渝味曉宇重慶老火鍋 (渣甸中心) (已結業)

去銅鑼灣sogo 買完護膚品，個fd話想打邊爐。🤣 其實都未過lunch打邊爐咯，大多數都會選擇夜晚。搵到呢間 係因為見到佢寫 中午免費湯底。😂.一開始會有糖水送，打邊爐前潤一潤喉先～雪耳紅棗湯。.覺得呢間鋪好好嘅就係，全部嘢都可以order一份 或者 半份。咁就可以試多d唔同火鍋配料，同埋唔會嫌一份太多食唔曬。.我地兩個女仔，所以全部嘢都只係order咗半份。湯底揀咗 大骨滋補鴛鴦湯 & 普通辣大紅鍋。.見到menu好多配料 其他火鍋店都未必有嘅。譬如：桂花蚌、大刀牛肝、鮮魚膘、黃金菇、稻田牛肚、曉宇菬粉⋯.我最鍾意嘅係 桂花蚌同鮮魚膘，真係唔係個個火鍋店都食到。 而且係好好味😋.個fd好鍾意曉宇菬粉 熟透後變得好滑身 好似薯粉咁 但形狀唔同。.重慶炸酥肉亦好正，中間有種重慶特定嘅辣味。.最後係 衝上雲霄百香果雞尾酒🍹 認真唔可以睇小，d酒味都幾濃下。搭配百香果 酸酸甜甜幾好味。

去左食下午茶，一入到去，嘩😲😲超香呀，重慶辣味好勁，搞到我愈黎愈肚餓，而家做緊優惠，lunch 至5點就free 鍋底叫左鴛鴦鍋，大骨滋補鍋同普通辣鍋，落單後，即上左碗好似涼粉既野，醫下我個肚先美國安格斯優質肥牛，鮮鵝腸，白鱔，黃鱔，美國桶肥蠔，乾貢菜，冬菇，皇帝菜，重慶炸酥肉，曉宇苕粉肥牛好正，好淋，放辣鍋果邊，超正🤤🤤肥蠔👍👍👍👍真係要食，未見過甘大既蠔，就算煮左都唔會話變幾，啖啖肉，好正呀，一定要 encore乾貢菜，未食過又係餐廳推介，就試下啦，煮左一陣都硬硬地又爽，都幾得意，再煮到佢淋，又OK wo,唔同口感重慶炸酥肉，即食都得，唔算太油，又無肥肉，用辣油炸的，幾香口唔好覺得2個人食甘多，其實每樣都係叫半份，呢樣值得like,好少餐廳會有半份😍😍岩曬2個人

今日同屋企人一齊食飯，麻辣火鍋癮又起🔥就黎左銅鑼灣呢間主打重慶老火鍋餐廳。-我地點左鴛鴦鍋，一邊係普通辣大紅鍋，一邊係大骨滋補鍋，普通辣好惹味都幾辣，但係都ok！-美國安格斯優質肥牛 $216 (全份)油脂分佈好平均唔會太肥，又唔韌👍🏻-曉宇嫩牛肉 $42(半份)真係好滑好嫩😍唔洗咬都食到，100分-曉宇手打三寶丸 $96(全份)有蝦丸、墨魚丸、牛肉丸各2粒，啲丸真係新鮮肉打起☺️好鮮好彈牙-美國桶肥蠔 $136 (全份)隻蠔真係好大隻，好鮮甜一啲都唔腥，係會令人懷念既味道🤤

難得同食辣的朋友聚下，所以當然要挑戰麻辣火鍋啦！今次就挑戰呢間「渝味曉宇重慶老火鍋」！到店時店員先送上一碗清潤的糖水，貼心的比我地準備喉嚨去挑戰。不過就有D甜左少少湯底上場了，今次都係點鴛鴦鍋，唔辣個邊係用黎中和的，主打當然都係麻辣湯底，他們的湯底加左牛油，所以味道非常濃厚、愈食愈辣！食麻辣火鍋，牛肉當然不能少！除此之外~還有黑毛肚、鮮黃喉&鵝腸都係主打！鮮、甜、爽的！如果怕熝太耐壞了食物，「渝味」會教埋你熝幾耐~咁就唔怕啦！今次我地四個人去，他們安排一個較有私隱卡座位比我地！一邊食一邊暢所欲言吧！

