海洋超級漁港 (深海龍躉專門店)

营业中

休息中

同屋企人去食酒樓海洋超級漁港 出名食海鮮同龍躉套餐仲非常優惠 🤩✨晚市優惠🦞 上湯西澳洲龍蝦伊麵龍蝦約一斤重 非常新鮮用上湯煮 肉質鮮甜彈牙 伊麵底都吸晒龍蝦嘅鮮味✨海鮮孖寶推介🐟 魚湯枝竹浸龍躉球（例）龍躉球好大片 肉質非常彈牙嫩滑魚肉輕輕煎過再浸湯 魚湯味道清甜 枝竹剛好可以吸晒魚湯嘅清甜味🐚金銀蒜蒸蟶子皇（四隻）蟶子王幾大條 肉質彈牙 新鮮鮮味加上大量蒜蓉同粉絲一齊蒸 味道非常惹味✨單點🐚 豉椒洋蔥炒生猛肥蜆蜆肉肥美厚身 新鮮鮮味豉椒洋蔥汁味道濃郁 醒神開胃🦐錦江海鮮豆腐煲有大量海鮮 有蝦、蚌、花枝片等底下有香滑嘅玉子豆腐同非常入味嘅白菜仔性價比之選

上星期和朋友去佐敦食晚飯，他提議食中菜，我們就到鐵路站附近的酒家食飯，環境寬敞，人氣幾旺，差不多坐滿食客。碧綠油泡龍躉球，龍躉煎得好靚，又大塊，入口彈牙鮮味，好新鮮，選料優質，西芹爽脆，兩者很搭。紅燒乳鴿，有晚餐優惠，超抵食，外皮香脆，肉質緊緻嫩滑，夠入味，不點華鹽都夠味，大家盡情享受。燒味拼盤，有雞、燒鴨、叉燒等，份量適中，整體味道不錯，蜜汁叉燒夠軟滑，不乾，幾好味。老火靚湯，用料十足，湯渣都一大碟，菜乾、豬肺、瘦肉等等，菜乾香味濃郁，好滋潤，在這些乍暖還寒的日子最合適。高湯白灼基圍蝦，相當新鮮，彈牙爽口，肉質鮮甜，都算幾大隻，份量都唔少。日本海皇什菜煲，沒想過是那麼大煲，很足料，有不同海鮮，如蝦、北寄貝，蜆等等，粉絲吸收了湯汁特別好味。流沙包，熱辣辣又鬆軟，奶皇餡好流心，不太甜，奶香濃厚，好好味。

屋企人做節好多時都會揀中菜食飯，又想食生猛海鮮所以就去到佐敦嘅深海龍躉專門店食餐海鮮大餐中菜廳環境寬敞，別具雅緻，特設VIP房，非常適合大班朋友歡聚除了深海龍躉，亦專門搜羅世界各地的生猛海鮮，食材優質上乘而且近期仲做梗西澳龍蝦伊麵晚市優惠，咁抵食又點可以唔 book 定枱食靚海鮮食物方面 : 上湯西澳洲龍蝦伊麵 : 龍蝦夠生猛，鮮味十足，肥美肉厚，再配埋份量非常多嘅埋上湯伊麵，必叫晚市優惠主食金銀蒜蒸蟶子皇 : 蟶子皇肉味鮮甜，肉質爽脆彈牙，再埋金銀蒜及絲去蒸，夠曬惹味魚湯枝竹浸龍躉球 : 話曬係深海龍躉專門店，當然要叫返個龍躉球試一試，龍躉片夠曬大塊份量十足，魚肉肉質鮮嫩，魚皮滑溜，再配埋枝竹及魚湯一齊飲，好飲又好食豉椒炒大蜆 : 大蜆隻隻脹卜卜，簡簡單單用豉椒、青椒、洋蔥爆炒，夠曬鑊氣，食得出大排檔風味錦江海鮮豆腐煲 : 海鮮煲有大蝦、北寄貝、花片、魚肉、豆腐、玉子豆腐及蔬菜墊底，份量十足，常抵食

