添好運點心專門店 (已搬遷) 新店位置

第一次寫食評呢~事緣男朋友仔提起在openrice看見這間點心店~於是慕名前來一試~被門口人潮嚇了一小跳~最後也等了起碼30分鐘~裏面的裝潢很大程度保留了前身的charlie brown cafe的設計(其實連廁所門外貼的charlie和macy也還在.....)在這麼少的店面放超過10張二人檯, 擠迫程度可想而知~不過食物方面才是重點~~點名稱讚↓↓叉燒包: 很香甜~有點脆~簡單來說是必試啦~蘿蔔糕: 加入了大量切絲的蘿蔔~很清但又偏偏煎得有點香口~可惜件頭實在有點小~三兩口便幹掉一塊~_~""芒果布甸: 質地很....稀~不像一般的布甸那般結實~但芒果味充足~一羹羹吃下去的感覺很好~配合花奶更佳~~其實還吃了排骨(比較普通, 細粒, 肉較少), 鮮竹卷, 雞扎, 桂花糕等等~其實味道全都不錯~不過不夠上述三款突出啦~~值得一提的是茶水是"中央供應"的, 可以選普洱或壽眉~然後會有人為你加茶~於是每次喝到的茶濃度都有點不一樣~有點趣怪~茶錢每位$2~最後還多點一客叉燒包帶回家~二人才吃了$99~因為份量不多~所以倒說不上抵食夾大件~不過份量少的好處是即使我和男友二人來吃都可以嘗到不少

落雨天, 冇乜好做, 同兩個老死去飲夜茶七點半去到, 門口已經圍左一班人, 要等8張枱o係附近行左一陣, 大概等左半粒鐘就有位個場比較細, 但係伙記有3個, 收$2茶不過唔係自斟自飲, 係有人定時斟俾你, 有壽眉、普洱、滾水俾你揀第一round:1. 糯米雞 - 大隻, 糯米蒸得o岩o岩好 2. 蝦餃 - 比較細隻, 蝦亦相對細隻, 皮夠薄, 不過不失3. 燒賣 - 蝦肉爽口, 豬肉夠滑, GOOD!4. 煎蛋牛肉飯 - 牛肉夠滑, 米一半硬一半軟, 煎蛋冇特別, 唔太滿意5. 酥皮叉燒包 - 必食點心, 外層脆, 包夠軟, 餡夠juicy, 超正!6. 咸水角 - 外面脆口, 咬落煙韌, 餡料足, 唔油膩, 推介!7. 黃沙豬潤腸 - 腸粉薄, 半透明, 豬潤滑, 我個唔食豬潤o既朋友都讚第二round:8. 鳳爪 - 普通9. 牛肉球 - 滑, 但係細, 冇乜驚喜10. 蘿蔔糕 - 一D都唔粉, 好多蘿蔔, 不過蘿蔔苦味強烈11. 梅菜肉餅飯 - 蒸飯都係好一般好想encore 一碟酥皮叉燒包, 不過已經飽左, 同埋外面有好多人等位, 都係快D起身, 埋單走人, encore 留番

今天食晏去咗添好運食,要等位,等咗3-5分鐘,食咗粉果1粉果晶瑩剔透,好少茶樓會有d料好夠一入即容ok!2皮蛋瘦肉粥好綿皮蛋瘦肉好多粥ok,同皮蛋瘦肉好配合平返服務-今日d服務ok,好貼心,好舒服,我要胡椒粉即時比我,原本係粉果比咗牛肉我,我叫佢換即時換番粉果比我!!

3點3下午茶,全場滿坐一進門即可感覺到店內位置很擠迫即叫即蒸點心,所以要等等一坐下就問你飲甚麼茶,然後待應便會用麥記咖啡壺倒茶入你的杯, 茶味一般馬拉糕-----好鬆軟,食晒都唔會有好油好肥膩既感覺鳳瓜--------好奇怪,成隻碟一點水都沒有?(通常會看見橙色的水浸住鳳爪)不過真係好軟熟,亦不會太咸蝦餃--------16塊4隻蝦餃,一口一隻的(不像平常那些看上去大大隻很飽滿的那種),皮薄煙UN,肥豬肉很少很少,味道比較淡,可是我很喜歡!韮皇蝦腸--蝦仁與韮黃都不成比例的少!打開來看只有一條韮黃,4粒蝦仁,不過腸粉皮真的好滑好薄,鼓油味道亦恰到好處!為了那腸粉皮下次還要點,但不必點韮黃, 韮黃15,免治牛12,便宜3塊仍可吃到滑滑的腸粉啊!煎蘿蔔糕--每一口都吃到蘿蔔粒粒,粉漿落得少,糕身較軟比較容易散,夾時要小心點,不過煎得好香口,不會覺得很咸很油! 辣椒醬很一般...

