海龍王餐廳

营业中

休息中

話說有位太子朋友…係大朋友既身形…小朋友既性格…lur左我好耐…話要去ocean park...原因只因為呢d新寵兒ˇ。ˇ>>太子真係多攪作…連食lunch都要對住魚魚魚魚…>，<…<海龍王>就係正正門入口不遠處…藍色果座…都幾易搵架…原本有得訂座…但太遲訂…所以full哂要walk in...好彩walk in 唔係等好耐咋…太子原本話要食星級名廚煮既六道菜…點知名廚熾哥果款無哂…唯有order4+6啦…麵包係送既…可配檻欖油加黑醋食…d醋甜甜地唔酸架…香煎澳洲鱒魚配三巴醬青木瓜沙律～魚質實淨...都ok...彩虹跑手～士多啤梨汁，芒果汁，薄荷糖水，菠蘿汁，橙汁...我覺得完全無味...只係一杯有顏色既冰水...綠海龜～香蕉蓉，菠蘿汁，椰奶，鮮奶，糖水…太子話好香奶味...應該好啱我口味...可是太子已經飲左...Y.Y...煙三文魚馬鈴薯配辣根忌廉～炸得好香脆...唯餡料唔多...重點變左落在炸皮上...香炸薄荷青豆意大利飯團～切開左...餡全綠色...但唔覺有薄荷味...似薯蓉多過係飯團...脆炸南澳石蠔配藏紅花燴洋蔥香籽醬～蠔超細

無論身處何地,只要是帶呢個朋友出外,我都只會想著比最好的東西佢,也算是我人生目標之一 ,當然今次來到海洋公園,也會給她食最好的食物 ,今次叫了南澳四道菜同六道菜,四道菜有鱒魚木瓜沙律.魚有魚味,沒有骨.幾好,脆炸南澳石蠔,有蠔味,香口,一啖一口有紅花洋蔥又唔錯鱒魚椰林花配沙律,是蒸魚配沙律,不太有味,有骨,一般甜品是芋泥撻伴肉桂雪糕,,整體甜甜地,幾好味而六道菜就選了,薄荷青豆意大利飯團,,一粒好細的球,冇咩突出的味第二道四道菜的同上鱒魚沙律,原作介紹,第三道是炸煙三文魚馬鈴薯,好重三文魚味,配合薯仔忌廉十分出色烤澳洲牛柳配黑菌醬,牛柳嫩,黑菌醬味不太濃,幾好黑蜜糖烤澳洲羊腿肉配甜菜頭,羊有酥味,是打碎羊柳扒來,唔錯,蜜糖香配會甜菜頭十分好味甜品是朱古力巴菲併朱古力脆餅,超甜,太甜,食開甜的朋友都話太甜私飲是綠海龜同彩紅跑手,海龜好有奶味,夠甜,跑手朋友話淡如水總結食物話名廚出品,伴件精緻,但不是樣樣好,服務就太忙,常常忘記客人需要,最後食完呢餐後,希望呢位可愛的朋友會喜歡,當然我真的希望仍可帶佢去試唔同的餐同去唔地方,每一句話都是真的,當然佢都會說好假 ,但可能要看天意又或者係

第一次黎到海龍王餐廳食lunch ~~呢個餐廳食飯最大好處可以一邊坐住食，一邊睇住超大魚缸咁～ 看著林林種種既海洋生物，此情此境，又浪漫又開心^^Set lunch 由11:00 - 2: 30，我地一點左右到，平日關係，人流不算非常多，我們被安排的位置，算是不錯，如果想再坐近d，我建議早d黎到～由前菜開始，「煙三文魚田園沙津」蔬菜新鮮，醬汁多一點會更討我歡心。「紫蘇崧子南瓜湯」湯方面，不夠熱，有待改善。麵包配黑醋及橄欖油，黑醋比較淡，可以加多一些。「烤西冷牛扒配紅酒汁」雖然前菜沙津，湯&麵包水準一般，好彩主菜牛扒沒有令我們失望，牛扒算厚，肉味濃，肉汁多，7成熟火喉控制好，保持少許粉嫩。甜品Haagen-Dazs 杯裝雪糕餐飲有即磨咖啡或茶，我們加$10 要鮮橙汁，橙汁確實幾大杯，我推斷是果汁先生貨色，所以有一點點失望。單看食物，我只會給上「OK」 ，而黎到如此環境，給你一個「笑臉」是有道理呢，整體食物質素不過不失，特別節日來一次是值得的。Lunch set $258 + 10%surcharge

