海龍王餐廳

营业中

休息中

一家大細去海洋公園，有老有BB, 諗住一早訂定位會容易安排，但係好快就Full咗，話可以work in~ 本來諗住放棄食另一間，但無開，於是都係安排咗個人早啲去排對.. 都早咗半個中去排，最後當然係食到！！.入到去，其實唔多枱，我無特別數lu~ 相信因為疫情關係... 我覺得入到去坐下休息下都幾好，我見BB由無笑容變番笑哈哈，我諗佢對個場都幾滿意。.呢度有lunch set同A La Carte~ 因為唔太餓，我哋係叫A La Carte... ..當然價錢都係海洋公園嘅價錢，唔知會唔會係食A La Carte嘅關係，我哋點嘅食物個樣其實ok ga~ 質素係正常，只係唔夠熱，我覺得勁似到會啲餸... 到底點解呢~

陳國強師傅應該是香港這十年來, 最多瓣數的Celebrity Chef. 自從在CCTVB的”大廚出馬”節目拿了冠軍後, 他上電視及為其他中菜廳作規劃的次數多不勝數, 而位與海洋公園的海龍王餐廳, 就是他其中一個企劃項目, 為其設計餐單. 海龍王餐廳主打的, 是在水族館便吃高貴粵菜, 也許是因為星期日吃午飯, 人很多很熱鬧, 位於水族館閣樓的餐廳, 也感受到水族館內的人聲鼎沸, 浪漫就....哈哈哈! 餐廳有單點菜式也有套餐, 菜式當然是以海鮮為主, 以Fusion粵式的煮法製成, 海鮮也強調是環保而Sustainable. 主菜燒鱸魚柳外皮很脆, 內裏肉質結實但不會死實, 以星洲醤也就是鮮茄辣醬煮成, 味道酸酸辣辣, 和惹味的鱸魚柳頗為配合. 另一道澳洲龍蝦以蔥和青檸醬快炒, 除了感受到它的火候外, 龍蝦肉口感爽口彈牙, 而青檸和海鮮本身就是一對拍檔之餘, 其微酸也中和了快炒做法的油膩及熱氣. 主菜質素以主題樂園的餐廳來說, 真的頗令人驚喜呢! 至於對住水族館吃海鮮, 如果在晚飯時間, 寧靜一點應該感覺不錯! 對我而言, 看着海鮮吃海鮮,感覺就有點像高級版的鯉魚門吧! (笑)

尼到海洋公園，朋友話好想係海龍王入面望住d魚食lunch,好彩walk in 都有位，建議大家想食要預早book定先，尤其係想坐係魚缸隔尼Lunch set包左湯同沙律，我三個人叫左一個set另加兩個main,湯係忌廉磨菇湯，仲有麵包籃沙律係巴馬火腿配沙律菜，中意個醬汁，好夾第一款主食係煎帶子，伴碟好靚，份量唔算多，但多帶子，個醬好特別驚冇麵飯會唔夠飽，叫左個長通粉，不過不失最後係燒春雞，都幾多肉，仲有少少薯蓉伴碟Lunch set 仲有甜品

第一次吃「魯菜」，團年飯選擇來了海洋公園支持光影盛會新表演，選擇了海龍王餐廳，雖然安排時間上菜需要改善，服務需要培訓，但整體還是滿意的。因為光影盛會兩個表演的而且確很好看，食物雖然出得慢但非常新鮮同有質素，估唔到海洋公園有這個質素的食物品嚐，無論是否特別標榜是用醬油來做，都感覺到是有心思的餐牌和安排。當然名字都好重要，御如意元寶湯真的好好看，茄子包着鮑魚的頭盤和松茸帶子也是鮮美的，燉牛肉也做得出色。餐廳經理怕我們要看晚上9:00的表演，剛等到泡飯來上桌的時候，他說他稍後會給我們做一個新的邀請我們先看表演，這個我們是感覺到他的誠意安排，熱辣辣的龍蝦泡飯是好吃的。最後的甜品是有一種莫名其妙的感覺，是一個醬油芭菲，但又好像雪糕和忌廉造成的，可以一試是一個創新的配合

