海港酒家

营业中

休息中

節日一家人去食，職員服務態度極差，食物質素普通，食飯期間有個職員喺側邊大叫😓當堂嚇咗跳，有啲菜好耐都未上，要追咗成個鐘頭先上到菜，總括而言，極度不推介這間酒樓

今年新年團拜，在這裡book 了2圍，有間細房，但非常迫，明既，新年！題外話，當日我親戚派了些利是給相熟部長，怎知所有員工即刻放低碗筷衝入來討利是，連廚房都出來，尤如餓狼，非常可怕 （但之後想揾個人沖水都難，服務質素就不評了吧）講返當日菜色ok, 是standard 新年酒席，但居然忘記蒸魚，攪到等好耐。龍蝦面不錯，蟹拑好正。待應是不足的，每人大概500元，新年來說有龍蝦有鮑魚蟹拑，算不錯

今次去咗海港飲茶，實話實說，嗰碗豬腳薑仲要即叫即煮，溫度掌握得剛剛好，入口即溶，醋香而不過酸，薑味夠融入隻豬腳，正！叉雞飯嗰叉燒啃落去又甜又香，肥而不膩，啖啖肉實在過癮🍖。牛肉腸粉滑得黎又腍，蘸嗰醬汁一流啊。菜心又夠鮮，夠脆，青菜本色全都露。飯局上來，黃金流沙包唔多唔少咁個流心，啖啖幸福感，外皮鬆軟，咬落去那一剎，簡直幸福爆燈💥。哦，仲有隻小龍包，湯汁鮮甜得很，皮薄到差點以為自己真係喺天堂🥟。總體來講，响呢度食，舌尖上既感受真係由心入味，雖然有啲小插曲，但美味點心終究俘虜咗我呢個美食博主嘅心❤️。傾計飲茶，就係要咁滋味，下次再試其他點心，期待一樣嘅驚喜。

之前去4樓飲茶，入面好似無冷氣咁，而且味道又普通😂今次去3樓呢間試下，正常酒樓，2個人飲茶都預左搭枱，環境幾闊落，即使一張枱搭左幾枱人都唔會好逼。點心方面就唔算叫得多，但每款味道都唔錯紫心香芋丸 ($19.8) 其實就好似出面果啲香芋地瓜丸咁😂正正常常，起碼係熱既擂沙煎堆仔 ($17.8) 入面充滿黑芝麻，熱辣辣，幾好食醬汁蒸鳳爪 ($18.8) 好夠味，腍得黎又唔會軟爛鮮竹牛肉球 ($19.8) 都幾大粒，牛味都ok，不過不失蟹籽燒賣皇 ($28) 超大粒，蝦又夠爽口彈牙，豬肉餡都唔係好肥膩四寶滑雞扎 ($29.8) 夠大件，有雞肉，魚肚，芋頭，火腿。魚肚索晒湯汁好入味

屋村酒樓抵食海鮮火鍋～我見到平時去開屋企樓下茶樓晚市有火鍋任食，一個人百零蚊就有得任食真係幾抵，所以都冇話特別高要求，但係都有驚喜。海鮮拼盤係冇得任食嘅，但係兩個人食都好夠，有蝦蟹魚貝殼類種類都好多，但係就正常質素，對得住個價錢，一開始第一碟牛係跟餐嘅，比較靚，之後想嘅就係普通肥牛，但係都唔差，唔會話好韌，其他嘢食都係落單嗌嘅，份量有啲多，嘢飲喺出邊自助吧有得任拎，有時夜晚諗唔到食咩落嚟打個邊爐都幾方便，好似冇限時間。