生日去海洋公園是常識吧~ 玩完成日次次都係會出番去銅鑼湾食飯,但今次唔同我哋去左海龍王餐廳食因為有叮噹MENU,一直都好想來呢間嘢食,但係總係覺得呢間嘢太貴且唔會太好食,今次就可以同時滿足兩個願望啦,我哋叫左個哆啦A夢 x 海洋公園主題套餐盛惠368,前菜係龍蝦芒果沙律主菜係香煎昆士蘭星斑魚柳, 甜品係朱古力溶岩布甸伴香草雪糕,事實食落係好普通唔會難食,正常味道,但又除左可以影下相,唔會有一味菜係令你特別覺得好味,不過有D魔鬼魚、鯊魚同小魚兒在身邊游來游去,一路食嘢,以3百幾都OK,但唔會想食第二次囉.

作為多啦A夢的粉絲, 當得知海洋公園的海龍王餐廳推出了多啦A夢聖誕主題套餐, 當然是大感興趣, 就在這年的生日正日前來海洋公園遊玩, 兼來到海龍王餐廳吃吃多啦A夢聖誕主題套餐.第二次來到海龍王餐廳, 這裡的景緻還是全城數一數二, 看著這個水族館巨型觀賞屏, 實在是目不暇給, 相機隨時在預備的狀態, 在這個環境下用餐, 真浪漫. 說回這個多啦A夢聖誕主題套餐吧, 一客$398, 已經包括前菜, 餐湯, 主菜, 甜品, 以及聖誕特飲或者餐飲.華麗聖誕燈海先選來兩杯閃爍聖誕特飲, CEO的選擇是華麗聖誕燈海, 是雞尾酒來的, 成份包括紅酒, 白蘭地, 橙酒以及雪碧.綠色閃閃聖誕我當然乖乖的揀選沒有酒精成分的綠色閃閃聖誕, 菠蘿汁很甜美, 把這杯綠色閃閃聖誕放在水族館巨型觀賞屏, 很美.麵包這裡的麵包籃份量不少, 只有香草包一個款式, 質感是幾鬆軟的, 一面吃麵包, 一面看魚, 也好.Crab Meat Salad with Peach and Smoked Salmon Accompanied with Pomegranate and Toasted White Bread 煙三文魚配蟹肉蜜

文迪的生日在聖誕前夕, 每年安排的節目也要不一樣, 希望每一年也是我們回憶的一部份, 這一年就定了來海洋公園. 相信大家也知道, 生日正日來海洋公園是免費入場, 加上小吉當然也是免費, 我們一家人進內遊玩一整天, 真好. 至於午餐, 就在園中靚景的餐廳海龍王餐廳吧.這裡的靚景, 就是在水族館巨型觀賞屏面前進餐. 因為海龍王餐廳就在海洋奇觀內, 在這裡進食, 就像在深海午餐一樣, 而且我們還坐在最接近水族館的位置, 單單計這個景致, 環境一項, 必然是滿分. 數城中最浪漫的餐廳, 這裡一定是其中一家. 而且小吉還能夠近距離看看各種魚類, 真不錯.聖誕臨近, 不如就試試店方期間限定的多啦A夢聖誕主題套餐吧, 包括前菜, 餐湯, 主菜, 甜品, 以及聖誕特飲, 賣價是每位$398.華麗聖誕燈海: 8.5分, 先來兩杯閃爍聖誕特飲, 感受一下聖誕氣氛嘛. 我的選擇是華麗聖誕燈海, 成份包括有紅酒, 白蘭地, 橙酒以及雪碧, 酒精濃度不少, 但易入口, 多喝兩口, 人也醉倒在面前的靚景了.綠色閃閃聖誕: 文迪的選擇是沒有酒精的綠色閃閃聖誕, 以她最喜歡的菠蘿汁作主打, 當然是她的心頭好.麵包:

