海港酒家

营业中

休息中

勁200%超火之經歷，藍田唯一存在差勁之服務態度，完全破壞整個集團之信譽。。１０月１日是什麼大日子，做冬？？年三十晚？？年初一？？只不過今天是國慶，星期日，平時每週大家星期日都例放假日子。。今天４：３０嚟到酒樓，剛好路過酒樓門口，向酒樓門口負責訂枱之女職員要求訂今晚６：００晚飯，但負責之女職員要求我一定先落訂金，才可以安排當晚之位置，為什麼要落訂金？？星期日訂位食飯要落訂金？？我不是大排延席，婚宴酒席，真是莫名其妙，想不通？？？但當時我再計算相距之訂座時間，只不過相差１小時３０分，我堅決不會落訂，當時負責之女職員提供了一張號碼票Ｌ１給我，叫我在５：４０分前到達，我準時到達，原來我Ｌ１第一張票正正是大門口之第一張，張枱貼近門口，當時要求女職員安排較入內之位置，但女職員告訴我今天只有兩張門口枱可以供ｗａｌｋ　ｉｎ，見咁大個場，真是沒有其它位置，但不到１分鐘為何到現場之食客即時可以入內，及立即安排位置？？？熟客人？？？女職員不滿我不落訂金，我才沒有位置安排？？千千萬個問號出現，是否門口之女職員隻手遮天。。。。？？？

難得假期約左朋友飲早茶, 地點係啓田商場的海港酒樓,係藍田站上蓋, 好彩朋友一早去等位, 原來呢間酒樓好多人, 朋友已預早45分鐘去先有位,呢間酒樓好大, 好多位, 難怪成為有咁多人黎食 !當日係假期所以無特別優惠, 價錢都正常唔會偏貴皮蛋瘦肉粥粥底普通, 皮蛋唔夠, 但價錢就好抵濃湯浸菜心菜心好新鮮, 所以點煮都好味呀!XO醬炒蘿蔔糕好惹味, 蘿蔔糕其實無乜材料, 但勝在有XO醬調味黑炭PANCAKE見到個名好吸引, 原來係甜PANCAKE, 不過太甜了炸雲吞炸得好脆好香口, 但沒有醬汁, 如果有泰式辣醬就好正奶皇包奶皇包唔算好流心, 上枱時已經唔係最熱仲有叫其他炒飯, 不過就忘記影相, 我和朋友們都坐左好耐, 職員都唔會催, 地方光猛, 食物又不錯,下次去藍田飲茶, 可以再選擇 !

來到藍田飲茶就會去海港酒家，感覺是比較划算平日的下午茶時段 2:00-4:15pm，除了有特價點心外，其餘的大中小點都是計小點的$13.5茶費每位$8先點幾款特價點心潮州粉果 $12.8調味適中 皮十分煙韌 不錯濃湯唐生菜 $12.8正常 份量充足咸菜豬肚 $16.8今天挺新鮮的黑松露野菌餃 $13.5雖然找不到黑松露，但有黑松露的香氣皮反而一般 沒有潮州粉果的軟糯香煎芋絲餅 $13.5今天不會煎得黑黑的，金黃色的還不錯竹碳甜薄撐 $13.5竹碳皮與普通的黃色的皮味道差不多，賣相挺特別全靠花生粉和椰絲提味 作為甜點是不錯的紅棗糕 $12.8這個每次必點！紅棗味道出眾又煙韌 好吃的還點了鮑汁鳳爪 $16.8每次都做得不錯 有五隻 滷得入味整體感覺不過不失～平日下午茶這個價錢抵食

話係任食火鍋，只係任食蔬菜，仲要唔知係咪新鮮嘅。普通芝士腸肉丸都要另外加錢，服務態度差，明明寫住所有飲品供火鍋客戶，最後竟然仲話我點解唔問職員亂攞飲品，話我亂入廚房重地，話明任飲任食火鍋使鬼問咩😡真係聞所未聞OpenRice 有冇得比負分架？

