渝味曉宇重慶老火鍋 (渣甸中心) (已結業)

鍾意食辣嘅朋友真係唔可以錯過呢間已經係香港開咗幾間分店嘅麻辣火鍋，佢有一段好悠長的歷史，當地人家好鍾意食辣，最後將呢款嘅麻辣火鍋傳到黎香港。同朋友一行四人都想感受下打邊爐嘅樂趣，又想試得多野，所以每樣配料只叫半份，包括鴨血、黑豚腩肉、曉宇手打三寶丸、洞庭烏冬、鮮蝦雲吞、千絲柏業、香滷豬大腸、白蘿蔔、油麥菜、鰻魚、蟹柳、萵筍、鮮腐竹、土豆片、淮山條同皇帝菜，呢度樣樣餸我都覺得佢整得非常有心思。我最鍾意佢嘅鮮腐竹，非常之滑！用豆磨成，放入去湯底裏面滾，吸收左麻辣湯底嘅精華。仲有口麻麻嘅感覺，真令人振奮！還有淮山條，堆成一座山，好似9宮格，好得意。留意番呢度每人要收取醬料費用$20 㗎！

接二連三嘅寒流襲港，搞到我真係好想係咁瘋狂打邊爐啊。知道渝味曉宇火鍋一直喺香港這陣子都好受歡迎，同朋友約左好耐終於食到，聽講佢哋個麻辣鍋係超級辣所以都想挑戰一下。我哋叫咗個皮蛋香菜鴛鴦鍋，再配埋我嘅重慶麻辣火鍋湯底，一邊濃一邊淡，味道隨時可以調節下。個Menu上面好多唔同嘅嘢食包羅萬有，一定要點嘅當然係美國安格斯優質肥牛，佢嘅份量可以自由揀半分定一份，肥牛薄薄的一塊塊，脂肪比例均勻，另外我哋都有叫到美國優質肥牛粒，數量都幾多，半份都有20粒左右。食落去嘅時候牛嘅油香四溢，自己一個人消化晒一碟都冇問題啦。唔經唔覺同朋友不斷咁叫不同嘅配料一路烚下烚下好開心。最後當然要叫甜品食，佢嘅糍粑同埋冰粉最後先上，真係非一般嘅滋味，糍粑熱辣辣，有啲似點左黑糖嘅上海年糕，另外冰粉加咗南瓜只同埋冰糖食落去涼透心，一解口中嘅濃味同埋辣味。

係呢啲又凍又乾嘅天氣，一定要食啲嘢滋補滋潤下，朋友建議嚟呢度食火鍋，原因除左餐廳出名嘅重慶麻辣湯底，最重要係有滋補排骨湯底可供選擇及滋潤紅棗雪耳糖水送。餐廳環境精緻，設計走木系簡約路線，一坐低，服務員即奉上精緻紅棗雪耳糖水，餐廳內，播放着輕快音樂，跟朋友邊打邊爐、邊聊天，非常舒適。同朋友點了大骨滋補鴛鴦鍋，大骨湯底很滋味，湯料有紅蘿蔔、粟米、大豬骨等，味道鮮甜，招牌嘅重慶麻辣湯底，味道香辣刺激。食得重慶火鍋，點少得毛肚同苕粉，冰鎮曉宇毛肚爽口煙韌，曉宇苕粉滑嘟嘟，兩款食物複合著麻辣味道，辣味瞬間竄入鼻腔，非常刺激。另外，白鱔、桶蠔、鮮腐竹、乾貢菜等都值得推介，白鱔新鮮爽口彈牙，桶蠔肥美鮮甜，鮮腐竹滑不乾身，乾貢菜食落索索聲，好趣緻。近排天氣凍，若有機會，下次同朋友聚會都會建議再嚟食。

🔥火辣辣🌶的九宮格🥘全鍋佈滿紅花椒🌶但唔好比d 辣椒嚇親🌶店鋪已經細心調教到適合我地香港人可能食到的口味💕唔會話一食就辣到條脷👅麻痺晒🧂醬料方面自由配搭，我想簡單d 只落左蒜蓉同鼓油💜📢最重要係而家午市係🥘湯底免費🆓好抵食🛎而且仲送上解辣糖水👑主菜進菜~當然唔少得火鍋必備的美國安格斯優質肥牛🐮🥓~好淋完全唔硬🥢美國桶蠔~極新鮮🥢功夫萵荀條~真係好考功夫，試過自己係家切切唔到🥢乾貢菜~屬萵荀類,好爽口🥢炸油條~吸左辣汁後但唔覺油條會辣👍🏻🥢黑豚肉🐷🥓滑嫩🥢冰豆腐同鮮腐竹完先吸收了湯底精華🌶🔥食材全部都好新鮮，最好就係可叫半份，岩晒情侶來撐台腳👫麻辣火鍋🔥🌶🥘真係會食上癮

