添好運點心專門店 (已搬遷) 新店位置

上星期日，阿媽晨早就話要去試呢間野嘅點心。十點兩個字去到，第一輪已全部入座，仲大把人喺出面等緊位。結過要等成一個鐘先有枱，但食就只係用咗半個鐘！環境都幾迫，枱貼枱，好迫。三個人，叫咗都幾多點心，不過又唔會太飽，因為份量唔多，size又細。豬潤腸：無堂記做得咁好。腸粉皮沒有米香。亦拉得唔夠薄。豬潤都ok，黃沙潤爽口，不過份量太少。鳳爪排骨飯呢個好食，飯夠乾身。飯仍是一粒粒的，不會太淋。排骨有肉，好味。有兩隻鳳爪，味道不錯。酥皮叉燒包講真，無想像中咁好食。好細個，又扁身，餡唔夠多，仲要夾雜肥肉。唔通係因為多人食而大縮水？！蘿蔔糕又係太細件，比正常size為細。粉少，有蘿蔔絲，煎得幾脆。不過無料，只得廖廖可數的幾粒mini size 臘味。芋絲春卷炸至金黃色。個餡幾漏，得芋絲同豬肉，無其他蔬菜絲，口感較膩。鮮蝦餃好細粒呀！比正常size 細好多囉！有d唔抵！皮幾薄；個餡淨係得蝦，所以唔香，唔能夠帶出蝦的鮮味。應該要加d筍先至會好食。牛肉球普通過普通。不夠香茜味。牛肉質地唔錯，不會太削。亦唔會嗱口。金銀蛋瘦肉粥粥底幾綿，加了腐竹，所以幾杰。瘦肉絲幾好，少少咸香。蒸排骨好味；醃得入味。啖啖肉，唔

這裡每一碟食物都好熱,新鮮滾熱辣,除左茶水外,收每位茶介$2雖然不算貴,但茶不滾,又無茶味,失敗,再者,沒有一壼茶可放在桌上待客人自由添飲,雖要侍應每隔一段時間捧著兩壼茶 (只有秀眉 & 普洱) 向客人逐一添茶,加茶時又沒問清楚客人茶杯裡是什麼茶就直接倒下去,服務態度欠奉,環境有點狹窄。 1. 金蒜莧菜餃($12): 皮薄,晶瑩剔透,內裡莧菜新鮮,正。2. 鮮菇棉花雞($16) 雞好滑,不俗。3. 酥皮叉燒飽($12) 皮脆,如波羅包外層的皮，外內都夠熱,正。4. 山葵白汁咸水角($10): 與市面咸水角不同,挻不錯的。5. 鳳爪排骨飯($17): 普通野,友人要食才order。6. 黃沙豬潤腸($14): 皮薄,食落有口感,但建議若非內臟愛好者請另擇他選。7. 香芋山渣糕($10): 有山渣味,口感如啫喱一般,份量小。喜好見仁見智,友人認為味道有點酸,與茶點格格不入。雖然此店位於旺角之偏僻處,食物選擇又不多,卻能惹來眾多食客,想必是基於它食物夠平、熱、滑。試過一次就夠了,皆因等候時間長。

This is the 2nd time we have been to this dim sum cafe. We waited more than 1 hour for a table The worst is the door lady was so not efficient which made the waiting time even longer. While I liked the dim sums very much, the waiting time is definitely far too long and outweighs the delicious food.Also, the waiters and waitress are not efficient either, we often have to repeat ourselves so many times when ordering and there's often confusion about the orders. While I understand that it is no

今日一心去試架，因為呢度個個都好似覺得佢ok~下晝兩點幾，我地去左等位，都得左15分鐘，大約4-5張檯倒~我地拎位時揀定點心，咁就唔會side時間~酥皮叉燒包︰第一口放左去，真係好熱，熱到差d燙親！不過，佢真係好脆，好香，不過真係好細隻，好似個杯口咁大倒~金蒜莧菜餃︰個皮真係好薄，唔係好似食皮食飽咁，好香蒜味，d莧菜好爽~黃沙豬潤腸︰個皮又係薄，同埋好滑！d豬潤就有d"un"~山葵白汁咸水角︰好"un"呢，有d黏牙~真係有d wasabi 味，但佢d 料好個別發展，即係一個好多，一個冇乜...um...如果要等好耐，我就唔會再黎多次了~d野食都ok既~果度真係好迫......果度d茶真係好淡，冇味，$2一個茶位，我覺得可以濃少少~

