渝味曉宇重慶老火鍋 (渣甸中心) (已結業)

好耐無食過麻辣火鍋喇😝😝😝因爲朋友上次食過依間麻辣火鍋話好正,所以就黎左試😝去到先知原來而家到31/10 1200-1700黎鍋底都免費😍好抵啊!一坐低侍應就俾咗碗紅棗雪耳糖水我地,係食火鍋之前滋補一下🥰我地叫左鴛鴦鍋,揀咗蕃茄湯底同普通辣湯,一見到湯底都覺得辣啊好正😋😋一路食條舌都覺得好麻,雖然係真係有d辣但係食落去好開胃好衝擊味蕾👻美國安格斯優質肥牛($鴨血119半份)每樣野都可以揀半份或者全份,因為我地得兩個人所以淨係叫咗半份😝肥牛雪花分布平均食落去牛味好重,而且好貼心既係餐單上列明左建議嘅烹調時間,所以食落去岩岩好唔會熟得滯😛鴨血($42)鮮鵝腸($52)嫩牛肉($42)手打香菜牛肉滑($42)芝士丸($32)午餐肉($22)牛筋丸($32)鳥冬($22)炸芋頭($19)重慶炸酥肉($32)鴨血好正啊🥰口感嫩滑,放落去麻辣湯度食吸收晒啲精華好入味😋另外炸芋頭我通常都會放耐d等佢煮到軟綿,放落口到入口即溶好治癒❤️紅糖糍粑($36)依個好推薦啊❤️❤️糍粑外脆內軟,食落佢好煙韌,一路食再點上濃稠既紅糖醬好正💕自製洛神花茶($18)飲落去甜甜酸酸好解渴😋而且唔係太食得辣既朋友可以叫下黎解

星期六返工其實真係幾慘, 收工我地幾位同事坐叮叮黎到銅鑼灣食個辣辣火鍋出下火.一打開LIFT門就超勁既辣椒味傳入我地的鼻, 坐低靚女就比左碗紅棗冰糖雪耳糖水比我地, 暖暖地, 超正!佢地有部電視係前面播舌尖上的中國可以睇到佢地老闆既英姿.我地有位女同事怕辣怕到不得了, 所以我地叫左個大骨湯佢自己一個人慢慢玩.靚女聽到佢唔食辣, 即刻執多套餐具比佢, 抵讚!其實呢個鍋真係唔係講笑, 好鬼多辣椒, 自問成日食辣都有擔心頂唔頂得順.呢度既食材可能真係十分之靚, 價錢唔平架我地叫左肥牛 黑豚呢D常見野, 聽朋友講肥蠔係必叫, 又叫左.我最中意就係麵線同埋嫩牛肉.肥牛就好多肥膏, 掉左去呢個勁多辣椒既鍋入面其實真係有少少浪費左, 呢個咁好既湯底, 可能掉凍肉鋪既肥牛都係差唔多. 掉去大骨鍋果邊先食到個肉汁.嫩牛肉就唔知點解, 我地幾個都覺得真係好滑, 搶住黎食.個個都介紹既毛肚就唔洗講, 真係好爽.麵線呢, 我睇MENU以為係普通麵, 但黎到係白雪雪既, 好有咬口, 絕對比烏冬好食, 不過時間有限, 我地食完就急急腳走左, 下次希望可以食到更多!!!

