海老名沾麵

营业中

休息中

餐廳得11個位左右，就算等12點開門都要11點幾去到排隊等，餐廳得3個職員，但食物質素絕對補償到排隊既時間。餐廳得3款沾麵再加一款限定麵，蝦味增沾麵係3款沾麵入面最濃味既。當等待既時候見到燒緊既豚肉已經覺得好香好吸引，湯底係超濃，啲麵超掛湯，食果陣加少少醋落個湯度就會無咁咸，更加好味。店員見到你食晒個麵會主動幫你加湯，加佐湯之後攪勻佢就好飲係飲緊好多隻蝦煲既蝦湯咁，超好飲。特別要提既係餐單有個追加選擇係$12既(炸烏玉)，類似咁既名啦…原來係前菜黎。店員見到你加左會主動提你係咩黎，問你係咪真係仲要加，好貼心。呢個價錢食到呢種質素既沾麵絕對值得！！

今次係我第二次嚟食。之所以會令我再嚟食就係因為佢哋個質素同埋味道OK, 今次再食令我可以再confirm佢哋連quality control 都做得唔錯。先講一吓, 呢間小店外觀豪不起眼, 店內大約可以容納八至十個食客, 環境一定唔叫得做好。但就係呢啲咁嘅一間小店都經常門前大排長龍, 尤其放飯時間, 真係客如輪轉,就更加令我好奇!結果試過真係唔錯!目測店員只有3位...兩個師父同埋一個樓面, 三個都做到踢哂腳!食物其實得三種唔同嘅蝦湯沾麵+/-期間限定拉麵（宜家做緊牡蠣拉麵）, 做得好專! 呢方面個人感覺係正面嘅! 因為小弟一向覺得一間食店唔須要個餐牌有過百樣嘢食, 只要有幾味做得好嘅撚手嘢就一定會有回頭客!今次點咗蝦湯醬油沾麵, 非常好味! 但味道比之前食嘅蝦湯味噌沾麵嘅蝦味嚟得相對較淡。個人認為蝦味噌湯真心係正啲!但其實蝦味醬油湯都係濃嘅!（咁冇理由兩次都試同一種㗎嘛~!）麵底麥味香濃而麵質又做到al dente, 正呀!唔好睇張相好似麵量唔多,其實食吓食吓相當飽肚! 抱住個肚腩離開Overall, 呢間小店絕對係有心有熱誠去做好自己嘅食物去服務大眾。絕對值得大家去支持!❤️尤其係喺

呢間位於深水埗同長沙灣交界既沾麵小店 都算係我平日既沾麵飯堂黎 周不時都會黎食下今次我地就食左佢既醬油蝦沾麵 湯底好濃蝦味 飲落唔會話過鹹 而味道亦濃郁 而係麵方面 店家既麵條好掛湯 咬落亦有彈牙既感覺 麵同湯既配搭非常好食! 而叉燒就相對比較薄切 但店家係有火炙過 感覺更有誠意! 肉咬落唔會話好鞋口 而火炙既味道都出 但就係略嫌薄切 至於蛋黎講就不過不失 冇咩太大驚喜 但都唔差!總括而言 佢係一個價錢相宜 味道又好食既沾麵店 而位置都比較隱世! 大家想食就要搵搵路!

係長沙灣附近搵野食見到依間「海老名沾麵」都有唔少人排隊，見仲有啲時間先有野做，同埋都有一段時間無食過沾麵既關係，所以就排左一陣隊試下依間沾麵。因為自己一個食，好快就有得入去，舖頭大細同大家平時係日本食拉麵既舖頭差唔多，得大約十個位，牆上既裝修都似日本，有衣架俾大家掛褸。菜單基本上得三種麵揀，今次就揀左「蝦汁味噌沾麵」($89)，黎沾麵之前有前菜「特製烏賊炸玉」 ，初初睇名唔太知係咩黎，用紫菜包住一炸細細粒炸米咁既脆粒，食落幾重魷魚味，加埋紫菜味好好食，食完中意食既朋友仔可以追加。而個沾麵初初都驚會過咸，因為沾麵湯底會比平時拉麵湯底濃。蝦油夠香，而櫻花蝦都夠香口，不得不讚係個叉燒，你會見到廚師不繼係廚房用火槍燒叉燒，所以食落會有陣焦香味，又唔會太油，麵都夠彈牙👍🏻