友人生日相約到海洋公園享受生日優惠，入場見時間尚早，決定先到海龍王餐廳探盛智文的寵物魔鬼魚。原本期望可以近距離親親水族館，但只有門口的2張黃金餐枱才有幸親親魔鬼魚，其他位置都有欄杆隔開阻礙視線。不過就算有幸安排到黃金位，全程其他客人亦會不停圍觀影相，相當熱鬧。水族館景觀的確無敵，彷彿至身海底世界，各種魚類悠游自得，在旁邊用餐感覺相當寫意。翩翩起舞的魔鬼魚，游泳神熊十分優美，不時在水中穿梭為客人表演，我很喜歡魔鬼魚，有機會一齊用餐，感覺很夢幻。餐牌和玻璃器皿全部走海洋風，明明是西餐廳，但海龍王的潦草字樣卻很有中菜的感覺。餐廳內燈光昏暗，似乎特別為觀賞水族館而設計。值得一提是餐廳員工幾乎沒有笑容，落單時亦心不在弦，簡單的一個Set Lunch外加一個甜品，我們大概重覆了近3,4次，未知是人手嚴重不足，還是訓練有待加強？凍奶茶是一般茶餐廳質素，生日橙汁是Minute Maid的粒粒橙汁，味道可以。頭盆煙三文魚沙律賣相可以，但煙三文魚略嫌未夠新鮮，沙律菜尚算新鮮，味道可以無驚喜。普普通通南瓜忌廉湯，有南瓜味又有忌廉味，味道正正常常，質地比較稀但尚可接受。主菜香煎三文魚柳伴番紅花忌廉汁，賣相其實

今年生日，恰巧是星期日！  早前得知海洋公園在 7 月頭，增設鯊魚館「尋鯊探秘」！  於是，我一於生日那天去海洋公園！ 其實！我甚少在星期日外出，加上星期日去海洋公園，遊客及上班一族帶同一家大小，肯定好多人！ 當日，天氣非常炎熱！陽光普照！  由入場之前，已大排長龍等查袋！  相信入面一定很多地方也要排隊輪候！ 我事前已經搜尋海洋公園內的餐廳資料及美食，從報章介紹得知，位於海洋公園入口不遠的 <海龍王餐廳>，為迎合「尋鯊探秘」的主題，特別泡製夏日清爽四道菜套餐 ($328/位)！ 既然無約人，不用急！我比預期遲了 1 小時出門口，到達海洋公園入口，已經 11:45！  還是食完先慢慢行！我並沒有 book 位，大約 12:00 直接入座！女侍應問我想坐卡位還是近魚缸位置？我當然想坐近魚缸！ 她安排一張 4人桌子給我，輕鬆自在！任由我坐哪個方向都可以！看著成千上萬的魚類游來游去，零舍優哉悠哉！外型出眾的魔鬼魚不停拍動魚鰭，猶如在水中飛翔！ 其實！精彩的海洋世界「海洋奇觀」比「尋鯊探秘」的鯊魚更多！  況且，為營造神秘的海底世界，「尋鯊探秘」場內很昏

黎到個陣見到門口有好多人，但係由於一早訂左枱所以吾洗等同安排左坐窗口位。我地3個人叫左1個set lunch 加1個巨人餐，set lunch 有個沙律同南瓜湯，沙律有三四舊細芝士，菜都新鮮，個湯味道吾夠濃，但係都吾錯，主菜係海鮮意粉，都okey，之於巨人餐個主菜就等得耐左少少，等左成20分鐘，見意趕時間排隊玩機動游戲就要諗諗。個rib焗左出黎吾似美國嗰d，似中式多d，有好多薯皮同個份量超大，兩女一男食吾灑，應該吾叫set lunch, 1個巨人餐3個分就差吾多。巨人餐跟兩個雪糕，set lunch 1個，因為亞妹生日，佢地又無蛋糕，manager就係雪糕上面放左枝candle 俾佢許個願。由於我地有生日優惠，有八折同一杯免費飲品，埋單總共$800有找，黎ocean park 食物係其次，Li 度坐得舒服，有景，有汵氣吾洗壁，已經好好

海洋公園有聖誕節目，裏面餐廳都有聖誕餐。兒童餐完全呃錢，根本係茄汁腸仔意粉加火雞芝士包加糖膠加慕絲加橙汁，水準麻麻都要$168, 成個餐最正係Haagan Das 雪糕，呃細路咩...三百幾個正餐反而唔錯，海鮮湯算鮮甜，冷盤鮑魚蟹肉也不錯，主菜賣相有驚喜，煙肉火雞卷砌成蝦身，蝦頭係炸芋蓉，仲靚過兒童餐! 甜品就敗筆左少少，泡芙太硬又少cream又唔夠凍...海洋公園近年致力提升水平，設施簡直睇住迪士尼黎打，食肆都越來越高檔，連街邊檔都唔平。希望食物除左賣相cutie 外，質素都可以在高水平吧。:-)

