海港酒家

营业中

休息中

嚟到藍田去咗海港食飯。叫咗嗰『花膠響螺煲雞湯』，超水準。好少酒樓可以飲到咁有水準嘅老火湯，而且唔貴，啖啖花膠好足料，花膠幾爽口，又夠滑口，螺頭都好夠淋，又夠鮮味，本人一向愛湯，所以對湯有要求，呢煲湯真係夠晒鮮甜滋潤。『椒鹽瀨尿蝦』〜幾有鑊氣，瀨尿蝦夠新鮮，椒鹽足夠，都算係中型size, 所以都幾有肉。『枝竹上湯菜苗』〜好多料，有豆卜，紅椒，芹菜伴住枝竹同菜心苗。菜心苗夠嫩而且有清甜味，枝竹有咬口又夠黃豆味，芹菜帶出淡淡香芹味道，整體味道非常好。