雜誌介紹呢間食店既師傅係由龍景軒黎既，聽到都好有衝動黎，再見到食評讚到咁好食，當然要黎試下啦。鳳爪排骨飯：排骨真係好多骨，豉油唔夠香，唔特別糯米雞：味道幾好，唔洗咁大隻，留番啲位試其他點心臘味蘿蔔糕：一粒粒蘿蔔，有啲散，有啲苦(因為蘿蔔唔係好靚)酥皮焗叉燒包：好熱，小小甜，好好味雞札：夾左舊雞脾菇又幾好味喎呢到既點心都係十幾蚊碟，話比你聽有龍景軒質素你都唔好信，但味道係ok既，賣相都唔錯，不過太迫啦，迫到好似同個陌生人食飯咁，如果闊落啲都會再黎既，所以短期內都無下次啦。http://hk.myblog.yahoo.com/chu-lay

長假期最後一日，想試下呢間之前在雜誌介紹過o既點心睇過食評都知道要等位，十一點左右去到大半鐘就入得，其間去附近行下好快過今次點o左4樣野1. 蝦餃 - 蝦餃d蝦好爽2. 酥皮焗叉燒包 - 我個又幾多料喎，建議放涼少少先食，個皮脆d好味d3. 豬潤腸粉 - 好細條，不過好味好滑4. 糯米雞 - 好大隻，幾多料，但d米好似唔熟咁好硬以上4樣野都幾好食，同其他食評講o既差唔多不過呢度o既野食有d淡基本上食物都好好，但我諗我唔會再黎原因有幾個：1. 門口個阿姐真係好冇禮貌，同佢講幾次 "2位呀唔該" ，佢係完全冇反應，即係totally ignore o個隻，終於佢肯寫紙仔比我都要鬧人一句：等等啦！好多人呀！ 2. 唔值得咁耐，d野食係ok，但未至於要等大半個鐘3. d位真係冇得再逼，3張日字檯拍到貼，所以要經常起身又坐底咁讓人出入4. 可能開張冇耐，好混亂，我坐o個張6人檯有3人家庭，一個女人同我o地兩個o個家人叫o左一個桂花糕等o左幾個字都未到，催o左好耐旁邊個女人叫的春卷，點心紙寫十蚊，但張單寫十幾蚊 我o地叫的酥皮叉燒包都係催單先有我都係覺得去返酒樓舒舒服服開心d......

經飲食雜誌介紹，說有什麼新開張的點心專門店，也當然來試一試，求求真，所以找了個早上來喝一個早茶。其實真的對此點心店充滿了期盼，因為師傅來頭真的好猛呢，是龍景軒的前點心部主管及好彩酒家點心主管一起開的，所以也特別的有些點心真的是不可錯過，例如名物酥皮焗叉燒包及桂花糕等。上午大概十一時半到達，已經是要等位的了，在等位期間，見到門外有張啟示說明因點心是即叫即蒸，而又人手不足，故此不做外賣，只做堂食，見到後，都暗暗佩服師傅對食物質量的執著，不因盲目追求盈利而放棄質量。在等了差不多十五分鐘，才被安排入座，內裡環境擠迫，各食友去的也請不要介意這一點，甫坐下，店員問我們喝什麼茶，此處提供三款茶，分別是普洱、壽眉及鐵觀音，我等阿伯當然是喝普洱，而另外也點了鐵觀音，普洱不濃不甘，鐵觀音不太香，茶不是此處的重點，似乎在此喝茶，只為點心好了。隨了上述兩種必吃之點外，也當然要試其即拉的腸粉及其他撚手的點心，今天點了叉燒腸、蝦腸、雞扎、鳳爪、燒賣、蝦餃、煎蘿蔔糕、酥皮焗叉燒包、馬拉糕及桂花糕。等上好一陣子，點心陸續送上，而老闆娘見到我們影食物相，也補上一句招呼唔到，是親切的服務態度。先吃雞扎、鳳爪、燒賣、蝦餃等