海老名沾麵📍長沙灣元州街213號美居中心20號舖拉麵就食得多，今次黎試下呢間一向出名既沾麵！店鋪空間唔大，只有吧檯既坐位，唔適合想坐得舒服既朋友，而且可以容納十個左右既人，所以好多時都要排隊等位架。上拉麵之前，店員會比一塊紫菜你，上面有啲米脆脆，只要好似手卷咁包住黎食就可以。米脆脆咸咸香香，加埋紫菜都幾特別。✨蝦汁味噌拉麵質地好厚好creamy，十分掛麵。飲落去蝦既鮮味非常突出，我就加左啲櫻花蝦醋落去，所以有少少酸酸地吊味，減輕個油膩感。麵既份量都幾多，煮得啱啱好，食落有咬口。碗麵仲有叉燒同温泉蛋，叉燒唔算肥，經火槍燒過食得出有火炙既香氣，至於温柔蛋本身就有啲咸，加埋個咁咸既湯底，食完即刻飽左，非常滯。✨蝦汁番茄拉麵相對味噌拉麵，番茄拉麵實在清新好多。雖然佢既蝦味比味噌拉麵冇咁突出，但係湯底飲到一種番茄既甜味，加埋本身番茄就酸酸地，即刻冇咁滯，而且仲食到啖啖既番茄肉，所以比較推介呢款拉麵。食完拉麵記得請店員加湯，加湯之後有唔少櫻花蝦會浮返起面，可以一邊飲湯一邊食埋啲櫻花蝦架！

呢間餐廳真係好隱蔽,個招牌真係細到傻🥴如果你唔識睇google map真係揾到你癲🙄餐廳空間好細,大概有10個位😶而店員嘅服務態度都好好👍🏻但食物方面真係少中伏😫🔺烏賊炸玉（附送)叫咗嘢食之後店員會比一碟類似零食比你😉有一塊紫菜同上面日本嘅零食脆脆😆店員叫你包住食,個人覺得就係普通嘅零食😂🔺蝦汁味噌沾麵 $89沾麵係湯同麵係分開嘅🙌🏻而湯裡面有3塊叉燒但都偏肥😥而溏心蛋竟然係原隻😳仲要係流心嘅😉但成個湯好重口味,都真係好咸下🥶而且蝦味完全唔夠😞可能我expect多d🥴麵嘅軟硬度係適中嘅👐🏻食完個麵店員會幫你係個湯加清湯,雖然係淡咗但都係偏咸😕🔺蝦汁醬油佔麵 $79呢個相對冇咁重口味但真係好重醬油味🤭好似飲緊醬油咁🥴個人真係麻麻😖朋友個湯比較冇咩嘢係佢走咗好多配料😂朋友話佢返屋企刷咗兩次牙都係好大浸醬油味🤢加上朋友個胃麻麻所以佢唔食得太肥膩嘅嘢🤥所以叉燒太肥佢完全唔食得😣🔺整體黎講個湯真係好重口味同咸😢除非你真係好鐘意食極度咸嘅嘢食🙂認真唔推薦大家食呢間🥲🔺店員之後都有同朋友講下次可以講話要瘦d叉燒同如果唔鍾意太油嘅話可以叫佢走油或者小油👐🏻▫️#CC_沒有立場資訊▫️#CC_長沙灣 #CC

咁岩係附近買完野就睇下附近有咩餐廳食😝 餐廳門面裝修好低調神秘 唔細心望 都唔知係食日式拉麵🙈 仲要原來係好出名🙈 （失敬了）專門食 海老湯底沾麵🤩🍜🍜-咁岩我哋入去已滿座🙈 所以係店外排隊等一陣 侍應好好咁 比定餐單紙 我哋落定單 一入席坐一陣就即刻送上小食及沾麵🤩🤩😋😋 - 🦐🍅蝦汁蕃茄湯沾麵 $99 極愛蕃茄的我 見到有蕃茄湯底即刻叫 湯底好香濃 濃郁的蝦油及茄汁 用新鮮的蝦及豬骨煮成 再加上酸甜的鮮茄及茄汁 🤩🤩 不過有啲偏咸 加左豬骨湯就好啲啦🙈配料豐富 有兩塊叉燒 糖心蛋 櫻花蝦 香蔥 醃筍 🤩😝 特別一讚 糖心蛋煮到岩岩好 啲蛋汁流入湯底 令蝦湯更美味😋😋😋叉燒亦是即場用火熗燒到焦香😋 誠意十足 - 🦐🍜蝦汁醬油湯沾麵 $79 對比蝦汁茄蕃茄湯 呢款湯比較清甜 更顯蝦香味 加上糖心蛋的蛋汁混合 更鮮甜 😋😋另外 麵條偏粗身 煙韌 掛湯能力強 能沾上好多湯😋😋 ☺️☺️ 食完沾麵 🙈🙈店員仲會幫你倒上豬骨湯 比你當湯飲埋啲湯 食完勁滿足😋😋 - 烏賊炸玉 （隨送 ） 一送上沾麵 店員亦每人送一份炸玉其實係一份 香脆的紫菜片上放好好的炸米脆脆 可以夾住食 或者放在湯食都得😋😋 我

