海洋超級漁港 (深海龍躉專門店)

营业中

休息中

朋友帶我去咗佐敦食飯，見餐牌幾多套餐孖寶$298，仲有好多餸做緊特價。自選孖寶揀咗脆皮燒鵝皇，燒鵝外皮香脆，肉質細嫩，調味剛剛好。另外配寵仔豉汁蒸白鱔，豉汁好香濃，白鱔外皮充滿油脂香，肉質彈牙，一點泥味都沒有，分量又夠大份。南乳吊燒雞，一樣有特價，半分都係$38真係好抵，雞皮香脆，雞肉依然有肉汁，點埋個南乳汁，味道啱啱好！蒜蓉豆苗，炒得香口又翠綠，豆苗幾細嫩，不錯。油鴨髀臘味煲仔飯按人頭計，每位$68位。臘味上枱好大碟，鹹香十足，處理得好，肉質鬆軟，好容易咬得開，臘肉一樣夠鬆軟，唔會又乾又柴。米飯煲得夠乾身，有米香，撈埋臘味一齊食，油香十足，勁香濃，入冬必食之選！餐廳真係幾抵食，下次可以試吓啲全包宴！

位於佐敦❣︎海洋超級漁港❣︎係一間食粵菜點心海鮮酒家，點心價錢大眾化，服務態度一流👍🏻，侍應好好笑容好熱情❤️好難得，今日去到全場full晒，仲不停有人客，厲害。❣︎潮式咸菜豬肚❣︎$68天氣凍飲啖豬肚湯驅胃寒最好👍🏻湯頭微辣惹味，豬肚洗得好乾淨，配料有支竹同咸酸菜，份量十足。❣︎南乳豬手❣︎$29豬手炆得軟腍，南乳味道濃郁，底部有大量南乳花生入晒味。❣︎點心拼盤❣︎$68而家好興呢啲點心拼盤😋👍🏻我好鍾意，每樣兩件可以食多啲款，會跟蝦餃同燒賣，另外再自選兩款點心，我拼左潮州粉果同雞包仔，即叫即蒸熱辣辣，超正。❣︎迷你豉汁涼瓜班腩河❣︎$68涼瓜肉質爽脆帶甘苦😋👍🏻班腩肉厚，河粉炒得夠穫氣。

今天和親戚飲早茶，選擇了佐敦的「海洋超級漁港」。酒樓在2樓，地方不少，傳統裝飾，座位舒適。我們選了窗邊的一枱，可望街景。佐敦道上的汽車和行人熙來攘往，勾起我不少童年回憶。見點心紙上的點心價錢非常吸引，於是點了幾款早茶優惠的點心。早晨孖寶A（$36）：“金菇牛肉腸”、“五香鹹水角”，腸粉爽滑，牛肉餡調味得宜，口感味道都不錯；即炸鹹水角，香脆可口，肉餡滲滿五香味。兩款早晨孖寶B（$39×2）：“鳳爪排骨飯”、“香芋鴨腳扎”、“合桃叉燒酥”、“薑米雞包仔”，排骨飯的排骨位量不少，肉質不錯，有蒜香味；大大隻的鴨腳，滷水入味；雞包仔的肉餡加入薑蓉，薑汁味濃。特色自選點心拼盤（$58八件）：“蝦餃”、“燒賣”、“鮮蝦菜苗餃”、“潮州蒸粉果”，蝦餃外皮晶瑩爽滑，裏面蝦肉鮮甜爽口；鮮蝦菜苗餃有不同口感，美道也不錯。燒味：“脆皮燒腩仔”（$68），皮脆肉嫩，肥瘦適中，脆皮尤其香口，一口一塊，滋味無窮。這裏的點心質素上乘，而且價錢更有驚喜，我們離開時見酒樓面前的海報推廣“龍躉宴”，相約下次再來吃晚餐。

