影片
更多
2009-05-25
22 浏览
是日下雨天。早上因為烏烏龍龍地攪錯左 training 既日子。係旺角衝忙落車，想起登打士街的開飯 No. 1、No.2 的貢茶與添好運...一大早去到貢茶未開門，決定先去附近的添好運。久仰米芝蓮三星級龍景軒點心部主管的大名。朝拜旺角龍景軒去。係附近兜兜轉轉找不到，決定問一下士多老闆。老闆一笑話轉左未係囉，已經有人排晒隊啦。去到果然有條小人龍。前面個位師奶很好人，提醒我要羅飛先，我都唔知，以為傻更更排隊就得！十點幾去，一等就是差不多半小時。一個人尚且如此難搵位。坐了二人位，唔洗同人逼。一坐底見墊檯紙有四款招牌點心：酥皮焗叉燒包、潮州蒸粉果、香滑馬拉糕、臘味蘿蔔糕我先叫了：晶瑩鮮蝦餃 - d 蝦好彈牙呀，不過個皮一拎起就爛左....功夫又好似渣左少少。古法糯米雞 - 很熱及大個，決定打包遲 d 食，不過偷食左少少，好難形容，但一定好過出面酒樓食的。鮮菇綿花雞 - 雞的確滑，不過太少，魚肚多左 d ，又 sok 晒 d 油陳皮牛肉球 - 好香的陳皮味酥皮焗叉燒包 - 三個，太熱食的時候唔覺得好好味，攤凍少少就會覺得像曲奇餅的叉燒包幾特別，d 叉燒味道亦想當好。不過食到第二舊就已經覺得太多了
早上因為烏烏龍龍地攪錯左 training 既日子。
係旺角衝忙落車，想起登打士街的開飯 No. 1、No.2 的貢茶與添好運...
一大早去到貢茶未開門，決定先去附近的添好運。久仰米芝蓮三星級龍景軒點心部主管的大名。朝拜旺角龍景軒去。
係附近兜兜轉轉找不到，決定問一下士多老闆。老闆一笑話轉左未係囉，已經有人排晒隊啦。
去到果然有條小人龍。前面個位師奶很好人，提醒我要羅飛先，我都唔知，以為傻更更排隊就得！
十點幾去，一等就是差不多半小時。一個人尚且如此難搵位。
坐了二人位，唔洗同人逼。
一坐底見墊檯紙有四款招牌點心：酥皮焗叉燒包、潮州蒸粉果、香滑馬拉糕、臘味蘿蔔糕
我先叫了：
晶瑩鮮蝦餃 - d 蝦好彈牙呀，不過個皮一拎起就爛左....功夫又好似渣左少少。
古法糯米雞 - 很熱及大個，決定打包遲 d 食，不過偷食左少少，好難形容，但一定好過出面酒樓食的。
鮮菇綿花雞 - 雞的確滑，不過太少，魚肚多左 d ，又 sok 晒 d 油
陳皮牛肉球 - 好香的陳皮味
酥皮焗叉燒包 - 三個，太熱食的時候唔覺得好好味，攤凍少少就會覺得像曲奇餅的叉燒包幾特別，d 叉燒味道亦想當好。不過食到第二舊就已經覺得太多了，marginal utlity value 爆跌。
同檯的那位師奶，一坐底就不停的叫多份，數量很多，原來她要帶走的，坐底只為叫外賣！
經佢提醒及介紹，我再追加以下：
潮州蒸粉果 - 料好像多d，不過真係唔係幾食得出佢點解係招牌點心。
香滑馬拉糕 - 挺香，又係唔係幾食得出佢點解係招牌點心。
臘味蘿蔔糕 - 很鬆軟，一用筷子就變碎上...可以說蘿蔔絲做得很好，不過我就係中意呢 d 鬆而唔實既蘿蔔糕。
欖角肉片飯 - 侍應話呢度 d 肉片好滑，又的確係喎。
鳳爪排骨飯 - 那位師奶話排骨好食，我覺得都係同出面差唔多。
山葵白汁咸水角 - 呢隻咸水角未食過，幾特別。
黃沙豬潤腸 - 又係那位師奶介紹的，有驚喜，忽然愛上豬潤！腸粉皮很薄，料很多，yumm~~~
金蒜莧菜餃 - 蒜頭莧菜，我覺得特別過潮州粉果。
點心叫了十多樣，當然不能自己一個食晒那樣瘋，要了4 個外賣盒加 2 個外賣碗裝飯。盒錢不用加錢，難得佢唔做外賣因為堅持即叫即做，但係都可以自己制造外賣與親人分享新野食。
那位師奶是熟客，不停的教路要食乜乜乜，要點 pack，在此先行道謝。因為呢度人手不太夠，切記加單要儲埋一次過加，寧願自己堆高佢食，費是可能遭人黑面。
10:40am 黎的話聽講係最好，因為剛食完第一輪早茶客。
收銀小姐一見我大包大包的， 跟我說，咦，又學人唔好 waste 左個機會，叫多 d 呀？
Brunch $190！實在太誇張了，早點吃那麼多...
张贴