去到等左成45分鐘先有得坐,點完又等左幾個字先有得食,如果無耐性既人,建議你唔好去,因為真是好多人排隊等食,點左下面d野黎食酥皮焗叉燒包,新鮮夠熱,味道比較特別,真是招牌菜,好好食,外面好似墨西哥包,而入面配合叉燒,真是好正.古法糯米雞,好香荷葉味唔會好淋,味道不錯.潮州蒸粉果,皮好薄餡夠味,又係水準之作.棉花雞,味道普通.燒賣,一咬落去就食到入面多汁既豬肉,好味道.

今日同女朋友去添好運食點心,好彩早黎因為真係好多人黎食,730都有大約12-13個人等.點左莧菜餃,鳳爪,叉燒包,沙潤腸.莧菜餃,可比美茶樓水準,鳳爪,味不夠濃,叉燒包,好好味,包軟而叉燒不硬雖然冇茶樓既咁多汁.沙潤腸,大家唔好有咁大既期望因為好細條,燒賣$16/4粒,點都唔試,咁貴.大致上味道唔錯,服務態度ok,人來人往,值得一試.

再一次想不到食甚麼時上了OPENRICE一看，發現四月份最多好評的點心舖，於是立即一試。到逹時還有得多人在等呢，和貓貓九時三拿了籌，差不多十時便坐下，由於在等位時已經點好了想吃的點心，不消一會便陸陸續續送上點心了。總共要了以下點心:酥皮焗叉燒包: 真的很不錯，不過三個包的大小也不一致呢~咸水角: 熱哄哄的上檯，不錯，只是油了一點點馬拉糕: 普通，只是很久沒有吃鳯爪: 我的最愛，吃點心必吃，味道不錯。潮州粉果: 我的最愛，這裡的皮薄，料足，大小剛剛好一口一粒。糯米雞: 普通，不過抵食蘿蔔糕: 正正，粉少，有一條條的蘿蔔條，(因為不算蘿蔔絲)我很喜歡這個)黃沙豬膶腸: 皮薄，半透明，豬膶不會過熟，已而不是常常在酒樓吃到這個腸粉起初還想這個吃不飽我倆，原來吃點心也會吃飽，一百大元也不需要呢!!

見到前排咁多雜誌有介紹，Openrice又多人去，我都去趁下熱鬧。去之前打左個電話問，十點關門，大約九點就last order，咁唯有早d去。去到八點十分左右，門口已經有十多人係度等緊。拎埋籌之後順便睇埋菜單有咩食，劃定晒到入座的時候就落埋單，咁就唔駛等咁耐啦。等左半個鐘之後，終於入到去啦。舖位同門面一樣咁細，不過裝修都係新同埋，都算幾好。座位好細，不過未至於係網上d人話背貼背咁誇張，坐落都仲有空間伸展。食物方面都係偏細份量，大胃王要adjust一下，可能要叫多d先夠食。 金蒜莧菜餃 - 咬開有一陣好香的冬菇味飄出來，莧菜&冬菇粒都切得好細，好正！ 鮮蝦燒賣王 - 蝦好滑，蒸得啱啱好，唯一唔好係太細粒。 潮州蒸粉果 - 皮薄，連我呢d平時唔食粉果的都讚好味。 晶瑩鮮蝦餃 - 無得頂，蝦夠鮮，食落好爽口。 香滑馬拉糕 - 好軟熟，唔太甜。 酥皮叉燒包 - 表面好似菠蘿包咁嘅皮，拎上手係脆的，裡面係熱辣辣的豬肉，肉汁鮮美，一個真係唔夠，三兩啖就食晒。 芋絲春卷 - 春卷皮好脆好熱。 臘味蘿蔔糕 - 食落有一條條的蘿蔔絲，味道好淡。 黃沙豬潤腸 - 腸粉好滑流，豬潤唔會熟到透咬唔到。 香芋山