香港嘅夜市好似冇以前咁旺，但其實我覺得係要睇間餐廳嘅質素。今日同幾個朋友敘舊，去咗佐敦海洋超級漁港食晚飯，質素幾好價錢都合理晚市有好多唔同推廣，其中有孖寶套餐好抵食，$298揀兩款，我哋揀咗燒鵝，因為有四個人，所以加多$80要咗半隻，另外就叫咗籠仔豉汁蒸白鱔燒鵝上枱仲有微暖，光澤鮮明皮脆肉嫩，皮下嘅脂肪唔算好多，而皮嘅脆度仲keep到，肉亦都唔會過鹹，好味豉汁蒸白鱔，個底鋪咗荷葉，有淡淡嘅荷葉香味。而豉汁加咗少少辣椒，微辣更加吊起咗鱔嘅鮮味。鱔肉夠厚身，爽口彈牙脆皮南乳吊燒雞做緊特價，半隻都係$68好抵食。上枱仲熱焫焫，啱啱炸起個皮好脆，有淡淡嘅南乳香，再配上南乳醬味道更加濃郁蒜蓉炒豆苗$118係冬天嘅首選，豆苗炒得翠綠，贊咗酒有酒香，蒜嘅份量剛好，味道平衡最後上枱係等咗半個鐘嘅臘鴨髀臘味煲仔飯$68/位，呢個真係冇得心急，慢工出細貨。臘鴨髀同臘味嘅份量好多，鋪滿成個煲面。侍應幫我哋夾起咗，然後再淋上煲仔飯豉油，飯粒做到粒粒分明，好有飯香，飯又吸收咗臘味嘅油脂，仲有成片嘅飯焦，超好食😋

假日去咗呢間酒樓飲茶🫖，佢哋嘅午市真係幾抵食，幾平民化。首先，我揀咗自選百搭孖寶$78，包括叉燒湯瀨同鮮竹卷。叉燒湯瀨大大碗，叉燒入味。鮮竹卷餡料夠多。鴛鴦燒賣做緊特價只需$9.8，超抵！燒賣的肉餡鮮美，牛肉賣都唔錯。然後點咗蠔豉咸骨粥$25。粥底滑溜，蠔豉同咸骨足料。好耐無食家鄉咸薄撐$29，薄撐有芝麻香。另外，金蒜蒸排骨$36，排骨蒸得啱啱好，金蒜夠，肉質腍身。燒汁釀茄子🍆$30，茄子鮮嫩，魚肉餡釀料豐富，燒汁味道香濃。最後，翠玉帶子腸$42，腸粉滑溜！

這家酒樓位於佐敦站附近，交通方便，室內裝修精緻，環境衛生，有開陽街景，座位舒適。自選二人套餐238元，是包括點心兩款、小食一款和粉麵飯類一款。北菇棉花雞：雞肉嫩滑，魚肚爽口，北菇芳香。茄子燒汁釀茄子：茄子新鮮肉嫩，醬汁美味。椒鹽白飯魚：份量多，白飯魚很巨型，外脆內軟，香口美味。古法龍躉球蒸飯：龍躉肉彈牙惹味，白飯吸收了醬汁，很滋味。單點特價點心燒賣鴛鴦9.8元，豬肉燒賣口感彈牙豬肉味濃，乾蒸牛肉味道正常。

與好友相聚當然少不了來中式酒家聚餐，中式酒家以圓桌聚餐，方便聊天，而且可以點多款餸菜一同分享，慢慢吃慢慢傾。酒樓有抵吃的晚市優惠，可以點選枝竹羊腩煲或者脆皮南乳吊燒雞，我們揀了一隻脆皮南乳吊燒雞，只需$68 。開初擔心$68的吊燒雞會不會細細份呢？但一看到這客晚市優惠，真的覺得十分抵吃。脆皮吊燒雞外皮脆卜卜，皮薄脆，中間的肉質嫩滑啖啖肉，十分出色。而且份量很足，有足足的雞，又抵食又美味，來吃晚餐，必定要點選！另外我們還點了一客四人套餐，點套餐的好處是菜式包羅萬有，不用費神點什麼菜式。我們也十分欣賞這個套餐，因為份量足，而且款式選擇又多，又有海鮮，又有肉，仲有精美的甜點。高湯白灼基圍蝦，基圍蝦大大隻，又爽又彈牙，蝦肉新鮮鮮甜，令人吃完一隻又一隻。份量也多，每人也可以吃很多隻。燒味拼盤，有叉燒、燒肉、燒鵝。啖啖肉，叉燒蜜香味濃，好惹味。燒肉外皮香脆，中間的肉一層層的，啖啖肉超滋味。燒鵝又香又惹味而且仲十分多汁。足料煲靚例湯，湯十分足料，是日所飲的粉葛豬肉湯，老火足料靚湯，而且湯渣都大大兜，入面有超多腍身的豬肉等等，連湯渣都相當美味啖啖肉的。而且湯的份量超多，每人也可以飲上了兩至三碗。碧綠油