初秋時候，真係充滿渴求想吃火鍋，已試灣仔同埋西環 的渝味曉宇重慶老火鍋😋😋最喜歡呢個系列嘅火鍋店，座位非常舒適， 裝修精緻， 座位闊落。 今次嚟到銅鑼灣地點非常方便 ， 出咗地鐵站行幾分鐘就到喇 。我們選擇了一個窗邊位置 ， 慢慢享受😊😊。食咗幾次始終都係，呢個湯底配搭最得我哋歡心😍😍🍅🍅蕃茄鴛鴦鍋+ 普通辣湯底🌶重慶酥炸肉😎 半份千絲柏葉🐂 半份紐西蘭精品羊肉捲🐏 半份黑豚腩肉🐖 半份特色迷你燕餃 半份藕片 半份竹笙 半份蒿筍 半份新鮮雲耳 半份黃金菇🍄 半份曉宇苕粉 半份甜粟米🌽🌽油麥菜皇帝菜這裏的火鍋 配料都非常新鮮， 而且蔬菜清洗得很乾淨。 其中我最鍾意嘅就係特色燕餃😍煙煙靭靭😍😍😍 放喺麻辣湯底嗰邊 就最好食😋😋。另外就係 紐西蘭羊肉片， 肥瘦均勻， 輕輕一灼就可以食得。 值得一讚既係，份量比起西環分店多😚😚粟米🌽🌽香甜又冇渣， 而且都係畀粟米中間嘅部分， 冇頭頭尾尾😁😁 呢個真係正。煮大約5至10分鐘就要拎上嚟， 咁就可以保留粟米嘅鮮甜味啦😋竹笙亦都係必點嘅😉😉， 竹笙非常爽口， 放喺麻辣湯底嗰一邊 ，可以吸收曬湯底嘅精華，超正🔥🔥火鍋配料之外， 怎能缺少特色小食&糖水😋😋

一間喜歡食辣嘅人士不容錯過的火煱店係內地已經好多分店，之前喺深圳食過，俾佢嘅獨特的辣味吸引住着，令到成個火鍋都好香，會令到你食唔停，今日終於嚟咗香港，咁當然要試吓啦火鍋湯底有好多選擇，當然唔少得要食佢哋三個辣嘅辣湯底，嚟到嘅配菜都好新鮮，而且店員知你食唔到咁辣會比杯冰水你，十分窩心，最令我驚喜嘅係，個裝修好高級同內地店一模一樣，感覺令到好似去咗佢原本嘅鋪頭咁總結，火鍋嘅味道同內地一模一樣，而且嚟到香港啲素材都好新鮮，仲可以半分半份咁叫，啱晒嗰啲樣樣食少少，試多啲選擇嘅人

銅鑼灣打邊爐呀Lee 間出名多分店又好食4個朋友一齊！食個early dinner!5點前埋單重可以免費湯底！照顧又食辣既辣星人同清淡朋友！就緊係叫鴛鴦鍋《大骨滋潤+重慶辣湯》一黎就食個暖胃糖水先嘩！真係好好！食材可以叫半份半份食材又新鮮！價錢合理叫左蝦滑、滑牛肉、鴨血、凍豆腐、燕餃、手工粗面線都係索曬d 辣湯🤤🤤🤤！桂花硼瑚蚌雙拼😍爽口彈牙重有現炸豆皮！真係熱辣辣！當響鈴咁食🤤🤤🤤重叫左幾罐汽水🥤😊甜品叫左 南瓜餅入面有紅豆泥🤪外面好似月餅咁口感飽飽既一餐呀

天氣開始涼涼地，最啱就係打邊爐！今日就去咗食麻辣火鍋。呢間火鍋店都幾近地鐵站，行咗5分鐘就到。麻辣火鍋可以揀辣度，仲可以揀鴛鴦鍋或者九宮格火鍋。雖然後者好啱打卡，但係為咗穩陣起見我哋都係叫咗個鴛鴦鍋，驚會太辣食唔到。今次叫咗小辣，完全可以接受到。另外山珍野菌湯好鮮甜同埋好足料。佢啲醬料都好正！佢個麻油簡直一流！美國安格斯肥牛望落去已經覺得佢好高質，肥瘦適中，超腍同埋好有肉味黑豚腩肉同樣都係好好食，肉質好嫩，完全冇騷味，配埋野菌湯食更加鮮甜。麻辣牛肉每一塊牛肉都佈滿着辣椒粉，再擺落麻辣湯度簡直係雙重享受！鍾意食辣嘅人一定要叫！就算淥耐咗牛肉都係一樣咁嫩滑。鴨血食麻辣火鍋一定唔少得嘅就係鴨血！鴨血吸晒啲麻辣燙真係好過癮！稻田毛肚毛肚大大塊，配埋麻辣湯食就更加正！好鍾意佢個口感！蝦滑呢個應該係自己手打蝦滑，口感彈牙，面頭仲有唔少蟹籽，好有誠意！兩個人食到超級飽最後埋單五百幾蚊😊

