渝味曉宇重慶老火鍋 (太子集團中心) (已結業)

有時都想去啲無咁多人既地方打邊爐，唯有食啲非繁忙時段，就book左4點去食。首先要講下佢個午市鍋底免費優惠去到12月31炸，一至日既12-5pm都有，咁我地就嗌左大骨滋補鍋同普通辣大紅鍋。大骨滋補鍋好足料，普通辣個個正常食到辣既都可以接受。打邊爐之前有碗野送，甜甜地，實質係咩就無問到。咁我地晏就都有食野唔算好肚餓，全部都嗌左半份，有啲我覺得係必嗌既，曉宇嫩牛肉，真係名副其實好嫩滑，比起出面食到既嫩牛肉更加嫩、手打蝦滑爽口又彈牙，質感嫩滑、美國桶肥蠔好大隻，肉質肥美滑溜、桂花蚌爽口彈牙帶點鮮味、麻辣牛肉淥落辣鍋會辣上加辣，就算淥完d調味都唔會無左，質感嫩滑又夠辣，自問食得辣既一定要試。另外都有嗌珊瑚蚌，個人覺得呢隻都爽口但桂花蚌更爽口彈牙。仲有美國安格斯優質肥牛其實都唔錯，透薄又唔"un"，不過比我揀我會鐘意嫩牛肉多d。總括黎講，呢間火鍋好高質，好多食物種類都有，環境又夠大，望出去個景都唔錯，值得一試。

約咗老朋友食飯，大家都係中午聚一聚，平時唔係大食嘅我，但係突然間想打個邊爐，而我哋又食得辣嘅，立即諗到去食重慶火鍋！香港有幾間重慶火鍋幾值得推介，其中一間就係渝味曉宇，唔講唔知，佢係全中國排名第一嘅重慶火鍋！去過嘅朋友就知道餐廳還裝幾優雅，冇諗過食火鍋都可以睇到海景，尖沙咀呢一間正正望住海旁，一邊打邊爐一邊傾吓計都唔錯！叫咗香菇湯底同埋重慶麻辣湯底，呢度嘅重慶湯底真係好鬼正，麻而不辣，加上一定要食鴨血、羊肉，食完之後成個身亂晒！最窩心係一坐低餐廳員工送上一碗清潤嘅糖水，糖水有解辣作用，而且亦可以保護喉嚨。特別一提，呢間餐廳主打嘅份量唔可以叫本分，啱晒我哋細食嘅女仔，或者想食多啲野嘅朋友！　

氣温驟降，加上微微細雨，更覺寒氣逼人，這種天氣這種温度打邊爐最適合不過，今日中午選了尖沙咀可以望海境的渝味曉宇重慶老火鍋，對住個海打邊爐，太爽了！餐廳寬敞舒適，設計簡潔優雅，旺中帶點寧靜。服務員態度殷勤，點菜後立時送上免費的紅棗雪耳糖水，十分滋潤。二人點了大骨滋補鴛鴦鍋(午市火鍋鍋底免費)、美國安格斯優質肥牛(半份)$119、桂花蚌(半份)$66、美國安格斯優質肥牛(半份)$119 、桂花蚌(半份)$66、鴨血(半份)$42 、黑豚腩肉(半份)$42、 曉宇手打三寶丸(半份)$49、鰻魚(白鱔)(半份)$46、 美國桶肥蠔(半份)$69、 冬菇(半份)$18、鮮腐竹(半份)$19、 紅糖糍粑(半份)$36、 衝上雲霄百香果雞尾酒$38、2*茶位/醬料$40，埋單$650，價錢不算貴，環境、食物質素和服務質素都頗高，值得一試！麻辣湯底香氣撲鼻，材料十足，大骨滋補湯底清甜美味，鍋底仲有舊大豬骨，肥牛和豚肉都很優質，肉質嫩滑，桶蠔肥美鮮味，三寶丸(墨魚丸、蝦丸、牛丸)爽口彈牙，飲品(衝上雲霄百香果雞尾酒)果味濃郁，配火鍋一流！