海洋超級漁港是深海龍躉專門店，座落於佐敦鬧市，主打海鮮佳餚，環境雅致清幽。坐在窗邊，自成一角，點了超值四人套餐，與好友來大快朵頤! 超值四人套餐 $768高湯白灼基圍蝦新鮮大隻的基圍蝦，以灼高湯至鮮紅色，肉質爽彈，入口特別美味鮮甜。錦繡燒味拼盤燒腩仔香脆可口，外層鬆化、啖啖肉，下層幼嫰的豬肉，令人吃得暢快! 肥美的叉燒，帶陣陣炭燒香氣，入口軟腍。柔嫰的鴨肉，鮮香肉汁在口中散發，香口而不油膩，令人胃口大開!足料粉葛鯪魚例湯䁔胃的老火湯，用料及火候十足，鯪魚的鮮味帶額外甜香，瘦肉煲至軟腍，濃郁清甜的粉葛，入口濃郁，飲後很温補。碧綠油泡龍躉球龍躉球肉身圓厚，彈性十足，骨膠原豐盛，經油泡後外脆內嫩，搭配碧綠的蔬菜和脆豆，口感清新，簡單而滋味。金銀蛋蒜子浸時蔬菜心入口軟嫰，鮮菌清潤爽甜，在金銀蛋的包裹下，吸收了蒜子香氣，咀嚼時帶上湯香甜，十分清爽。紅酒燴牛尾煲牛尾香氣撲鼻，燉煮得酥軟入味，牛尾肉質軟腍，掛滿紅酒的香醇，搭配著濃郁的湯汁，吃下去肉香四溢，美味吸引。海洋流沙包咬下去，內餡的鹹蛋黃流露出，裏面滑溜的奶黃，甜度適怡，百吃不厭。椰汁紅豆糕椰汁和紅豆甜蜜融合，入口黏糯、綿密，椰味香甜濃厚，清

屋企人本身話喺對面馬路飲茶，我話呢邊有間未試過不如上嚟呢間試吓。基本上見到張點心紙琳瑯滿目心情相當興奮。下午茶嚟講都叫做多選擇。不過見佢午市個套餐又好鬼吸引最後嗌咗個午市套餐。我剔咗要四個點心嗰款，但我鬼掩眼剔漏咗一個。但係入單嗰個冇同我講，亦都冇俾返張入單紙我。跟住我話差一樣點心未黎，印咗張單出嚟睇問佢點解我唔係四個點心個套餐？佢話同事幫我落咗兩個點心個套餐，但由頭到尾都冇人通知過我跟住我話我要返個四個點心嘅套餐，個侍應還訓斥我叫我自己單點就得啦。如果單點係抵過套餐，我就唔會叫四個點心個款套餐。講返食物味道基本上係一般，不過當中比較突出嘅都要講講個芝士海蝦伊麵，啲殼同埋啲肉係分離嘅。陳皮鯪魚球係冇陳皮嘅。糯米包同春卷還好，沙薑豬手都有肉。真係比較好食少少就係個鮑汁鳳爪同埋個松露餃，至少食到個松露醬幾香。仲有臨走去到𨋢口嘅時候都未正式落場個經理已經喺度碌枱，見我媽子行過去廁所。我媽子都同佢講話唔該，佢仲西住面好似阻住佢收工咁。任還出口同我媽子講：「我實讓你㗎！」態度超差。茶市未收㗎，咁快轉場根本就係趕客。希望佢老細見到篇食評，可以正視員工對客人態度㗎問題。