位於深水埗嘅一間小店，第一次黎會比較難搵，因為門口位好隱蔽，但一般都會見到出面有人排隊。不過坐位得8個，所以等候時間可能會較耐～如果想試限定嘅廣島蠔拉麵，真係建議要早少少黎排隊，因為lunch time試過有幾次黎到都冇晒。但呢個拉麵真係非常推介除咗湯底好香濃之外，其他配料都係煎香咗先放上面。廣島蠔有5隻，大小都適中。大蔥好香又爽口，糖心蛋生熟度又剛好！其實呢度嘅沾麵麵一樣咁出色！我自己就食開最普通嘅蝦湯底，偏油但好香蝦味！食完之後店員會幫你加水，可以當湯飲埋，不過我就覺得比較咸所以一般麵冇飲晒。

朋友話長沙灣有間好好食嘅沾麵店，特登帶我嚟試吓！😍雖然店鋪裝修並唔顯眼，但一嚟到門口已經有幾個人排隊,證明好多人慕名而來！😊職員比咗張order紙我地睇住先，只有三款不同湯底的沾麵,我選咗蝦汁番茄沾麵😋上菜會有一碗麵,沾麵湯底和紫菜，紫菜可以夾住脆米一齊食/沾湯底食，但紫菜沒有特別吸引。蝦汁番茄沾麵（$99）湯底有濃濃的番茄香味,聞到都已經好期待!!😍入面仲有其他配料:溏心蛋,叉燒,甘筍,蔥......材料十分豐富!溏心蛋好入味，叉燒味道正常。麵身偏粗而有彈性，口感適中，配搭埋沾麵湯底十分夾！而且番茄味好濃，又唔會比蝦汁味搶灑，相當開胃之餘，更有別於一般醬油沾麵湯底！如果喜歡番茄的朋友，一定要試下呢款！！😋😋環境：店鋪位置偏細，所以比較有啲逼，未必適合座好耐。

今次去到位於長沙灣的海老名沾麵店食沾麵，當日大約7時去到，人龍大約有十人到，但都等咗接近一小時先可以入到去。在排隊等待的過程中店員會遞上點餐紙給你預先點餐。我同老婆分別點了蝦汁醬油沾麵及蝦汁蕃茄沾麵。進店後等了一會，熱辣辣的沾麵就送到面前。湯底佈滿紅色的蝦油，湯底有濃郁的蝦味及有點過鹹，不過都知道沾麵係重口味d。而蝦汁番茄沾麵就多了一份番茄的甜酸味。而2碗湯麵上都有2片义燒，櫻花蝦，全隻溫泉蛋，蔥花，筍，紫菜。

深水埗其實都係拉麵陳地盤呢一區佢大大話話都有五六七間舖之前有間鰹之一滴我覺得幾好食唔知係咪開係車房附近無咩生意執左咁佢仲有兩間沽麵都算係原祖級係西九龍入面既隱家更加就係我食沾麵既啟蒙餐廳當年第一次就係坐係汽水箱上面食果陣時香港仲未太興呢一種麵所以同區另一間無門面既海老名就更加隱秘曾經有一次去食果時見到拉麵陳就企係門口唔知等邊位結果係餐廳食食下就見到老闆帶住單春入左黎食麵算係比較特別既體驗咁呢幾年香港開始比較多人受落沾麵亦開始慢慢越開越多好多日本店亦都被邀左黎香港開店就好少再番去呢兩間麵檔食今次再番到黎海老名差唔多七點左右唔洗排就可以直入既呢三款麵好似一直都無轉過佢仲有款限定既蠔拉麵今晚都仲有貨不過我本意都係想試沾麵每一間都有佢既沾麵正確食法聽講佢地呢排好似轉左師傅好似話品質都同以前唔同左其實都好多年無黎又食得多其他味我都唔係好記得以前既味道係點樣所以先特登過黎再試下當係全新既體驗前菜一粒粒脆脆地好似蝦整既小食都唔記得以前有無呢樣野今次就叫左蝦汁味噌沾麵個湯夠濃夠杰但就好似比味噌搶晒蝦味咁另外個麵雖然係自家制但真係好那少呢排都食過幾間沾麵都叫做食得飽呢度麵條無寫有幾多G但就肯定係少過20

