渝味曉宇重慶老火鍋 (如心廣場) (已結業)

又來啦!!!!! 已經有好半年 無打邊爐啦 今日食過滿足的午餐吧 🥰因為好抵食既關係 我地突登選擇左呢間渝味湯底係免費架 係超級抵 平時個湯底已經要一二百蚊未叫野食先黎碗清心湯水先黎個鴛鴦麻辣湯底 麻辣可以有大中小辣 – 我當場選擇小辣啦另外個湯底係大骨滋補豬骨 – 正呀!所有食物都有得叫(一份/半份)如果係兩人食 其實叫半份都可以 都已經夠食 叫左蠔, 黑豚肉, 竹笙, 牛柏葉, 蟶子, 蝦滑, 黃喉, 桂花蚌, 苕粉, 蒿荀 所有既食物都好新鮮 加埋濃湯湯底 係岩岩好最後仲叫左唔係到到有既 –紅糖慈粑 – 超愛吃整體黎講係好滿意座位夠寬 而且好開揚 價錢唔貴 叫左甘多樣食物 下次會再黎食晚飯

渝味曉宇重慶老火鍋@荃灣今日同朋友慶生佢竟然話想中午食麻辣火鍋🍲😨唯有捨命陪君子🤝🔥我地每人叫左個一人火鍋套餐可以要重慶麻辣湯底😍肉類有豬、牛同羊可以選擇另外有鮮蝦、丸類、蟹柳同菜其實都好豐富味道方面麻辣鍋真係好正辣得黎好有回甘雖然我未去過四川吾知咩係純正麻辣火鍋但我覺得都不遠矣去到吾食麻辣火鍋真係不如吾好食我地另外仲加左糍粑做甜品內見外窕配上黑糖好滋味😋味道：7/10💰消費：$250

中午約了朋友一起打邊爐，渝味曉宇午市鍋底免費，鴛鴦鍋底都是免費。餐廳環境舒服乾淨闊落. 最欣賞這裡的火鍋湯底每位計和食物可以點半份，很適合兩個人來打邊爐，不怕食物點得太多又可以嘗試多款食物。一就座，立即送上一碗暖暖雪耳紅棗糖水滋潤一下。我們點了一個鴛鴦鍋（山珍菌湯鍋/普通辣大紅鍋），山珍菌湯鍋放素菜最適合，麻辣湯底麻多於辣，配肉絕配！我們兩人點了多款食物，其中有：重慶炸酥肉：即食小吃，直接吃已經很好吃，放到鍋內和油條一樣浸湯又別有一番風味曉宇苕粉：像寬粉口感、很煙韌黑豚腩肉：肥瘦分明，肉質爽彈個人推介嫩牛肉，真的超嫩啊。除了一般港式邊爐會見到的配料外，這裏還有比較特別的食材，例如：大刀牛肝、極品鵝腸、鮮黃喉 、剝皮魚等等！其實相對比較多內臟，如果喜歡吃內臟的朋友，不妨可以試試。

我叫左一個一人火鍋餐，有烏冬 、金菇、 粟米 、芝士腸 、牛丸 、腐皮、 肉同仲有好多菜，宜個一人火鍋啲餸，好多好抵食，我叫左個蕃茄湯底，蕃茄湯底好香蕃茄味，個一人火鍋已經好夠飽了。我叫左牛柏葉、餃子、雲吞 、魚滑個牛柏葉好爽、雲吞同個餃子都好多餡，而且味道都好好味。我仲叫咗魚卜同埋個有鴨血，個魚卜有好多舊，而且仲好大舊，不過個魚卜有啲腥味，但係口感都好爽口，鴨血好好味，又唔會好腥，而且口感都好好味，整體全部都好好味

想食火鍋啦，雖然不管春，夏，秋，冬都食得。但現在係夏天，點都要搵個藉口嘅，就趁住滂沱大雨出去食火鍋吧。來到荃灣如心廣場一期嘅『渝味曉宇重慶老火鍋』，貪佢搭地鐵唔使带傘就可直達，懶人一個是我。叫咗個鴛鴦麻辣鍋，始終唔係咁吃得辣，見隔離人哋一盆紅，真心佩服吖。宜家時令食物推介係鮮活海蟶，一定要嗌嘅，細細個已經好鍾意吃，中等size嘅海蟶，煮4分鐘個殼自動打開，咁就吃得，好鮮甜，返番去童年美好回憶。仲有個腦花，亦都好耐冇吃，呢個要煮耐啲，10零分鐘吃得，軟软腍腍，好補，補腦吖，細時大人係咁講，唔知係唔係呢? 好吃點止呢D，仲有好爽的桂花蚌，鮮黃喉，真心嫩嘅嫩牛肉，彈牙的牛筋丸亦有青綠的皇帝菜，唐生菜，大大隻的蠔。來四川鋪頭必叫的紅糖冰粉，勁多配料，有黄豆，黑豆，葡萄乾，唔錯唔錯。