今天同屋企人去藍田買野，行到差不多兩點，媽媽就是提議到海港飲下午茶。其實海港也吃過不少次，不過多數是在晚市，下午茶就比較少每位茶芥$8，收費都算合理特價紙的款式經常都會更換，不錯能讓客人試多點不同款式嘛！精點、特點就以原價計算但大點、中點、小點一律都是計小點$13.5的價錢！非常吸引呢！難怪下午茶時間常常那麼多人排隊。海港都玩竹碳 黑皮既薄撐好似幾得意咁 點黎試下～竹碳甜薄撐 $13.5之前食過原味黃色蛋皮 就煙煙韌韌既薄pancake皮 加入竹碳粉 其實除左顏色吾同左之外 味道係無分別依舊淨係食到濃濃既椰絲花生味 甜度適中 皮又煙韌 不錯竹碳版雖沒有什麼特別 但又無貴到 一試無妨！XO醬蘿蔔糕 $16.8不過不失鮑汁鳳爪 $16.8滷得入味 每次去都點兩碟！豬腳薑 $16.8有一粒滷得不太入味既雞蛋 豬腳無乜肉 豬骨同薑多啲皮蛋瘦肉粥 $11.8酒樓既粥不嬲都吾錯 夠綿 今次仲多左幾舊油條流汁奶皇包 $10.8我一路吵住要食奶皇包 所以媽媽叫左籠比我點知超失望囉 說好的流心呢⋯⋯我一直覺得酒樓既包點蒸出黎係特別鬆軟 但依個真係一啲都吾鬆化！熱辣辣食個包都可以硬硬既無流心 奶皇餡都吾好

同幾個同事一起去海港飲茶，我地食中午唔使等位，叫左叉燒腸，腸粉太厚薄少少仲正，香芋紫心丸好香好煙韌又不會太甜，咸水角夠熱，黑椒牛仔骨一般，肉質太韌，味道夠入味。XO醬蘿蔔糕好香口又有少少微辣👍

為慶祝朋友斷食成功，以及已經復食幾日， 我哋幾個朋友講起想去食長腳蟹，朋友搵到呢間海港酒樓話食長腳蟹幾抵食，就一於試下啦~酒樓環境幾好，坐得舒舒服服~花雕蒸長腳蟹 - 有蛋白喺底一齊蒸，酒味香濃，蛋白同蟹膏一齊食特別好味。 長腳蟹都算幾大隻 ， 蟹腳剪開啖啖肉 ， 好新鮮，一啲都唔腥。 我哋四個人食一隻啱啱好~拔絲咕嚕黑豚肉 - 炒得幾香，真係有拔絲~海王西洋菜煲 - 西洋菜煲正常，海味都算幾多~白灼蝦一斤- 白灼蝦蝦肉鮮甜，彈牙，夠新鮮~埋單一千一百蚊，四個人去酒樓坐得舒舒服服又食到長腳蟹嚟講，我覺得算幾抵食~

難得星期日唔洗返工, 同屋企人去飲個早茶先。 10點去到拎飛要等50個籌, 都預左呢, 海港都比較多人飲茶。週圍喺商場行下先, 等左45分鐘, 都算係甘。叫左幾樣點心同自選孖寶。叉燒腸皮薄, 叉燒餡唔算多, 但都ok, 唔係得肥膏。其他點心唔記得影喇, 牛肉球差左呢, 望落個色好淡, 食落冇咩牛肉味, 份量都正常。雞扎就唔錯, 正常配料而且芋頭都幾粉。香煎芋絲餅就好味左, 可能啱啱煎起, 個皮脆, 有少少五香味。叫左西施蝦球$38, 諗住平平地試下, 上菜見到有啲伏。見到只是幾隻炸蝦加少到虛無縹緲嘅沙律醬。炸蝦皮都脆但粉漿過厚, 蝦肉都彈牙, 但下次都唔會叫。自選孖寶揀左一個飯一個粉。炒安格斯牛河份量都多, 牛肉應該係用左火鍋用嘅牛肉片, 肉片唔算少, 而且加左茄子, 第一次食到牛河有茄子都幾特別, 可惜同普遍乾炒牛河一樣都係偏油。菜"普"海鮮粒炒飯都幾好味, 海鮮粒有蝦同貝柱,加左翠玉瓜粒, 都幾有口感。望落唔見有菜"普", 食落都feel到嘅。另外飯炒得乾身, 唔太油膩。

成個場咁多空位。打橫坐打直坐都到管。話細枱一定要搭枱。搭枱冇問題。但點解你點坐都管。仲要話一定要打橫坐。坐一邊要收收多個茶位錢。簡直垃圾。為左呃多幾蚊茶茶位。以後個客都唔來。

一家人食飯有老人家都比較喜歡去酒樓食圍餐，今晚我們就選擇位於藍田海港酒家食晚飯了！海港最出名招牌燒鵝皇，由於我個人不太喜歡啖啖肉，所以評價來源我爸爸，肉香肥美多汁，皮脆肉嫩喎！金菇瑤柱扒豆苗，好滑口全因爲油分多膩滯感強！蝦球伊麵，屬一般顏色鑊氣，故色香味都差一點！螺片好煙韌要花點時間咀嚼呢味清蒸沙巴龍躉火喉剛剛好，所以肉質鮮美不會鞋口主角菜到啦！蛋白花彫蒸阿拉斯加長腳蟹，鮮甜香滑肉絲豐富，將蟹腳拆肉後蘸上蟹膏汁，爆燈指數持續上升，別遺忘蛋白，香濃花彫酒加上滑滑蛋白，嘩！回味無窮$838只係六人圍餐未計長腳蟹架