藍田啟田海港酒家 • 出色街坊小菜咕嚕肉•櫻花蝦粉絲煲•泰式炸蝦餅📍海港酒家 𝑽𝒊𝒄𝒕𝒐𝒓𝒊𝒂 𝑯𝒂𝒓𝒃𝒐𝒖𝒓 𝑹𝒆𝒔𝒕𝒂𝒖𝒓𝒂𝒏𝒕🧭藍田啟田道50號啟田商場3樓301號舖💰人均消費: HKD195平時係度都係食套餐，今日心血來潮散點試下！💯新鮮菠蘿咕嚕肉 $118𝑺𝒘𝒆𝒆𝒕 𝒂𝒏𝒅 𝑺𝒐𝒖𝒓 𝑷𝒐𝒓𝒌 𝒘𝒊𝒕𝒉 𝑷𝒊𝒏𝒆𝒂𝒑𝒑𝒍𝒆咕嚕肉堅得！肉炸得勁香脆，個咕嚕汁做得剛剛好，唔太酸太甜，色澤又靚！好耐無得過咁出色嘅咕嚕肉！💯櫻花蝦椰菜粉絲煲 $98𝑭𝒓𝒊𝒆𝒅 𝑽𝒆𝒓𝒎𝒊𝒄𝒆𝒍𝒍𝒊 𝒘𝒊𝒕𝒉 𝑺𝒆𝒓𝒈𝒆𝒔𝒕𝒊𝒅 𝑺𝒉𝒓𝒊𝒎𝒑𝒔賣相比我想像中靚！火喉十足，粉絲超級乾身惹味，加上椰菜絲增加口感，而有櫻花蝦更加香口⭐️馬友魚香海鮮豆腐煲 $138𝑺𝒆𝒂𝒇𝒐𝒐𝒅 𝑻𝒐𝒇𝒖 𝑷𝒐𝒕 𝒊𝒏 𝑻𝒉𝒓𝒆𝒂𝒅𝒇𝒊𝒏 𝑺𝒂𝒖𝒄𝒆 上枱的確幾香，馬友香唔係好濃，海鮮有帶子、魷魚，豆腐吸晒啲汁，好正！⭐️海港小炒皇 $98𝑺𝒕𝒊𝒓𝒓𝒆𝒅 𝑭𝒓𝒊𝒆𝒅 𝑪𝒉𝒊𝒗𝒆𝒔 𝒂𝒏𝒅 𝑫𝒓𝒊𝒆𝒅 𝑺𝒉𝒓𝒊𝒎𝒑𝒔飲酒最好就叫小炒皇！好味！好多蝦、腰果同油炸鬼！如果多啲菜脯仲正！💯泰式炸蝦餅 $98𝑻𝒉𝒂𝒊 𝑫𝒆𝒆𝒑 𝑭𝒓𝒊𝒆𝒅

今晚一家四口去藍田海港食飯，樣樣餸都係凍冰冰，招呼十分差，叫極都冇人應，食完啲碟又冇人收，舉手叫啲侍應，個個都當睇你唔到！上菜上得慢，個個好似唔願做，叫咗碟粉絲元貝，結果一個鐘頭先至嚟，上枱啲元貝係凍冰冰的，啲粉絲係乾爭爭的，應該係個廚房整好啲餸，冇人傳菜，擺咗好耐，先至送去我哋張枱，所以大部份餸都係凍冰冰嘅！一碟乳豬件，唔夠十件，仲要係好細件，投訴又無人理！只有條魚係正常啲，其他所有都認真差！差到極！

之前同朋友嚟到海港食飯。因為試過外賣佢嘅燒味，覺得唔錯。於是乎試下係度食晚餐。佢都係一般嘅屋邨茶樓裝修。枱同枱之間都未到好密。試咗佢鮑魚雞煲。啲雞真係有啲嚡，鮑魚又好似細咗少少🤏。仲叫咗個滷水拼盘，鵝腸都幾脆口，入味，但份量就少咗啲，令到人食得唔够過癮。個雞腎都係够入味嘅，但就靭咗少少。反而個菜有得驚喜，食落去好嫩冇渣又冇草青味。真係唔錯。試完之後覺得佢都係燒味出色啲。如果下次食都係食佢嘅燒味可能好啲😂

點選了一個外賣盆菜，最後選擇了一個六人用，售價$980尚品盆菜 ，取貨順利流暢，員工服務也可以，但入到廚房準備將食物分批加熱嘅時候，發現食材比例嚴重失衡，例如，蓮藕及芋頭，佔去盆菜食菜份量，超過一半以上，而重點竟然要將燒鵝同雞油雪藏，呢間酒樓明明有燒味檔，天天出品，超唔明白點解會需要預先將燒味雪藏呢個處理，比較失望……其他整體，例如豬肉，冬菇鮑魚，段落的音食物烹調食材水平平均，味道尚可，沒有太大的，特別驚喜。

