海洋超級漁港 (深海龍躉專門店)

营业中

休息中

今日去到海洋超級漁港，環境都幾寬落。後面水箱養住活魚，保持新鮮。海鮮孖寶C 清蒸海藍瓜子班 魚肉嫩滑，配搭薑蔥、蒸魚豉油，一湯匙放 進口內，鮮味十足。 薑蔥爆台山桶蠔煲 大大隻蠔，薑蔥味十分濃郁，亳無腥味。脆皮南乳吊燒雞燒得香脆，雞肉嫩滑。只需68蚊，便可享用一整隻雞，CP值幾高。鮑汁燴滑豆腐今日MVP，果然係店家推介之選。豆腐外皮炸得金黃，內裏嫩滑。鮑汁十分入味。仲有甜品送，紅豆沙香甜，為今日晚餐留下不錯的結尾。

屋企人飯聚通常揀中菜，今次呢間酒樓好抵食，而且食物味道好，性價比好好。西澳龍蝦三寶$488 1. 上湯焗西澳龍蝦配伊麵龍蝦有一整隻，肉質爽口，食得出係新鮮龍蝦。伊麵麵質唔會過淋，吸晒上湯好入味，份量多都足。2. 燒鵝皇（例）我哋碟燒鵝有燒鵝髀好正，燒鵝皮充滿光澤，油香十足，真係皮香肉嫩。3. 金銀蛋蒜子浸時菜菠菜滑嫩，金銀蛋足料，有啲蒜子上湯浸住，浸浸地好入口，一大碟都清晒。冰鎮咕嚕肉$138咕嚕肉夾起有拔絲效果，經過冰鎮後外皮更加香脆。咕嚕肉唔會好肥膩，肉質瘦得嚟鬆化，仲有香甜嘅菠蘿、爽口青椒、車厘茄呢啲配菜。清蒸生猛沙巴龍躉仔$148龍躉仔超級嫩滑，火候控制超好剛好，啖啖肉，新鮮。脆皮南乳吊燒雞（1隻）$68 呢個係晚市優惠，$38半隻$68一隻，超抵而且好高質。燒雞皮脆肉嫩，入味，再沾上南乳醬好惹味，我勁鍾意。最後酒樓送上免費的紅豆沙都好足料，起沙又有有果皮香。

每當經過佐敦道新寶廣場，都想嚐試樓上一家酒樓，今晚就約了好友專訪三樓的一家酒樓。我們點了特價自選孖寶：金銀蒜蒸元貝~葱、生蒜和熟蒜一起蒸元貝，凸顯其海鮮味，而粉絲吸收了元貝和生熟蒜的精華，令整道餸加添色香味。豉椒洋蔥炒蟶子~豉椒加洋蔥味道香濃卻沒有掩蓋蟶子的鮮甜，且爽口兼彈牙。繼而再選：冰鎮咕嚕肉~咕嚕肉搭配酸甜醬很惹味，而冰鎮後的咕嚕肉外皮酥脆內裡鮮嫩，甜甜酸酸內暖外冰凍，使整道菜增添獨特風味。啫啫蝦乾生菜煲~材料以蝦乾和豬肉碎搭配新鮮的生菜，透過廚師用心的烹調方式，口感豐富，味道香濃，清脆的生菜配合蝦乾的鹹香，令人回味無窮，吃過不停。炸子雞(半隻)~皮脆肉嫩，點些特製醬汁，味道更昇華。最後送上紅豆沙來完結這頓愉悅的晚膳

   與幾位波友打完波，在佐敦找地方一起晚飯啤一啤！想坐得舒服一點選了新寶廣場3樓的 [ 海洋超級漁港] ( 深海龍躉專門店) 吃中菜。選這裡晚飯一定冇得輸！ 宴客 ，家常 菜式選擇多豐儉由人，優惠又特別多經濟實惠！今晚我們點了抵食孖寶和晚市優惠餐菜式，既是深海龍躉專門店當然也要點上個龍躉菜式吧。先來冰凍特價大啤 29.8元，好抵飲！啤一啤先！再點海哲燻蹄 68元海哲燻蹄又爽又脆邊飲邊吹水不樂亦乎也！流浮山式炆龍躉頭腩 208元這個菜很有風味，內有腐竹，冬菇，燒肉.....等。材料足味道調得滋味！頭腩入味，腩肉滑而厚啖啖肉，頭骨吮得也很滋味。孖寶 298元選了燒鵝 拼  炒蟶子份量是例牌，可加80元半隻，雖然皮不至十分酥脆但有肉香，味道也很不錯。炒得鑊氣十足的蟶子爽脆口感很惹味。脆皮南乳吊燒雞 / 半隻， 優惠價 38元雞皮非常酥脆有油香，肉質嫩滑點點南乳醬風味出來了，餸啤酒一流！食得滋味，飲得暢快，好抵食！