有咩地方又可以食平野，又可以傾八卦野😌 今次閨密揀這間不錯，食物質素也好好，勝價比超高👍🏻「爽脆海蜇」酒樓頭盤必選，脆口🤭「紅燒BB乳鴿」 估唔到這裡乳鴿也有水準🥰 外層脆，而且味道野味，配上啤酒也不錯👍🏻「黃金大蝦」 蝦肉爽口，是新鮮蝦👍🏻「蒜蓉粉絲元貝」火口剛好，不會over cook。「冰鎮咕嚕肉」 冰鎮令外層脆口，肉質更鎖肉味👍🏻「沙爹粉絲肥牛煲」 有別於外間的沙爹，沙茶醬味比較厚，金菇超多🤩「干煸肉碎四季豆」送飯一流的菜式，連我都食左一碗飯🤣備註：🔺提供了多款孖寶套餐，抵食！

星期日晚和家人去佐敦海洋超級漁港食晚飯，地點好就腳，就在鐵路站附近，酒樓人氣旺，差不多坐滿賓客。紅燒乳鴿，晚市特價，超抵食，皮脆肉嫩，而且不算細隻，口感不錯，不用加椒鹽都夠味，個個都啜晒手指。高湯香灼基圍蝦，都幾大隻，相當新鮮，完全不黏殼，肉質爽口彈牙，有海鮮原有鮮甜。碧綠油泡龍躉球，龍躉球好大塊，極有看頭，十分彈牙香滑，肉質緊緻，西芹脆口又有益，兩者配合得當，好味。紅油燴牛尾煲，色澤吸引，牛尾炆得夠軟滑，一咬就可離骨，加上淡淡的紅酒香，十分惹味。日式海皇什菜煲，相當大煲，份量十足，清淡口感但又不乏鮮味，有不同的海鮮、粉絲和蔬菜，相當豐富。海洋流沙包，熱辣辣，夠香軟，真的很流心，奶王不會太甜，適合現今香港人口味。椰汁紅豆糕，好好味，冰冰涼涼，十分Q彈，好香椰子和紅豆味，正！

3月15日早上在佐敦海洋漁港 飲早茶🫖，叫了「白灼菜心」出奇的已作了「走油」處理，看到后非常之開心🥳好吃😋。相信日前在 OpenRice 反映「白灼菜心」 一事，給負責的營運總監、經理或相關的負責管理人知悉，並積極安排點心部配合客人需求，密切關注客人身體健康，少油少鹽，對長者們非常有益健康；同時，點心部師傅落實去做，對此事的積極處理，落實到位，作為客人的我感到非常高興及感恩、藉此多謝負責的管理人員及出品部的同事！👍👍🙏🙏於3月19日再次光臨，白灼菜心竟然如常的多油，據悉是處理灼菜的水煲已經放了油，根本不可能按客人要求去走油，所以非常之失望😮‍💨，所以，還是減少去海洋漁港飲早茶🫖，以免吃後不舒服（肚痾或肚痛），改去其他地方可以遷就客人去處理白灼菜心（走油），或是不叫白灼菜心！上述評語乃是實際情況，本人沒有因為收受利益或有無償的招待，而作出好的評語或者虛構的劣評去冤枉酒樓！（去光顧其他酒樓或者上去深圳飲早茶，也是可行的方法！）