新裝修之後第一次來，煥然一新的感覺，變得 classy 多了。一行六人在沒有預約的情況下希望能坐在最近魚魚的枱，因暫時滿座，他們安排我們坐在其中一張枱等待，大概15分鐘後便安排了這一張可以近距離靠着水族館的，吃下什麼都高興，特別是生日的那一個。這裏中菜質素很好，人均最低消費$150，這次六個人吃了$1600，其中最喜歡的是這一碟荷葉雞，其實在這裏吃什麼都不重要，能夠坐在這樣的一個大魚缸旁邊，一邊看着鯊魚和魔鬼魚一邊吃飯，好值得！

為慶祝囡囡生日月及銀婚紀念，特此訂枱慶祝，幸運地剛好编排在大水族旁的枱號，整晚魔鬼魚及槌頭鯊伴食。先點了招牌頭盤:燈影牛肉、話梅番石榴球、芥末鮑魚角、脆皮牛面頰，款款美味。主菜:星洲醬燒鱸魚柳、鹿兒島豚肉及楊州炒飯，美味又滿足。當然要點埋甜品作终结，點咗朱古力慕絲及流沙金球，好正。今次無帶小朋友，下次可以考慮帶埋侄仔們，小朋友見倒大水族缸伴飯，一定可以興高釆烈地享用兒童餐，開心歡樂渡過難忘的一天海洋晚餐……。經openrice 訂座，更可享有八折優惠，抵……大家預早計劃下啦

好舒服既環境同一班要好既同事好好享受。頭盤既梅味石榴球十分精彩! 酸甜得宜。每碟拼盤都美得捨不得食。黑杞子椰子嘉美雞燉湯，非常鮮甜，椰子肉燉後好入味。炒帶子及東坡肉甜品中間既流沙奶皇煎堆，正

期待以久的日子終於到了，星期五一家人到海洋公園內的海龍王餐廳晚膳。因為要預早兩、三星期訂枱㗎！作為全港唯一的水族館餐廳，「海龍王」真的充滿吸引力！恍如置身神秘深海世界的氣氛令恐龍們we wa大叫😂，站在巨型觀賞屏前不肯就坐。 餐廳知道我們有小朋友，一早放好兒童餐具及安排最近顧賞屏幕前的座位，使我們一邊點菜一點看顧到孩子。當餸菜呈上時，又是另一個驚喜，精緻的賣相令人印象深刻；味道亦非常好。我們點了六個菜：1.「海龍王炒飯」：這個真是必吃👍🏻。外型似蛋糕，上層是紫椰菜下層是炒飯，配搭極佳。2.「鮮沙薑脆皮手撕雞」：跟平時見到的手撕雞賣相不一樣，雞肉充滿沙薑味，很好吃。而雞皮真是非常脆口，引不住一吃再吃（增磅都無辦法😅🤣）。3.「鮮淮山雲耳泡田園蔬菜」：淮山超爽口，好意外，好味健康之選。4.「傳統楊州炒飯」：因為小朋友喜歡吃飯，所以叫多一款😂，跟茶餐廳吃到的不一樣，可以一試。5.「兒童餐盒」x2 ：相對抵食！用玩具海洋列車𠄘載食物而上，很吸睛！當晚我們一共吃了兩小時多，因為小朋友很喜歡看魚，魔鬼魚亦不時喜歡貼近玻璃跟我們打招呼☺️，原來這裡有超過400個品種共5,000多條珍貴魚類，所以不愁沒