上星期同朋友食飯，被推介去試一間響銅鑼灣嘅重慶火鍋。雖然擔心自己嗰少少食辣程度係咪應付到，但朋友不停推介，咁就信佢一次去試下！坐低環境唔錯，點菜前侍應俾左我地每人一碗雪耳糖水，吃麻辣火鍋前先一嘗甜頭同時潤一潤。由於擔心我未必食到咁辣，我地點左個鴛鴦鍋，分別是重慶湯底以及蕃茄湯底。試左一啖重慶湯底堅辣得好刺激！但唔辣嘅蕃茄湯底都相當清甜美味。最令人意外嘅係食材都相當新鮮而且高質素，特別係美國安格斯優質肥牛，肉味濃郁，重慶火鍋有咁高質食材真係估唔到！吸收埋少少麻辣湯底，真係令人一食難忘！朋友推介稻田毛肚，話食重慶火鍋冇可能冇佢。放入麻辣鍋一兩分鐘拎出黎放入口，爽口又刺激！雖然自己平時唔多食辣，但尼間絕對會再去幫襯！

上星期心血來潮，同位愛辣朋友，一齊揀左間重慶麻辣鍋去試。環境唔錯，不過而且食物質素超出預期，另外最重要係愛辣嘅朋友都覺得「尼間夠辣喎」！其實鍾意食辣嘅人，好多時響香港食麻辣火鍋最擔心唔係太辣反而係唔夠辣！我哋見到個火鍋一放低就聞到陣陣辣味，已經忍唔住一人一啖湯直接試下個湯底，然後一致認為「正呀，夠晒辣」稻田毛肚食正宗重慶火鍋，毛肚為必點之選。放響冰鎮大盤上，放到重慶湯底中輕輕炙上兩分鐘，毛肚吸收左辣湯之餘保持爽口，實在係刺激同口感嘅完美結合。蓮藕片、萵筍同樣為愛辣之人必點之選。無他，同樣可以做到吸辣同時爽口，配合辣度十足嘅湯底，幾位想辣之人唔駛一陣就搶住清晒。安格斯優質肥牛當然我地都仲點左好多餐牌推介，好值得一提係安格斯肥牛，以重慶火鍋做主題嘅餐廳，牛肉味十足咁高質素嘅肥牛真係少見！一食難忘！辣味、食材質素並存嘅重慶火鍋的確少見，寫完篇食評已經想再去食多次！

食過尖沙咀分店覺得佢既麻辣幾好食又夠辣，今次去開銅鑼灣就試下個辣有冇唔同 🤭竹苼吸哂啲麻辣湯，夠過癮😌萵筍片得好薄同時又好吸湯，放落蕃茄湯都唔差，鮮甜夠哂清新。原來海白菜係咁既樣，類似海帶，十分重咸鮮，幾得意🤣🤣脆皖魚腩，厚薄岩岩好，有魚香，好新鮮👍🏻👍🏻美國安格斯優質肥牛，重牛味，雪花分佈幾平均👍🏻👍🏻呢個洛神花茶原來係自家製，晏就去仲係岩岩煲起未夠時間雪凍。冇特別加糖，開胃又解辣😋😋整體食物新鮮，員工都好勤快，可以再返轉頭😋