與家人在左敦這家海鮮酒家享受一餐海鮮宴， 不用舟車勞頓走出郊區，十分方便又合價😃為處商廈三樓， 電梯可直達， 雅緻裝修， 看來客流亦盛😀先點了優惠價菜式:炸子雞(半隻)， 特價三十八元， 超值又好食， 皮脆肉嫩有熱度😋再來四款海鮮菜式:魚湯芹香浸肥蜆， 濃郁湯底加上香芹特別氣味， 大量粉絲墊底，蜆肉肥美😋蒜蓉粉絲蒸開邊大海花蝦， 八隻中蝦伴以大量蒜蓉粉絲開邊蒸， 上桌時熱氣騰騰， 蝦肉爽口彈牙，有水準😋自選特價孖寶:金銀蒜蒸元貝， 金銀蒜比單蒜蓉又是另一種味感， 元貝 爽嫩脆又新鮮， 蒸煮火候到位😋豉椒洋蔥炒蟶子， 炒得香濃， 蟶子入口有嚼感， 配豉椒洋蔥份量好多， 佐酒佳選菜式😋蒜蓉菜心， 蒜蓉香味足冇油脂感， 菜心爽口，咬落冇渣， 正好中和海鮮鮮味😋更有加送甜品紅頭沙😋這家市區酒家食海鮮真係方便又經濟👏👏

中秋雖然過咗，但係仍然都係相聚團圓嘅好時刻。舅父喺加拿大返咗嚟，表姐就喺美國返咗嚟，所以趁住呢個機會我哋就又相聚下。海洋超級漁港菜單📋鴻運乳豬燒味大拼盤當紅脆皮燒頂乳鴿王西芹蜜豆油泡花枝片蚌仁清蒸生猛大海花尾班紅燒瑤柱魚肚燴海皇羹豉椒炒蟶子皇煎米粉金沙大明蝦球拌百花球鮮蟹肉扒雙時蔬乾炒福建飯長壽大肚包椰汁紅豆糕特別推介➡️鴻運乳豬🐖燒味大拼盤，廣東人最鍾意食燒味，燒味拼盤多樣化就可以迎合唔同嘅人。清蒸生猛大海花尾班🐟，火喉控制得恰到好處，魚肉剛剛好離骨，魚肉十分嫩滑，加上薑蔥，配合豉油，超美味。豉椒炒蟶子皇煎米粉，蟶子鮮味十足，肉質爽口，配上煎米粉，米粉索曬啲豉椒汁非常好味。金沙大明蝦球拌百花球，金沙大蝦🦐，入口超重鹹蛋黃味，正👍🏻個個食到超飽超滿足。#香港#美食#佐敦#粵菜#foodie

同屋企人食飯，中菜始終係首選～第一次黎佐敦呢間酒樓，平靚正！呢度海鮮特別出色，又抵食！平日夜晚黎都座無虛席～✨上湯西澳洲龍蝦伊麵近來做緊半價，只需要二百幾蚊，龍蝦好大隻好多肉😍✨自選孖寶有好多海鮮可以揀，我就揀左清蒸生猛沙巴龍躉 + 黃金沙撈海花蝦。呢個組合勁抵食，條龍躉大條到⋯啲魚汁送飯一流！而海蝦就由鹹蛋黃煎成，好惹味～✨豉汁帶子蒸豆腐好喜歡呢道菜！豆腐滑嘟嘟手，加上有豉汁香味嘅帶子✨冰鎮咕嚕肉外層冰鎮住，外脆內軟、外冷內熱嘅效果，甜酸度剛剛好～仲有啲菠蘿、青椒、蕃茄仔增添清新感。

  今日陪爸爸到佐敦一間百貨公司購物完畢，11順道吃個晚飯才回家。他帶我到平日經常飲茶的酒樓「海超級漁港」吃中菜。表示這家晚市抵食又好味！入門已見有多項優惠套小菜及大小宴會套餐等。這裡環境舒服枱與枱之間相隔寬敞，還有適合社團，商務，家庭朋友聚會是夠私人空間的開揚廂房。菜牌多款孖寶套餐推介，廚師推介，前菜......等等。點了冷盤~海哲拼燻蹄  $ 68海哲超爽彈，燻蹄入味柔軟。孖寶套餐 $ 298從多款不同配搭小菜中選了燒鵝和炒蟶子。蟶子爽脆鲜甜味道調得滋味夠鑊氣。！燒鵝~皮脆，肉香嫩滑也很入味，而且份量很足。昨晚市優惠賽牌中發現有南乳吊燒雞，這個菜是我的至愛當然要點上一個！南乳吊燒雞半隻 $38吊燒雞原價 $118半隻，現在 $ 38 實在太抵食了！半隻賣相漂亮！相當有份量！外層炸得金黃色的皮薄帶脆，肉質嫩滑點上甜甜南乳醬汁滋味無窮！這道菜做得當出！香煎白飯魚雞蛋  $ 118這道家常小菜很有親切感，在家作總是水汪汪的，在這裡可嚐到菜的原風味了~夠乾身，嚐到蛋香，蔥香白飯魚鮮味等。這頓晚飯吃得很滋味滿足！超級抵食！真是晚飯首選好地方！

