渝味曉宇重慶老火鍋 (如心廣場) (已結業)

家人聚餐，終於有機會帶上他們吃一下我近日非常愛吃渝味曉宇。由於有些親戚不太吃辣，照樣還是點了鴛鴦普通辣。珊瑚蚌 $129珊瑚蚌一直是我吃火鍋很愛吃的，今天人多可以再點上，不用煮太久，爽口好味。牛心椗 $59牛心椗爽口，大塊，性價比高。稻田毛肚 $118毛肚輕輕煮10秒便可進食，好吃！美國安格斯優質肥牛 $216肥牛肉質鮮嫩有肉味，媽媽一直讚好呢！鮮活海蟶 $78家人第一次吃海蟶，一致覺得海蟶夠厚身有鮮味呢！油條 $29油條下火鍋吸收了湯底後變得煙韌有咬口，還挺特別的！特色迷你燕餃 $62燕餃小口小口的，餡料很突出。皇帝菜 $32蔬菜少不了皇帝菜，新鮮好吃。油麥菜 $32油麥菜也切得很好，好吃！家人一致認為這家火鍋店很不錯，說沒介紹錯呢！

渝味重慶火鍋❤️行完荃灣donki就係附近四圍覓食，見到有間麻辣火鍋好似好正咁😍鐘意食辣既比門口啲香辣味就吸引左⋯叫左個麻辣鍋同埋大骨湯，個湯底超級鮮甜，麻辣鍋香得黎唔都好好味～麻辣鍋配竹笙同萵荀片簡正一流😍😍 仲有一入去就送碗糖水比你食住先，連碗糖水都好有心機，好好味👍🏻👍🏻個人最喜歡佢個鍋底同埋桂花蚌，真係非常鮮甜好味，令我念念不忘～最後兩個人埋單五百幾，食到飽一飽，CP值算係高～另外落單全程用qr code唔怕劃錯落漏單～整體上都好完美😋吖！原來佢本身都有好多分店，想再食都可以唔洗再入荃灣！正啊❤️❤️❤️❤️

在OpenRice 看到此間火鍋店午市湯底免費，又見到食評話唔錯，就相約知己今天下午食。在OpenRice 訂位，去到唔算多人，但到見到有一人火鍋，但朋友話一場來到，緊係試吓九宮格麻辣火鍋啦，因要在手機下單，所以我哋就叫了九宮格麻辣湯底，叫了8碟配料。點知來到湯底原來是一個重慶麻辣的湯底加個九宮格的盆，早知要鴛鴦湯底好過。因朋友話好辣食不到，所以後加一人火鍋及一碟鴨血，鴨血好快就到咗，我哋枱面上的配料就快食晒，就問職員一人火鍋到未，她話就到，我哋已經食晒枱面的食物，再問職員，但沒有解答，此間舖頭職員，好似唔想講嘢，我哋問完就算，唔理會我哋，我忍不住就大聲問，究竟有無的，剛剛坐下冇幾耐的客人就即時遞上一人火鍋，我哋下單咁耐，都無，究竟點解，有無都回答我們，好似當我們透明，我哋來食嘢的，如果無哂或有問題，是否要解答我們，不是不理我們。最後朋友話唔食，叫職員埋單，另一職員就遞過一人火鍋來，真的氣死，我哋話走，就比給我們，算了我們都不會再來此間舖頭食，費事氣死。

跟家人聚餐，來到這家新開的渝味曉宇，貪其比較方便眾家人。我們先來了一個鴛鴦麻辣鍋（$38/位），再加醬料$20位。番茄湯適合每個人，麻辣要了普通辣也適合不太能吃辣的人。我們總共點了9種食材，吃罷也不會太飽！特色迷你燕餃（$62）很適合麻辣湯，小小一口，餡料好！皇帝菜（$32）及油麥菜（$32）都夠新鮮。珊瑚蚌（$129）、牛心椗（$59）、稻田毛肚（$118）及鮮活海蟶（$78）都夠新鮮，口感棒！第一次點美國安格斯優質肥牛（$216），份量也算足，肉味重，可以喔！第一次點油條（$29），有點特別的口感卻不算是我的菜，下次還是點炸豆皮那些我更喜歡！

