添好運點心專門店 (已搬遷) 新店位置

添好運人氣爆登點可以唔試!上次因為太黑仔所以去左門口行左轉==今次真係去食喇昨天我已經做好功課好食唔好食入曬腦^^以為要等1小時!誰知1會兒就有位同檯個呀叔1個人叫左10幾碟野..全部拎走!好誇張呢度環境真係差左d..不過d呀姐態度都唔係好衰姐!有人試過個廁所話幾乾淨唔濕滑每人只係食左$36!!抵到爛!!飽到嘔!!

特登廣華街一試 同男友排左45mins 先有得食好熱呀實在 勸大家唔好在8-9點去 太多人na 實在排隊果陣不停去對面7 仔乘涼乘涼 酥皮叉燒包熱辣辣細細粒好精緻 入口香辣酥脆 略甜可以picture 佢係個墨西哥包 裡面有香甜0既叉燒 ! 咖哩牛肉餃好唔夾的味道 一般般 ! 食左半舊就唔想再食蘿蔔糕感覺好fresh ! 原條蘿蔔絲可以食倒 , 第一次食倒咁有誠意0既蘿蔔糕牛肉球比較綿身 好受落 呢個價錢好抵食香姑燒賣燒賣皮都真係幾薄下 not bad!排骨老實講 都幾肥下 成籠野我一個人食 都冇乜肉落肚 ....睇其他食客話幾瘦唔肥 我諗佢質素唔夠穩定蝦腸皮薄夾滑 吞果陣好似滑落肚咁 我鍾意 呢度d 茶幾好飲 雖然選擇少但員工0係黃金時間加茶都加得好快手

真是孤陋寡聞, 旺角有這間出名食點心的店都未試過。 不過, 看到要等位超過半小時就想縮沙。 幸好友人先到先拿位, 我到達時看見人頭湧湧真的嚇一跳!豬潤腸 – 對腸粉情有獨鍾, 要做到腸粉好味, 一定是皮薄餡正! 很多時飲茶都找不到滿意的腸粉, 但這裡的腸粉合乎我的口味, 豬潤不苦, 好味道! 香蒜菠菜餃 – 皮夠薄餡亦香, 味道配搭不錯 燒賣 – 好味 馬拉糕 - 夠鬆軟又不甜 酥皮义燒包 – 要等兩輪才有, 飽細細個, 吃後覺得不是食評中講得咁好味, 剛焗完但飽不太脹, 叉燒餡不多。港式飲茶一向是以慢嘆見稱, 這裡太趕, 人多枱又逼, 來這裡只能抱著食快餐點心心態。 價錢與食物質素是超值的, 不過, 食物 size 就太迷你。 另外, 茶只得兩款選擇又唔好飲, 但竟然收茶錢就不太合理。

其實D野食真係好普通!!最特別都係個咸水角,,,,有WASABI味.....但係3件無咩餡架LOR-0-"個蘿蔔糕食落有苦味........><" 仲要一夾就散開..........酥皮叉燒包........超甜!!!!!!(可能我唔食得甜啦><")以呢個價錢黎講,屬於稍貴....其實一心去試下...都係想知到底點解有咁多好評JE...點知D阿姐句句說話都有骨!!!叫佢追單,佢問我係咪要多碟,,,,我話唔係,佢就冇理我LOR-0-"之後最勁GE係比$2茶錢...一杯茶都冇飲過-0-"真係好失望-____-"D SERVICE令到我地一定唔會再去~~~第一次寫食評就係bad comment-_______-"

不愧為城中熱門名店,.所有點心皆即點即蒸,熱辣辣地上枱,吃得出皆為師傅心機之作,絕非將貨就價之行貨.另一欣賞之處,就是想到提供2種茶的選擇,普利及壽眉,雖然不能提供客人洒樓般飲茶享受,起碼顧客有得選擇,與別不同. 是日特意3點3到達,果然只需等待15分鐘便有位.酥皮义燒包-好味得不得了,嗰包很鬆軟,酥皮很脆,甜甜的脆酥皮加上咸咸地的义燒,口感一流!豬潤腸-腸粉做得很好,薄,滑,正!义燒腸-一樣咁好味糯米雞-幾香荷葉味,但不夠料.可以考慮賣貴幾元,加些冬菇或瑤柱之類的材料,咁就會香些山葵白汁咸水角-幾有創意,但山葵太少,唔覺有蘿蔔糕-個糕粉自己做,幾好菠菜餃-ok以十多元的價錢一碟點心,簡值超值,值得重臨.但我們一定不會選擇要等成個多鐘的繁忙時間.始終飲茶要講究水滚茶靚,慢慢嘆才合心意!