今時今日嘅火鍋店無論係鍋底，裝修，服務同配料都有要求😂呢間「渝味曉宇」係我嘅火鍋LIST到排行前3位🤣.環境以木系為主嘅裝修，好有日本和風FEEL👍如果吾係門面有個火鍋排行榜仲以為自己入左間日式餐廳架😂以四人枱居多，所以就算係兩個人都可以坐架座位真係夠哂寬敞👍環境企理乾淨，食得放心～.服務一坐底，店員即刻送上糖水，同茗茶邊食糖水邊睇餐牌，正呀！.鍋底有九宮格麻辣大紅鍋但最後都係揀左鴛鴦鍋普通辣大紅鍋同大骨滋補鍋滋補湯有大大舊豬骨仲有紅蘿蔔，粟米，紅棗等配料豬骨味香濃又清甜👍大紅鍋有勁多辣椒😂一開始吾會好辣，但愈煮愈辣愈過癮😍.配料款式吾算好多，但貴在夠精夠新鮮👍.串鮮蝦蝦最緊要要新鮮！食落爽口彈牙又實肉所以我地嗌左全份😂.特色迷你燕餃相信呢個燕餃真係吾係到到都見到好似魚皮餃咁滑劣劣又煙韌半份嘅份量都好多啦😂.重慶炸酥肉即食又得，浸湯食又得肉條吾會好肥，脆卜卜好有口感👍👍.自制洛神花茶吾想食完上火，呢杯就最岩飲啦既天然又吾係好甜🙈.芋頭只取中間最靚嘅部分所以口感勁綿密又香濃腐竹豆香味十足，吸湯力一流👍.美國桶肥蠔肉質肥美，滑溜飽滿😋.稻田毛肚以冰鎮保持新鮮度毛肚薄而大，係鍋中涮10秒口感

天氣咁凍，最適合約埋三五知己去食麻辣火鍋喇。係朋友介紹之下，就黎左呢間「渝味曉宇」。因為同行嘅朋友都唔太食得辣嘅源故，我地就揀左蕃茄湯底同重慶麻辣湯底。出乎意料嘅係，原來依家做緊免鍋底費嘅優惠，星期一至日嘅午餐時段任揀湯底而唔洗俾錢，仲要去到年尾先完。除左抵食之外，佢地嘅質素都好好，蕃茄湯會有埋啲鮮茄係入面，湯底唔酸之餘仲有蕃茄嘅香味；重慶麻辣湯底呢間嘅火鍋用料都好多選擇，而我地就揀左以下嘅食材去食：肉類方面，我地點左嫩牛肉、肥牛 、豚肉、白鱔。嫩牛肉同肥牛都好嫩，配呢兩款湯都好入味；豚肉本身有少少脂肪係頂部，所以好有豚肉嘅味道；白鱔係十分之推薦，雖然會有少少碎骨，但係每一塊都好大舊，而且仲好鮮甜。內贜方面，我地又點左鴨血同埋鵝腸，通常內贜都好難處理得好，好容易會有異味。而呢間嘅鴨血同鵝腸就處理得好好，唔會有異味之餘仲會好爽口。疏菜方面，我地又點左土豆片、白蘿蔔、娃娃菜以及田園菜籃。呢度啲菜除咗好新鮮之外，仲要係抵食，特別係我地揀左田園菜籃係包含咗幾種嘅菜，一次過可以試曬唔同款式。其他嘅仲有曉字苕粉，呢個粉好特別，除左爽口之外，仲會吸收左好多湯汁係入面，令到成個粉充滿左好多味道係入面，

冬意將近, 打個邊爐暖吓身! 甩唔到辣辣鍋, 所以搵到呢度😋 可惜友伴唔辣得, 點個鴛鴦鍋, 驚喜就此來了! 一邊大辣的麻辣, 另一邊是山珍菌湯鍋。只是淨湯已好好喝, 清香濃郁, 好多菌食, 鮮味十足! 飲夠先捨得落料。全晚一邊清濃一邊辛辣, 好過癮! 要推介吓d 食物!! 首先兩位魚怪十分欣賞其龍躉片和重慶耗兒魚, 兩種魚各具特色! 龍躉魚質彈牙有咬口, 耗兒魚肉實正。桂花蚌爽口新鮮, 大大塊, 食得好爽! 湯底咁正, 必點竹苼同冰豆腐, 啖啖湯香同食物香! 還有三款必點推介: 包心魚丸超香又彈牙, 羊肉鮮香, 淮山新鮮清甜! 服務不錯, 地方也舒適, 想打邊爐又想食辣, 來, 不會失望!

