海港酒家

营业中

休息中

星期六、日都很多人排隊，但想不到今個星期日都可是等到很久就有枱，4人就入去食食dinner。上湯蝦球伊估不到蝦球都有好多隻，雖然都知道是急凍蝦，但估不到很入味，而且蝦肉彈牙。配上上湯麵，而麵中都很入味。咕嚕黑豚肉黑豚肉很多又鬆軟而且肉汁都好豐富嚐起來口感軟嫩，酸甜醬汁更酸酸甜甜的味道，好醒胃。仲有波蘿同蕃茄仔。惹味鴨舌這碟是小食，原來份量都唔少而辣味十足都助食慾，送啤酒真係唔錯，三五知己來一齊食。蒜片牛柳粒牛柳嫩香調料滲透充分，份量都算適中，洋蔥及甜椒都好爽口 上菜時間十分之快。花膠螺頭煲雞湯4人份量飲用已經十分足夠入面有半隻雞，螺肉，飲一口咸味都很重味精相當多，如果帶小朋友老家人少飲就好0的。甜品一黎到就食，所以等唔到影相呀

今日下午我們去咗藍田啟田商場嘅「海港酒家」飲下午茶！我們叫咗鮑汁鳳爪、肉崧蛋煎米鷄、XO醬炒蘿蔔糕、蠔皇叉燒包、翡翠筍蝦餃皇、水晶潮州粉果、養生棉花鷄同蟹籽燒賣皇！鮑汁鳳爪嘅鳳爪炆得好腍好入味，鮑汁嘅味道好濃郁！肉崧蛋煎米鷄嘅糯米煎得好香脆，口感好煙韌，餡料相當豐富！XO醬炒蘿蔔糕嘅糕面煎得好香脆，味道好惹味！翡翠筍蝦餃皇嘅蝦好爽脆彈牙！養生棉花鷄嘅魚肚炆得好腍同入味，鷄肉嘅肉質相當嫩滑！蟹籽燒賣皇嘅肉質好爽滑，味道亦好鮮甜！

我就係比呢張$68蚊大閘蟹Poster引入黎的, 由於係Walkin既關係, 為了食, 我地決定等, 一等就等了45分鍾...呢度又真係堅多人食喎!!餐牌相當吸引, 圖文並茂, 未食見到都已經流晒口水啦!! 唉~~淮杞花膠燉螺頭湯, 超足料呀, 勁有口感, d湯又夠味, 竟然都只係賣$28蚊, 勁正!!!四川口水雞, 辣度啱啱好, 肉質又夠滑, 旁邊仲有皮蛋伴碟, 好鬼好食啫~惹味鴨舌都唔差ga, 都幾入味, 又唔會太鹹, 食到津津有味呀~~西蘭花珊瑚花枝片, 算是中規中矩啦!!點都要叫返個菜食下, 而珊瑚蚌同花枝片一向係我既致愛, hehe~主角大閘蟹終於出場啦~ 雖然唔係好大隻, 但d膏都唔算太小呀, 肉質都夠鮮, 以$68蚊呢個價兼唔洗自己搞黎講, 算係低食呀! 由於已被小菜打飽, 已大大減低作戰能力, 我只可以食到兩隻, 亞妹只到一隻咋~

藍田啟田商場海港酒家. 我地都經常會去飲茶及晚飯. 一向都覺得這間酒樓不過不失的. 但他們現在有新嘗試. 就係蒸氣石鍋. 適薘大老爺生日. 就去試吓啦! 去到發現跟另外的酒樓有不同. 就係個石鍋. 有大部份酒樓都是用藤蓋的. 但海港酒家就用一個透明玻璃蓋. 見到之後就已經覺得今餐會出問題啦!點解我會咁講. 因為透明玻璃蓋是會有倒汗水流返落去個粥底. 而另到成個粥變希. 但如果是用藤蓋的話. 就會把蒸氣的倒汗水吸收. 如果有去食過其他酒樓的蒸氣石鍋就會明白我講的意思. 仲有一個問題就係, 大部份職員都未能熟識操作爐具. 每款海鮮需要蒸多少分鐘...真係....唉...波士頓龍蝦, 正常嚟講係一開二的. 但他們就將龍蝦碎上. 買相真係唔得. 好彩有鮮味攞分. ($108一隻, 蒸5分鐘)安格斯肥牛, 真係好搵笨. 只有10片左右, 每片都只有半張身份証大. 而且沒有牛肉味 ($88一份. 蒸2分鍾)鮮甜沙白蜆. 話就話一斤, 但肯定冇一斤. 大概只有半斤多少少. ($78一份. 蒸三分鐘)泰國肉蟹, 不是太大隻, 但都可以接受, 同樣都係斬到碎晒. ($78一隻. 蒸四分鐘)金銀蒜蒸鮮元貝