成日睇openrise D人講到點好食今朝晨早9:45去到，已經排左7－8個人好彩都有位，地方都幾逼下兩個人叫左好多野食酥皮焗叉燒包、古法糯米雞、潮州蒸粉果、蝦餃、棉花雞、芋絲春卷、豬潤腸粉、牛肉球、山葵白汁咸水角、燒賣酥皮焗叉燒包，新鮮夠熱，比較特別古法糯米雞，好香荷葉味唔會好淋，有潤腸同肉片潮州蒸粉果，皮好薄餡夠味，喱個好好食蝦餃，皮冇味的只係覺得D蝦好爽棉花雞，棉花好入味唔會有酸宿味，雞好滑，連D菇都用蠔油煮過，喱個好有心去做芋絲春卷，好脆我好似食到有臘味味囉豬潤腸粉，豬潤唔爽因為太薄，腸粉係就係好滑牛肉球，好普通山葵白汁咸水角，幾特別有D wasabi味囉燒賣，平時能係唔會食燒賣，諗住試下睇下有咩特別，點知都係肥豬肉一舊如果要排兩個鐘先有得食我覺得唔直囉我諗唔會特登去啦

早些日子試了這間人氣整盛的小館子，最令我留下印象的竟然不是叉燒包，而是腸粉。糯米雞︰不是太好，但又說不出是哪兒不好，因為很少會點這個點心。酥皮叉燒包︰皮是甜甜的，加上叉燒也不錯，值得一試。鳳爪︰醬汁的味道略嫌淡了一點。蝦餃︰皮不算薄，蝦算爽口，整體來說是比較清淡。生菜︰菜很新鮮也鮮甜。蝦腸︰最後來的是最好味的﹗皮很薄，一點也不粘，加上爽口的蝦，要挑剔的是包得不太好是了。環境十分擠迫，坐得不太舒服，等位時間又長，叫人再來的意欲也少了一半。

第一次去呢間店係某一天晚上既9:45, "唔該,我2個", "今天派哂啦, 聽日早D啦"哇~有無咁串呀, 當時我無留意間店係朝十晚十, 第二次再去時係下午5:00左右,以我所認知呢D鐘數都唔會多人, 結果都係大排長龍, 等左半小時終於入座, 一座低開始叫野食, 差燒飽, 春卷, 腸粉, 燒賣, 粥......共八個點心, 差燒飽係佢地皇牌, 好食唔在講, 春卷咬落去我個口出煙既, 腸粉皮薄, 絕對唔係某酒樓D皮厚到唔知係咩腸, 燒賣都做得好好食, 最重要係樣樣都熱, 重點居然係個粥, 足料之餘, 無味精, 瘦肉一絲絲咁做得好好, 連我女朋友唔係點食粥既都大讚好味, 整體上真係無話可說,個人比95分, 價錢合理 環境衛生, 每一個點心都係新鮮整比黎, 呢度已經加50分啦,佢既茶都值得一讚, 雖然只有2種, 但係就做到足本, 唯一要挑剔既就係佢用既餐具完全無飲茶食點心既FEEL.............

某次下午茶見人比較少就去左呢度試下, 總括來說, 十分ok!!2個人, 同男朋友食左好多點心, 然後決定過2日再食過dinner呢兩次既水準都好好第一次: 下午茶1. 燒賣: 十分好食, 夠熱, 肉新鮮, 冬菇有香味2. 叉燒包: 十分好食, 夠熱, 好多汁, 幾甜同幾香3. 叉腸粉: 驚為天人, 竟然有咁正既腸粉真係少有, 個皮薄如蟬翼, 半透明透出d餡, 質感剛好, 略細碟4. 馬拉糕: 七分好食, 因為比較乾, 唔知係唔係果次咁0岩唔好食? 5. 蘿蔔糕: 十分好食, 夠熱, 剛煎起, 入面好多蘿蔔, 略軟和削, 不過真材實料6. 春卷: 十分好食, 夠熱氣!! 新鮮炸好, 其實唔係特別好食, 加分係因為夠熱辣辣7. 金銀蛋瘦肉粥: 驚為天人, 係出面, 尤其是一般既酒樓食唔到, 好似屋企煲既粥, 金銀蛋調咪, 瘦肉拆成絲絲, 好多料, 粥底綿, 夠熱, 食完成身汗8. 咖喱牛肉球: 我自己無食, 男朋友話好食第二次: 晚餐1. 燒賣: keep到上次既十分水準, 唔錯2. 叉燒包: 同上3. 叉腸粉: 同上4. 蘿蔔糕: 同上5. 春卷: 同上6. 金銀蛋瘦肉粥: 今次少左料