今日同朋友去咗間酒樓食飯，叫咗幾道菜，味道都唔錯，仲有晚市優惠二選一，有龍蝦伊麵或者乳鴿特價，另外仲有好多特價孖寶，價錢唔算貴。紅燒脆皮妙齡乳鴿呢個乳鴿真係冇得頂！皮脆肉嫩，咬落去啖啖肉汁，外皮燒得金黃香脆，完全唔會乾柴。乳鴿嘅肉質好滑，仲帶少少甜味，食完真係想再encore，我哋仲自備手套方便扯住黎食！菠蘿咕嚕蝦球咕嚕蝦球酸酸甜甜，好開胃！蝦球大大粒，炸得外脆內彈牙，完全唔會過火。菠蘿新鮮多汁，同啲甜酸汁撈埋一齊，食落好醒神，啱晒鍾意酸甜口味嘅朋友。南乳粗齋煲呢個齋煲好有鑊氣！南乳味香濃，啲蔬菜同豆卜粉絲雲耳吸晒啲汁，食落好入味。雖然係齋菜，但一啲都唔寡，反而好有滿足感，健康得嚟又好味。之後叫咗個孖寶 酸菜魚龍躉球配金銀蒜蒸扇貝魚湯酸菜魚浸龍躉球魚湯好鮮甜，酸菜嘅酸味同魚湯好夾，龍躉球啖啖肉，好滑溜爽彈，完全冇腥味，食得出好新鮮。金銀蒜蒸生猛元貝元貝好新鮮，蒸得啱啱好，肉質鮮甜彈牙。金銀蒜嘅香味完全滲入元貝入面，蒜蓉嘅香同元貝嘅鮮味完美結合，再加埋粉絲，食落好惹味！啫啫通菜煲通菜煲好有鑊氣，仲有啲蝦乾同蒜蓉吊味，食落好香口。啫啫聲上枱，熱辣辣，好有風味，係一道好有鑊氣嘅小菜。紅豆沙最

今日同朋友去到佐敦海洋超級漁港食晚飯。我們去到點了茶食住花生諗下食咩好先。今晚點了海鮮孖寶推介果皮蒸南非鮑魚+豉油皇干煎基圍蝦，晚市優惠上湯西澳洲龍蝦伊麵，蒜蓉炒勝瓜+菠蘿咕嚕肉。果皮蒸南非鮑魚：鮑魚鮮甜好味道，果皮煎令到個味道更高層次口感。鮑魚鮮味十足口感一流。豉油皇干煎基圍蝦：外殼都咁香口，味道唔會好咸。蝦肉爽口彈牙仲要非常鮮甜好味道。上湯西澳洲龍蝦伊麵：龍蝦肉爽口彈牙，伊麵軟硬得宜。鮮味十足配起上湯煮簡直一流。蒜蓉炒勝瓜：粉絲鋪底配合大量生熟蒜，非常香口好味道。勝瓜軟硬得宜清新口感。菠蘿咕嚕肉：咕嚕肉個醬汁甜酸度剛剛好，肉質唔錯又唔會太肥。非常多配料，三色椒新鮮，鮮菠蘿清甜。仲有紅豆沙送，個紅豆煲度淋晒非常好味道。

今日去咗佐敦一間酒樓度食晚飯 呢度有晚市優惠二選一 可以揀上湯西澳洲龍蝦伊麵 約一斤 $248/份 或者 紅燒脆皮妙齡乳鴿 $28/隻 我哋揀咗乳鴿 乳鴿我哋特登叫店員原隻唔斬可以保留肉汁 皮脆肉嫩菠蘿咕嚕蝦球咕嚕蝦球都幾大份 成碟有十幾隻蝦 蝦球炸香咗 包裹住酸酸甜甜嘅咕嚕汁 菠蘿仲係用新鮮菠蘿所以食落好鮮甜Juicy晚市優惠孖寶 $298魚湯酸菜魚浸龍躉球 單叫已經要$208金銀蒜蒸生猛元貝 4隻 單叫係$58/隻所以孖寶咁叫抵好多龍躉球好新鮮食落啲魚肉好爽彈 而且起曬肉冇骨 個湯底都幾好飲 不過可以再酸啲咁就再正宗啲 至於個蒸扇貝好夠蒜味 啖啖肉啫啫通菜煲平時出街好鍾意食啫啫菜煲 貪佢夠曬鑊氣 屋企好難炒到呢種味道 呢度啫啫通菜煲都好夠鑊氣 裏面有好多蝦乾 食落咸咸香香 非常下飯如果未送曬 埋單仲會有單尾甜品送 當日就係紅豆沙 我鍾意佢呢度嘅紅豆沙多豆多料 我嗰碗有成大塊果皮同勁多紅豆 好滿足