買了團購優惠券，其實團購真是好像賭博，有時會得不償失。今次真的太優惠，550元四位有龍蝦鮑魚，真的忍不住一試。結果，總體來說，還是滿意，而且性價比真的很高。首先，團購最擔心客戶服務。不過，這裡可算過關，第一，原本團購要於8:30後才可使用，但有枱的關係，她們主動聯絡可提前，讚～ 第二，服務員都會幫手蒸食物，雖然可能是新產品，她們對操作都不熟悉～但態度不錯。第三，是大扣分位，入座後沒人理會，結果遲了很多才下單先送上食物。不過， 理解酒樓業繁忙時間，侍應都忙得不可開交，所以只要她們態度好就加以包容了 。食物方面，跟原本團購列明的都符合，重量就不太曉得。但應該都尚算是新鮮的。根據菜單列出的蒸煮時間一定夠熟，甚至過熟。而分量對四人來就說很太多， 吃不完。最後精華的粥，主要俾雞油搶味了，沒有海鮮的鮮味。南瓜淮山瑤柱排骨粥 BOSTON龍蝦2隻 (2斤) 沙巴龍躉 (1斤) 南非八頭鮮鮑 安格斯牛肉好肥美嫩滑黑蒜豚肉丸 很可怕的黑蒜味, 但口感彈牙, 手打丸黑松露墨魚丸  爽口, 有黑松露的香味, 但跟墨魚味道不夾...花菇紅棗雲耳雞件  不錯, 部份蒸得嫩滑~菜心, 津白雙併  很大盤

嚟到藍田去咗海港食飯。叫咗嗰『花膠響螺煲雞湯』，超水準。好少酒樓可以飲到咁有水準嘅老火湯，而且唔貴，啖啖花膠好足料，花膠幾爽口，又夠滑口，螺頭都好夠淋，又夠鮮味，本人一向愛湯，所以對湯有要求，呢煲湯真係夠晒鮮甜滋潤。『椒鹽瀨尿蝦』〜幾有鑊氣，瀨尿蝦夠新鮮，椒鹽足夠，都算係中型size, 所以都幾有肉。『枝竹上湯菜苗』〜好多料，有豆卜，紅椒，芹菜伴住枝竹同菜心苗。菜心苗夠嫩而且有清甜味，枝竹有咬口又夠黃豆味，芹菜帶出淡淡香芹味道，整體味道非常好。

三訪海港酒家今次無食鷄煲，因為想試個海鲜鷄煲！個汁同鷄煲有啲似，但無乜辣味幾好味。雞既数量都幾多同切大塊幾正！至于海鲜有四隻蝦，一大半隻蟹係少左一塊腳既位，蜆大概八隻都幾多。其他野就都係個啲，今次有豆卜，同個汁好夾。不過今次無曬朱古力雪糕，又無出芒果糯米糍。最後就係個煲應該落超多味精，因為食完夜晚超口渴，直頭成陣苦味係口…

又食雞煲尼間野女朋友真係好中意食，而且真係好平，所以我地又黎了！ 今次都係食雞煲，但叫左少辣，因為女朋友生左咀倉。不過我懷疑佢係得一隻辣度，因為無論由最初我嗌加辣，正常定小辣佢都差不多，可能廚師調教左一個辣度，認為係最好食，就一直用翻尼個辣既程度算，不過甘平就原諒佢啦。因為咀倉既关係，我地食左幾塊雞就当打邊炉甘食，自然就沾多左醬，发覺原來甜菜宝加garlic加蔥加豉油加少少麻辣醬個味係好好食，下次都要試下！今次終于食到芒果糯米滋，因為佢每晚只會出一盘八碟到，所以一定要鬥搶，有啲人好自私，會一次拎幾碟但得兩三個人甘…都ok好食，似街買要四五六蚊一粒個啲味今日惟一失望係無朱古力雪糕