自搬離荃灣後，每每回去都發現一堆新餐廳，朋友說如心突然開了一堆特色餐廳，其中一家是專吃麻辣火鍋的，幸好這幾天剛好下雨涼涼的，吃火鍋最好。可能是新開的關係，裡面的裝修是很摩登時尚，下單也是scan QR code 自助下單的。*湯底我們選了麻辣和山珍菌兩款，小辣來說對我和朋友都很ok ，但煮了一陣子我們便把一半辣椒撈起，免得愈煮愈辣。比起辣，造湯底的香味更重，不錯。*吃火鍋沒吃牛的話總是覺得差一點點，我們點了嫩牛和肥牛各半份，朋友喜歡嫩牛，牛味濃也沒有鬆肉粉的味道，我始終喜歡肥牛多一點，肥瘦適中，配麻辣湯底更開心。*海鮮只選了桂花蚌和墨魚滑，桂花蚌煮完後也不會太縮水，而且很鮮味。墨魚滑員工會主動幫我們弄，是非常的彈牙。*現炸豆皮也是蠻特別的，類似魚皮的食法，浸一下下就ok 了，很吸味，炸得很乾爽不油，有點吃豆卜外皮的感覺。*另外苕粉也是很推薦，彈牙但很爽彈，吸湯但不會很容易便煮得變糊，半份已經很夠吃了，很飽肚的。*

今日行吓海之戀嚟到荃灣 好想打下邊爐搵吓發現原來附近有間瑜味曉宇既分店 又可以食返個重慶火鍋 我哋叫咗個鴛鴦湯鍋 一邊係滋養大骨湯一邊係 大紅油麻辣湯底 中午嚟打邊爐仲係免費火鍋湯底 所以真係幾吸引 打邊爐當然唔少得牛羊 叫咗份美國安格斯優質肥牛同埋紐西蘭精品羊肉卷 都切得幾薄同幾平衡吓 淥幾秒就食得 吸咗些小麻辣火鍋既湯味入口幾惹味 次次嚟都會叫佢既曉宇苕粉 放落鍋淥幾分鐘吸收咗湯鍋既麻辣湯底好香辣勁惹味 打邊爐唔少得海鮮 叫咗個重慶耗兒魚 食落肉質幾結實 沾咗麻辣味幾好食 另外仲叫咗個珊瑚蚌 食落幾鮮甜 對內臟無特別好感既我就幾鐘意呢度既鮮黃喉 超級爽口彈牙 除此之外唔少得蔬菜 功夫窩荀片 薄薄一片好爽口好鮮甜 仲叫咗竹笙 吸曬湯汁既精華 准山都有兩款一款爽甜一款粉嫩 係好滿足既火鍋午餐

渝味曉宇，朋友極力推介，曾相約多次，但因為疫情關係只好推卻。趁今天例休，就過來試一下，食得很滿足。餐廳設計簡約，防疫措施很到位，每檯有隔板，進去要量好體溫。 餐廳用的是電子下單，掃一掃二維碼立刻可以點單，方便快捷，不用麻煩到侍應。 坐下來之後先上來一碗冰糖雪耳潤潤喉，重慶人是否喜歡飯前喝點甜的？ 跟廣東有點不同。 茶是蕎麥茶，保護胃的，感覺吃辣也沒那麼傷。先點湯底，九宮格很出名，可是我不太能吃辣，點個鴛鴦鍋，辣度選少辣，程度還是可以接受。 蘸料方面，我十分喜歡生蒜和豉油，簡單鮮美。這回長知識了，加點香油，因為辣椒素是油溶性，香油可以帶走舌頭上的辣椒素，就可以解辣了。餐廳有些菜比較有特色，例如黃喉，原來是豬的主動脈，骨膠原豐富，好爽口。重慶耗魚兒，半份已經有兩條，肉質厚實，很適合火鍋。 鵝腸、乾貢菜，萵荀也是十分爽口之物。 我好像偏愛有口感的鍋物。點了季節限定，新鮮蟶子，超鮮甜！美國安格斯肥牛和紐西蘭羊肉卷都超正，配上蘸料，好好味。軟軟的冬瓜吸左湯底既味，十分鮮。加上一杯洛神花茶，酸酸甜甜，平衡一下辣味。有質素的餐廳，有空會再來光顧。

前幾日同阿媽行荃灣，大家都想打邊爐，咁啱見到呢間渝味曉宇🌶️，又再戰過🍲呢度環境比較新淨同寬敞，應該唔係開左好耐。-今次試左鴛鴦麻辣鍋🌶️呢度嘅麻辣鍋果然名不虛傳，見到面頭浮起嘅辣椒就知唔野小，味道辣中帶麻，真係好香，去到一定要點🙈-曉渝手打三寶丸分別係蝦🦐、牛肉同墨魚滑🦑食落好滑好彈牙啊！-美國安格斯優質肥牛上次食都嗌過，見到d雪花❄️紋理已經好靚，味道唔使講啦，高質😋-黑豚腩肉 d紋理一層層咁好靚，唔會剩係得肥或者瘦肉，食落夾雜住油香😍-紐西蘭精品羊肉卷羊肉超級薄，食落好嫩，而且有陣淡淡嘅羊肉蘇味🐑-桂花蚌海鮮黎講呢個性價比真係幾高，蚌肉飽滿而且鮮甜，質素好有驚喜🤪-白鱔都幾大塊，鱔肉夠新鮮，口感緊實，唔使點任何野食都好好味，十分鮮甜👍🏻