同屋企人去咗海洋超級漁港，聽聞佢哋推出咗晚飯超值優惠，於是就迫不及待嚟試下。當日去到，差唔多坐滿，想去記得卜枱。炸子雞，$68雞皮炸得金黃酥脆，咬落去嗰一刻，外脆內嫩，雞肉鮮嫩多汁，配上少少鹽，味道一流，呢個價錢超值。脆皮燒腩仔，$68皮燒得又香又脆，肉質軟滑，正。海鮮三寶，$488實在抵食，三寶包括上湯西澳洲龍蝦伊麵、金銀蛋蒜子浸菜芯同脆皮燒鵝皇。上湯西澳洲龍蝦伊麵龍蝦約一斤，蝦肉鮮甜爽彈啖啖肉，個汁濃郁，伊麵吸收咗湯汁嘅精華，好正！金銀蛋蒜子浸菜芯菜心清脆，金銀蛋嘅香味令味道更加豐富。脆皮燒鵝皇鵝皮炸得香口，肉質鮮美，加$100就有半隻。炒蜆，$138蜆肉鮮甜，炒得剛剛好，醬汁好惹味。我哋飲咗大枝藍妹，$29.8清爽又消暑，為呢頓美食畫上完美句號。

前排同屋企去咗佐敦食飯，餐廳食物質素唔錯，佢哋會提供免費嘅前菜花生同埋甜品紅豆沙，食到好滿足。而且係正地鐵站隔離，位置夠方便，值得推介。一坐低即刻叫咗脆皮南乳吊燒雞，餐廳做緊優惠，半隻都只係38蚊！雞皮好脆，而肉質肥美嫩滑，高質又抵食。脆皮燒鵝拼化皮乳豬，呢個組合真係太正，可以一次過食曬我最鍾意嘅兩款燒味。燒鵝皮烤得夠香口，咬落油脂感十足，乳豬皮則非常香脆，肥而不膩。紅酒燴牛尾煲，牛尾同蘿蔔都煮到好入味。而且夠哂足料，牛尾多到差啲食唔哂。日式海皇什菜煲，海鮮種類好多，有魷魚、蝦、蚌，加埋唔同嘅蔬菜同粉絲，味道清清地又好健康。海洋極品海鮮粒炒飯，炒得好出色，粒粒分明。種類又夠多，配合埋菜粒，口感好豐富。翠塘香滑豆腐，豆腐好滑，食落去甜甜哋有啲似豆腐花，幾啱送飯食。除咗紅豆沙，我哋仲叫咗飲茶時候最鍾意嘅養顏紅棗糕同埋杞子桂花糕。清清地又唔會太甜，仲可以養顏。

同屋企人去咗海洋超級漁港，呢間酒樓主打海鮮，其他燒味同小菜都唔錯，四個人一千都唔洗食到勁飽！炸子雞，$68。外皮炸得超脆，金黃香口，食落好滿足。雞肉嫩滑，唔會太乾，雞味濃郁得嚟帶有淡淡嘅鹽香。🥢脆皮燒腩仔，$68。燒腩仔外皮脆得唔得了，入口即化，脂肪分佈均勻，食落去唔會覺得膩。外層脆皮帶嚟嘅香氣同內裡嫩滑嘅豬肉形成強烈對比，真係一啖接一啖。🥢海鮮三寶，$488呢個三寶都幾抵食，三寶有上湯西澳洲龍蝦伊麵、金銀蛋蒜子浸菜芯同脆皮燒鵝皇。🥢上湯西澳洲龍蝦伊麵龍蝦蝦肉好新鮮彈牙，伊麵吸哂湯汁同龍蝦嘅精華，必食。🥢金銀蛋蒜子浸菜芯好清新，湯底濃郁得嚟帶有蛋香，配埋金銀蛋嘅香味，菜芯索左個湯，好食。🥢脆皮燒鵝皇 燒得外微脆，鵝肉嫩滑，油脂豐富但唔會過膩，鵝香味十足。🥢炒蜆，$138蜆肉好鮮甜，大大隻，洗得乾淨又冇沙，炒得好惹味，正！我哋點咗 大枝藍妹，$29.8冰凍嘅啤酒配埋燒味真係一流，清爽解膩。