上次和朋友吃過渝味曉宇重慶老火鍋，佢話食材新鮮，辣得好味，約定渣甸中心8樓，中午回頭再吃，原來星期一至五午市免收鍋底費，真超級抵。我們一坐下服務員遞上雪耳紅棗糖水，很清甜。我們點左曉字嫩牛肉，很嫩滑，有牛肉香味。鮮龍躉片，很新鮮，魚皮很膠口，魚肉鮮甜，很美味可口。包心魚丸，爽口彈牙。芝士丸，勁滿芝士，很香滑。黑豚腩肉，很香肉味。韭菜豬肉餃和鮮蝦雲吞，都不錯。鰻魚，很新鮮，可惜有小骨 。桂花蚌，很爽口，很新鮮超正。餐廳食材新鮮又美味，一定會再再回頭。

渝味曉宇重慶老火鍋@銅鑼灣，決定午餐食火鍋，因為湯底免費，感覺更抵食！雙拼鴛鴦鍋（原價$38/位）：山珍菌湯鍋+普通辣紅鍋，前者菇味濃，好香；後者普通辣度都好夠辣，因為湯底越煲越濃味，越辣越想食。食麻辣火鍋最好加添麻油、醋及蒜蓉，可以解辣又香。美國安格斯優質肥牛（$216/份）、曉宇苕粉（$29/半份）、藕片（$18/半份）牛肉幾秒已經食得，放落麻辣湯底更惹味。皇帝菜（$18/半份）、曉宇手打三寶丸（$49/半份）、鮮黃喉（$59/半份）黃喉非常爽脆，同麻辣鍋好夾！手打三寶丸好彈牙，但原來半份得三粒呢！稻田毛肚（$118/份）：毛肚10秒食得，索左麻辣湯後更好味。

同朋友放工收得夜，所以搵到渝味有宵夜入席食到半夜，之前已聽朋友講呢間火鍋的料好新鮮同埋湯底都正。一黎到叫完湯底就來一碗雪耳糖水，好似一個序幕，我去第二間都無咁好待遇。我地揀左個鮮菌 ＋麻辣鍋，黎到個樣好醒胃，中辣麻辣鍋，就一定要叫一個專食麻鍋既配料。我地主力叫爽口配料：黑栢葉、鵝腸（重點強調好新鮮）、竹笙、貢菜等等，反而牛肉就叫鮮牛，縱然宵夜時段，但都不會因夜已配料不鮮，這點值得一讚。墨魚滑好爽口同明顯有口感，即係話好多墨魚。YEAH

渝味曉宇去到門口先見到原來呢間火鍋店係內地係好多分店，但係食落去唔係太有化學元素，一去到坐低就有一碗紅棗雪耳糖水同玄米茶食都覺得好辣嘅時候碗糖水超有用，骨湯湯底足料，有豬骨蘿蔔粟米，而重慶麻辣湯底都真係幾辣同埋有少少過油食物方面可以叫一份同埋半份，兩個人要半份啱啱好，樣樣都幾好食新年😋最推介係龍躉片、牛肉粒、黑豚腩肉。。。手丸三寶丸都唔錯啲樣全部都彈牙新鮮你最好呢就係環境舒服安靜記得要跟佢嗰個調味料嘅配方加麻油、蒜蓉、豉油、葱不過個人唔推介重慶炸酥肉，因為食個麻辣火鍋已經好油，食嗰個炸酥肉會覺得好油膩！

又到咗秋冬嘅嘅季節,食咩最好?除咗煲仔飯,一定係打邊爐,食到辣嘅緊係試重慶打邊爐,食唔到辣既都可以揀D有多款味道可選嘅湯底.宜家好似因為做緊lunch time免湯底非常抵食!要咗一個小辣嘅重慶辣,另一個要皮蛋,因為諗住下下火.怕打邊爐會好熱氣.呢到我自己最鍾意同最欣賞係佢地既牛肉,所以嫩牛肉一定係必點必食.另外,就係最愛嘅午餐肉,雖然佢並無預先煎,但係佢嘅午餐肉非常lum身.超級好味.好耐無食過牛骨髓,所以就試咗一碟,以前好鍾意買撈麵一定要叫個牛骨髓.因為有湯底所以又唔會太淡味,其實好多配料都相當唔錯,lunch time真係可以一試,