上次俾個鱼煲水左，今日食翻個雞先！雖然今日人比较多，但水準没有下降，依然好味，夠浓又唔會太辣，次次食都因為食得太急食到辣親！今日無豆卜，失望但没有絕望，繼續係甘食菜食菇食面烏冬個啲，一樣要加錢既食物都無嗌，食到個肚捧住走，平日兩個人都係158左右！

食左三次雞煲，終于試翻次鱼鍋，但失望至尼…雞煲既食評下次再食再post，講翻條鱼。雖然落左香料，但仍然食到佢既唔新鲜，估計條鱼去到就黎壞既地步…個湯係得好少既麻辣味，完全同之前食係第二度食既烤鱼好大分别…不過個煲有好多芽菜，腐竹，大蔥甘，都幾好食。今次任食既野有豆卜，總算加翻啲分，南瓜同各项菇类都唔錯。另外值得一讚既係烏冬，有啲似赞歧烏冬滑滑的又戴點彈牙，可以話係我食甘多間任食火锅中，最好的一間，真係想知佢係咩牌子。仲有尼間最抵讚係有好多唔同既醬可以簡，有隻麻辣醬加豉油係好正！另外尼間野收费幾特别，想係到分享下。每個人頭38包茶介任飲飲品雪糕同大部分菜类。湯底就好似係68-88，好食的雞係68但难食的鱼係88…廿当你一個人食雞，晤叫其他要俾錢既野，甘就38+68=108x10%=118.8其实真係好抵

今晚同屋企人去食，諗住叫個餐唔駛煩，點知仲衰⋯服務：侍應服務態度欠佳，茶壺加水時，沒加水但順手蓋起來就算，上翅時又唔留意枱上碗的數目，不夠分就問我地人數，連基本常識都無，收碟又無理會碟上仍有食物就收，好明顯沒受訓練，為客人處理問題時無禮貌。食物：這酒樓的食物越食越差，味道中下，部份菜式像廚餘，粉量少⋯今晚重點之龍蝦伊麵，上菜時如圖所示，殻多過肉，餐牌上標明三斤，但看起來一點也不像，找來部長理論，他不斷解釋波士頓龍蝦怎樣殻多過肉，最後鬼拍後尾枕講那裡約一斤，我地決定找經理處理，最後要求換過另一碟新的，但只有輕微改善。此外，燒雞過熟，皮也燶得很，最後連炒飯也像廚餘一樣。這家酒樓不會推介給朋友，怕被咒罵。

好耐冇同媽子飲過茶喇😣落左去海港飲茶，先叫左壺水仙，今次壺水仙好淡呀，啲茶葉應該沖過數十次。另外叫左碟炸腸，XO醬炒蘿蔔糕同埋壤茄子。個炸腸好一般，啲油條都唔脆既。壤茄子就幾好食，魚肉同茄子唔會分開。最後講下個XO醬炒蘿蔔糕，炒得好入味，不過如果可以再辣啲就更好啦😁😁😁

今日一早同媽咪去飲茶，兩個人食咗9個點心，蝦餃稍為厚皮咗、春卷夠香脆、排骨一般、粉果好味，夠多料、咸水角夠晒味、鮑汁雞腳都算夠入味嘅、蘿蔔糕煎到好香，豆苗餃子都係厚皮咗啲。但整體都算可以嘅！

新春團拜，屋主提議附近打邊爐，收費超抵，就試下啦。。Poster寫住平日$28位，心諗實有其他雜項收費既，無理由咁平。蔬菜&烏冬／麵&罐裝汽水&雪糕 任飲／食，另外可以單叫肉食或其他打邊爐食品。蔬菜菇類refill得好慢，麵係包裝韓國麵，汽水係罐裝韓國汽水／果汁（驚喜），雪糕係迷你牛奶公司。我地另外再落單叫了牛肉，芝士丸，珊瑚蚌，竹笙。。單點紙上可以選擇的食品其實不多。呢個價錢->食物質數=可接受既。。小肉多菜，健康打邊爐。

去酒樓飲茶是星期六的指定動作之一，今天做孝順女，陪媽媽去酒樓歎茶兩個人點了四個點心，潮州粉果是媽媽最愛，所以一定要點，這兒的粉果很好味，外皮不會太厚，內還有很多料；牛肉腸牛肉鮮；燒賣都很出色，面頭上有蟹子，蝦又夠爽口，值得一提；而鯪魚肉就不過不失。