香，有十二串，當中包括野菜花、蓮藕、豬大腸等，賣相和味道都有質素。如果能提供即棄圍裙便好了，因為辣汁有機會弄髒衣服。。小龍坎口水雞飯。渝漁串串香。椒拌松花蛋。熱檸茶。Somersby Crush 提子味

我幾鐘意食辣野，但無奈又唔係好食得辣，係銅鑼灣經過金百利，樓下長期有堆人係度派傳單叫人上去食野，收到其中一張話有得食川菜烤魚，我就決定再次挑戰下自己味蕾原來餐廳係新開張，而家試業期間全單有8折前菜不太是我杯茶，但友人就食得津津有味每檯都會送上一包紙巾，貼心的做法烤魚可以揀不同的魚種及味道，有唔少伴菜選擇，如果唔想食烤魚，亦有其他特色川菜SOMERSBY CRUSH ($38)由於我都驚D餸菜會辣，所以我就叫左杯冰凍飲品作解辣之用椒伴松花蛋 ($42)皮蛋加上好香的辣油及大量的蔥同辣醬，食落一D都唔辣，睇黎我之前的擔心有點多餘了渝翁招牌豆花烤魚 ($298)我地揀左比較少食的清江魚，係由店員介紹我地食，清江魚比較少骨，肉質嫩滑，魚肉夠多，唔好睇佢成鍋紅噹噹嚇親，食落只有少少的辣味，少少麻，香味十足，完全岩晒香港人口味，鍋入面本身有豆腐，我地另外加左寬粉 ($18)，吸左辣汁之後好美味我地食食下店員就送左一人一把風扇俾我地，原來而家叫烤魚就有得送風扇，夏天多左把扇出街都不錯喔食之前我仲擔心自己會食唔到咁辣，估唔到餐廳一早明白香港人口味，專登將所有菜色整得無咁辣，如果好食得辣的朋友記得ORD

我是銅鑼灣的常客，因為公司在附近所以到銅記看電影和晚飯。今晩也不例外，朋友知道最近金百利廣場新開了間四川餐廳，便約了我去試。環境舒適寬敞，是談天説地的好地方。吃四川辣當然要點杯 Somersby Crush 黑加侖子 ($38)。賣相十分吸引，把整枝 Somersby 倒插在黑加侖子汁上。味道又有黑加侖子汁的甜，又有 cider 的小小甘味，十分解渴解辣又不會過甜。同行友人點了雪碧 ($15) 解辣。杯墊很可愛，是一條餐廳 logo 的魚形狀來的。我們點了重慶雞絲涼麵 ($58)。麵質煮得恰到好處，有煙韌感。鋪在麵上的花生碎增添口感，而底下有爽口的青瓜和辣汁，味道不算太辣但十分惹味，不吃辣的人也可以嘗試 。小食吃了麻辣豬爽肉 ($48)。豬爽肉其實是豬頭肉，平時也很少機會吃到，所以今晩我也奉上了第一次。果然好味道，也不算太辣。主角半隻重慶麻辣雞煲 ($168) 來了！半隻的份量已很多，雞肉嫩滑多汁, 麻辣得很過癮。為了健康著想，我堅持要點一份蔬菜 (其實只是貪口)。所以友人便叫了乾煸四季豆 ($68)，四季豆炒得很有鑊氣，既爽脆又香口，非常美味。我們還點了芋絲 ($18)，份量也有不小

之前和朋友相約好，一個月只吃一次辣，為健康著想。又到了這個月吃辣的日子，我們去試這金百利廣場裏的渝痴漁醉。餐廳挺寬敞而且明亮。佈置都很卡通有趣。我猶其喜歡它已魚為主題的裝飾！豐富的菜單，有午市套餐亦有散叫。我們很多東西都很想試，見價格相當便宜，便都叫來試一試。除套餐附送的飲品，普通但味道可以。可惜沒有豆漿。我喜歡吃辣的時候喝豆漿呢！口水雞是午市套餐之一。雞肉嫩滑的，不過辣味沒有太浸入肉中。辣味不是很重，適合不喜太辣的人。另外它分量挺足，有很多件雞呢！酸菜魚亦是套餐之一。這酸菜魚挺出色。我喜愛它加了芝麻在湯內，令湯的味道更香口！魚肉亦新鮮嫩滑，而且沒有太多魚骨呢！皮蛋味道亦不錯！辣醬很入味，吃下亦彈牙香口。份量同樣很多，但皮蛋比較適合多人分享，一人吃兩三件就最好。朋友來之前就說一定要吃串串香。一筒有十二支，都是一式兩份，最適合二人分享。串串很入味，因為長浸著。有大腸、牛百葉、蓮藕、西蘭花等。對於涼粉有點失望。本期待是煙韌口感，但原來是像啫哩。而且辣汁並不入味，面頭的辣醬還好像有的沙沙感覺。這青瓜純粹滿足下我要吃多些菜的願望。之後發現原來口水雞底下也有鋪著青瓜。不過吃多些菜無防。整體而言，