呢間酒樓晚飯好抵食好岩同全家人嚟食‼️有好多款嘅孖寶套餐，又有海鮮孖寶餐我哋都花左好多時間睇個menu實在好多野都想食～～Order左個孖寶餐，豉油王乾煎海花蝦+金銀蒜蒜元貝，承惠$298❤️元貝係大隻厚肉的，肉質好柔軟有鮮味，唔會蒸過龍海花蝦先泡過油，肉質比較挺身結實，少左蝦本身嘅彈性，不過味道好香夠惹味「紅燒乳鴿」乳鴿價錢非常吸引，只係$28咋，即叫即燒，乳鴿皮好香脆，一咬係爆肉汁的，呢個價錢真係性價比高「沙爹粉絲肥牛煲」肥牛係有驚喜的並唔係平時cheap cheap嘅肥牛！感覺係用左牛板腱，食落好濃牛味，肉質嫩彈，好好食不過粉絲煮得唔夠透，有啲硬～～傳統酒樓嘅晚飯都會有送糖水嘅習慣🤩我好鍾意呢個習慣，通常啲糖水都會煲得夠火喉❤️

放工約一班同事聚餐～海洋超級漁港出名大件新鮮抵食～講下食左咩先上湯焗澳洲龍蝦上湯焗澳洲龍蝦的味道非常豐富和層次分明～澳洲龍蝦肉質鮮嫩，口感滑順，吃起來非常甘甜，帶有海洋的清新味道。濃郁上湯香氣四溢，能夠提升整道菜的風味，讓龍蝦肉更加入味。魚湯枝竹浸龍躉球（例）魚湯枝竹浸龍躉球清淡而鮮美的海鮮料理，魚骨熬製而成，湯底清澈，味道鮮甜，能夠充分襯托出魚丸的鮮味，龍躉球質地滑嫩，口感彈牙，帶有淡淡的魚香，搭配魚湯後，更加吸收了湯中的鮮味。金銀蒜蒸蟶子皇（4隻）金銀蒜蒸蟶子皇蟶子鮮嫩多汁，經過蒸煮後，味道更加濃郁，蒜香濃郁提升了整道菜的風味～蒸的時間控制得當，使蟶子保持鮮嫩的口感，避免過熟而影響風味～簡單而美味的海鮮佳品，蒸煮後能夠保留食材的原汁原味～蔥爆新鮮大魚頭煲新鮮的大魚頭肉質豐滿，含有豐富的膠質，經過烹煮後，肉質鮮嫩，湯汁鮮甜，蔥香在烹煮過程中充分釋放，與魚頭的鮮味相互融合，加入蠔油、胡椒粉等調味料，增強魚頭的鮮味，而不會過於重口味，讓食材的自然味道得以保留。

澳洲龍蝦芝士伊麵濃郁香滑嘅芝士汁鋪滿成個大碟，連殼龍蝦啖啖肉好彈牙，伊麵軟硬適中，同芝士真係最佳配搭💯-脆皮南乳吊燒雞果然係招牌菜式，個皮燒得乾身，但食落保持到油香，雞肉厚身嫩滑，帶淡淡南乳香味又唔會太鹹，食多幾件都唔會膩‼️-用原塊鮮牛肉，大少少牛筋有咬口，除咗鮮甜冇渣嘅菜心，仲用咗三色椒一齊炒，色彩豐富，口感又更有層次👍🏻-同枱有人今月生日，叫咗兩個壽桃有啲慶生儀式感，都係常見嘅蓮蓉蛋黃餡，同單點馬拉糕 $28放咗喺同一個蒸籠，食完馬拉糕先可以影壽星相🤣