呢間酒樓出名食海鮮，食物質素唔錯，而且價錢仲好相宜。自選孖寶 - 清蒸沙巴龍躉 + 黃金沙撈海花蝦，呢個組合都只係三百幾蚊⋯龍躉火喉剛好，魚肉好嫩滑，又大條；海蝦有香濃鹹蛋黃味，好香口。上湯西澳洲龍蝦伊麵 - 平時多數做節先食，但而家做緊半價，龍蝦仲要好大隻好多肉，真係抵食。豉汁帶子蒸豆腐 - 滑溜豆腐配上有豉汁帶子，送飯一流。冰鎮咕嚕肉 - 老婆至愛。用冰鎮住嘅咕嚕肉，外層特別爽脆。甜酸度剛剛好，以菠蘿、青椒、蕃茄仔等作配菜。

同家人食生日飯，食中菜最適合，揀咗呢間好多好評嘅酒樓試吓。入到酒樓，桌與桌之間尚算寛敞。餐牌好多特價優惠，性價比高。西澳龍蝦三寶$488 上湯焗西澳龍蝦配伊麵龍蝦有成斤重，好新鮮，肉質爽滑，味道鮮甜。伊麵吸收晒上湯，好入味，面質爽，份量多，足夠四個人食有餘。金銀蛋蒜子浸時菜菠菜爽滑，金銀蛋足料，蒜頭嘅香氣滲入了湯汁。燒鵝皇（例）呢個燒鵝例牌好抵食，好好彩有燒鵝髀，燒鵝髀被蜜糖包裹着，閃令令，充滿光澤，好吸引。燒鵝皮脆肉嫩，油香豐富。冰鎮咕嚕肉$138呢啲咕嚕肉好有氣勢，大大個玻璃盤上枱。咕嚕肉嘅醬汁有拔絲嘅效果，經過冰鎮後更加香脆。咕嚕肉唔會好肥膩，肉質鬆化，而新鮮香甜嘅菠蘿亦都係重點之一。清蒸生猛沙巴龍躉仔$148龍躉蒸得火候剛好，非常嫩滑，啖啖肉，鮮味。脆皮南乳吊燒雞（1隻）$68 呢個雞係餐廳而家嘅晚市優惠之一，有半隻$38或者一隻$68選擇。雖然係特價貨，但係好高質。燒雞做得皮脆肉嫩，非常香，再蘸上南乳醬，簡直係畫龍點睛，惹味非常。最後，店員更為我們送上免費的紅豆沙作糖水，好滿足。

酒樓主打優惠套餐，當然不會錯過隨，選擇多，質素好魯水豆腐前菜有魯水豆腐，嫩滑感，豆味香濃！蒸龍躉肉汁嫩，魚肉甜，龍躉之所以矜貴，是寒冷之深海有名魚，產量不多。身體部位也是寶，魚鮮嫩多汁，魚肉味清甜，入口鮮嫩，採用簡單調味，保留了魚肉的原汁原味，肉鮮嫩多汁，棒，非常香口。脆皮南乳吊燒雞外皮金黃香脆，肉質嫩滑又鮮美，香濃又大份，驚喜之作。主菜豐富後，同行友人生日甜品，接著選了蒸奶皇包，唱著動人歌曲喔！

酒樓位於新寶廣場3樓，就近佐敦地鐵站，主打中式菜餚，人流唔少，份量較多同時價錢比較實惠。海鮮孖寶C清蒸海藍瓜子斑足足一斤瓜子斑，魚肉肉質嫩滑結實，食得出有鮮味，食落都無咩魚骨，啖啖魚肉，味道都算鮮美，建議連埋蒸魚豉油一齊食，盜飯之選。薑蔥爆台山桶蠔煲蔥香味濃郁，台山桶蠔肉質結實豐厚，食落有鮮甜味，蠔肉都大塊，啖啖肉十分滿足，薑蔥味有效去除海鮮腥味，同時令芡汁惹味香口。脆皮南乳吊燒雞原價$218，現在做緊晚市優惠，$68就有一大隻，份量以價錢黎講十分抵食。燒雞外皮算香脆，食到有雞油香味，再沾點南乳醬更加惹味。鮑汁燴滑豆腐聲稱自家製作，數量有限，食落相當有驚喜，外皮炸得色澤金黃，內裏豆腐香滑軟熟，鮑汁相當入味，同時豆腐亦十分掛汁。蒜茸炒莧菜最後仲有紅豆沙送！