天氣凍左好多❄️🌬又黎到打邊爐🍲季節睇其他食評見呢間有大海景「食」😍即刻book‼️一出𨋢就見到90度都有海景+街景睇🏙😍店員好醒，安排左我地坐窗邊位🤩🤩一坐低當然即叫野食啦‼️寶寶知我鐘意食辣，話打算試「九宮格」但佢唔係好食到辣，咁樣叫佢無野食到😂😂所以叫左鴛鴦湯底，一邊辣一邊唔辣💖紅棗雪耳糖水侍應首先為我地送上糖水潤喉+下火餐廳真係好貼心😚😚💖湯底：皮蛋香菜鍋+普通辣大紅鍋$38/位我地叫左🌶🌶湯底辣味濃郁，仲好足料😙另外叫左以下餸🥳💖手打蝦滑 $46(半份)💖美國優質肥牛粒 $76 (半份)💖曉宇嫩牛肉 $42 (半份)💖麻辣牛肉 $42 (半份)💖曉宇手打三寶丸 $49 (半份)💖珊瑚蚌 $66 (半份)💖重慶炸酥肉 $32 (半份)💖現炸豆皮 $32 (半份)💖冬菇 $18 (半份)我最欣賞牛肉🐮牛肉好嫩好爽口，唔會韌，又無渣🌶麻辣牛肉 真係超正😱😱😍😍佢上面鋪滿一層辣椒片將佢放落辣湯底到😱簡直係無辣不歡人士必試🤩👍🏻呢個價錢食到咁新鮮真係好抵🤩🤩💖另外叫左自製羅漢果茶 $58/jar唔會太甜又好夠味😋兩個人一人一半岩岩好份量望呢個景+食麻辣火鍋🍲簡直係一級享受‼️‼️✨✨推薦✨✨食完

朋友知道我愛打邊爐，有天請我去巜渝味曉宇》火鍋店進食。朋友說這是一間聞名全國的巜重慶最正宗老火鍋》的代表！消費者最愛，她也是這里的常客。環看四周，店舖寬闊開揚，沙潑座位舒適。最貼心的是當你一坐下來服務員便給你倒上一杯溫熱的玄米茶。並指示你圍上圍裙以免弄汚衣服。這是一條全新的白色圍裙哦，想的太周到了！當天店里幾乎滿座，每枱都見到蒸蒸日氣往上衝，但你一點兒也聞不到廚房的氣味，空氣一點兒也不焗促，這證明通風系統完善，設備一流。這裏有各種火鍋湯底及琳琳總總的食材供君選擇。銅造的火鍋很大平分兩邊，服務員提議我們一邊用不辣的湯底而另一邊選小麻辣。果然好介紹！小麻辣對香港人來說恰到好處，吃落舌頭不太麻也不會辣到一身汗。👍👍👍這裏沒有五花八門的蘸料，只有麻油蒜蓉和葱花，但因為湯底鮮甜，食材新鮮，輕輕蘸一蘸已經好好味，麻油沒有一點兒油膩感和蒜蓉葱花撈埋不一般的香！我尤其特別想推介给朋友們的珊瑚蚌和鮮龍躉片，海蝦和生蠔特別的新鮮，牛肉、羊肉都很嫩滑鮮美。有別於他的是每種食材都标有焯煮的時間，保证不過火也不怕沒煮熟。令人吃得安心又開懷！我吃了幾十年火鍋感覺今餐最美味，最舒適，最享受！一級棒！👍👍👍👏🏼👏🏼👏

秋意盎然，是時候吃火鍋😋點了［藥膳猪骨+普通辣］鴛鴦鍋底。可惜鎮店之寶和牛已售罄，改點切牛肉、羊肉、珊瑚蚌、桂花蚌、鮮蝦、龍戥、魚鰾⋯餐前每人送上一碗紅棗雪耳羹潤喉護胃🥣順道一提餐桌上除了蒜泥、葱花和麻油外，就沒有其他調味料。朋友解釋說因爲湯底味足，食材新鮮，太濃烈的調味料會破壞食材本身味道🧂用麻油做蘸料可減低麻辣對胃部的刺激，還增加食物的滑溜感。切牛肉雖然全瘦但好嫰唷！店員解説因為先醃了生粉🥚海鮮很新鮮🦐生蝦每隻都透明，以冰底保鮮極佳，龍躉皮厚膠原蛋白豐富，珊瑚蚌鮮紅晶瑩，坊間質感爽口帶硬，但這份是爽口帶鬆脆🤩結果多點半份（該店可點半份食材）才滿足😋

我同男友都鍾意食辣野，之前聽朋友講渝味嘅麻辣火鍋好好味，所以放假同左男友去試。去到先知，原來佢地午市免鍋底錢，正呀！我地叫左鴛鴦鍋底，麻辣+皮蛋香菜，又可以食到麻辣，同時有皮蛋香菜可以下火。呢度會為每一位預備圍裙，好貼心嘅服務。火鍋配料可以叫半份，我地基本上都係叫半份，因為想試多少少。不得不說，對於食得辣嘅人黎講，佢嘅麻辣鍋真心好味。呢度嘅蝦唔似係死蝦，蝦肉仲保留彈性，唔會有梅嘅感覺，加上麻辣湯底嘅加持，味道一流！芋頭都值得一讚。一般芋頭都需時去令佢變粉，而且煲太耐會散哂。但餐廳嘅芋頭煲左幾分鐘就已經起粉，而且唔容易散哂！意外驚喜！我地覺得佢嘅水餃係自家包嘅，因為出面好難揾到皮薄涵多嘅水餃🥟。離開嘅時候，我地先發現餐廳望出去嘅景觀都好靚，可以望到維港，下次希望可以坐到係窗邊，一邊食飯，一邊食靚景♥️