前排同事試過間麻辣湯底好味，介紹我去食，老豆鍾意食麻辣，今日就同佢去試下。現在午市免湯底，正常就$38/位，我們就揀了個麻辣拼大骨湯。大骨湯有件大豬骨、紅蘿蔔及粟米等，不過湯底越食越濃，而麻辣湯底真係又麻又辣，麻味突出，不過麻及辣度都有得揀。安格斯肥牛肥瘦均勻，肉色鮮艷，牛肉味濃郁。手打蝦滑蝦滑新鮮，有蝦肉粒，非常爽彈。韮菜豬肉水餃水餃有點似某大牌子的餃十子，比較普通。鴨血滷得入味，結實爽口。鮮活海蟶蟶子仔味道鮮甜無沙。

近年香港新開左好多唔同特色火鍋專門店渝味曉宇就係其中一間 今日心血來潮晏晝就過左荃灣食返餐有幾方面值得讚下午市時段湯底免費👍🏻朋友食辣我唔食 所以鴛鴦湯底一邊麻辣一邊豬骨濃湯 大大舊豬骨 仲可以食埋豬骨既骨髓配料新鮮我地叫左 燕餃，鮮蝦雲吞，桂花蚌，鮮活蟶子，美國安格斯優質肥牛，曉宇薯粉，稻家烏冬，重慶炸酥肉桂花蚌放落口索索聲 非常爽口鮮活蟶子更加一定要試 其間限定一份$78 好抵食當個湯底未滾時 食重慶炸酥肉就岩哂烏冬配合安格斯肥牛食就真係perfect match烏冬上碟後再撈d 蒜泥麻油 包你話好味落單前店員會送個雪耳紅棗糖水潤一潤🤤埋單每人$300 質素搭夠 會再黎食呀(一定要再食個蟶子）

1⃣️人鍋湯底可以，其他跟大家X差不多！如心，新開旁邊鋪仍在裝修，工作人員質素參差，只會叫你入app睇，問她餐入面有什麼食材，直接交張單張就算，堅係好似話你知，我都唔知你自己睇啦系列！

小編一向嗜辣😋幾年前去過四川就愛上麻辣火鍋🍲午餐嚟到呢間有一人前嘅重慶麻辣火鍋🌶.$98可以有一個火鍋套餐湯底可以三選一 有辣有唔辣🥣重慶麻辣燙 仲有辣度可以選擇🤳🏻推介肉類必點嫩牛肉 口感軟腍 加埋油碟好惹味套餐仲有鮮蝦🦐蟹柳🦀餐肉🐷丸🍢同4-5款蔬菜🥬仲有白飯🍚烏冬🥢水晶粉🥢餐飲有洛神花茶或者羅漢果茶🌸餐前會送上雪耳紅棗糖水 滋潤一下🙂.火鍋套餐之外小編仲點左其他配料麻辣火鍋係必點鵝腸 都幾新鮮爽脆🦆鴨血份量好多 餃子就不過不失🤲🏻最後仲order左紅糖糍粑🥢是剛剛炸起的 外皮香脆一啲會更加好食😋

去開荃灣行街，見到個廣告牌係麻辣火鍋突然之間真係好想食😍 渝味曉宇重慶老火鍋，聽個名都知道係食麻辣鍋！因為我太耐冇食過啦！都驚自己受唔到所以呢就叫咗鴛鴦鍋一邊係皮蛋芫荽湯入面有成兩隻皮蛋，芫荽味都好重個湯底就偏鹹啲，另一邊就招牌大紅鍋，我叫小麻小辣都已經係超級麻辣，果然係正宗嘅重慶火鍋！牛油香味加上慢慢而來的麻，辣得真係超過癮！食物可以叫本分所以就算兩個人去都可以叫好多款嘢食！桂花蚌、桶蠔、海蟶都好新鮮！海蟶仲系活生生，上到枱仲郁下郁下。而且啲海鮮價錢都唔貴！手打蝦滑好足料，食到粒粒蝦肉又彈牙！迷你燕餃都好味，有啲似雲吞仔！喜歡吃辣的一定不能錯過環境都算唔錯，就算滿枱打邊爐都唔會好煙！方便隔離就係育嬰室帶住小朋友都唔怕麻煩

荃灣如心廣場都開咗渝味啦！雖然餐廳附近未有咩店舖，位置都比較偏僻，但係餐廳入面都滿晒座！呢度用電子落單，湯底係以人頭計算，唔算貴，唔使去到幾百蚊一個湯底。叫咗鴛鴦湯底，招牌麻辣湯配大骨滋補湯。因為只有兩個人，所以好多都只係點左半份。凍豆腐，掛湯一流，怕辣嘅可以先放滋補湯之後再浸一浸辣湯，超掛湯！聖子做緊優惠，即叫！價錢平但又唔會俾劣質貨，好鮮甜！鵝腸黃喉爽口！桂花蚌好快就食得，一啲都唔難咬！呢度嘅招牌菜之一嫩牛肉都好出色，比雪花肥牛更有特色，嫩牛肉夠滑，雪花肥牛牛味濃。紅糖糍粑，最後要來解辣！