今日去咗佐敦食晚餐 見到有間酒樓做緊特價孖寶 可以二選一 有脆皮燒雞$60/隻或者龍蝦伊麵$238特價上湯西澳龍蝦伊麵 呢度嘅龍蝦睇得出去係完整一隻 有時係出面酒樓食 尤其做特價嘅龍蝦會特登斬到好碎畀人偷緊幾件砌唔返一隻 但呢度擺盤就已經睇到冇呢種古惑嘅手法自選孖寶 $318脆皮燒鵝 加80蚊仲可以由例牌升級做半隻 食燒鵝最緊要係個皮夠香脆 呢度就做到呢種效果 而且燒鵝肉保留到肉汁+籠仔豉汁蒸白鱔 白鱔非常新鮮 平時出街食有時都會食到啲淋啤啤嘅白鱔 但係呢度嘅白鱔係爽彈有油脂 非常之難得 自己去街市買白鱔一啲都唔平 呢度仲有人幫你整埋 仲配埋好味嘅豉汁冰鎮咕嚕肉 咕嚕肉就食得多 但係唔係好多餐廳都會做冰鎮嘅版本 冰鎮咗嘅咕嚕肉可以令到咕嚕肉嘅外面嘅脆漿更加香脆 而呢度用嘅咕嚕肉似係豬頸肉 食落非常爽彈帶油脂 脆醬薄薄一層夠脆夠薄 咕嚕汁甜甜酸酸唔會過甜亦唔會過酸 而且仲有埋新鮮菠蘿青紅椒炒埋 新鮮菠蘿比罐頭菠蘿更加清甜 唔係用罐頭菠蘿已經畀其他餐廳贏咗一步

這店很超值,份量足價錢合理優惠,一班人吃個晚飯有海鮮有燒鵝,每人平均不用3百蚊。先點了個脆皮南乳吊燒雞,優惠價38蚊半隻,份量不是BB雞仔,這雞皮香脆可口,雞肉嫩滑,配上南乳使味道甜甜鹹鹹的,大家可以一試。再來選了個孖寶,海洋極品脆皮燒鵝皇,燒鵝髀的皮很鬆脆很有酥香,鵝肉有咬口油水充足,質地嫩滑可口;豉椒洋蔥炒蟶子,蟶子用上了聖子王夠大隻,肉質綿密細緻,味道炒得香口夠鑊氣。流浮山枝竹炆龍躉頭腩煲,龍躉是必要叫的,首先龍躉皮上的魚鱗打得很乾淨,皮很厚身,嫩滑中帶一點咬口是我最愛,龍躉肉很新鮮很爽脆很鮮甜,枝竹索滿了汁味道一流。冰鎮生炒排骨,上枱時很震撼,生炒骨鋪在冰塊上擺盤很搶眼,生炒骨外的脆漿很薄但索了酸酸甜甜的汁使人很開胃,菠蘿沒有渣很清甜。蒜蓉炒菜心苗,,師傅用快炒的方法使菜心苗很爽甜。味道: 值得一試環境: 尚可衛生: 整潔服務: 尚可價錢: 超值

朋友慶祝生日來個中菜聚會，酒樓食物很優惠。脆皮南乳吊燒雞燒到很金黃，香脆的皮，肉質嫩滑。鮮香香濃，份量非常多，肉汁滿滿海蜇小吃前菜，彈牙又入味雜菜粉絲煲這個絕對有氣氛，上枱時熱辣辣，裡面放滿了燴得十分入味的清新蔬菜，細嫩粉絲，香濃好吃，有味道朋友最期待海鮮，豐富！搶眼主菜來了食完後，朋友喜歡蒸龍躉很矜貴，寒冷的深海產量少的魚，具有高經濟價值的食用魚，蒸得肉汁滿滿，口感鮮甜，肉的彈性，口感彈牙鮮美，用上魚汁提鮮。生日朋友想吃蒸包和甜品，酒樓的點心也滿滿水準，上菜速度快飯後糖水，養生感滿滿，糖水是紅豆沙，消滯和帶助消化，滋潤感滿，朋友非常滿意這分享