今日2個人去飲茶去到攞位reception呀姐咩都冇講就寫左張飛俾我。 一路行入去揾檯就問d待應邊張檯。 個待應隻手fing兩fing當答左我， 咁就再禮貌咁問多次。 個待應先講近邊個位置嗰張大檯。 我兩個人要坐張12 人檯？？ 好啦！ 我問待應有細檯可唔可以轉過去坐， 佢地話唔得呀！ 要問待應！ OK! 我出番去問支客， "想問吓可唔可以轉過去xxx檯呀！ 吉左wow! 唔該！" 個支客d態度極差"你要坐呀！ 俾多個茶錢囉！ 我地呢度2個人係要坐大檯搭檯" 我真係第一次聽坐細檯要收多個茶位先得！最神奇係我係出面等左陣， 見到佢地係俾d兩個人嘅熟客坐細檯囉！

本來是一個開心快樂的晚飯約會！卻遇上了一群服務態度差勁的侍應生，把整頓晚飯的氣氛澈底的破壞了！我18:35剛到達酒樓由部長分配了枱號，那時她隨即對我說要20:00結帳交枱，當時其部長的態度都頗為難以接受，算了入座……！点菜落單了，這位侍應又再重複地說要20:00結帳交枱，當時我再感覺到很難接受，所以我找到一位主任反映！但令我一次又一次的憤怒，連一位主任都不會處理一宗如此簡單的投訴，那位主任竟然視我透明，完全沒有跟進及處理，真的氣壞我！我再找到酒樓的店長投訴，最可惜的是最高級的店長都給我一個十分十分敷衍了事的處理手法！叫客人怎樣會再次光顧呢！12/11/2016

今日同家人食晚飯，叫咗个套餐，另外叫多咗條魚，等咗成粒鐘，條魚都未到，於是叫咗个人埋嚟追追條魚，同佢講條魚如果未落單就取消，之後佢冇理我哋，之後條魚十分鐘都唔洗就來咗，之後問上菜个人，問佢点解條魚落單咁奈都未到，一追就到，之後上菜个人同我哋講你條魚係後加的，之後我哋叫咗个總經理埋嚟，同佢解釋成件事，之後我哋对單，發現條魚係剛剛加的，於是我哋緊係叫佢取消條魚，个總經理才死死氣咁幫我哋取消。啲服務態度很差，有啲人聽到都扮聽唔到。😡

呢間啲招呼係我有生以嚟未見過咁差嘅，成日見啲侍應鬧客，我都領教過，一次就話我好轉枱，佢以為我聽唔到，點知我全部聽到; 另一次仲衰，個侍應就企喺我側邊，但就同對面搭枱位先生打牙較，隻手喺我面前揮來揮去，差啲發到我，我於是同佢講「你傾計講嘢行過對面啦！」，點知佢發惡，話企喺度有乜問題，仲同我嘈起上嚟，大佬呀！我倒緊茶你突然攝入嚟企喺我隔離，仲傾計傾到唔捨得走，對面阿生隔離大把位，你大可以過去同佢慢慢傾丫，仲要隻手喺我側邊揮來揮去，望住佢呢，佢又當睇你唔到，迫住要開聲話佢，佢又唔話得，卒之要經理叫佢唔好嘈至肯罷休，海港請啲咁嘅伙計，認真係好招呼。 其實佢地啲伙計咁巴閉，根本就係管理層有問題，佢地根本唔怕比人投訴，管理層嘅縱容應計一功。

話說今天下午2:09分取票等入，等佐十幾分鐘入到去竟計我三個人茶钱，我只有兩大人一bb，竟說不搭台要計三個人頭，我問why?佢話公司係甘計？除非搭台，我說一般酒樓不搭台也不用計bb人頭啦，只是最多等耐少少啫，你地甘做法都得嘅？以前都係呢間分店飲過都無計過bb茶錢，一般車費船費等都是3歲前吾計钱架啦，你地呢間酒樓甘樣呃人钱都有嘅，真無良，bb錢都計，好穷咩？的服務員態度散慢，叫佢加個水等甘耐，又吾是爆場呀！如吾够人好心就請多的啦！飲餐茶都激鬼氣！！！！點叫人再帮襯呀！！！