海洋超級漁港 (深海龍躉專門店)

营业中

休息中

位於佐敦❣︎海洋超級漁港❣︎係一間食粵菜點心海鮮酒家，點心價錢大眾化，服務態度一流👍🏻，侍應好好笑容好熱情❤️好難得，今日去到全場full晒，仲不停有人客，厲害。❣︎潮式咸菜豬肚❣︎$68天氣凍飲啖豬肚湯驅胃寒最好👍🏻湯頭微辣惹味，豬肚洗得好乾淨，配料有支竹同咸酸菜，份量十足。❣︎南乳豬手❣︎$29豬手炆得軟腍，南乳味道濃郁，底部有大量南乳花生入晒味。❣︎點心拼盤❣︎$68而家好興呢啲點心拼盤😋👍🏻我好鍾意，每樣兩件可以食多啲款，會跟蝦餃同燒賣，另外再自選兩款點心，我拼左潮州粉果同雞包仔，即叫即蒸熱辣辣，超正。❣︎迷你豉汁涼瓜班腩河❣︎$68涼瓜肉質爽脆帶甘苦😋👍🏻班腩肉厚，河粉炒得夠穫氣。