荃灣行經如心廣場商場一期見渝味曉宇火鍋廣告板，朋友話食物新鮮及麻辣湯底辣得好味道。餐廳裝修簡潔，坐位寬闊 ，窗外景觀不錯。我們點左麻辣、菇菌鴛鴦鍋底，有姬松茸、猴頭菇、秀珍菇、冬菇、茶樹菇等，很清甜。手打蝦滑🍤$89，很彈牙、有美味，很好吃😋手打墨魚滑🦑$89有墨魚粒，很彈牙。鮮蝦雲吞 $32半份，有四隻，真不錯👍鮮活海蟶 $78有12隻 ，很新鮮、真鮮甜又無沙，很好吃極不錯👍我們再叫多一份。鮮龍躉片$139，很新鮮，魚皮很膠口，魚肉很美味可口。😊

渝味曉宇重慶老火鍋重慶麻辣火鍋店有鴛鴦鍋蕃茄鍋//重慶麻辣 (小辣)辣度可選普通、重慶麻辣，如果同行人士不好麻辣，湯底每位收費$38 適合唔食辣的朋友麻辣湯底配料種類衆多 包括花椒 乾紅辣椒 雖然表面浮著厚厚一層紅油 但小辣而已配料種類超過五十款 肉類 手打滑 丸子 水餃 蔬菜粉麵等特別喜歡設全份或半份選擇 配料點 嫩牛肉 桂花肨 蟶子 凍豆腐 凍豆腐超級推薦 豆腐好多氣孔 吸滿麻辣湯汁 至於嫩牛肉煮了好久 都好滑嫩海鮮味道鮮甜 口感爽彈 特別是蟶子 我們意猶未盡 還追加了半份 甜品點了 紅糖冰粉 超級解辣

作為減肥健兒的我，突然之間打邊爐。怕好肥？Nono 打邊爐都可以好輕盈！.不要以為麻辣火鍋一定超級肥膩，渝味曉宇的還可以customise 普通辣更可以走牛油 wow。麻辣鍋怕辣的朋友食大骨滋補啦，清清地又有粟米、馬蹄。.打邊爐肥牛、響鈴熱量高，我就好清新tick了很多蔬菜：皇帝菜（半份）娃娃菜（半份）冬瓜（一份）海帶頭（一份）功夫萵筍片（半份）...... 全部都好新鮮，皇帝菜靚到好似一個盆栽，海帶頭又切成樹葉的形狀很有趣。功夫萵筍片切到一片片，真心考到功夫喎！.如果是無肉不歡，海鮮都是低卡選擇：美國桶肥蠔（半份）珊瑚蚌（半份）串鮮蝦（半份），桶蠔是去了gym room 吧，咁大隻嘅！海鮮無腥味，新鮮正正子。.我的朋友一我的朋友不用減肥，叫了紐西蘭精品羊肉卷（一份）、鮮蝦雲吞（半份），哈哈因為見到羊肉卷鮮紅色好吸引，我偷偷地食了一口 wow.女人不食甜食永遠不會知足，my favourite 紅糖慈粑（半份）、自製洛神花茶（杯）!.環境清幽乾淨，服務不錯，其實食麻辣火鍋也可以很輕鬆輕盈！

最近發現荃灣如心廣場新開了一間火鍋店，打正名號是重慶老火鍋。趁著是假期，便約了朋友，於中午來到，吃個火鍋午餐。店內樓底很高，採光度非常高，吃起火鍋來，一點侷促感也沒有。幸好是中午來，原來午市時間，湯底是免費的，那麼我們便節省了大概八十多元，太好了!我們點了一個鴛鴦麻辣鍋，即是一邊是麻辣湯底，而另一邊是山珍菌湯。湯底滾起來時，麻辣香味很突出，食慾也被刺激起來，香菌、大蔥吸收了麻辣湯汁，很惹味。火鍋食材就點了很多款，款款都很新鮮，包括安格斯優質肥牛、羊肉卷、黑豚腩肉、桂花蚌、迷你燕餃、手打蝦滑、重慶耗兒魚。肥牛的雪花紋理十分吸引，入口即溶。羊肉卷沒有羶味，很嫩。黑豚肉的口感較為爽口。桂花蚌鮮味得來，很爽口。燕餃的皮帶點煙韌，鹹鹹地，又幾好味。蝦滑很爽口彈牙，很鮮美。重慶耗兒魚是第一次吃，沒料到它是如此鮮味，肉質細緻嫩滑，有魚味，更好的是，它沒有太多魚骨，吃得非常方便。