在維園打完波後，肚餓到暈，同波友行去金百利廣場附近搵食，有幾個阿姐在派餐廳傳單，其中一位阿姐說，餐廳新張期內全單八折，午市更不用加一，即管試試新口味。小龍坎口水雞（$65）（八折$52）午市飯餐供應時間由上午11點半至下午六時，飯餐包括白飯一碗及免費冷熱飲品，價錢有$58至$76 不等。口水雞份量都很多，雞肉嫩滑，加上口水雞的醬汁，真是吃到流哂口水！渝北涼粉（$55）（八折$44）午市粉麺套餐可以選擇一個麵食外，還有一款小食及一杯冷熱飲品，價錢由＄55至＄65不等。這款涼粉是涷食的，我都是第一次吃這種涼粉，口感有點似一般黑色的涼粉和蛋菜糕之間的感覺，幾特別，值得一試，伴隨醬汁乾撈一起吃，在夏天吃都是一個不錯的選擇。小食選擇有八款。渝漁串串香（$78)(八折$62）這款小食很特別，用竹籤串起食物再放入載滿川辣醬汁的器皿內，有牛肚、大腸、牛栢葉、魷魚、蓮藕和西蘭花等，甚具街頭小食的特色。爽口豬耳（$48）（八折$38）薄切豬耳很爽口，大量的莞茜和川辣醬料，是一個不錯的開胃菜。Somersby Crush ($38)(八折$30）特別之處是飲品內有一支珍寶珠，可以一路食一路飲，解渴首選。

Walked by Causewaybay on a Friday, it is hard to look for places where you can sit and eat comfortably. As usual i went to Kimberly to look for some cheap resto, but then i realised there's a name I haven't seen before. This is 渝痴漁醉, a sichuan style shop famous for eating the grilled fish. Luckily, my family and I love spicy food so we can order the signature style of grilled fish. The fish tastes soft and smooth in texture and the signature soup is full of chilli, but it's not spicy to me. It a

好辣同事相約出動搵食, 無意中發現呢間新店做緊8折優惠, 梗係唔好蝕底嚟試一試啦. 我哋各人叫一個麵餐, 但人係貪心嘅, 見有8折就叫多個虎皮尖椒啦! 好彩無失望, 尖椒加咗豆豉同醬油炒, 十分夠火喉, 雖然唔算係辣, 但都十分惹味.麵餐可選一樣餸同配一杯飲品, 我哋個麵揀咗中辣, 麵中配有肉碎, 黃豆, 莞茜, 蔥香, 佢湯頭辣嘅程度比足料, 過足酸辣癮!! 正!! 口水雞翼爽口不太辣, 麻辣豬耳朵非常爽脆帶點麻香. 雖然餸菜唔夠辣，但配合中辣嘅米線又啱啱好喎！另外見隔離枱好多人叫飯餐, 見佢哋嘅口水雞份量十足, 又見有人食辣雞煲, 可惜食晏時間太趕, 唔可以試啦. 

🌶漁翁招牌豆花烤魚-清江魚 ($298) 店只推介我們的豆花烤魚，裡面有滑溜溜的豆腐，辣味香濃，因為師傅都是從四川來的，所以在食物味道控制上都非常出色。 魚質方面，選了清江魚，魚骨大條，不難挑刺，肉質非常嫩滑，非常推介！ 還另外點了幾款火鍋配料：寬粉木耳娃娃菜響鈴黃金組合：金針菇、萵筍、蓮藕、鮮豆皮 吸收麻辣味道一流！小龍炊口水雞 ($78) 口水雞用了小砵子盛住，份量夠多，滋味可口。渝漁串串香 ($78) 一串串的牛栢葉、豬大腸、魷魚、蓮藕、西蘭花等，是凍食的，很不錯的。渝北涼粉 ($42) 涼粉調上四川麻辣味道，涼粉冰涼美味，作涼菜一流！Somersby crush 黑加倫子味 ($38) Somersby配上黑加倫子味味道冰涼又解渴，解辣一流！店名：渝癡漁醉地址：銅鑼灣記利佐治街1號金百利廣場8樓R1號舖