最近開始跑季又到練跑時間，跑完當然要搵野食。一早就約定朋友去呢度食。book定9:00鐘準時到達。上到去都幾多人，要等10分鐘位，店員執完枱好快就入得去。入到去睇完menu就拿拿聲叫野食，不過太夜已經無晒洛神花茶我地叫左個鴛鴦鍋底，一邊麻辣一邊係菇湯底可以中和下。個湯底滾左一陣，野食好快就到，食物都係偏精緻新絴但比較細碟。牛柏葉係黑柏葉，按menu推介時間滾一滾，非常爽口一份三色丸就真係得三粒，係新鮮嘅但份量就...鮮竹苼份量不少唔錯另外值得推介係乾頁菜，滾幾分鐘或滾一段時間都可以，受左水後，食落好爽口，堅正另外鵝腸都唔該，未至於好大好肥果種，但都爽口有油脂，份量適中。麻辣牛肉一睇碟野就知好辣，食落更辣仲可以幫麻辣煲加辣，但牛肉係新鮮嫩滑其他仲有萵荀片，冰豆腐，滑牛同牛肉粒。個人覺得滑牛都好好，牛肉粒就可以pass了。渝味曉宇，整體環境裝修到食物質素都好好，服務不過不失。

與朋友在銅鑼灣做正經事 順便吃飯之前食過 但知道而家午市湯底免費便帶朋友試 舌尖上的中國推介名店環境舒服座位闊落 先送來銀耳糖水價錢偏貴 但可以叫小份量多叫幾種-湯底：山珍菌湯x普通辣湯 (午市免費)上次叫過菇湯好好味 今次直接翻兜菌湯菇味濃郁 有猴頭菇冬菇茶樹菇忍不住飲了兩碗 好正幾似媽媽的湯辣湯香辛料豐富 雖是普通辣也很辣一片紅噹噹 不能吃辣的人要配飲品-🥩美國安格斯優質肥牛 $216火鍋必嗌肥牛 質量幾好 但份量不多灼兩下食得 肉質軟嫩 油脂分佈均勻-🦆鮮鵝腸 $62上次嗌過鵝腸 很不錯 處理得很乾淨 非常爽口 也很吸味 與麻辣湯底好夾-🐟鰻魚 $46成本貴 所以份量很少 但味道是不錯-🦐手打蝦滑 $46蝦滑上加上蟹子 頗彈牙 口感也特別-🦐串鮮蝦 $52也是不多 但很新鮮 腳仔仲識郁嗰隻-🐐紐西蘭精品羊肉卷 $56相對失色 沒羊羶味 愛吃羊味會失望-🥬功夫萵筍片 $22 🥬娃娃菜 $18十零廿蚊有菜食 咁抵玩 一定要叫下功夫萵筍切得好薄 烚完爽脆 好味呀-🍹衝上雲霄百香果雞尾酒 $38酒比例蠻高的 酸酸甜甜 個人很喜歡-整體來講舒服 食物水準穩定但細份是菇控的話 為了這款湯底可

