海港酒家

营业中

休息中

今日收工就去咗藍田啟田商場嘅海港酒家同親戚食飯。一行六人就叫咗一個蒸氣石鍋全包餐。入到去坐低就先去個魚缸嗰度揀阿拉斯加長腳蟹。 隻阿拉斯加長腳蟹蒸之前廚師已經切開咗。超級多蟹腳同蟹膏。左邊係紅棗雲耳蒸走地雞。 蒸熟左之後嘅阿拉斯加長。好甜好多肉! 鮮甜沙白蜆。非常鮮甜同好味, 最緊要係完全無沙。 蒜蓉蒸貴妃蚌。好食! 而最後其實仲有其他菜不過就冇特別影到。食完蒸物之後就係重點嘅海鮮粥出場。所以蒸海鮮嘅蒸氣水就倒流咗去個鍋嘅下格。個粥簡起級鮮甜, 好濃嘅海鮮味道。 價錢黎講都算抵食。推介想食蒸氣海鮮嘅朋友。

孕婦和老人家因為要成日去洗手間，所以揀了這間飲茶，我孕婦和婆婆先去拿四人位置，佢比左一個卡位我，一坐上去冷氣超涷，吹到正一正，媽媽來到，也覺得冷氣很強，找了一位黑衫女侍應生轉枱，不知那個女人發生什麼事，大聲罵我地，態度十分 惡劣 ， 眼神是(麗)著你，嘴唇是( 秒 )又要拿走新枱的碗筷，說如果我們洗了碗筷，就要自己拿去新枱，當時位置比較遠而且有樓梯，我們要求他不要收，她罵我們不可以轉枱，難道要一位孕婦和一個老婆婆為了洗過的碗筷已走來走去換來跌倒的風險嗎？我媽媽已經很有禮貌唔該 叫佢轉枱 ，但她沒有幫助，反而罵她，媽媽自己再拿新的碗筷，需要開心心飲茶來受氣嗎？食物大部份也正常，但這位黑衫國內侍應生的態度令我 對本集團刮目相看，懷孕中第一次這樣想罵人。

所謂大集團但藍田依間質素其差！！已經小樓面侍應，但D侍應只會熱誠服務熟客………………入座後坐底5分鐘枱面都冇人放枱布，餐具……舉高手又冇人望…………D侍應雙眼只望住熟客…………之前劃了點心又舉高手冇人理…………咁咪自己行去櫃位比佢地入機……個職員又唔收，話要比侍應簽咗名先收…………我話冇侍應，佢態度勁差手指一個方向及話:個度咪有個侍應！………………當時個侍應係同熟客傾計中…………好咁我自己行去比佢！！依間咁大間酒樓但質素其差！！

以後都不會再去哩間酒樓簡直垃圾酒樓，上幾個月與我爸爸媽媽飲茶共三人坐了一張4人枱，點了一啲點心但我發現太多怕三人食不到就刪除一碟，後來，刪除這碟點心都有來的，跟住同個大叔伙記講我已經取消哩碟點解又會來，跟住個大叔伙記找回這張點心紙就同我講下次你刪得好啲或者X，我就不份氣話佢點解要我打X，我已經刪取幾筆如果看不清楚為何不問客人是否要or不要，我係消費者我有比錢，點解飲茶都受氣的。

諗住同屋企人一齊食個靚飯。點知依間野完全唔掂。除左食物水準大不如前。無服務。無態度外。仲要偷工減料。點左幾款小菜。其中1款龍蝦(6.5斤)上枱時。真心呆左。上湯。D湯多到呢。唔識形容。不過。算。繼續食。越食越唔對路。點解殻仲多過D肉。有殻無肉。D肉去左邊丫。難得出黎食飯。費事嘈。所以。忍。繼續食。都食到7788。點解個象拔蚌刺身仲未到。催左2次。終於黎。點知1上枱。真心呆第2次。碟野好似比人摷過。想搵人問問點解。但無人理。屋企人話算數。所以最后扁咀埋單閃人。依間野得1個字形容。劣

星期日去啟田探親戚後，相約到商場內一間「海港海鮮酒家」食飯，啟田係一個舊區，心想這酒家食海鮮可以嗎？店長推介了幾款食物，品嚐後覺得都可與西貢食海鮮的餐廳媲美，基本每次都會帶啲朋友過嚟這裏食海鮮，有時不用去西貢咁遠，酒家每區都有分店，交通亦十分方便。椒鹽瀨尿蝦，肉質爽甜，十分惹味。清蒸皇帝皇，每隻都有要3斤幾以上，肉質新鮮清甜，差啲連蟹殼都吞埋落肚。 海皇招牌燒鵝，即叫即燒，外脆內軟，新鮮熱辣辣同啖啖肉，急不及待放在口中!