呢間野係屋企對面....都想試好耐架啦今晚媽咪唔想煮又想早d食就黎左呢度啦大概 7:30 去到都唔駛等位，即刻有!!!反而 8 點到就見到好多人排隊!!第一個感覺係地方真係異常淺窄!!!佢得一條通道，D侍應唔小心既話隨時會撞埋一齊又或者打爛野!!!我地 2 個人叫左:黃沙豬潤腸:一向喜歡食豬潤，所以見到即刻叫!個皮好薄好滑....一夾就穿。D豬潤份量再多少少會好D。酥皮叉燒包:嘩! 好味! 黎到係勁辣辣!!! 而且有好多餡!個酥皮如果再香D就仲好，不過而家都好正啦。鳳爪排骨飯:唔算太大盅，不過佢D排骨好滑好"淋"..好好味但佢D飯好似感覺太軟身，我比較喜歡爽口D!最後叫多個糯米雞:見到好多人叫所以我地又叫，不過係非常之大隻...完全食唔哂好彩我地自備食物盒包走，唔駛浪費。隻糯米雞真係好大隻，又係勁多餡。我食到有腊腸，不過佢無蛋黃..唔知正宗糯米雞係有無蛋黃架呢? 而且佢好實，唔會散哂一堆野咁所以都OK!茶錢 $ 2位，佢D服務都唔算太差姐，有個姐姐幾好笑容。佢樣樣細細碟，好精緻，等我可以叫多幾樣。係真係地方迫左D，不過我都會繼續去，因為好近，又唔貴，又好味!

看到標題，古古怪怪的，甚麼四季點心？早陣子，西打看到飲食雜誌上介紹有一家新開的點心專門店。點心專門店在香港雖不算多，但值得介紹的原因是這家小店的老闆香港四季酒店前點心部主管。名氣很大耶！而且店家堅持每款點心都是即叫即蒸，客人可能等多一點時間，不過品質好像很有保證。鳳爪排骨飯，一看顏色，西打已經有七八分肯定這個不好吃。鳳爪和排骨還好，味道不過不失，最差是那些飯，又硬又乾，醬油味道又不夠，整盅飯沒有味道一樣。好難吃，大家可以跳過這一款！酥皮叉燒包。師傅改變傳統叉燒包的做法，以脆脆的酥皮包著中間滿滿的餡料。酥酥淡淡的，不會很甜，加上濃味的餡料，味道剛剛好。果然是店家的招牌菜，西打一個人吃了三個。馬拉糕。一看顏色，西打就知道這個肯定好吃。顏色比一般深一點點，接近咖啡色。在旁邊看到很多很多氣孔，這塊馬拉糕是經過長時間發酵。吃一口，哇，好好吃，又香又甜，淡淡的有片糖香氣，另外，口感又鬆又軟，好好吃呀！ 吃慣了富臨飯店(阿一鮑魚)的路人甲也說這個馬拉糕比富臨的還要好吃！必點呀！鮮蝦腸粉，粉皮做得薄很順口，不會吃到厚厚的粉皮，口感也很好，醬油味道也不錯，只是蝦的鮮味有一點點不足，但已經比很多店做得還要

昨天看了openrice，發現旺角有一新食店，於是想試一試。一去到就要等十幾張抬! 不要緊，一心想食點心。兩人點了：1) 脆皮义燒包：好味! 脆脆的外層好有口感。2) 蘿蔔糕：硬身點會好些。3) 义燒腸粉：滑!4) 糯米雞：多料!5) 鮮竹卷：好味! 好在皮多少肉。6) 粉果：晶瑩剔透，賣相及味道皆好!如題，如可加快等食時間會加好多分!

與友人的閒談中,知道在旺角廣華醫院附近,剛開了一間點心店,說是甚麼三星級水準,在貴網上搜尋一下,原來此點心店是"添好運",在廣華街與眾模型店為鄰.早上十點去到,店內得兩三檯客人,坐下再望一望牆上的剪報,原來主理人是來自本港唯一一間米芝蓮三星級食店 - 龍景軒的前點心部主管.難怪開張不久,已經成為人氣店,傳媒之力量,威力果然強勁.但是否盲目地吹捧,其他食客亦盲目地跟風,盲目地附和呢?不敢去以偏蓋全,要一試才能定奪.點心紙上的選擇,大約有三十款左右,全部都是大路之貨色如蝦餃燒賣腸粉等,沒有那些鮑魚雞粒酥之三星點心.取向絕對正確,畢竟現今在旺角開點心店,不能太過冒險.所謂古老當時興,近期的大局最興玩古法,此店的糯米雞,又是用到古法來冠名,古法糯米雞有幾古法?係在餡料上加了件晶瑩通透,一咬就爆油的肥豬肉在內,就是叫古法.除肥肉豐滿了糯米雞之外,用的荷葉亦比外面的更芳香,可是荷葉香只停在糯米的最上層,去不到尾.蝦餃細細粒,澄皮煙齦,包住蝦肉,登時白裏透紅.蝦肉又爽又鮮,此店賣$16一客,想想其他點心店,賣的價錢又差不多,但水準差好遠.這就是有沒有心去做的分野.現今香港好多食店,有心做好菜式的,已