據聞銅鑼開左間新餐廳，主打川菜，嗜辣的我們，決定去試一試。午市設有午餐，一碟炒菜加白飯和餐飲，超值抵食。水煮魚必點的菜式，去骨後的魚肉超爽滑，內裡還有一些粉皮，可以當湯麵食。香煎回鍋肉新鮮即炒，非常有鑊氣。回鍋肉選用腩肉，肥瘦分佈均勻，很有肉味。小龍坎口水雞雞肉超厚身，口感嫩滑。經特製的醬汁調味，辣得很滋味。陳麻炒手用豬肉餡料製成的雲吞，咬落有淡淡豬肉味，食多幾件嘴唇也開始發麻了。酒饟小丸子九子很煙靭，帶小小酒香，很有特式的甜品。凍奶茶吃完辛辣的食物，最好有杯凍飲，有助解辣。新開業優惠，全單8折，好抵食

同朋友特登為左食辣而黎左依度食lunch, 完全不負所望地個麻辣真係好正👍🏻其實午餐都幾抵👍🏻每個餐都有個麵類選擇，再配一個小菜，同埋有飲品送，都係$55👍🏻佢新開張，所以仲有全單8折❤️我地兩個都叫左知麻辣小麵，再各自配左豬耳同口水雞😋豬耳好爽好夠辣，個雞就比較少肉食，但辣味就不容置疑啦😌至於麵既質感就好淋身，湯底偏鹹😂但$55既lunch黎講我覺得已經唔錯👍🏻

我同朋友們都係嗜辣之人，琴日lunch就黎左金百利廣場搵野食，事前都睇過8樓呢間渝痴漁醉嘅餐牌，見到價錢唔貴，又有午市套餐，選定呢度。金百利一到午飯時間超級多人，喺樓下排隊等lift都分分鐘要幾個字，我地都要去到貨lift嗰邊先上到。落樓嘅時候亦都等左好耐，哈哈，如果番工人士，認真講，記得預少少時間等電梯呢。大熱天時都無阻我地食辣野之心，當然店內冷氣好足。餐廳環境都幾大，座位挺多，空間感足，一入內，已經有眼利店員馬上招待。客人大部分都係附近番工嘅人，隔離枱仲食烤魚，午餐食烤魚好有霸氣。午市套餐選擇豐富，有飯、粉麵，定價 $55-$76，包冷熱飲品/汽水，喺區內大概已經係合理價位。另外有多款小炒、小食，當然單點會比起套餐價格高點，畢竟小食先係毛利較高嘅項目。當然唔少得有烤魚同其他麻辣鍋，例如蝦蟹、雞煲等，輔菜價錢唔貴，搵日捉多幾個同事過黎試下。香乾回鍋肉 $68我地幾個決定點套餐加小食share，可以試多啲款式。回鍋肉炒得夠乾身，辣度適中，唔會太油膩，送飯一流。份量正常，連蔥都炒得好入味小龍坎口水雞 $65食辣點點少得叫雞，口水雞肉多骨少，雖然唔算好嫩滑，但啖啖肉唔乾鞋，辣度十足。面頭有

早前就聽朋友介紹銅鑼灣開了家有雞煲又有烤魚吃的，叫渝痴魚醉。適逢周末，約朋友試試。進門後很快安排入座，員工的態度亦相當親切，坐下不久就為我們送上小食。小食很有特色，花生米外裹一層鬆脆的外殼，口感两重。餐牌上果然提供烤魚和雞煲任君選擇，我們選了店內推介的渝翁招牌豆花烤魚跟鯇魚，特別叫了小辣。首先要讚的是烤爐相當夠熱，大概是魚熟了，湯滾了才上菜，總之，放上桌子那會就能開吃了。另外一點是是辣味調得恰度好處，湯味很濃，配上肥美的鯇魚很和味。其他另加的配料份量很足，午餐肉厚切值得一讚！餐牌上的飲料大部是是酒類，我們抱著嘗鮮的心態選了名字和店名一樣的渝痴如醉。賣相很美，酒味不太濃，帶少許檸檬味，樽底有藍色軟糖，中推。整體來說從服務到味道都很不錯，價錢合理，新開期間全單八折則是額外驚喜。

今日約咗幾個舊同事見面聚舊，去咗呢間渝痴漁醉食飯，貪佢有烤魚加火鍋，可以慢慢食，唔會傾到一半要轉場！呢到除咗有雞煲或烤魚加打邊爐，仲有好多小菜揀，不過我哋一早決定咗要食烤魚就唔轉啦！ 免費送的小食烤魚我哋揀咗鯇魚，味道揀咗招牌豆花，要少辣！魚肉好滑，好好味！打邊爐每碟份量都足夠，唔洗驚唔夠食！我哋叫咗一渣渝痴漁醉，賣相好靚，酒味好濃，喜歡飲酒嘅人一定要試呢到環境一流，食物質素又唔錯，價錢唔貴，每人$150有找，係傾計聚會嘅首選，有機會一定再黎。