諗唔到下午茶同婆婆食咩，所以兩個人就去咗樓下商場飲茶，因為下午茶所以野食同早上既會有唔同！首先我地叫咗個油雞叉燒米線，湯底唔咸清清地所以好岩注重健康既人食，油雞同叉燒都唔會話好細舊，份量岩岩好咸咗d所以我最後幫婆婆食多幾舊之後我地叫咗蝦餃，好多蝦係入面而且皮薄，好食！仲有叫咗個雞蛋叉燒腸，叉燒腸一定要分開幾舊食，叉燒一粒粒，好足料仲有辣味鮮魷，唔會話好辣，個底仲有少少粉絲，好食！最後我地叫咗兩個甜品添，陳皮湯圓紅豆沙仲有芒果布甸！個紅豆沙好有驚喜，古唔到係用心做，d陳皮真係入囇味，紅豆沙絕對唔係粒未解凍個隻！個芒果布甸入面有芒果肉，唔係hea你架！下午茶時段飲茶推介:海港酒家

又到星期六, 肥妹仔我訓到差唔多十一點先起身, 又係呢D食早餐嫌遲,但係食午飯又嫌早既尷尬時候....好彩肥妹仔的表舅父,表舅母今朝黎肥妹仔到拜年, 一於join埋長輩們既聚會去填飽個肚先~~因為肥妹仔我今次遲咗起身所以遲咗到, 去到既時候娘親,表舅父,表舅母已經食緊,所以肥妹仔只好影已經食咗小小既點心俾大家,希望大家唔好介意啦!!!醬汁蒸鳳爪(中) 流沙奶皇包 (中)翡翠荀蝦餃皇(特)先講醬汁蒸鳳爪, 佢既醬汁係平時大家食開果隻, 有豆豉, 南乳果隻味,普通到無得再普通, 個鳳爪蒸得好軟諗, 正常. 至於個流沙奶皇包, 唔知係咪肥妹仔我遲到,所以個奶皇包係凍晒!!!!大家都知流沙奶皇一定要熱食先感受到果種流沙奶皇果皇熱到盪嘴既咸蛋香, 可惜肥妹仔我今次無緣品嚐到, 不過唔緊要, 雖然感受唔到果種熱到盪嘴既快感, 不過肥妹仔我都可以同大家講番個流沙奶皇包既味道既~~佢既流沙奶皇係有咸蛋王既香味, 不過就奶皇味就偏淡, 做唔到奶香同咸香既平衡, 唔知有無人同肥妹仔一樣, 都係比較鍾意食奶味重既奶皇包呢?? 到個翡翠荀蝦餃皇啦, 呢個有驚喜bor!!!就算肥妹仔我食果陣時已經凍晒,不過個翡

今年冬至提早左一日食..無喺正日食都好，前兩日先打電話去訂位都仲訂到。共11個大人，2個小朋友。因為節日關係就無得散叫，一定要叫套餐。我地要左中間呢個冬至宴，雖然我地無提早落訂，侍應姐姐都話可以做返減$200比我地。講真平時唔係做節既話價錢應該會抵好多。平時食果啲龍蝦伊面通常都比較淡，今次又唔會...係可惜龍蝦肉少左啲...鮑魚真係好”銀”完全咬唔開...哈哈 雖然佢賣相唔錯另一樣比較失敗就係條魚係未熟..要拎返入廚房再蒸過唯一我覺得幾好食反而係隻燒雞...一啲都唔乾...雞肉好嫩仲有呢個百花球都唔錯

近期多了在媒體做廣告的海港酒家，未知是否為上市鋪路？作為食家，食肆是否上市並不重要，最重要是食物新鮮味美。這次一行6人，點了長腳蟹龍海鮮窩，除了海鮮之後，此餐還包括海蝦，石蠔，白蜆，豚肉，雞肉，粗糧，蔬菜，糯米飯等，每一款都甚為新鮮，一定可以滿足海鮮控的要求！尤其推介長腳蟹，龍及石蠔！最重要當然是咸排⻣粥底，一次過吸收上述食物的精華和鮮味，可以說是全餐飯的精華所在！一個6人餐只索價約1700元，平均每人不用300元便可以食到咁多海鮮，算是性價比高了。由於每種食物都要蒸大約4-7分鐘 （餐牌會有指引），所以一餐要吃上近3小時。對食客而言，一邊吃一邊聊天，當然不是問題；問題是對食肆而言，晚市時段的翻枱率就只有一次，產生一次的收入。雖然這未必可以將利潤最大化，但卻是食客之福，也能賺取口碑！

