海洋超級漁港 (深海龍躉專門店)

营业中

休息中

同屋企人去咗海洋超級漁港，聽聞佢哋推出咗晚飯超值優惠，於是就迫不及待嚟試下。當日去到，差唔多坐滿，想去記得卜枱。炸子雞，$68雞皮炸得金黃酥脆，咬落去嗰一刻，外脆內嫩，雞肉鮮嫩多汁，配上少少鹽，味道一流，呢個價錢超值。脆皮燒腩仔，$68皮燒得又香又脆，肉質軟滑，正。海鮮三寶，$488實在抵食，三寶包括上湯西澳洲龍蝦伊麵、金銀蛋蒜子浸菜芯同脆皮燒鵝皇。上湯西澳洲龍蝦伊麵龍蝦約一斤，蝦肉鮮甜爽彈啖啖肉，個汁濃郁，伊麵吸收咗湯汁嘅精華，好正！金銀蛋蒜子浸菜芯菜心清脆，金銀蛋嘅香味令味道更加豐富。脆皮燒鵝皇鵝皮炸得香口，肉質鮮美，加$100就有半隻。炒蜆，$138蜆肉鮮甜，炒得剛剛好，醬汁好惹味。我哋飲咗大枝藍妹，$29.8清爽又消暑，為呢頓美食畫上完美句號。