我自問係一個極度鍾意食辣但唔食得辣既人，經過多年黎食譚仔既磨練，一於要挑戰一下麻辣火鍋既程度。係香港正正打響旗號食麻辣火鍋既鋪頭多不勝數，而大多數既"辣"都係同重慶有掛釣。今次就趁住Lunch time去左公司附近既一間真真正正既重慶火鍋「渝味曉宇」，呢個品牌曾經係人氣電視節目「舌尖上的中國」亮過相。而近年係香港，積極發展事業，呢間銅鑼灣分店正正有種型格、古色古香既設計特色，佔地寬敞，每個卡位坐得非常舒服，岩哂一大班朋友呀！👇📌鴛鴦鍋 - (午市優惠免費)▪ 紅棗雪耳糖水▪ 大骨滋補湯▪ 重慶辣湯▫ 係湯底黎之前，Staff比左兩碗「紅棗雪耳糖水」比我地，可能呢個係重慶小店既傳統特色啦！我諗應該係利用清甜既冰糖可以先暖下個胃，當再食麻辣時侯，可以減低對腸胃既刺激。至於湯底方面，餐廳用左重慶最辣既「朝天紅」辣椒做為基礎，再配合茂汶大紅袍、金陽青花椒煉成終極麻辣既境界。另外以牛油同埋十幾種香料炒埋，唔怪得成個湯底紅過關公塊面啦！等佢大滾之後辣椒味出哂黎，又香又濃，真係相當過癮📌美國安格斯優質肥牛 - $216(全份)👉肥牛相當高質，全份份量相當多，油花同脂肪比例好均勻，輕輕係湯裡面拖一拖水

四川麻辣火鍋不嬲都係都市人既至愛。今次就嚟咗銅鑼灣嘅渝味曉宇重慶路火鍋店。一坐底店員就上左碗紅棗雪耳糖水俾的地暖胃，好清甜☺️☺️☺️食麻辣火鍋就梗要係食重慶辣湯底啦，我地點左重慶辣火鍋同大骨滋補鍋，湯底一到就聞到好看濃既麻辣味，即刻流哂口水🤤🤤🤤配料選擇非常多，我地總共點左曉諭嫩牛肉，黑豚腩肉，桂花珊瑚蚌雙拼，特色迷你燕餃，鮮蝦雲吞，血旺，手打墨魚滑，冰豆腐等，配料可以揀全份或者半份。手打墨魚滑超彈牙，係我咁多款入面最鍾意既，桂花珊瑚蚌雙拼都好好味，好爽口。另外燕餃都好有驚喜，雖然細細粒但係粒粒都好足料。最後仲有點份南瓜餅甜品，熱辣辣，入面有少少紅豆餡好香口。4個人食到飽哂每人都唔洗300蚊，都幾抵食👍🏻👍🏻👍🏻

原來渝味曉宇喺香港已經第四間分店，雖然銅鑼灣競爭非常大, 但係仍然屹立不倒, 真係有佢既實力。 最勁連"舌尖上的中國“都搵佢地訪問。首先要試既一定係佢既湯底, 佢地選用辣椒都好有要求, 係來自曉宇自家種植場既辣椒 - 最辣嘅重慶「朝天紅」, 再混合埋茂汶大紅袍、金陽青花椒等等重慶老火鍋正宗香料, 食落的確係夠哂麻辣，夠哂刺激，好難得食完火鍋都唔會覺口渴! 另外我哋拼咗大骨滋補鍋, 味道竟然拍得住拉麵嘅豬骨湯！唔經唔覺仲飲咗幾碗！至於火鍋配料上, 我哋主要叫左曉宇既十大推介, 包括有冰鎮稻田毛肚、重慶耗兒魚、鮮鵝腸、重慶炸酥肉、曉宇苕粉、鴨血、同埋安格斯肥牛等等，好可惜食唔到賣晒既鮮黃喉。 配料上係食得出有分別, 包括鮮鵝腸真係比出面既彈牙爽口；耗兒魚亦都好特別, 完全唔似鯇魚, 而口感係幾彈牙之外連骨都可以食埋；鍾意食內臟既朋友, 加咗鵪鶉蛋既大刀牛肝亦值得一試；毛肚同炸酥肉都唔錯。當然鴨血就唔夠台灣既好，不過都好好食。另外有驚喜嘅就係炸豆皮, 好少地方可以食到即炸豆皮。整體上今次亦都好滿足， 配料上的確係有驚喜！--●驚喜菜式: 大骨滋補鍋 重慶耗兒魚 大刀牛肝 鮮鵝腸