對於生活在陸上的我們，海洋是個既神秘又浪漫的宇宙，可惜不愛冒險的我害怕潛水，只好隔着玻璃欣賞，總比在螢幕上看有真實感呀！對我來說，熱切期待 AR VR 科技可早日帶我遊玩七大海洋，不過，今晚先來食餐飯！海洋公園內的海龍王餐廳最近改頭換面，以珊瑚保育為裝潢主調，入口處延伸至主廳中央的彎木間隔，由自家設計師特別製造，如珊瑚亦似魚骨，別緻漂亮，自然分隔了食區。燈光柔和，線條簡約，海洋藍色的座椅、銀灰色的珊瑚圖案地氈，配合波浪形狀的光纖吊燈，刻意營造深海環境氣氛，在這裏用餐，感受與別不同。知名的星級廚師陳國強師傅來了這裡，特別設計了以珊瑚為概念的「嚐味套餐」，選材時令及取自環保海鮮，最特別是擺盆生動、造型維肖維妙。頭盤－話梅石榴球、芥末鮑角、燈影牛肉賣相精緻，擺放如珊瑚狀，依此次序吃，由淡至濃。話梅石榴球的組合很有新鮮感，石榴果肉切成幼絲，加上開胃的話梅粉之後，口感爽滑，微酸醒胃。芥末鮑角柔韌充滿酒香，實情是這澳洲青邊鮑先以桂皮八角等滷水醃製過，然後真空包裝，20度慢火烹調，4-6小時後，鮑魚肉芯變得柔滑不失彈性，配合芥末，成功提鮮。燈影牛肉薄如紙、脆如薯片，取材肉味濃郁的美國肩胛肉，調以十多

好耐冇去海洋公園 海龍王餐廳最近裝修完 與魚兒共進晚餐🐠餐廳環境擺設到菜式擺盤 以珊瑚保育為主題陳國強師傅嚐味套餐 $788/位✿燈影牛肉乾/話梅石榴球/芥末鮑魚角↛牛肉片非常薄 手切薄片再炸成 好濃郁牛肉味 石榴絲好清新 配話梅粉 成球狀好開胃酸酸甜甜澳洲青邊鮑經過慢煮後口感彈牙 又軟身 芥末提起鮑魚鮮味✿椰皇燉雞湯↛師傅用雲南火腿代替金華火腿味道溫和d配黑杞子 本地鮮雞 椰子水一齊熬燉，老火湯得嚟又唔會好上火✿松露雲蛋龍蝦球↛油泡過的龍蝦肉伴 梳乎厘狀蛋白泡泡突顯龍蝦肉細嫩仲有黑松露醬係底✿東坡肉↛選用日本鹿兒島五花肉低溫慢煮 超腍超鬆化廚師提到分別用鎮江醋同意大利陳醋兩種醋炆煮好醋香好溫和的酸甜味道✿海龍王炒飯 ↛鮑魚 龍蝦 蟹肉 甘荀 紫椰菜等食材切成粒狀炒飯粒粒分名 乾爽無多餘油每一口炒飯口感都非常豐富 米飯乾爽彈牙✿金魚奶凍↛口感細滑配superfood chia seed 加上奇異果汁 手工小芋圓 蜜瓜粒粒感覺清甜健康

頭盤係三款前菜拼湊而成嘅精美拼盤，石榴球係將石榴切成微絲加上話梅粉再搓成球狀，口感比起就咁一件石榴肉更為細膩而且味道亦開胃清爽；緊接芥末鮑角當然係用可持續再生嘅澳洲青邊鮑，慢煮後口感彈牙得嚟又比平時食到嘅鮑魚更軟身，而且仲有個wasabi醬提鮮；最後燈影牛肉就係將肩胛肉手切薄片再炸成，感覺好似台灣豬肉紙咁薄脆但又帶牛香✨湯品係椰皇燉雞湯，響用料上下咗唔少心思，以雲南火腿代替過份搶味嘅金華火腿感覺更為溫和，配上黑杞子同本地鮮雞，再加埋椰子水一齊熬燉，老火湯得嚟又唔會好上火，入口舒服✨兩道主菜有彷如珊瑚嘅雲蛋龍蝦球，同樣係可持續龍蝦尾，味道鮮嫩，再加梳乎厘質感嘅雲蛋同松露，無論味道定係質感都再添層次✨而東坡肉則滿滿嘅慢煮感，肉質超腍超鬆化，廚師介紹時亦特別提到烹煮時分別用咗鎮江醋同意大利陳醋兩種唔同感覺嘅醋嚟炆煮，帶香醇嘅醋香又唔會過於霸道，酸甜感同豬肉香完美混合，超好食超喜歡呢道菜✨飯食海龍王炒飯就係高功架之作，鮑魚龍蝦蟹肉同雜菜與炒飯完美結合，每樣食材大負都處理到大細差唔多，而且成個炒飯粒粒分明，口感亦都乾爽唔會帶多餘嘅油份，再加上面頭嘅紫椰菜令成個炒飯變成新潮打卡佳作✨最後甜品亦係好