星期三, 一個人出旺角睇相機鏡頭, 係時間覓食, 忽然想起這間賣點心的小店.正因為一個人, 於是唔駛等, 即刻有位.坐低之後, 點了人氣之選酥皮焗叉燒包, 蝦餃, 馬拉糕, 煎蛋牛肉飯......貌似雞仔餅的酥皮叉燒包果然係人氣之選, 包面香口, 少少軟身, 咬落有口感, 再試蝦餃, 雖然好似細粒少少, 但食落蝦及皮分明, 夾起時蝦餃皮唔會爛, 成隻放入口最正.馬拉糕鬆軟適中, 咬落有口感, 而且金黃色, 香口, 食過番尋味.而盅飯普通, 只是充飢之選.為了它的腸粉, 一定會再來.

食物ok, 但唔係真的咁top.平, 但唔代表一齊. 你可以無服務, 但唔可以俾惡劣服務. 幾個樓面不停咁俾說話你聽, 等你自動自覺讓位. 客氣講聲都費事 無位就做外賣, 又話無外賣. 我買番屋企食唔使受你氣. 食物幾好都俾樓面敗哂d生意.埋單要收據, 竟然話你唔一早講, 做唔到. 要話番佢先死死地氣黑哂臉印過張.永無下一次.

呢日忽然好想食點心, 所以第一時間就諗起 "添好運"..上次同朋友第一次黎試就已經鍾意左呢度既點心..今次就帶男友仔黎試.. 等位就一定要架啦, 同上次差唔多, 都係等左半粒鐘左右..未有位之前已經急不及待寫左張點心紙..一入到去, 第一時間就交紙, 然後等野食 今次又叫左幾樣新野試.. 金蒜莧菜餃 ($12 - 3 個) 晶瑩鮮蝦餃 ($16 - 4 粒) 咖哩牛肉餃 ($12 - 3 粒) 酥皮叉燒包 (每次必食) ($12 - 3 個) 山葵白汁咸水角 ($10 - 3 粒) 免治牛肉腸 ($14 - 3 條) 楊枝金露 ($16 - 碗)茶錢 $2 / 位食後感覺.. 金蒜莧菜餃 - 好多莧菜, 好新鮮!! (連唔多 like 莧菜既男友仔都讚好好味) 晶瑩鮮蝦餃 - 同上食一樣, 皮有咬口, 蝦蝦好爽!! 咖哩牛肉餃 - 呢個 max 有 D 古怪, 係咖哩皮包住牛肉球, 不過都可以一試!! 酥皮叉燒包 (每次必食) - 正正正, 外脆內熱又好味!! 山葵白汁咸水角 - 因為有山葵, 所以有好輕微既芥末味不過唔辣, 個汁就清清地, 入面無肉既, 屬於素食, 好味!! 免治牛肉

星期日下午心血來朝潮, 想食點心，想起上次看忽周介入的點心專門店，一來到門口已經好多人下, 不過為左食好野, 等下都值, 是次食了:酥皮叉燒包: 外脆內軟, 值得推介! 潮州蒸粉果: 皮薄多料蘿蔔糕: 內面有切條蘿蔔, 口感很好 蝦餃: 很鮮!,牛肉球: 無稔過牛肉球內還有牛肉絲, 很好, 因為這才是新鮮手製! 鮮菇棉花雞: 很滑叉腸: 正!二人共HKD 92-但環境比較窄, 要快D食完快D走....

今日同男友去食點心，黎咗呢間點心專門店，我比較鍾意食呢度嘅酥皮叉燒包 ：皮脆,好似波羅包外層嘅皮，外內都夠熱,熱辣辣，好好味豬潤膠腸 ：我就幾鍾意食咯，覺得好有嚼勁，D醬油好甜，不過男友就唔多鍾意喔鳳爪排骨飯 ：排骨唔多好食，鳳爪就唔錯，都幾夠味，但是總體黎講都是so so咯仲食咗其他嘅點心，都覺得ok嘅不過要排長龍，掃曬興咯而且各環境比較窄如果可以換個環境食到呢d點心就好唔錯啦