係主題樂園玩哂d鬼屋之後，就入黎醫下肚啦見有萬聖節set dinner同兒童餐 就每樣叫一份南瓜湯非常濃郁，加埋d cream個質感非常smooth呢個怪面其實係鹽黎 入面焗住既係 好滑溜既鱸魚，肉質鮮味又充滿油分 正兒童餐既有炸蟹餅同泰式沙律 兩樣味道都唔錯漢堡扒意粉，雞蛋魚酥和綠茶慕絲，味道中規中矩啦最後甜品有朱古力蛋糕配雪糕 一熱一凍夾埋食幾好呢度既食物質素都唔錯 加埋可以睇下魚 都係值得黎食下既

我是平日星期三到海龍王餐廳用膳,原本想食午餐的,不過價錢要二百幾蚊一位,還要加10%,所以選擇在下午2:30後食下午茶,價錢平一半,有主菜,飲品,甜品！食物味道和份量一般,不過環境一流,身後大玻璃各種各樣的魚,游來游去,非常難忘!

是日跟DEF一行四人來到久違了的海洋公園遊玩，午餐過後才入園的我們，在海洋公園只玩了半天，但是在如此炎炎夏日，我們都早已筋疲力竭，又熱又累的感覺偶爾一次已教我好受了；在山上的高峰樂園這一邊要看的都看過，要玩的都玩過之後，20:00左右我們就排隊乘坐登山纜車回到山下的海濱樂園了。下了登山纜車後，我們就向著夢幻水都的方向進發，先參觀一下世界十大水族館之一的海洋奇觀水族館，之後才到正正就位於海洋奇觀水族館內的海龍王餐廳吃晚餐。乘扶手梯上1/F，就會看見海龍王餐廳幾個大字，在四周黑漆漆的環境下，有燈光襯托著的字非常顯眼，這亦說明我們沒走錯路啦~餐廳的開放時間是11:00-21:00，只要客人21:00前來到，侍應們都會很樂意招呼的；但如果過了21:00餐廳的截單時間，很抱歉！相信侍應們都愛莫能助了。 海龍王餐廳環境舒適，以海洋藍色為主調，賣點是前方的那一面高8米、闊13米的巨型觀賞屏，看著幾百種不同種類的魚類在眼前游來游去，就彷如置身於海底世界、海龍王的宮殿之中，感覺非常特別。而今晚在我們沒有訂座，而且這麼晚才到的情況下，巨型觀賞屏旁邊的位置沒可能輪到我們吧！侍應安排我們坐在圓檯卡位，其實離巨

爸爸生日，一行九人到海洋公園純為晚飯。雖然openrice的食評一般，但環境特別，於是一心想試。一進去就見到大魚缸，可惜所有近魚缸的枱也是二人及四人的枱，所以我們的大枱離大魚缸較遠。餐牌上有西餐外，竟然也中餐，可惜兩類食物也選擇不多，就連餐牌有寫的也沒有供應！老公本來想散叫豬手，可惜沒有 。餐有三款set dinner, 肉眼、羊扒及肉醬意粉。可能沒有期望，覺得味道也ok。最後送上熊貓蛋糕，樣子可愛，但cream大硬，內裡只是清蛋糕，味道麻麻。

11:30到了海洋公園, 決定飲去食個晏, 避了午市的遊人, 同省30分鐘排隊入水蔟館有set lunch, 做緊$198, 之前看過食評, 不太好, 所以隋便點了三樣野1. 龍蝦湯: 不夠熱 $68 2. 雜菜雞絲清湯: 真係好清 $68 3. 巴馬火腿火箭菜意粉: 意粉係有點olive oil味, 但還好似白烚的, 唯巴馬火腿還不賴 $168 約4. 香芒蘋果卷忌廉湯 : 湯不如你說汁好過啦, 都見到有一點點雲尼拿籽, 算香, 但真係唔值得食 $78 講來講去都係為左個FEEL, 環境又真係唔錯的, 如果唔係朋友話要感受下同魚食飯的體驗, 我唔會入午市唔FULL HOUSE, 但比我想像中多人生日有禮卷, 滿$300 7折, 都呢餐都要成$350