自從上次同老公食過渝味曉宇麻辣火鍋之後，一直對佢念念不忘，今日去咗銅鑼灣行街，行完一於去食麻辣火鍋😋同上次一樣一坐低職員就會比2碗冰糖雪耳紅棗糖水比您打打底先，好滋潤🥰今次都係揀麻辣湯底和蕃茄湯底，呢到嘅湯底係超級香濃嘅😋紐西蘭精品羊肉卷有少少騷，都幾好食😋麻辣牛肉又麻又辣，超級刺激😆曉宇嫩牛肉好滑又嫩口👍🏻手打蝦滑和手打墨魚滑都好新鮮彈牙😍桂花蚌口感爽口😆白蘿蔔非常鮮甜，吸曬啲湯汁，更加好味😋鮮蝦雲吞材料好豐富，入面仲有大大隻蝦🦐曉宇苕粉嚟到呢到係必叫，口感煙韌😻田園菜籃有娃娃菜🌱金菇🍄唐生菜🥬皇帝菜，全部都超級新鮮，非常好味👍🏻現炸豆皮即叫即炸，脆卜卜仲好香豆味😋重慶耗兒魚口感彈牙，鮮味十足🥰紅糖慈粑外脆內軟，配上黑糖和芝麻一齊食，口感豐富，超喜歡😻呢到環境裝修都好精緻，食物質素超高，麻辣火鍋必食之選😋

✨中女獨食難肥日誌 ✨渝味曉宇重慶老火鍋 中女食銅鑼灣正宗重慶火鍋🥘好久沒有上去吃火鍋了，嗜辣又想吃麻辣火鍋，難得找到極相似味道💕午飯時間來，人比較少，座位也寬敞，入座即有圍裙免弄污衣服，幾貼心！湯底選了普通辣大紅鍋及大骨滋補鍋，普通辣都幾夠辣，但勝在不會愈煮愈辣！刺激又好味👍🏼嗜辣的會好喜歡，友人說跟在重慶吃的一樣味道💕而怕辣則可吃大骨滋補鍋，奶白湯底味濃足料！調味亦有很多選擇，有蒜蓉、蔥、香油、醬油及醋，自選喜歡口味，怕辣可多加香油解辣一上桌即有一碗糖水，好滋潤呢😚美國安格斯優質肥牛 $216 (全份)不算太肥，灼幾秒即可吃，有牛味！曉宇嫩牛肉 $42(半份)十分嫩滑，不會肥曉宇手打三寶丸 $96(全份)蝦丸、墨魚丸、牛肉丸各2粒，很爽滑美國桶肥蠔 $136 (全份)超大隻，好鮮甜👍🏼槄田毛肚(半份) $55輕輕灼一灼，爽脆又好味，香港比較少見鮮黃喉(半份) $50試一試另一少見食材黃喉，本身沒有味道，口感爽脆非常脆鯇魚片(半份) $40打邊爐吃脆鯇魚片最怕不脆，這個又脆又好味，一點不腥凍豆腐(份) $26吸滿湯汁吃，一流！紅糖糍粑(份) $68完美甜品作結，外層脆身內裡煙韌

本局長是日與副局長前往銅鑼灣大啖火鍋。因本局長近日與香港一樣身子抱恙，只好點了山珍鮮菌及大骨滋補銅兩個湯底，及各款食物半份。未幾，食物陸續送至，只見碟上食物整齊乾淨，心中已生幾分好感。兩個湯底一者鮮甜，一者香濃，各具特色。重慶炸酥肉香脆可口，為開胃醒神之選。安格斯肥牛牛味十足，食落順滑可口，質素上佳。鮮黃喉為本局長至愛，食落爽脆美味，十分過癮。副局長則最欣賞藕片，本局長則愛乾貢菜，貪其有嚼勁又菜味濃郁。豬腦亦新鮮美味，縱膽固醇甚高，本局長亦雖千萬人，吾往矣！鴨血亦鮮味十足，大腸正常水準。大快朵頤後，局長倆在門口取薄荷糖清清口氣，為是次火鍋之旅劃上完滿句號。