之前見其他foodie去過呢間拉麵鋪，俾佢既蠔拉麵深深吸引，但不得不說，鋪頭既牌名唔明顯，加上店內既抽風系統唔夠強，環境方面真係扣曬分！限定蠔拉麵 $128首先講湯方面，湯既味道有濃郁既蠔既鮮味，不過可能唔係個個都接受到浸味，有少少腥味。稍嫌湯既份量唔夠，不過都可能係其他材料太多所以好難可以每一啖都有湯。蠔方面有四隻，而湯入面都有好多蠔粒，而且有好多肉碎，份量好多好滿足。麵方面比較粗身，味道比較普通。蛋方面我只覺得係太熟，完全唔係半熟蛋，呢方面真係要改善下。嗌呢個拉麵仲會送埋一個小食，叫做特製烏賊炸玉，不過食落去就係一舊炸粉，唔太知係咩黎，不過呢個價錢仲有小食送幾抵玩！

未曾食過日本沾麵，見Google Map上推介，見啲相仲有蠔，又有蝦已經非常興奮想試。🤤🤤🤤見地圖所顯示，圍住座大厦行咗個圈都揾唔到，又行返轉頭從起點行過，原來近在咫尺。🥴💫💫門口好低調，又冇招牌，莫非內藏隱世高手？🦸‍♂️🦹🦸6點左右已經滿座，仲有兩個客人在門外等位，心諗一定好好味的！😍一位中年店員叫我們先揀湯底，並示意其他內容都是一樣。📋可惜是晚冇蠔，我點咗蝦汁蕃茄沾麵$99!🍅🍅🍜湯面有一層油，雖然有點抗拒，但我估係保温既原因就勉強接受。😣😖湯裡面有蛋，有幾片豬肉，只有櫻花蝦，有蔥粒，有茄膏(不似鮮蕃茄)。🔍🧐另附上幾片韌紫菜及不脆既炸粒粒。唔知係我唔識正宗沾麵既味道？🤔還是。。。🙄麵有點硬，湯汁不算惹味，餸料不足，如果咁嘅價錢。。。感覺有點莫名其妙！💸🤔🤔非常免強吞完個麵，店員問我要加湯嗎？ 原來沾麵食法，就係最後加湯至濃稠的湯底，再把湯喝清!😬心諗成碗油怎喝？就客氣話“不用了!飽了!”🙏🙄十居其九既客人都話''不用了!"🙈🙈🙈本來我個人都好支持呢類小店，不過今次感覺真係有點差!😌或者咁講，希望店舖再調教吓食材及味道，豈碼令客人覺得物有所值！🙏😌

呢間小店由外到內都非常隱世內裏格局同埋裝修都好似日本拉麵老店一樣全店只有13個位 Menu得3款沾麵但都吸引唔少人幫襯 仲要成日排隊ฅ^•ﻌ•^ฅ-📌分類#couple_fooddiary_日本菜🇯🇵 #couple_fooddiary長沙灣#couple_fooddiary回頭吃系列🤤 -前菜▪️特製烏賊炸玉 （隨麵附送）呢個係紫菜包住一堆脆卜卜嘅炸米有啲紫菜米通嘅感覺 幾特別 不過食完有少少口乾-▪️蝦汁蕃茄沾麵 $99上嘅時候依家聞到勁濃嘅蝦香，湯底好稠除咗蝦汁外 仲用左櫻花蝦醋熬製 加上茄蓉🍅及大量櫻花蝦 湯底意外地出色麵條質地偏硬 但掛湯能力高原隻醬油糖心蛋 勁流心(•̀ᴗ•́)و叉燒有2條薄切 肥瘦適中 而且係炙燒( ˘ ³˘)♥︎-📝🍔食物：4.3/5💸性價比：4/5✨環境：3.7/5👨🏻‍🍳服務：4/5🤤回頭度：5/5

由朋友介紹認識呢間小店，一去到門口已經好有日本feel，但都唔敢太早開心，一入到去空氣有少少侷促，位置都迫迫地，但唔緊要最緊要好食，就立即點了蝦汁醬油沾麵，本身比較少食沾麵，但天氣影響咗胃口，所以一試。野食一到，開始逐一試味，濃郁嘅湯底係有蝦嘅鮮味，感覺好真材實料個隻，麵係粗粗地，口感一流，味玉都好正，唔係淨係得個顏色，真係有味，反而义燒就普通啲，不過有用火槍燒下都有啲誠意嘅，整體我自己同朋友都幾鐘意，會再去，開始培養下食沾麵🤔