渝味曉宇重慶老火鍋 (太子集團中心) (已結業)

今日我哋四個人決定挑戰午市火鍋，本來我哋係諗住食午市，最後又係3:30pm先食😹我哋有其中一個朋友唔食辣，所以我哋揀咗個大骨滋補鴛鴦鍋，有辣有唔辣，湯底越食越辣，辣到飛起😹不過真係好好味停唔到口🤣另外唔辣嗰邊鍋有兩舊好大嘅骨，我成功爭取到食咗其中一舊，好好味😋食晒佢啲骨膠原😁我哋今次醒目全部配菜叫本份可以食到好多款，不得不提美國安格斯優質肥牛，d色又靚煮完仲好有牛味👍另外朋友提議叫鮮黃喉，牛骨髓，牛心椗，鴨血，滷水豬大腸都好好味放完落辣嗰邊仲有滷水味😬仲有好多好多不能盡錄😋另外試左 ， 第一次食好似薯粉但係厚好多，係一條又粗又長透明狀嘅類似薯粉，但我唔記得影相🙉餐廳環境都幾好，我估夜晚仲會靚D,應該會睇到維港夜景😬最後我哋由3:30pm食到6pm先走飽到上心口，夜晚個餐都唔使食😂🙈第一次挑戰下午茶火鍋成功，下次都係食返午餐😬以下5分為滿分😋好味程度: 😋😋😋😋💞回頭度: 💕💕💕 📝服務: 📝📝📝📝 🌉環境: 🌉🌉🌉🌉#渝味曉宇重慶老火鍋#大骨滋補鴛鴦鍋#越食越惹味

真係好鍾意呢間火鍋店，已經食第三次啦。 🎯中午湯底免費。.唔同於一般嘅火鍋店，每間分店嘅裝潢一致，予人舒適乾淨感覺。而且火鍋配料獨特，真係令人食完翻尋味.今次麻辣+ 蕃茄湯底，火鍋底料點咗前兩次未試過嘅嘢。開飯前必飲糖水潤喉～.🌸 重慶耗兒魚 半份 HKD 42重慶火鍋地道食材之一。完全沒有腥味，半個手掌大嘅魚，肉質鮮嫩。推介.🌸鴨血 半份 HKD 42擺入麻辣鍋，香辣且口感嫩滑。無得輸.🌸 乾貢菜 半份HKD 46色澤鮮綠，質地爽口，食落有d似海蜇，清香嫩脆。唔錯唔錯.🌸 功夫萵筍片 半份 HKD 22萵筍片薄，落鍋好快熟。 朋友好鍾意食❤️.🌸曉宇手打三寶丸 半份 HKD 49蝦丸 墨魚丸 牛肉丸，彈牙好味😋..🌸自製洛神花茶 一扎 HKD 58打邊爐必飲。

尖沙咀就黎得多，但北京道就真係少喇。 疫情期間，大家都戒左火鍋幾個月。今次咁啱路過呢間火鍋店， 見在佢係單點既火鍋同埋得兩個人食就破戒一下啦。火鍋店黎講，渝味曉宇都算高級。入到店內比我一種舒服既感覺，餐廳環境都乾淨，而且有充足既燈光比人精神既感覺。另外，餐廳周圍都用左大玻璃既設計，陽光照入黎特別醒神。上菜前會有碗糖水，比大家開下胃，怕辣既朋友都可以留到最後解辣既。重慶火鍋當然就唔少得辣，對鐘意辣既我簡直係天堂。食物整體都不錯，可以一戰。

天氣凍凍地出街涼風陣陣 經過附近有渝味曉宇 趁佢既午市仲係免費火鍋底 一於又打邊爐啦 今次黎到呢間尖沙咀分店 個景觀幾好可以見到海景 打重慶火鍋都可以幾有feel 又好chill 湯底揀左雙拼鴛鴦鍋底 一樣係最鐘意既蕃茄湯 普通重慶辣 叫左碟鮮蝦雲吞 蝦餡靚 食落口感幾好有彈性 雲吞皮好夠薄 幾滑嫩 都唔錯 今次新嘗試 叫左樣未試過既火鍋配料 鮮魚膘 幾特別食落有部分好軟淋好似食緊花膠咁 有部分就好爽口 加上香辣 既湯底 超級惹味 幾推薦 鮮黃喉 同埋稻田毛肚 兩樣都一如既往咁爽口 今次仲叫左桂花蚌 真係好鮮甜 幾好味😋仲有次次都會叫既鮮竹笙 吸收左蕃茄湯底 正到脾 打邊爐識食一定叫油炸鬼 浸幾秒湯汁 勁正架 唔少得曉宇苕粉 因為口感好似蒟蒻 一條條滾完吸引曬湯既精華 軟滑微微煙韌次次離開都好滿足