曾經遊覽過幾間不同地方的水族館，卻沒想過可以在水族館內，一邊欣賞魚類一邊吃晚餐香港海洋公園的海龍王餐廳經過了翻新，裝潢及菜式設計都以珊瑚保育為主題。走進餐廳馬上被一大幅水族館及海洋生物的畫面迷倒，拍照後坐下等待米芝蓮名廚送上的美食頭盤拼盤有三款精美小吃：燈影牛肉用上美國肩胛肉，加進辣椒油及四川香料醃製後切成薄片，再用低溫炸成脆皮，清脆好吃；話梅石榴球把石榴球切絲後加上話梅粉，清爽開胃；芥末鮑魚角用上澳洲青邊鮑慢煮 4 小時，吃下去柔滑而不失彈性，加上芥末汁後更加好吃接著有精美的椰皇黑杞子雲南火腿燉嘉美雞湯，湯與椰子水熬煮 8 小時後製成椰子上湯，喝下去有陣陣椰子清香湧出來，清爽又自然。喝過湯後有主菜送到，用龍蝦尾伴著的松露雲蛋龍蝦球，外表充滿海洋的感覺，龍蝦尾肉配上有如梳乎厘的蛋白泡泡，突顯了龍蝦肉的細嫩度，配搭得很好吃；黑醋東坡肉用上日本鹿兒島有名的豬肉，用花雕低溫慢煮後，加進意大利陳醋及鎮江醋再次炆煮，非常入味而且東坡肉充滿層次感及扎實，與眾不同。接著有色彩繽紛的海龍王炒飯，材料有澳洲鮑魚、龍蝦、阿拉斯加蟹肉、甘筍、紫椰菜，每一口炒飯都非常豐富，米飯乾爽彈牙，是印象深刻的一道菜最後

如果說，每一個城市都有一個屬於自己的海洋世界。那麼，海洋公園，則無疑是數代香港人心目中，濃縮版的海底奇觀大世界﹗在現實世界中，忙碌打拼了一整天。放工後，風起雲湧，且掛著三號風球。然而，絲毫無阻小妹與友人尋歡作樂的雅興。暫且，放下包袱，戴上面具，幻化為一條小丑魚，投入夢幻海洋世界……我們不再年輕，怕熱怕曬，勞累不得。海洋公園的機動遊戲，甚或是各種動物，均不是咱倆此行的目的也﹗是夜，我們是衝著米芝蓮名廚陳國強師傅最新推出的「嚐味套餐」套餐而來。凡於「海龍王餐廳」享用晚餐，晚上六時半後可免費入場。公園入口處，餐廳安排專人帶領，經特別通道，步入餐廳。 「海龍王餐廳」，是全港唯一水族館餐廳。最近，以珊瑚為設計基調，配合充滿環保概念的新菜式設計，重新與大家見面。珊瑚的流麗線條貫穿餐廳每個角落，踏入餐廳，眼球就被珊瑚波浪狀的天花板光纖吊燈吸引住了。此外，珊瑚流線型的海洋藍色座椅，甚或乎地上珊瑚暗花圖案的絲絨地毯，都教人眼前為之一亮﹗ 餐廳一側，對著碩大且無敵的水族館。據說，水族館內，有超過四百個品種，共五千多條珍貴海洋生物。居高臨下，看著樓下的遊客在觀賞海洋生物。我們，既看魚，也看人。 望著眼