從環境配套，以及進食節奏來說，「添好運」不似是一個享用美食的地方，營業時間朝十晚十，小店一間，卻要排隊近逾小時，期間便要選好食物，收了茶錢，飲用的卻是用咖啡壼沖出來的熱茶，吃完後要快走等.....出現人龍這個奇跡，其中一個原因，是可以用一個平宜價錢，吃出由前酒店點心部大廚弄出來的出品。另外其數款受人談論的「膽腳」點心，配合傳媒的報導，令食客帶點朝聖者的心態；就以每桌幾乎例必點選的「酥皮叉燒包為」例，即叫即焗，趁熱下進食，外皮確是鬆化，內裡的汁餡剛好填滿，味道甜得來恰到好處，難怪成為這裡的招牌出品。蒸點來說，粉果味道算是不俗，勝在熱騰，皮薄而有韌性，內餡則不見甚麼突出之處，起碼沒雜誌介紹的那麼出色。牛肉球確是足料，坊間過度灌水來打膠，雖滑，卻失去肉味，這裡則甚有彈性，加上陳皮作調味，味道甘香。至於作為主角的蝦餃，雖然皮薄，但其蝦膠卻沒有加上肥豬肉和筍粒，不是古早派的味道，整體上有點失望。拿走的馬拉榚，反而是一個小驚喜，色澤呈深啡色，內裡氣孔無數，雖然甜了一點，但十分鬆軟，也有香氣。搭檯關係，從隔鄰茶客中聽到的評語，說到煎蘿蔔榚十分不錯，蒸排骨也佳，但當日的燒賣則只是一般而已，再看門面貼上

回港第三天，到左依排風頭好勁的添好運去拜訪。識好多人去過都係話冇講到咁好，都唔親身試過又唔甘心。星期二兩點幾，門口仲係排長龍，想像唔到假日會點（食完後的結論︰如果要排隊都都應該唔會再來）。等左大概廿幾分鐘，三個人終於有位。雖然好多人出面等緊，又有好多人催單等等，環境又擠迫，店員們既態度都非常好，有求必應。食物係即叫即蒸，所以等緊既時候已經掦好張點心紙，廢事要等咁耐。蘿蔔糕︰一上枱已經有少少失望，因為煎得唔夠脆（不過係一批批，隔離枱個批係夠燶的）。個蘿蔔糕本身亦都麻麻地，冇咩料所以唔夠香，蘿蔔味亦唔多夠。糯米雞︰好大好大...糯米煙煙韌韌又香，做得幾好。可惜入面只係得牛肉同少少雞肉，冇冬菇同蛋黃香味當然爭咁大一截。如果係成本問題，其實可以整細D個size跟住加返多D唔同料，因為食完個糯米雞真係滯到唔駛食其他野。叉燒腸粉︰腸粉好滑好薄好食。叉燒唔係特別好不過都過得去，可能蝦腸會更好食。燒賣︰非常差。有兩舊D豬肉係直情咬唔開，唔香而且口感差! 山葵咸水角︰幾有創意既作品，因為山葵其實同D料既味道幾夾，幾好食! 不過個皮就一D都唔鬆脆，好痴牙....叉燒包︰同個腸粉一樣，叉燒本身唔係特別靚，不

4/4(五) 1:30pm得悉躲在廚房內埋頭苦幹的人馬非同小可,前四季的中廚.遠赴澳遊前,伺機到此店碰運氣.拿著飛仔於店外愣著愣著,半句鐘就這樣過去了...老早已於門外選定了春卷,蘿蔔糕$10,酥皮叉燒包$12,黃沙豬膶腸$13及鳳爪排骨飯$15作午餐.春卷--剛炸起的香脆入口熱呼味的,春卷皮薄,以蘿蔔絲,冬菇及豬肉作餡料,比清脆的外皮比下去.蘿蔔糕--煎至微脆的蘿蔔糕輕柔軟綿之餘,不失蘿蔔的香氣及絲絲口感!酥皮叉燒包--萬千寵愛的酥皮叉燒包;輕輕托起其微隆的身驅,先喫酥皮包身,鬆化而不油膩;藏內的叉燒粒亦帶蜜香;雞蛋挑骨頭的瑕疵為叉燒肉質稍費牙力.黃沙豬膶腸--腸粉薄透,米氣不算重;而內裡的膶物從座上客的評價頗正面的.鳳爪排骨飯-半肥瘦排骨肉腍香,而鳳爪致命地欠缺豆豉香;飯粒如事,幸虧本質彈牙.期望別犯下人氣跟出品朝向兩個極端這通病...