平日中午飲茶都要等位，可見味道算係唔錯同一商場有3間酒樓，選擇多但係海港都係我首選4個人叫左好多點心食到super full 都係每人$67平靚正👍🏻竹炭流沙包好特別味道唔錯又唔會太甜My favourite ❤️

難得放假，做個孝順仔，陪媽咪晨運再去飲早茶，媽咪揀了此店， 平日不用等位，價錢便宜，點心味道也不錯。义燒包， 叉燒半肥瘦醬汁香濃。鮑汁鮮竹卷餡料足。蘿蔔糕，蘿蔔和粉比例剛好煎腸粉，粉皮略厚。竹炭奶皇包、紫心薯蓉包， 甜味適中，但薯蓉包餡料較乾。平日早上7點至11點有特價點心。

屋企人食午餐，今日嚟到藍田，呀媽話好耐冇食過大集團水準，見到有間海港就入去試下，我哋叫咗 午市孖寶， 黑松露滑蛋蝦仁 配臘味糯米飯。 加多一份，xo醬炒蘿蔔糕，一個八寶齋煲， 椒鹽軟殼蟹，點解可以咁出色。OMG第一個嚟到，xo醬炒蘿蔔糕，特價貨估到size唔會大，好彩xo醬都足料， 幾香xo醬味，但係食到 落最抵超級油膩。再來臘味糯米飯， 真係畀個size嚇親， 超級迷你size， 咁樣嘅孖寶，真係第一次見，我懷疑呢份係兒童餐嚟。之後來到嘅就係黑松露滑蛋蝦仁，終於有番啲正常嘅嘢食。 滑蛋夠曬滑， 蝦仁數量還可接受。之後來到係椒鹽軟殼蟹，唉，咩事，估唔到個肺完全冇起到， 可能我唔識食。 自己手工diy完，軟殼蟹都叫香脆，但比較油膩。最後到八寶齋煲， 安全穩陣。最後啦，見到入面人就好多，不過做嘢嘅員工，個個都喺度各為其政，想搵人幫手加水都做唔到，多謝曬。

阿拉斯長腳蟹因為朋友係呢到既常客 所以我地揀左黎呢間分店食蟹 估唔到閒日都咁多人黎食 好少可依家去酒樓食飯會滿座 我地一行六人叫左1隻7-8斤長腳蟹 比起平時buffet既冷盤海鮮 我都係比較中意熱食多d 我第一次黎呢到食蟹 一上枱見到六隻腳岩岩好唔洗打架 😂個殼好容易剪 好少食海鮮所以唔太識剝殼既我好似剪紙咁剪兩三下就搞掂 隻蟹腳真係好多好多好多肉 未試過食蟹食到咁啖啖肉 😍😍而且因為清蒸所以有好香既鮮蟹味 一定要帶屋企人再黎食過!翅湯本身冇咩期待食個翅 點知一撈下個底 勁多料 第一次食翅要用筷子好似夾麵咁食 大大大大滿足😍😍😍 蒜茸粉絲蒸元貝平時食親海鮮都必定會有 因為第一道黎既菜係長腳蟹 個粉絲蒸元貝已經攤到凍左 但都一樣好好味 豉油咸甜調校得岩岩好 比平時食既水準之上海港燒鵝皇我平時好少食燒鵝 覺得比較多油脂同肥膏感覺好似好油膩 所以我只係食左一舊 都係一樣好油 不過d肉都算幾滑 我見朋友們都會得好滋味 我諗中意食既人應該覺得唔錯金銀蛋莧菜個菜不過不失 食莧菜最怕就係洗唔乾淨有沙 不過好彩呢到冇呢個問題 同埋d菜好大碟 我地六個人不停咁食 夾極都仲有 哈哈😆😆

阿公生日食飯擺3圍，$4380餐，龍蝦一出黎已已經見到好多舊都係黑，部長睇完話龍蝦變黑係因為血水唔清！叫部長試食，佢又唔敢食，咁講咩呢？再者，大家有冇見過龍蝦有血呢？想瞞天過海？搵食行遠d喇， 在場全部水上人黎架！又叫我地轉第樣餸，經一輪辯論後，終於肯再煮過！再煮過出黎，好唔好食唔評價，起碼唔係變黑左既龍蝦囉！大家自己比較下！