平常落個單都沒人理今天一堆人湧來阻人聊天聚舊員工們有那麼窮嗎！？這讓單身但有些利是在身的在下一點都不想給他們😒店員還一直在推新年好意頭名字的食物可以保持安靜和跟我們桌有一定距離嗎新年流流不罵人卻讓在下突然更年期報到最後因為店員太煩我點求其點了份什麼發財好事卷雖然這樣的服務讓在下極度反感但食物還是要讚的黃金流沙包不只賣相美麗而且還很好吃流心量很適中不多不少襯著熱熱軟軟的包一流另外還點了在下喜歡的小龍包裡面粒粒爆湯在下也很久沒吃到皮薄有湯的小龍包了如果醋裡能有點薑絲更佳👍🏻最後當然要點樣澱粉質給黑洞胃朋友我們坐了接近一小時待場裡的客人變多後才能夠安安靜靜地跟朋友對話新年而已不是逃離荒島人們請自重點👎🏻

2023大年初一食咗個唔錯嘅盤菜。但要早三日前預訂。網購的話，現場最盤菜比較麻煩，又要左走右走。攞盤菜位置又唔清晰。問左幾個職員先問到邊個位置取走，又要走去收銀轉單。不過盤菜一定不是即日做，因為已經雪到有冰。兩包湯汁都係冰來，要返屋企溶冰先可以例落個煲，但個煲真係太細，連打邊爐都覺得佢細。係個煲太細，好多食材都要夾起，等食到咁上下再放反落個煲度。我買係六人煲。足夠之餘，材料質素不過不失啦，花膠、鮑魚等都份量十足。不過啲蝦就有點兒不能接受。

我遇到一個吾好經驗，我們一家人去團年，我經常去旺角兩間海港同觀塘海港一直各方面都ok，可能近年尾訂枱緊張所以去咗藍田海港叫咗個長腳蟹套餐，估唔到第一餸燒豬係涷，跟住上燒鵝又係涷？叫經理來幫忙解決點知得到答案因為廚房係咁樣做菜，我真係未試過粵 菜係涷食，其實如果冇心做好味道菜供人客品常，何必你又主得辛苦我又食到一肚氣👎👎👎👎，6個人洗咗$3424最後要落去食雲吞麵充飢😡😡😡，估唔到疫情期間仲有依啲咁酒樓生存到🤬🤬🤬🤬我好想知道海港飲食集團有冇管理？還是特許經營？

2023/1/7 一家十二人去海港諗住食長腳蟹， 叫咗一隻四斤10兩長腳蟹，味道不錯 ，但叫咗一碟乳豬例牌上，128元 ，只有六件，超細碟， 問部長，部長話乳豬三百幾蚊一隻，例牌係得咁多喇! 我哋都感到非常愕然，為起上嚟，二十幾蚊一件乳豬，都係得手指咁長，真係超貴，仲貴過食蟹！

唔到食咩，就諗住去海港打邊度爐，去到先知之前嗰啲平價冇肉火鍋放題冇咗，改咗188一位，話又有海鮮又有靚牛肉，是但啦費時周圍搵，照食。嘢食真係好多，一坐低就上咗雞煲，跟住有個鮑魚鵝掌，一大盤海鮮火鍋料，同埋一碟普普通通嘅牛肉。不過最唔好就係個湯底冇得揀，得清湯底😵‍💫之後畫飛加嘢食，啲菜就要自己出去拎。啤酒汽水都係任飲，不過冇咗雪糕囉。不過咁嘅價錢又冇限時慢慢食都OK嘅。對比起我之前去佢同一個集團跟真味，差唔多嘅嘢好似成三百幾，佢真係好抵。

放咗工返咗屋企附近，同屋企人食個晚飯揀咗呢間酒樓食，價錢一啲都唔算貴，晚餐可以揀套餐，另外屋企人想食長腳蟹都叫咗隻。所有嘢都非常新鮮 以前細個最鍾意去酒樓魚睇魚，佢所有海鮮都係喺個缸攞上嚟即刻整💕