其實唔洗去開op玩先順便喺入面啲餐廳食下野，平時慶祝生日、紀念日等日子，望住水族館食晚飯嘅感覺好難忘、浪漫💕原來海龍王餐廳最近換上全新面貌，裝潢以珊瑚為主題，好靚好grand🤩坐得舒適，服務態度非常好👍🏻.頭盤(燈影牛肉,話梅番石榴球,芥末鮑魚角)燈影牛肉就好似豬肉紙咁🤣再加上芝麻同麻辣油，好香口！鮑魚角好新鮮！石榴球由石榴絲整成，再撒上話梅粉，好開胃😋.椰皇黑杞子雲南火腿燉嘉美雞湯用靚椰皇加雲南火腿同新鮮，燉八個鐘，好花心機呀👏🏻味道非常滑甜、又滋潤❤️.松露雲蛋龍蝦球賣相好吸引！龍蝦肉好新鮮爽口！配雲朵蛋，同埋大量黑松露！好香，味道同口感都豐富👍🏻.黑醋東坡肉用上鹿兒島嘅優質豬肉，低溫慢煮令肉質更鬆化，兩種醋炆得好入味，高質🤤.海龍王炒飯原來用料好豐富！包括有澳洲鮑魚、龍蝦、阿拉斯加蟹肉、甘荀、紫椰菜等食材切成粒狀，味道唔錯👍🏻.奇異果露伴奶香果凍丸子條魚仔其實係奶凍，口感細滑，加上奇異果汁、小芋圓同哈蜜瓜及蜜瓜粒，有視覺效果之餘，味道仲好清新，又唔會膩，係一個好出色嘅飯後甜品🤩

✨跟魚魚一起晚餐🐠好耐冇去過海洋公園嚕不過今次唔係去玩 係去食好西😝海龍王餐廳啱啱裝修完 以珊瑚保育為主題無論地氈同燈飾 都模仿緊珊瑚嘅形態菜式又以珊瑚造型擺盤 將餐飲融入大自然每碟就好似藝術品咁👍🏻💕✨陳國強師傅嚐味套餐 $788一位✨🔹 精美拼盤燈影牛肉 濃郁牛肉味 切得非常薄 可見刀工非凡話梅石榴球 石榴味道清新又爽口 加埋話梅粉更開胃芥末鮑魚角 口感嫩滑又彈口 加埋芥末夠唒清新🔹 椰皇黑杞子雲南火腿燉嘉美雞湯雲南火腿嘅天然鹹香 再加埋清甜嘅椰子飲落順喉 味道可口清甜 🔹 松露雲蛋龍蝦球松露味好岀 龍蝦油泡之後就好似珊瑚狀再加埋疏乎厘蛋白 滑一滑喔🔹 黑醋東坡肉有別平時嘅東坡肉 鎮江醋之外再特別加上意大利陳醋肉質鬆化 酸甜開胃✨🔹 海龍王炒飯炒飯有甘筍、紫椰菜 顏色自然仲有鮑魚、龍蝦、阿拉斯加蟹肉 令到口感更豐富🥰🔹 奇異果露伴奶香果凍丸子造型精緻 金魚奶凍嫩滑 有淡淡嘅奶香仲有幫助消化嘅奇異果籽同埋煙韌嘅丸子為嚐味套餐畫上一個完美句號✨💁🏻‍♀️ 晚上6:30後可以免費入場享用晚餐💁🏻‍♀️ 惠顧滿$500即送4小時免費泊車優惠券🍽 海龍王餐廳🔎 黃竹坑海洋公園夢幻水都海洋奇觀