今曰途經如心廣場1期渝味曉宇重慶老火煱，門口轉來陣陣麻香味🤤晚餐就食佢啦❤️全店以木器傢俬為主，統一又美觀，環境潔淨，員工勤快又有禮貌。我地點了鴛鴦麻辣煱（皮蛋香菜加小麻煱），麻辣湯底香氣撲鼻，令人食慾大增😆侍應先送上一碗雪耳紅棗糖水，讓大家潤一潤喉嚨👍再接受刺激味蕾的麻辣燙。渝味採用自我點餐服務，掃一掃bar code就可以自助落單非常方便我們點了手打墨魚滑、蓮藕片、皇帝菜，每樣都好新鮮爽口，而且可以點半份，咁兩個人食都可以試多幾款啦🤗主打必食鮮活海蟶，好食到encore多半份，唔駛點醬汁，已經非常鮮味😍❤️打邊爐食肥牛食得多，今次要試下曉宇嫩牛肉 ，超級嫩滑，入口即溶，非常驚喜，好好味呀😋如果你係食得辣既朋友，一定要挑戰麻辣牛肉，佢係嫩牛肉加上一層秘製香料，非常野味，辣到脷都紅埋😂相當刺激🥴厚切鮮龍躉片同樣是必食之選，鮮味十足，厚切口感十足，啖啖魚肉，魚皮都好厚身，咬落好煙韌，好重膠質❤️👍渝味曉宇重慶老火煱已經有多間分店，咁就可以行到邊食到邊啦😊

荃灣如心廣場開左好多食店, 已經有一段時間無打邊爐, 今日就試下麻辣火鍋. 店舖裡面用左淺色裝修, 感覺好新好乾淨,  坐位好濶落唔迫, 坐低就送左碗雪耳紅棗糖水, 可以一邊食住糖水邊用QR code落單, 配料有漿油, 麻油, 醋, 蒜容, 蔥.  湯底要左雙拼鴛鴦鍋: 皮蛋香菜鍋+普通辣鍋, ($38位) , 一放低已經好香皮蛋同芫茜味, 店舖菜單可以叫半份,  最岩貪心既我可以試多幾款, 安格斯牛肉及黑豚腩肉各半份,  肉類好香肉味, 炸香酥肉($32)可以即食, 皇帝菜($32), 豬腰片($58), 鮮竹笙($32), 龍躉片($72), 鮮魚膘($32),  桂花蚌($66), 蝦滑($46), 海鮮類很新鮮,  每人$366, 埋單後見到午市有免費湯底,  下次午市再黎食過

第一次係食如心廣場嘅火鍋店一早bk定位眼見差不多19:00就已經出面要排隊所以如果要去食 bk位係必要的好似我咁唔食辣嘅朋友同一班鍾意食嘅人一齊食 可以點一半一半嘅湯底而我就揀左蕃茄湯底味道都好濃～而朋友點嘅麻辣湯底 表示第一輪好正但之後因我再加湯係用清湯 所以會淡曬黑豚腩肉好岩唔食嘅朋友 真係好夠肥美同滑牛肉因為我冇食 但朋友們都好滿意唯一係食方面覺得唔夠好 係醬汁選擇方面偏少令呢間野大打折扣嘅係服務態度一坐低一個男性店員就放低左幾碗糖水因為我地未黎食過 咪問店員係咪送嘅前菜佢就一問三不答之後再上食物嘅時候我地問佢係咩嚟㗎 佢聽到都係唔應人態度真係好rude