星期日10:15分就黎排隊, 小小的店, 早就坐滿人, 我地兩個人等位都等左45分鐘. 其間放棄了, 去附近食左碗粥, 再返黎岩岩好有位.因為食左碗粥既關係, 我地只係叫左3樣點心:脆皮叉燒飽 - 新鮮熱辣, 皮真係好脆, 叉燒充足, 非常非常好食! 馬拉糕 - 都好味, 只係未夠鬆軟. 同埋馬拉糕唔夠深色 (應該係用既糖既關係), 所以少左陣馬拉糕應有既香味鳳爪 - 我無食, 只係我honey食, 佢話比起出面酒樓確係好味d, 而且無咁多"蜆"汁另外我見隔離台既叉燒腸同糯米雞賣相非常好. 下次一定要再去試. 同埋再食脆皮叉燒飽!不過個度既位真係好迫好迫, 坐得唔舒服. 希望佢快d 擴張啦!

呢間係四季個大廚開嘅長期人山人海門口經常大排長龍全間鋪得 28 個位都幾迫吓之前黎過 3 次都因為太多人等位就走左要星期一朝早 10 點幾先無乜人間唔中都有 D 吉位不過要去食都要有等位嘅心理準備都真係幾好食個粉果 燒賣 同個招牌叉燒飽都好好食粉果個澄麵皮 good燒賣好香個叉燒飽個皮好脆 係好似墨西哥飽個皮咁架 good個馬拉糕嫌佢唔夠鬆啫排骨都 ok仲有打包左糯米雞 蝦餃 燒賣 & 叉燒飽茶 $2 位 免加一埋單 119

睇雜誌已經好想食叉燒飽, 嚟到又點可以唔食呢？我哋3人好lucky, 等咗一陣就有位.但係我哋坐個位响收銀隔離, 而且其他顧客成日望住我哋, 整到好唔自在, 都唔知影唔影相好?店內燈光仲暗咗D.茶錢$2位, 有壽眉同普洱兩種, 不過我哋一直都飲普洱睇吓點單紙, 首選就係酥皮焗叉燒飽$12,熱辣辣, 好新鮮個飽好鬆化, 幾脆, 單食個飽都好好味D叉燒唔算多, 但勝在惹味夠香, 整體都好好味.之後要咗古法糯米雞$15,抵食夾大件, 料唔多, 但都好味.跟住要咗潮洲蒸粉果$10 , 味道OK.臘味蘿蔔糕$10, 冇咩料, 但有一絲絲蘿蔔, 都值得一試煎蛋牛肉飯$15, 份量恰好, 蛋煎到半生 D牛肉幾好味, 整體唔錯黃沙豬膶腸$13, 好少, 好細粒豬膶, 不過都好味.蠔皇鮮竹卷$12, 勁多紅蘿蔔絲, 好一般至於服務睇收銀員個樣唔太友善, 加個單都驚比佢話, 服務唔太好, 但為咗好味嘅酥皮焗叉燒飽, 都會繼續支持!!!

近期人氣頗盛的星級點心餐廳，朋友聞風而來，收工來到已近八時，遠望已見長長人龍，平日冷清的廣華街何時起變得如此熱鬧？朋友早來到霸下位置，新開張侍應人手雖然足夠，但落起單來似是錯漏百出，點心部縱有即時發票機，亦出現上錯菜的問題，就如朋友的牛腸粉變成酥皮叉燒包，既來之則安之，自己倒是照吃無誤，再等即叫即蒸的點心，動輒又是另一個十五分鐘。酥皮包焗得過火，帶瓦黃色，外層酥皮略甜不算酥化，包皮軟熟，當然最好吃還是濃郁的蠔油叉燒餡，夠色夠味，如果多一點肥叉就更好，以為是交來貨，朋友走去問師傅，竟然是用西式焗爐焗的，有趣。澄麵皮的韭菜餃，蒸後皮濕濕腍腍，雖然自己不大喜歡這類點心，但這裡的皮軟韌，韭菜加入花生、蝦米炒成的餡夠香，十三元三件，抵食亦好吃。生煎蘿蔔糕，蘿蔔絲比例很重，煎後又香口又有蘿蔔的甜，加有咸肉粒令味道豐富起來，加上酸辣醬開胃又美味，十餘元三件，認真不錯的價格比。鹹豬骨粥售罄，唯有吃皮蛋瘦肉粥，粥底不算綿厚，配料足一啖肉一口粥，味道很豐富，皮蛋沒有很重鹼味，味道天然粥品，有誠意。吃完趕快埋單，是新興點心文化，比較起點心皇之輩，小店明顯花過心機令點心好吃，專程而來不必了，但路過的話，吃件蘿