話說奧爾加係哈韓族，曾習韓語，今次韓語教授黎香港旅行，為左一盡食主之誼，咁凍既天氣當然打邊爐同食辣野最好！行完星光大道就腳搵左間重慶老火鍋！呢個係飯前既湯品，清心潤肺，口感柔軟。打邊爐又點少得啤酒，慶祝教授回歸！九宮格 九種喜愛既辣度呢個和牛粒夠高質魚滑好新鮮又來到口唔好睇少個鍋，真心愈食愈辣，好彩老闆見我地靚女，送左一人一碗甜品俾我地解下辣咁話！呢個甜品解辣一流。其實間野格局幾舒服，而且坐得又闊落，服務態度都唔錯，除左價錢比較中產外，都不失為打邊爐吹水傾心事既好地方。

今日同朋友咁啱過嚟尖沙咀食嘢，咁天氣開始轉涼啦 ，所以朋友就建議去食一間都算幾出名嘅重慶麻辣火鍋。可能因為比較少人會選擇中午食火鍋，所以完全唔使等位就可以直接坐低。一入到去環境都算幾光鮮，窗口中望得到維港嘅景色，感覺相當唔錯。一坐低店員就放低咗一壺茶仲有一碗糖水畀我哋食住等，依一點係幾值得讚賞嘅。湯底方面選擇都幾多，我哋選擇重慶麻辣湯底同埋豬骨湯底，麻辣湯底好夠味，見到用嘅辣椒、花椒份量都好多，完全唔會孤寒，豬骨湯底嘅味道都好濃郁，用嚟煮菜就啱啱好喇。食物方面、由於佢唔係任食嘅火鍋，所以用料呢都相當高質嘅，佢所用嘅肥牛超越一般超市可以買到嘅質素，其他丸類食物、蝦滑等等，味道都相當鮮美，總括而言算係食得相當滿足。👍🏻👍🏻

天氣最近涼咗好多❄️自然令人有食麻辣火鍋嘅衝動😋之前食過堅尼地城嘅渝味曉宇覺得好正🤤咁啱呢日同朋友出尖沙咀行街，記得尖沙咀呢邊都有分店！於是就決定打個邊爐先再慢慢行。餐廳一旁都係落地玻璃，自然光透入暖笠笠好舒服，仲望到海景添！坐低後店員好快手安排好茶水，醬料同紅棗雪耳糖水😋上到嚟先發現，原來而家做緊午市火鍋鍋底免費優惠，原價$38/位，去到12月31日前都係免費。我地兩個真係咩都想食，好彩佢地嘅配料有半份/全份可以揀！我地全部揀哂半份，咁就可以食多幾款🥰雙拼鴛鴦鍋 (免費)🍅蕃茄湯鍋好濃蕃茄味，好香甜開胃。🌶普通辣大紅鍋辣湯底有兩款，我哋揀呢個係冇咁辣嘅，呢度嘅大紅鍋，麻香味十足，香料味濃，味道香辣刺激，又唔會係死辣嗰種，仲好有重慶風味！我地仲叫咗以下10款火鍋配料💁🏻‍♀️.🔺桂花蚌 $66好新鮮彈牙，食落好鮮味！.🔺重慶炸酥肉 $32可以當即食小時，又可以浸湯食。我鐘意就咁食，外層脆卜卜，好酥脆，入面肉質保持嫩滑。.🔺手打蝦滑 $46🔺手打墨魚滑 $46兩款手打滑都足料彈牙！.🔺黑豚腩肉 $42腩肉肥瘦相間，油脂甘香，肉質有彈性！.🔺曉宇苕粉 $29好煙煙韌韌，放落麻辣湯啱哂好惹味。.

話唔要近廚房個個位，個帶位竟然話其它台全部係比左訂既所以confirmed 左比其它客。我以爲去錯地方，去左半島酒店跟住上鍋底個個女員工態度好差，爭d 整倒瀉我地既茶，一啲唔好意思都無，仲黑面，唔會再去！