最近好喜歡打邊爐，知道荃灣有一間食重慶麻辣，今晚決定去食，全到 係荃灣西，如心廣場一期好易找到，去到門口已經嗅到麻辣香味，安排位置，用電話掃一掃code，可以下單，坐下來無耐有糖水給我們，個糖水好潤，好細心怕我哋食麻辣整到全身，有圍裙。間中食食都有侍應幫我們加湯同埋幫我們加茶，服務態度好！ 湯底選擇：皮蛋香草鍋同普通辣大紅鍋，皮蛋個個鍋好清甜，入面有馬蹄，大紅鍋選擇左小辣，好香麻辣， 當然要叫季節限定的海聖，安格肥牛，桂花蚌，牛骨髓，炸豆皮，皇帝菜，嫩牛肉，手打蝦滑，功夫萵筍片中仲有一定唔少得叫曉宇苕粉。 炸豆皮 推介 好少地方有得食，伸要唔會太油，口感好似食緊響鈴，嫩牛肉 好滑 好正，功夫萵筍 因好薄唔洗煮太耐，幾秒可以，食落爽口 。

朋友之前黎食過LUNCH，介紹我過黎食晚市🤤去到見到門面裝修幾靚，門口已經有哂透明袋比客人裝口罩，仲有酒精搓手液提供👍🏻👍🏻入去前當然要先度量體溫 確保客人無發燒先比入。店內位置寬敞，坐我都幾舒服，每枱仲有塊隔板隔住，夠哂安全。坐低之後店員就每人上左一碗冰糖雪耳糖水，糖水飲落唔太甜，仲好潤添🥰另外店員仲提供一個QR Code比我地用電話落單。我地叫左個鴛鴦鍋 一邊係皮蛋香菜湯底，一邊係重慶辣大紅鍋🌶🌶食物非常新鮮，尤其係海鮮。海鮮方面，我地叫左季節限定既鮮活海蟶、桂花蚌同重慶耗魚兒，海蟶用清湯果邊淥真係非常鮮甜，仲要食咁多隻入面都冇沙，而桂花蚌食落除左鮮甜之外，仲好爽口。重慶耗魚兒落左係麻辣湯，食落肉質鮮嫩再索埋湯汁好惹味🤤🤤毛肚同鵝腸都好爽口，但都估唔到豬腰片切得好薄但食落竟然都係好爽口，再配埋辣乾粉，辣得好過癮。野飲我地叫洛神花茶，打邊爐再配埋冰凍既飲品，酸酸甜甜，仲好解辣添極力推介鮮活海蟶同桂花蚌，呢個真係必點💯💯💯

今日同好友去咗荃灣嘅「渝味曉宇重慶老火鍋」慶祝生日，餐廳環境舒適， 地方寬闊， 十分舒服。 坐了不久， 就有一碗雪耳紅棗糖水， 可以滋潤下先打邊爐！ 點餐用QR code落單， 既方便又環保! 我叫咗個鴛鴦鍋，《豬骨煲+ 麻辣湯底》， 豬骨湯， 味道香濃，仲有一大條豬骨係， 的確真才實料，麻辣湯底就有各式各樣嘅香料， 味道偏辣， 鋪滿晒辣椒， 的確刺激！ 見到期間限定嘅《鮮活海蟶》， 叫半份已經有六隻， 份量ok 呀！海蟶鮮甜無比， 口感彈牙爽口！ 真心推薦，可以一試！打邊爐牛肉係必要嘅，《美國安格斯肥牛》油花分佈平均， 肉質細嫩， 牛味香濃， 正！ 好抵食嘅《重慶耗兒魚》， 半份 HKD 42， 真係抵！ 魚味十足， 沒有腥味，真係有半隻手掌咁大魚，肉質嫩滑，美味！ 仲有各式各樣嘅火鍋配料等等， 例如鮮蝦滑等等， 超正， 超彈牙，上面再加咗蟹子，美味！

來到此店，先坐下來。他們會送上糖水打底。我覺得味道比較清，不會太甜，很滋潤。由於朋友愛吃肉牛肉，所以揀點了不同的牛，例如安格斯肥牛 (真係脂肪分配均勻)、曉宇嫰牛肉 ，它比安格斯肥牛更入口，所以追加的時候就只挑了這款。麻辣牛肉一樣很鮮, 而且麻籽沾滿鮮肉上，口感尤如新鮮的牛肉乾味道。海鮮方面，今期店舖推介，就是鮮活蟶子。就算滾耐了，都很爽口。而桂花蚌一樣熟了仍很嫰，無得彈。蔬菜只挑凍豆腐、甜粟米。凍豆腐處理得很好，放入口沒有任何雪藏味或其他的味道。鯇魚腩十分脆。首嚐鴨血，味道當然跟豬紅不一樣，但沒太大特別感覺。至於飲品，價錢實在有點貴。不過他們的玄米茶，能夠中和辣味及解渴，所以想食好一點的優質食物，再加上享受吃辣的話，這裡一定是很好選擇，會想再去品嚐。