作為一名健身教練, 午餐都可以打邊爐已經有一段時間冇打邊爐, 今日晏晝時間忍唔住去咗渝味食麻辣鍋, 特登揀兩點幾依d時間, 人少好多, 而且午市仲有免費湯底, 一舉兩得上到去餐廳嘅防疫措施都做得幾足 , 量體溫酒精搓手之後先至入得, 坐低之後店員連擺餐具都會用鉗輔助, 而唔係用手直接接觸餐具, 感覺衛生先黎每人一碗紅棗雪耳糖水, 湯底揀左皮蛋香菜鍋加普通辣大紅鍋, 一清一濃中和下, 一貫既麻辣香氣無得頂!稻田毛肚 拖一拖水, 爽口麻辣牛肉 刺激之選, 一定要用辣湯淥, 雙重辣味。鰻魚(白鱔)肉質爽彈。曉宇嫩牛肉 極嫩滑。手打香菜牛肉滑 牛肉嫩滑加上芫荽香, 正。桂花蚌新鮮彈牙。皇帝菜新鮮嫩綠無渣衝上雲霄百香果雞尾酒酒味唔算濃, 百香果味酸酸甜甜好清新, 配麻辣鍋又幾夾。紅糖糍粑 每次最尾都要食先安落, 自從第一次食已愛上, 甜甜煙un又有糯香!第一次中午時間係度打邊爐, 原來景色比夜晚仲靚, 可以望到海再加上自然光線, 人少d又舒服d, 下次都會午市再黎食!

之前同朋友食過一次渝味曉宇，一直對佢嘅麻辣湯底念念不忘。所以今日放假，又捉埋朋友一齊黎個午市邊爐。依家做緊promotion，午市湯底免費，所以都幾抵食。我哋點左雙拼嘅湯底，麻辣湯配皮蛋香菜湯底，一個辣，一個唔辣。麻辣湯有得揀普通辣，辣辣地用黎烚肉類食就最夾。我平時唔係太食得辣，普通辣對於我黎講已經幾辣下，雖然未辣到要不停飲水嘅程度。不過呢個湯底就係有種魔力，一邊覺得辣，但又忍唔住繼續食。因為配搭左唔同嘅辣椒香料，所以辣得黎夠香夠麻，好惹味。而皮蛋香菜湯底，就好香皮蛋同香草味。手打蝦滑蝦味香濃，食落好彈牙。嘵宇嫩牛肉香滑，牛肉味幾濃。紐西蘭羊肉卷，價錢實惠，份量多。羊肉味重，口感唔錯。牛骨髓牛味好濃，口感軟稔，我自己就覺得麻麻地，但朋友就好鍾意XD手打三寶丸，好鍾意食手打丸，比起用機器製作嘅丸類更加有質感。第一次食苕粉，口感同紅薯粉好似，幾Q彈，食落去飽肚感十足，所以要留返最後先食！另外仲有一啲比較少見嘅配料，例如乾貢菜、鮮魚膘等等。最後我哋嗌左紅糖慈粑做甜品，口感煙韌，好似糯米糍咁，外層有少少脆，內層就較軟，加少少糖漿咁食幾好味。

Having been to their CWB, Wan Chai and Sai Wan branches a few times, this time we decided to come visit this TST branch as well. This branch just offered hot pot but no lunch set, unlike the ones in Wan Chai and Sai Wan.紅棗雪耳糖水As always, 紅棗雪耳糖水 was served to us as soon as we arrived even before our orders. There were loads of 雪耳! Yummy!It was so considerate of them to specify the boiling time for each food item.皮蛋香菜鍋&山珍菌湯鍋There was the option to skip the spicy broth and just go for clear broth. W

香港食重慶火鍋嘅選擇唔太多，今日同幾位同事去咗重慶第一的渝味曉宇，食過幾次水準都好好！地點非常方便，尖沙咀站行幾分鐘就到嘅太子集團中心，仲可以望到靚靚嘅維港景色！這裏湯底按人頭收費，每位$38，而家午市仲免湯底費，抵！珊瑚蚌，十分夾口。美國筒蠔，好大隻，蠔味十足！美國安格斯優質肥牛，網紋靚，淥幾秒就食得！必點苕粉，煙韌彈牙，吸麻辣湯一流！稻田毛肚，用上黑毛肚，好香牛味！毛血旺，非常嫩滑！這裏的食物，景色，以致服務都非常好，人均消費300多元很不錯吧，疫情期間還會提供口罩袋和會用熱水煲住啲餐具來消毒，做足防疫措施！