今晚約了家人在這裏吃飯，因為經常路過都看到人流很多，口碑不錯。原來店內很多優惠，價錢適中，來到的時候都有八、九成滿，算是不錯。👍👍👍👍👍晚市優惠二選一：上湯西澳洲龍蝦伊麵，約一磅$238 ，芝士焗另加$30 。西澳龍蝦非常新鮮，龍蝦肉爽口彈牙，味道鮮味，伊麵吸收了焗過的芝士表層香氣，更加惹味。基圍蝦半斤$98，基圍蝦味道鮮甜，肉質爽口，加點辣椒豉油，味道更佳。晚飯優惠孖寶$298紅燒脆皮乳鴿兩隻，乳鴿的滷水味道香濃，皮脆肉嫩，想不到這裏的乳鴿尺寸頗大，是中乳鴿，肉質豐滿，令人回味無窮。籠仔豉汁蒸白鱔，白鱔爽脆可口，豉汁味道香濃，下次再試其他。酥炸新鮮台山大桶蠔$208，炸漿不算太厚，桶蠔蠔味十足，生熟程度適中，非常美味。甜品：紅豆椰汁糕，店員很好，雖然沒有紅豆沙，不過這個紅豆椰汁糕，都非常美味可口。值得一提的是，店內的女侍應，個個都招呼周到，值得下次再來。

海洋超級漁港燒鵝拼脆皮乳豬燒鵝外皮烤得恰到好處，肉汁豐富。乳豬嘅皮烤得香脆可口，肉質鮮嫩，配上黃梅燒汁，味道和諧滋味，令人欲罷不能。脆皮南乳吊燒雞脆皮吊燒雞色澤金黃，外皮烤得非常酥脆，香氣誘人，雞肉內部鮮嫩多汁。另外配搭濃郁嘅南乳突出鹹香味，帶出獨特風味，令人食到停唔到。紅酒燴牛尾煲牛尾嘅肉質超軟嫩，全無咀嚼嘅必要，紅酒嘅香氣渾然天成，被牛尾完全吸收。湯汁濃郁，搭配米飯更係絕配，令人胃口大開。日式海皇什菜煲日式海皇什菜煲嘅海鮮同雜菜選擇相當豐富。更有大量粉絲同冬菇，食到暖笠笠，令人舒服滿足。海洋極品海鮮粒炒飯海鮮粒炒飯色香味俱全，海鮮材料多樣，令層次感提升。當中嘅象拔蚌更係非常彈牙。米飯粒粒分明，搭配炒蛋同蔬菜，令人食指大動。翠塘香滑豆腐香滑豆腐口感滑嫩，底下一層蒸蛋，增加家常味道。芡汁豐富，令到整體感覺更滋潤。養顏紅棗糕紅棗糕唔只外觀誘人，口感亦都非常細膩，甜度適中，令人感受到紅棗嘅天然香甜。而且暖笠笠嘅感覺，令人份外舒服杞子桂花糕桂花香氣飄散，令人心情愉悅，口感十分Q彈，搭配杞子嘅清香，非常合適作為餐後甜品。紅豆沙紅豆沙細膩順滑，甜而不膩，係餐廳免費贈送，令整個用餐體驗圓滿結束。

佐敦的海洋超級漁港，環境寬敞舒適，裝修典雅，服務員的熱情禮貌為餐廳加分。餐廳有多款的優惠，有優惠2選1及孖寶晚飯優惠及單點小菜。基圍蝦，顏色亮麗橙黃的圍蝦，新鮮彈牙，帶著海水的鹹香，簡單的白灼烹調方式保留了蝦肉的原始風味，鮮……！晚飯優惠孖寶，當中孖寶有多款的選擇 ，吸引我的是紅燒脆皮乳鴿及籠仔豉汁蒸白鱔。紅燒脆皮乳鴿2隻，皮脆肉嫩，紅燒汁甜中帶鹹，乳鴿的肉質細緻，每一口都是滿足。籠仔豉汁蒸白鱔，豉汁香濃，白鱔肉質鮮美爽口，籠仔蒸煮的方式讓鱔的鮮味完美鎖住。酥炸新鮮台山大桶蠔，外酥脆內嫩，蠔肉肥美鮮甜，酥炸的方式增添了口感的對比，令人回味。食完餐廳還送上紅豆椰汁糕，紅豆的甜香與椰汁的清香完美融合，甜而不膩，為這一餐高質的中菜作為圓滿的結尾， 滿足……