之前已經食過尖沙咀分店，銅鑼灣分店水準一樣咁高，強烈建議大家中午(12:00-17:00)去食，因為午市火鍋湯底免費優惠延長咗，原價$38/位，暫時做到11月尾咋，得尖沙咀同銅鑼灣分店先有呢個優惠，大家唔好錯過啦今次湯底我地叫咗大骨滋補鍋配普通辣大紅鍋，醬料、茶水另計($20/位)桂花蚌($66)鮮甜爽脆，超級彈牙紐西蘭精品羊肉卷($56)入口爽滑，肥而不膩曉宇手打三寶丸($49)包括蝦丸、墨魚丸同牛肉丸，叫半份每種丸得一粒，完全唔夠喉手打蝦滑($46)爽口彈牙，味道鮮甜無比黑豚腩肉($42)肉質鮮嫩又帶點爽口，肉味香濃田園菜籃($42)我每次都會叫，有成四種菜咁多，包括油麥菜、娃娃菜、皇帝菜同唐生菜，仲有少量金菇，好抵食鮮蝦雲吞($32)大大粒，皮薄餡多，用料實在鮮竹苼($32)口感爽脆，索晒辣湯汁好惹味曉宇茗粉($29)即係寬薯粉，個人比較鐘意食幼身薯粉萵荀條($18)入口爽脆，味道清甜，用嚟打邊爐都好好食㗎白蘿蔔($16)又係其中一樣我打邊爐必叫嘅素菜加多寶($18)打邊爐梗係要飲涼茶解下熱氣啦自製羅漢果茶($18)冰涼清甜，解辣一流*所有配料括號價錢均為半份價格

渝味曉宇重慶老火鍋-正宗重慶老火鍋門面以白色光燈箱的餐廳招牌，內裡水泥色的地板，灰色的梳化座位配上木桌子，餐廳開揚式的格局，感覺非常寬敞，一站在餐廳外已經聞到濃濃的重慶火鍋味。皮蛋香菜鍋、重慶辣大紅鍋海量多的辣椒、花椒、胡椒形成的鮮紅色湯底，香氣中已經充滿婆婆的麻辣香；太刺激的話還有清清的皮蛋香菜鍋。曉宇嫩牛肉、午餐肉嫩滑的牛肉，厚度剛剛好，有口感牛味又出；火鍋必備的火腿午餐肉。包心魚丸、牛筋丸有魚蛋的口感，包心丸的味道的包心魚丸；咬勁十足的牛筋丸。鮮蝦雲吞、手打墨魚滑薄薄的外皮加上混合著新鮮蝦粒的雲吞，爽口彈牙的手打墨魚滑。唐山菜、現炸豆皮新鮮的爽脆唐生菜，即叫即炸的脆皮豆皮，薄身版本的響鈴，浸在麻辣火鍋湯底，一浸一咬。重慶炸酥肉、紅糖糍粑脆炸混合著花椒粒的酥肉，外脆內軟的糍粑，煙煙韌韌，配上甜甜的紅糖漿。衝上雲霄百香果雞尾酒百香果果味濃郁、酸甜爽口、清熱解辣。

之前都有試過渝味既9 格辣到飛起， 今日雖然唔係好舒服但都好想打邊爐 仲要麻辣唯有叫個鴛鴦鍋中辣加皮蛋香菜鍋唔算好辣 麻婆初哥可以一試 味香而唔會太油好鍾意佢咩都有得半份兩個人打叫自己想食既都食得哂D 料好新鮮 以下幾樣配料是推介的鴨血-新鮮，厚薄適中鹵大腸-鹵得入味， 無「蘇」味 桂花蚌- 半份都有8-9 件 好爽口嫩牛肉- 好軟 有牛味 厚薄均勻， 香港比較難食到好的嫩牛， 性價比高苕粉- 超級正宗 好好好好味 最推介佢最窩心既係餐牌上寫哂煮幾耐 等你唔駛心思思

前幾日心血來潮想打邊爐，屋企人就建議去銅鑼灣分店既渝味曉宇食邪惡既麻辣火鍋！今次湯底揀左皮蛋芫茜+麻辣鍋，第一次試呢到皮蛋芫茜鍋，味道清清地，好多皮蛋！而麻辣鍋唔算好辣，但就幾麻，非常過癮！食麻辣火鍋點可以無牛肉？我地就點左安格斯牛肉，雪花好靚，而且好有牛味！我地仲叫左好多招牌火鍋配料，包括牛心椗、乾貢菜、鮮鵝腸、韭菜豬肉餃同魚標等～個人就第一次試乾貢菜，覺得口感好特別，用黎打邊爐都唔錯！好彩店員一早送左碗冰糖雪耳糖水，當太辣果時可以飲一啖救救火