去了廣華街的"潻好運"拎飛等位食點心,見咁多人等緊位,呀有行一陣街先回來~入到去見到d檯真係好少,好迫,背脊得背脊.....阿姐問我地飲咩茶,有普洱,壽眉揀~我個人就覺戈普洱幾好啦~那兒的食物都ok,最好味都是它的招牌菜"酥皮叉燒包"都幾好食,面頭係墨西哥包,只不過餡係叉燒(80分)~其餘食了豬潤腸粉,蘿蔔糕,燒賣,糯米雞~糯米雞: 跟平時的糯米雞一樣,只不過比市面的大隻一點吧......(55分)豬潤腸粉: d豬潤好爽口,唔同平時食粥咁煲淋,熟的程度剛剛好,我平時唔係咁鍾意食豬潤,都鍾意食,內裡有少少薑癖它的腥味,同豬潤都幾夾,再加上腸粉都好滑(75分)蘿蔔糕: 賣相同平時的差唔多,一食落口好苦,雖然是有80%都是蘿蔔,但慘在乜料都無.....連少少腊味都無...一味只係蘿蔔......我個人就唔推介.....(40分)香姑燒賣: 已經見到面頭有幾粒冬姑係面,入口好大陣冬姑香~同埋蝦多過豬肉,60%蝦,30%冬姑,10%豬肉~鍾意食冬姑的可以一試~(75分)以我咁嘴饞,我只推介酥皮叉燒包+豬潤腸粉+香姑燒賣~其餘的真係麻麻地....

4點幾去到,攞左張飛排第26,當時叫到17號,要等9張枱,一心諗住9張好快點知行左10鐘,返去睇下,都係叫左兩張枱,跟住唯有去對面7仔同左惠康行下啦,行左差不多20分鐘,又返去睇下,點知又係叫得個兩張枱,成30分鐘先叫得四張,咁再行去家樂逛左30分鐘,返去睇下啦,點知叫到4x號,佢話無辦法要我地再攞個號碼再排過,無法啦鬼叫咁多人咩,於是又再攞過號碼再排過囉,之後太肚餓,就去左瘋薯打下底,之後拿拿淋過返去,好彩o岩o岩叫到,即入我地一行四人叫左糯米雞 (d料好多汁好好味,不過無雞係入面)蘿蔔糕 (有一條條蘿蔔絲,唔會死實實)鳳爪 (ok,no comments)酥皮叉燒包 (prefect,超水準,熱辣辣)咖哩牛肉餃 (唔好食,只係黃色既皮包住舊牛肉咖哩汁唔好味)潮州粉果 (皮簿蝦餃 (細細隻,一籠有四粒,over standard)豬潤腸粉 (細細條,皮簿,好滑)排骨 (普通)呢間舖頭雖然人流旺，但係只有做到死死下，都唔係好賺錢，ｄ人坐成粒鐘都唔係食到好多錢，所以提醒ｄ食家，親佢味加價前要食好親快啦茶錢HKD2位 Total : HKD121

食物一般, 環境非常擠迫. 唔駛排隊都可能會再o黎, 但要排一粒鐘, 咪攪 !!飲茶食點心都係去美心好d.....今晚食o左:酥皮叉燒飽: 熱辣辣, 皮脆, 餡多, 好食.黃沙豬潤腸: 腸粉夠滑, 但豬潤好少. 都算好食.古法糯米雞: 份量大, 好多餸, 我覺得一般, 但男友話好好. 可能我唔鐘意食潤腸.蘿蔔糕: 一夾就散, 食到有蘿蔔絲, 仲苦苦地. 一般.咖哩牛肉餃: 九唔嗒八, 我唔識欣賞.

聽聞這餐廳在openrice人氣急升, 今日經過旺角一試其味. 餐廳位置實在偏了點, 由旺角火車站到這裏也要走15分鐘, 而且是是橫街, 實在不好找. 來到時已見門口有七八人在等候, 於是第一時間上前拿位, 但要人到齊才可以入. 又等了一陣, 人到齊, 終於可以入得, 周圍一望, 餐廳不是大, 格局只是一般茶餐廳. 蝦餃 - 味道一般, 只是一般的蝦, 上枱時皮是穿的皮蛋瘦肉粥 - 不錯很綿, 很好味牛肉腸 - 很好食, 皮薄牛肉滑, 但細條了一點蝦腸 - 皮很薄很滑, 但蝦很細粒, 好像不太新鮮叉燒餐包 - 新鮮熱辣, 味道不錯, 但沒有一試難忙的感覺生菜 - 份量一般, 味道一般牛肉球 - 不錯, 牛肉好滑好味豉油王炒麵 - 一般街邊炒麵, 可以不試總括來說, 這餐廳的食物是新鮮製造, 上枱時熱辣辣, 味道是不錯的, 但要說非常好味, 有大酒店級數又言過其實餐廳細細也不好意思住人做生意, 食完後快快埋單. 見門外等候的人比之前更多, 如果要等上一個鐘才食到的一餐又是否值得??

媽咪佢地響果度食完野再拎返黎俾我食(外賣)... 佢地話排左好耐隊啦~哈~我食左酥皮焗叉燒包,古法糯米雞,燒賣,蝦餃&鳳爪排骨飯... 好好味呀!!! 下次都係自己去果度食下先... 不過我驚要排隊等好耐 ><