最近發現重慶火鍋50強的「渝味」做緊午市免費湯底優惠，所以帶埋朋友黎食重慶火鍋😋見到餐牌有得選拼鍋，有唔辣的湯底選擇，最後就揀了「大骨滋補鍋」及「普通辣大紅鍋」。而「普通辣大紅鍋」湯底如其名，一大遍紅油配勁多辣椒乾🌶，但除了辣椒外，食個時仲試到湯底仲落左好多香料，所以唔止辣咁簡單，係好濃郁。而「大骨滋補鍋」用大量肉骨將湯底餚至奶白色，配上粟米紅蘿蔔，帶有甜味，各有特色。火鍋料亦好新鮮同精緻，與湯底相得益彰，特別值得一提係鮮鵝腸，灼好食落口係爽脆，唔似得街外咁軟身，同無怪味。而曉宇手打三寶丸更是不得不試，一咬就口腔充滿肉汁，同有咬口，普通機制的丸是不能比擬。曉宇苕粉配上紅鍋的味道更是別有滋味，令我地最後食完一份再點多粉。所以特別推介俾鐘意食火鍋，猶是好辣的你☺️

我最愛麻辣火鍋川菜來講呢間好正宗麻辣火鍋，沒有加添加味精湯底香辣燶郁，食完唔會好渴喉，呢度用木造設計環境舒適 座位寬敞✨湯底系每位人頭計，今次我系下午時段嚟 ，下午火鍋湯底有優惠系免費㗎♡ ♡ ♡雙拼鴛鴦鍋 (大骨滋補鍋/重慶辣大紅鍋)首先叫咗個重慶辣味鍋，味道唔算太難適合我啱啱好另一個湯底豬骨 馬蹄 紅蘿蔔🥕粟米🌽奶白色嘅湯底味道鮮甜，兩個湯底我都好鐘意♡ ♡ ♡美國安格斯優質肥牛 $119打邊爐必食肥牛，安格斯肥牛好重嘅牛肉味道脂肪比例8分2少許油，煮既時間建議6至10秒，肉質更嫩滑♡ ♡ ♡鮮龍躉片 $72鮮嫩爽口份量唔算多，鐘意食龍躉片需要再encore♡ ♡ ♡手打蝦滑 $46手工制蝦滑真系超彈牙♡ ♡ ♡美國桶肥蠔 $69美國桶蠔特別肥美用5分鐘煮仲系好大只，鮮甜好juice,真系想再encore♡ ♡ ♡包心丸 $32最後order包心丸，肉丸包住香濃嘅肉碎，一咬爆汁滲出嚟，超彈牙♡ ♡ ♡功夫萵筍片 $22超薄一片片萵筍值得一陣師傅嘅刀工，一條條如絲帶🎀好精緻，煮幾分鐘就可以食㗎，鮮甜爽口力推♡ ♡ ♡曉宇苕粉 $29比起川菜寬粉仲要粗身啲，煮好苕粉晶凝通透，口感好煙

麻辣火鍋🤤🤤老老實實，其實曉宇嘅香港分店都食勻晒，但係佢嘅嘅麻辣火鍋真係會令人食到上癮。今次可能比較早食，入到去餐廳四周都暫時有咩客人，所以侍應安排咗個海景位俾我同我朋友😂一坐低就會先上碗紅棗雪耳糖水，聽聞碗糖水係俾個胃打一打底的由於有朋友食唔到太辣，所以點咗個鴛鴦鍋，要咗大骨滋補鍋同埋普通辣大紅鍋。我哋叫咗好多唔同食材，當中大推嘅一定係曉宇嫩牛肉、桂花蚌、鴨血、龍躉片、萵筍片同埋淮山條非常高質同埋新鮮！今次食唯一美中不足係冇晒黃喉片，因為呢樣都係次次食必嗌item之一😢大部分食材我哋都係嗌半份，雖然睇落細細碟，但係其實好夠食。而且係張餐牌度會寫埋該食材係要煮幾多分鐘就食得，所以唔使驚唔知滾幾耐。咁多樣食材中我同朋友特別大讚嘅係萵筍片，曉宇萵筍片切得厚薄啱啱好，煮完唔會變得好容易夾爛，而且好吸湯味，落係辣湯嗰邊煮就更好食。食物高質之外，呢度嘅服務好好。除左會留意使唔使幫我哋加湯外，佢哋見到上枱啲食材比較大件都會過呢幫我哋剪細佢，而且非常禮貌😊