原來渝味曉宇係銅鑼灣都有一間~~係開左咁耐都係第一次黎食!!!~ 不過開頭冇咩期待咁黎haha我覺得佢既湯底有加入牛油及花椒、辣椒已經好重慶麻辣既味道!但估唔倒豆瓣和大蒜，可以幾肯定佢熬出既重慶火鍋都好正宗。我覺得佢既湯底有加入牛油及花椒、辣椒已經好重慶麻辣既味道!另外我仲見倒豆瓣和大蒜，可以幾肯定佢熬出既重慶火鍋都好正宗。至於醬料,佢地提供香蒜和麻油,是重慶火鍋解辣既必要調味,所以未食之前都幾appreciative.食物方面, 佢既冰鎮稻田毛肚和鮮黃喉也有質素, 爽口和新鮮!而且毛肚是黑色的, 和用冰鎮處理，保持毛肚的爽脆口感,果然係原汁原味。鮮鵝腸就唔算好肥和有油香,若淥得唔太耐都幾好食。我仲試左現炸豆皮和現炸酥肉,我個人覺得佢既炸野做得唔錯,唔單上香口,而且配上麻辣火鍋既味道都好夾。另外, 曉宇嫩牛肉,豬肉 紅糖糍粑同埋一D丸類,味道唔算好突出,只係新鮮而已。但選用既料唔覺得有特別挑選過﹏

今日放假，同女朋友出街，有一間正宗重慶麻辣火鍋我一直想試好耐，咁岩見佢有午市火鍋鍋底免費，佢今日終於應承同我去食haha，佢有好幾間分店，今次出左銅鑼灣去食佢火鍋湯底有好多選擇，我本來最想試佢個九宮格，但女朋友食唔到辣，所以唯有叫個鴛鴦鍋。係火鍋黎之前佢仲附送左雪耳紅棗糖水，係食辣之前滋潤一下先！鍋底無論揀咩都係$38/位，價錢合理，不過今次午市唔洗錢tim！火鍋望落就好吸引，麻辣火鍋香氣撲鼻，聞落已經夠麻夠辣！另外大骨滋補都好濃郁，個鍋都好好而呢度好好嘅係，所有餸都可以揀一份或者半份，咁我哋兩個人嚟食，食一份有太多，食唔到其他野，有半份揀真係好好，而且每樣餸都有建議淥大概幾耐係最好食，非常貼心我哋叫咗安格斯優質肥牛半份，肉質嫩滑，雪花紋理均勻，淥10秒左右已經好好食羊肉都係淥一淥就食得，羶羶地幾好味黑栢葉都係必叫，用冰鎮住，落火鍋淥一淥，爽口彈牙粟米好甜，但可以大舊d就好~最後叫左個稻庭烏冬，落麻辣個邊，入哂d味，隻落個種感覺難以形容總體黎講，唔食得辣既叫普通個隻就好，因為佢會愈滾愈辣愈麻，去到後面我都開始頂唔住哈哈，不過鐘意食辣就一定要試試！

天氣開始轉涼，最岩就係火！鍋！🍲😋😋😋今日去左銅鑼灣shopping🙈，某商場特賣日🕺🏿🕺🏿。行完街就當然要打番個靚火鍋🍲爽一爽佢！我地最後去左呢間如渝味曉宇🤗9點去到入面坐滿晒人，好好彩等左十幾分鐘就有人賣單，仲要係卡位！🕺🏿🕺🏿🕺🏿湯底叫左雙拼鴛鴦鍋（番茄湯x重慶辣大紅鍋）之後就點左凍豆腐、萵筍條、曉宇手打三寶丸、稻庭烏冬、淮山條、炸芋頭、鴨血、鮮竹笙、安格斯優質肥牛、曉宇嫩牛肉、牛心椗、皇帝菜同埋特色迷你燕餃！仲叫左杯d玻璃貼哂海報介紹既衝上雲霄百香果雞尾酒💁🏿‍♂!話係解辣首選呀！佢地既蔬果同肉類都好新鮮！兩個人食點半份岩岩好，除非好鐘意食就可以叫一份！真係好中意呢個重慶辣，食牛肉必揀辣湯！再食埋個鴨血無得頂🥰推薦特色迷你燕餃，半份已經好多粒（十幾粒以上），粒粒都好精緻！煮3分鐘就食得，皮薄餡嫩！😋😋因為黃喉無晒，店員推薦牛心椗，食落口感都係好爽脆，呢個煮既時間耐小小，要三分鐘！至於衝上雲霄百香果雞尾酒嘅百香果果味夠濃，酸酸甜甜非常解辣！