今天放工和同事即興在佐敦附近找好吃，最後選了這間酒樓，看見餐牌正推廣自選孖寶，非常抵吃，所以便二話不說選了這間酒樓。這裡出名是深海龍躉，朋友不嗜吃魚，但也點了一個枝竹炆龍躉頭腩煲，除了惹味，份量也不少，魚肉彈牙，不錯哩！我們還點了一隻澳洲龍蝦伊麵底，想不到龍蝦新鮮外，肉質彈牙外，伊麵份量也很多。另外我們選了一隻南乳吊燒雞，外皮脆脆的，肉質嫩滑，而且很入味，不用蘸汁也可以了。再選了菠蘿生炒肉排，除了夠鑊氣外 ，味道甜中帶酸，非常醒神。最後我們還點了一個脆皮燒腩仔，出人意外的是外皮相當脆，而且肥瘦分明，吃落不會覺得油膩，令人驚喜。 整體而言，這裏環境舒適，枱與枱之間不會太密，適合三五知己聚餐，而且服務貼心，不時為我們換碟，值得推介。

去佐敦 海洋超級漁港 飲早茶， 每天都叫 「白灼菜心」，並要求 「生啲 （爽身啲）和走油」，不知道是否操作流程出問題，抑或其他原因，很多時廚房的点心師傅沒有看單要求出品，求求其其灼菜心灼到很𣺉和放了很多油； 只是間中能做到走油爽啲的要求水準！每次放了油的油菜，因為自己腸胃對油菜敏感，我都要用熱滾水洗乾淨，但有時吃了之後肚子不舒服，立即肚痾及事後肚痛，多次反映沒有結果，故今次認真地書面作出反應，希望負責的營運總監能認真地對待及作出更好的迎合不同客人的處理！其實，飲早茶大部份都是上年紀的茶客，客人的健康對酒樓來說應該要關注，如酒樓認真地體貼的去迎合客人的需求，客源自然不會流失，貨源輪轉，並會得到更好的評價。另外建議鳳爪排骨飯煲仔飯，如果能做到乾身一點，那就更好吃😋！ 多謝關注！🙏（備注： 如果真的是出品流程不能做到「白灼菜心」，點心纸是否應該將此點心名稱 改為「白灼油菜」，這樣不會引起客人的反感或投訴，及不會令到該酒樓服務員覺得客人麻煩😣或者客人投訴是不合情理！！）

今晚和家人吃晚飯，訂了一家佐敦站附近的人氣海鮮酒家。餐廳以海鮮馳名，裏面有大魚缸，養住龍躉、龍蝦、鮑魚等生猛海鮮。座位闊落，每枱都有適當距離，空間感不錯，亦有廂房可供選擇。枱上的晚市推廣相當吸引，有多款菜式選擇。晚市優惠：“上湯西澳洲龍蝦伊麵”一大碟上枱，一斤以上的開邊澳洲龍蝦，讓人垂涎欲滴。龍蝦肉質鮮甜，爽口彈牙，鮮味十足。伊麵份量不少，口感爽滑，上湯及龍蝦汁滲透其中，非常美味。晚飯優惠孖寶：“脆片南乳吊燒雞”一大隻黃油雞，外皮燒得卜卜脆，而且十分香口，肉質細嫩幼滑，火候剛好，點上南乳醬，味道更佳，真是必食之選。“流浮山枝竹炆龍躉頭腩煲”原煲熱焫焫奉上，龍躉腩啖啖肉，配上枝竹、冬菇等配菜，加上濃濃的醬汁，炆得入味，伴飯最啱。“彩椒酸甜咕嚕肉”咕嚕肉肥瘦適中，新鮮炸起，香噴噴。配上新鮮青紅椒和菠蘿，色、香、味俱全。“脆皮燒腩仔”這裏出色的燒味，皮脆肉嫩，三分肥，七分瘦，甘香爽口。送“紅豆沙”惠顧晚飯還有紅豆沙奉送，紅豆多而起沙，質素讓人有驚喜。