見呢排忙完個project，就放個半晝俾自己食個靚lunch睇吓戲鬆吓😚行到太子集團中心，見到渝味曉宇個牌就突然成個腦都係麻辣火鍋，流晒口水🤤雖然lunch食好似好誇，但上到去原來都係一件正常事😳都起碼坐到七成人喺度食，最後就安排我地坐喺窗口位，有得望吓對面海，但不過有啲曬😂😂一坐低就上咗兩碗地道糖水，有需要時可以解吓辣🥺湯底就揀咗鴛鴦：番茄&普通辣大紅鍋，都要唔少時間準備，所以都係叫咗鍋先，再慢慢睇吓食啲乜嘢仲好😚而開心既係lunch食係鍋底免費，嗰度都$76😜普通辣🌶🌶都已經係鋪滿辣椒同深紅色湯，但食落又接受到，淨係嘴邊feel到強嘅辣度，而口入面又ok，可能我用香油點食物，減咗啲辣🤪而食物方面真係好貼心，可以半份半份嗌，咁就呢樣半份，嗰樣半份，好快就嗌到成張枱都係食物了😘😘首先麻辣火鍋就一定要落鴨血，浸佢落湯，最後先食😚鴨血好有彈性，好有味道，同麻辣真係好夾👍🏻黑豚腩肉🐷同鮮龍躉片🐟真係要介紹吓，腩肉片好香豬味，而且啲油脂都夠，加埋麻辣真係好豐富，而魚片就有一定厚度，魚肉夠實唔散，最緊要係佢塊皮，好有口感，應該有唔少骨膠原☺美國安格優質肥牛油花好均勻，望落都知係正啦，加少少香油，

最近發現有間評價唔錯嘅重慶麻辣火鍋店，做緊中午時段12:00-17:00免湯底優惠～ 見放假朋友仔又得閒，一於去試吓佢😋呢度嘅裝修環境非常靚同埋舒適，餐廳位於尖沙咀商廈高層，望出窗外面仲有靚風景睇，都睇倒半個維港咖！一坐低店員就奉上紅棗雪耳糖水，滋潤一下喉嚨為麻辣火鍋前做好準備🤣除咗特式九宮格麻辣湯底，仲可以選擇鴛鴦鍋照顧埋唔食辣嘅朋友。而且呢度全部嘢食都可以選擇一份或半份，兩個人嚟食嘅話都唔怕一碟太大份唔可以order咁多款美食，認真貼心啊！呢度仲有一樣好抵讚嘅嘢，就係每樣食物都有寫要淥幾耐時間👍🏻 唔怕淥到啲食材過熟，真正品嘗每樣食材最優質嘅口感與味道。湯底嚟到，見到好似好吸引咁😯趁嘢食未到又未有其他食物嚟到，即刻試啖大骨湯底，好香好濃好夠味，飲得出應該係淆出嚟嘅而唔係味精湯👍試埋個麻辣湯底，好順口好香好夠麻，而唔會淨係得個辣味或者有"嗱"喉嘅感覺。之後仲越煲越麻越辣，超正，啱哂鐘意麻辣嘅朋友👍美國安格斯優質肥牛（半份）$119打邊爐當然一定要食肥牛啦🤣🤣睇落去油花好靚😋跟佢個時間淥5-10秒就食，雖然未至於入口即溶，但係已經好淋好軟身，而且食落亦都夠脂肪夠哂油份👍牛味亦都好夠😋美

💘💘💘快人快語💘💘💘 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀呢間野好味到，直頭回頭n次🤣👍🏻每個月想打邊爐都會過黎食打邊爐湯底一如既往咁抵，皆因有午市優惠，可以免費order湯底，平勁多😆而家渝味曉宇星期一至日午市火鍋湯底一律免費🥳💘💘💘慢慢品，快快評💘💘💘⠀⠀⠀⠀⠀⠀⠀⠀⠀⠀⠀⠀⠀⠀1️⃣番茄湯＋皮蛋香菜💲0💭因為想食得健康d，所以就叫左兩款濃味但唔油既湯底💭超級足料，香菜非常新鮮2️⃣桂花珊瑚蚌雙拼💲129 &曉喻嫩牛肉💲84💭每次黎都必叫 超級爽脆🥰💭嫩牛肉都係次次都食 因為瘦得黎又嫩滑 唔會肥膩3️⃣串燒蝦 半份💲52 & 手打墨魚滑 半份💲46💭蝦又大隻又爽💭墨魚滑就普普通通，無咩特別4️⃣娃娃菜💲32& 黃金菇💲26&竹笙💲32💭非常新鮮既蔬菜💭健康又yummy

今天跟朋友做生日而天氣又轉冷所以就去試試呢間重慶麻辣火鍋在門口等待時已有一些自助熱蕎麥茶及凍羅漢果茶招待。坐底先點了香菜皮蛋窩并普通辣大紅窩。菜單上有半份及一份點算。我們一行6人點了很多很多。原因是所謂一份看來都只有150克至200克份量，實在太細碟。所以點了3轉才夠實在要推介麻辣鮮滑牛及羅漢果茶。滑牛很好有先調味過，味道比安格斯牛好很多。羅漢果茶很濃很夠味，不同其他店只有色沒有味。在網上看見必點那個炸豆皮，吃過後只覺一般，不點也罷。其他材料都不過不失。值得讚就是湯底與服務。侍應生Eric有耐性及用心來幫助及解釋一下要怎樣配才是重慶味道會再來