聽說很多人去了行山，市區反而少人一點，近近哋便在尖東海旁行至尖沙咀碼頭，天氣好，有太陽，希望人人健康。有點肚餓，來個早飯便回家，不選Tea 了， 因夜一點會找東西吃的！想起渝味火鍋，好像5時前下單免鍋費，已4時多了，致電詢問先。這個鐘數人流不多，我們挑了窗口位，在19樓遠望香港彼岸，中環摩天輪與中環廣場，望著小小的渡輪經過，暫時忘記疫情，再放鬆一會兒先。吃碗雪耳甜品，非常滋潤又膠口，正！點吃至愛重慶火鍋+ 大骨鍋。大骨鍋的紅蘿蔔煮久了仍很甜美。重慶鍋吃到尾湯底不會變苦，還有紅椒香👍🏻。我們必點的(全是半份 ) 嫩牛肉，乾貢菜，墨魚滑，重慶耗兒魚，萵筍。保持水準，肉腍青菜嫩。再點了淮山，龍躉片(冰鮮的，龍躉肉質比較爽口，煮熟後還很彈牙) ，皇帝菜，苕粉(吸了麻辣味，好味) ，手打蝦滑(下次也會再點) 。甜點有(煙韌甜美) 紅糖糍粑，紅糖冰粉。還有少不了的洛神花茶，酸酸咪咪，解膩👍🏻。

久仰大名佢係舌尖上上的中國第一非常喜愛吃麻辣火鍋叫我一定唔可以錯過今次一行四人點左個鴛鴦鍋由於呢中國菜嘅辣到呢比較勁所以揀小辣因為個湯底會越煮越辣啊蝦滑 🦐味濃 好鮮甜多汁貢菜 唔係周圍都有得食 好爽脆 雪花肥牛 油脂分布非常平均羊肉 不推 比較散糍粑 好煙韌 外面有d糖漿但我地4人 食左唔多野 都要$1500覺得比較貴另外希望茶杯可以大杯d 每次飲一啖斟一下食到後段 個鍋非常辣 而且唔提供水 收得呢個價錢 竟然可以咁樣🤔🤔🤔🤔🤔🤔

終於有時間拜會渝味曉宇重慶老火鍋， 這間出名的品牌火鍋於國內有二百多間，亦入「重慶火鍋50強」，更被舌尖上的中國獨家推薦。 成功將品牌引入香港， 另喜歡吃重慶火鍋的人大飽口福了。 近排仲有午市優惠湯底免費， 非常抵食。 一坐低店員會送上冰糖紅棗雪耳糖水， 滋潤又清甜。本身我想試曉宇馳名的九宮格麻辣大紅鍋， 但我又怕太辣， 最後我選了鴛鴦鍋底～蕃茄湯鍋＋ 普通辣大紅鍋， 看見餐牌上的火鍋配料可以點全份或半份， 最適合我喜歡吃不同種類但又食不多的人，然後點了以下火鍋配料～紐西蘭精品羊肉卷$56， 大刀牛肝$46，曉宇手打三寶丸$49， 煎龍躉片$72， 美國桶肥蠔$69，腦花$26，曉宇苕粉$29， 乾貢菜$18，曉宇嫩牛肉$42 ， 韭菜豬肉水餃$32， 還有甜品和飲品～紅糖糍粑$36， 自製洛神花茶$18。蕃茄湯鍋～ 開頭以為這裏辣鍋會係最正， 點知原來蕃茄湯鍋都好好食， 味道剛剛好甜甜酸酸的。普通辣大紅鍋～ 傳統重慶麻辣湯底， 普通辣適合我， 辣度剛剛好， 帶有麻香。紐西蘭精品羊肉卷～ 入口嫩滑， 打邊爐至愛。大刀牛肝～ 牛肝用秘製醬料醃製再配上鵪鶉蛋， 口感爽嫩， 美味得很。曉宇手

今日去左尖沙咀打邊爐！食麻辣火鍋殺下菌🤣雙拼鴛鴦鍋山珍菌湯鍋配普通辣大紅鍋（午市免費）呢度既湯底可以揀雙拼或者九宮格麻辣，但由於我鍾意食菜用清湯，所以就揀左雙拼。順帶一提，佢lunch係湯底免費架！所以我地先專登揀lunch time 黎食！佢個麻辣湯出色就人所共知，用左大量辣椒，加上大蔥同藥材，夠香夠麻！但估唔到佢個山珍菌湯鍋都一樣咁正，菌既種類都有幾款，見到有冬菇、秀珍菇、猴頭菇等等，夠哂甜。配料方面，我就叫左好多款，因為呢度可以叫半份，所以可以每款都試少少，唔驚食唔哂！我覺得曉宇苕粉同埋特色迷你燕餃都係必試既！曉宇苕粉似闊薯粉，口感煙韌，加埋辣湯超正。特色迷你燕餃一口一隻，肉汁鮮甜，皮薄滑嫩。稻田毛肚（$62半份）鮮黃喉（$59半份）桂花蚌（$66半份）鴨血（$42半份）辣湯必食，夠滑嫩香鹵豬大腸（$36半份）辣湯必食，夠入味曉宇苕粉（$29半份）辣湯必食，口感煙韌特色迷你燕餃（$32半份）稻庭烏冬（$42一份）現炸豆皮（$32半份）皇帝菜（$18半份）自製羅漢果茶（$58渣）