其實好少出街打邊爐，今日黎食重慶火鍋對唔食辣的我們係一個好大挑戰。 午市湯底免費，又可以食多d!鴛鴦火銅有一邊係default 係辣， 一邊可以揀湯底。湯底黎到真係驚左一驚，正常原來都有咁多辣椒🌶️！足料！但係食落去辣度無想像中咁辣，加埋食物好正！ 如果真係驚，就熟左先擺落去就好d. 另一邊揀左大骨滋補湯，其實係濃豬骨湯加上其他料，好似有紅棗馬褅等等，白雪雪好似好好味😋牛肉-雪花分佈平均，好靚，牛肉味好重，食落唔會太肥！墨魚滑 - 好彈牙！一定要食！3 色丸-應該有牛肉、蝦丸凍豆腐- 吸哂湯真係好正， 由其是辣湯，真係好辣飲番杯羅漢果茶，清熱氣！ 另外每人有一碗雪耳紅棗，凍凍地，少少甜，可以有解辣作用。

一時慶起，想食下辣邊爐，所以黎到呢間叫渝味曉宇既重慶火鍋，食得都幾正宗下。連鎖裝修 乾淨企理店入面可以話9成都係卡位黎，坐落好舒服，打邊爐座位好緊要，因為通常都話打好耐嫁嗎。另外，待應上菜時，會一次過上曬，放曬係枱等你慢慢食，最岩鐘意樣樣食少少既人。基本上收野速度好快，所以唔驚枱面無位正宗麻油蒜粒醋食法未講食材之前，講下個食法先，店員推介用大量麻油＋2匙蒜黎做醬料，試左呢個食法堅係掂不單可以減少辣度，又可以提升唔少惹味，不過卡路里都增加左唔少點野食既話，大家可以點半份既，所以2個人黎，都可以食多d唔同既野喇。海鮮方面，eg. 魚鰾，脆肉脘，本人就比較麻麻，不過大家都可以一試本人就推薦肉類/丸類，d肉幾新鮮鮮，同埋丸係手打，食落唔錯。

報告報告又比我搵到間抵食又好味嘅火鍋店啦.呢間位於銅鑼灣嘅重慶火鍋店對於中意辣辣辣嘅你同我，絕對係喜訊因為佢係重慶火鍋50強入面係攞第一架招牌就緊係九宮格麻辣大紅鍋啦怕食辣嘅你都吾洗驚可以好似我同肥🐽咁，揀鴛鴦鍋咁就FIT哂兩個人嘅口味啦.點解話佢抵食呢？因為佢個湯底每位只需$38炸次次食親火鍋店，湯底至少都百幾二百蚊$38一個湯底真係第一次見呢個時候，你又會問個湯底會吾會無料無味好CHEAP架？我可以答你，NO我地揀左大骨滋補鍋併重慶辣鍋滋補湯真係有舊大大嘅豬骨熬煮而成隨鍋仲有紅蘿蔔，粟米，紅棗同馬蹄味道清甜又帶濃郁豬骨味而重慶辣鍋就由勁多辣椒煮成中意食辣嘅一定覺得好過癮仲有一點不得不提依家做緊推廣一至日午市火鍋湯底仲要全免添.至於火鍋配料，選擇性係偏向精而不多大刀牛肝，牛心椗，鮮龍躉片，重慶耗兒魚等好多款式都好特別，吾係間間都有得食呢每份嘅份量吾多，可以留肚樣樣都食下.入口非常軟嫩的瘦肉，又無多餘嘅油脂牛肉濃郁，有嚼勁多.以長竹簽串起大蝦，方便剝殼大蝦好新鮮，食落爽口彈牙.分別係蝦丸，牛丸同墨魚丸如乒乓波咁大嘅三寶，打至起膠入口爽口彈牙，味道濃郁.兩個都係我至愛不過如果午餐肉再油炸