上個月同男朋友去左食呢間重慶過江龍既渝味曉宇，一食就上左癮，今日係銅鑼灣拍拖，見到呢邊都有分店，就再回味一次。今次一入到去就有糖水食嚕，可能上次太夜送哂。係一碗好滋潤既雪耳糖水，因為接下來要食好濃味既野，所以先食左呢碗咁清潤既糖水感覺真係唔錯呢！上次黎食完之後，一試愛上呢度既醬碟。香油加上大量蔥蒜，再加小預豬同豉油，同個牛油麻辣鍋既味道係超級夾。之後就到揀湯底啦！上次我地叫左麻辣鴛鴦，配左蕃茄，今次我地唔辣個邊揀左大骨湯。大骨湯入面真係有一舊好大既豬骨，再加上有羅白同粟米，好清甜。然後我地糾結左好耐今日試唔試下重慶大辣，不過諗諗下都係下次先，未有勇氣，哈哈。上次試過好幾種配料都好ok，今次我地就無叫到任何肉，而再叫番上次個個好高質既三寶丸。三寶丸分別係墨魚，牛肉同埋蝦。好多地方既手打丸係好粉，就算真係手打都食唔出食材既味。但係呢度既三寶丸真係真係好足料，尤其是個墨魚丸，真係世界級正。同上次一樣叫左鮮淮山，佢送落麻辣湯底度煮一陣就會吸哂味，好正。另外呢度既粟米係有信心保證，上次同今次都係好甜。其他配料我地全部都係半份半份咁叫，咁就可以食多幾樣野。田園菜籃幾抵叫，我地兩個人最後都食唔哂個盤

又去銅鑼灣商廈搵食～銅鑼灣多咗好多望落似商廈但好多層都係餐廳嘅地方（所以我都唔知係咪商廈......）呢間主打麻辣火鍋嘅餐廳舖面都幾大，但下就嘅客人唔多，所以佢哋只係開放咗一半。個人覺得下午打邊爐都無咩野，仲有免湯底優惠！一坐低就有兩碗雪耳糖水，清清個口，潤下個喉嚨，準備迎接辣辣鍋～我哋叫咗個鴛鴦鍋，見唔見到紅嗰邊......不過真係好香嘅～對比之下個豬骨鍋就真係好好好普通，煮下菜都ok嘅（菜落另一邊真係頂唔順......）呢到有好多平時打邊爐好少見嘅配料，好似豬腦、豬喉、淮山......好欣賞呢到嘅配料有半份選擇，岩岩胃食想試多幾款嘅朋友！而且menu有寫每一樣配料要煮幾耐，都幾細心呀！呢個係食麻辣火鍋店好常有嘅炸酥肉，即食嘅～等緊煮野嘅時候食就最岩！佢嘅肉細細舊，好嫩好入味，炸得酥脆，真係唔錯（我食咗半份忍唔住叫多半份）。好似響鈴咁放入麻辣鍋到幾秒仲正呀！最後黎個麻辣鍋店常有嘅甜品紅糖糍粑！呢個甜品嘅甜味有種解辣嘅奇異功效，而且食落煙煙韌韌，不過糯米做嘅始終有少少飽肚感，記得要留肚一試呀！