海南雞專門店

营业中

休息中

每太安樓嘅海南雞飯果然名不虛傳！每次經過都好多人排隊，所以都prefer食左其他先，今次多啲時間食晚餐，所以排下隊都無妨，終於有機會試淨係排隊都排左半粒鐘，加上夏天熱辣辣，都幾難頂，秋冬天應該會舒服啲，側邊仲特登開左個area for海南雞飯既客人，環境都算係咁，開頭仲以為要企系度食食第一啖已經明白點解會咁多人去幫襯，海南雞配上秘製醬汁真係正到一個點唔會太咸又帶點酸甜感覺幾特別，海南雞都好多舊，每一舊都好嫩滑，油飯則岩岩好，好香，食多啲都吾覺得漏。

之前未踏足過太安樓但成日聽人講啲野好抵食見今日見有啲時間所以就試下喇 !睇食評覺得呢間海南雞飯幾好於是就去搵舖頭見到好多人排緊隊就估到係呢間喇我諗可能等左20分鐘左右揀左堂食其實係過對面舖頭食因為得一個人所以搵位都易啲有兩款醬可以點雞個人覺得黑醬油會match啲 !啲雞切成一條條細細舊甘不過肉質都真係唔錯跟飯有杯冬瓜湯唔會太咸仲有幾多粒冬瓜好開心呢由於堂食個舖位係自助形式所以食完係要自己清理既我行到去垃圾筒果陣其實都已經滿到蓋唔到垃圾筒個蓋所以有啲人就索性唔倒垃圾就甘將個托盤擺低就走(我當然有倒到自己果份喇)所以我覺得如果店員得閒清下個垃圾筒會好啲總括而言呢餐都好抵值得推介一下 !

太安樓出名多好野食！！！！XD今次就試下出名好食又抵食嘅海南雞飯。中午1點去到，有5至6人排隊，有28蚊雞飯同38蚊雞髀飯，怕雞胸會鞋就揀左雞髀。XD送嘅冬瓜湯幾好飲，清甜唔咸，無咩味精掛。^^雞髀肉嫩滑，飯有油香，但略嫌薑蓉醬汁落得唔夠多，唔夠重口味。><不過都唔會太咸。重口味者可以試下要求多加醬汁。XDD份量整體黎講偏少，中等食量女士剛剛好夠食，38蚊的話CP值一般。28蚊嗰款可能抵食啲。XP

太安樓海南雞飯排晒長龍，好誇張！今日一於試吓啦！$28個雞飯，淨係價錢已經好吸引！怪不得每個時段都有好多人排隊。不過，大熱天時排15分鐘真係好辛苦每個飯都會配一杯冬瓜粒湯，味道清凊地，可口消暑，老闆好細心❤️。個飯飯粒分明又大粒，口感煙靭，個汁又香又好味，塗飯就最正。但主角海南雞就未乎理想，🐣雞無雞皮同雞味，肉質好實，又唔夠滑，口感分數跌哂watt。如果飯同汁嘅質素唔好差咁遠距離，我會食多幾次。

呢間海南雞飯店位就西灣河太安樓，好多時夜晚去到7點幾已賣完。我今次lunch time去，終於有機會試到！lunch time 時間人龍好長，足足排咗15分鐘。海南雞飯($28) 雞肉滑溜，無骨啖啖肉，就算唔係雞髀位都唔鞋，油飯好香，粒粒分明。醬汁有薑蓉、辣汁同豉油，超惹味。冬瓜湯都好好飲，用雞湯整，仲有冬瓜粒。可惜份量唔多，唔適合大食之人。總括來講，質素好高，其他地方食海南雞飯都要$50-60，呢間超抵食！

近月君悅酒店售價280元的海南雞飯，被批評得一文不值，我深有同感 - 海雞難求，食客發愁!🐥?🐥?🐥?🐥?🐥?🐥?🐥?🐥?🐥?🐥?可能緣因粵菜厨師未有師承，無名師如何能得海南菜系的真傳？廣東有四大名鷄:🐥廣州厨師烹貴妃雞， 🐥順德厨師烹炸子雞， 🐥客家厨師烹鹽焗雞，🐥海南厨師才慬烹海南雞飯!星加坡-🏃泰國-🚶海南島海南島人多漂洋移民，衍生泰國菜，星加坡菜均有海南雞飯。星加坡華人多，重視華人美食，已把海南雞飯發揚光大，壓倒中國，泰國的海南雞飯。我少時吃到較好的海南雞飯，都是在東南亞餐廳，現時則要去星加坡菜館。君悅酒店厨師大民哥等在中環開設海南寶寶，頂替龍蝦寶寶，堂食價68元，外賣排隊價60元，質素依然欠改進。星加坡海南雞飯此店28元一份套餐，質素反而令人有驚喜，皆因源自星加坡菜烹煮方法。28和280是很大對比啊。長長人龍說明一切，食客，熟客，饕餮，學生絡繹不絕。建議避免飯市時間來。現擴充至對面開設堂食區，拓展趨勢方興未艾。初時定位為立食店，是配合太安樓的食客需要。他們多是年青人，目標是「掃街」獵食，預算在一百元內。一份飯盒約有5件薄薄的雞件，少食更滋味，送杯湯，很配合「食青」的需要和本錢

今日竟然由鰂魚涌專登去太安樓一嚐最出名既海南雞飯 岩岩到步已經見到大排長龍 我叫左個普通既海南雞飯 加錢既話可以轉食雞脾位 眼睇份量唔多 其實食落都幾飽肚 始終係油飯麻 雞肉非常滑留 醬汁都好惹味 下次一定會再幫襯

今日開工開到西灣河，不嬲都知太安樓多嘢食，心血來潮不如去太安樓開飯。開咗openrice，又搵咗一輪，先搵倒呢間嘢。一到門口，條龍水蛇春咁長，結果都等成三個幾字買倒飯。見倒網友話雞潤好香，又只係加五蚊，帶住試嘢(試伏)嘅心情，叫咗海南雞飯+雞潤，再要咗支石榴汁。拎住碗飯去對面鋪坐低，咁就當然試試網友推介。 一試，啲雞潤勁creamy，完全出乎意料。明明人地鵝肝賣緊百百聲，鴨肝醬都幾十啦，而家先五蚊已經有咁嘅質素，冇得輸。雞方面都相當唔錯，好滑另外送嘅湯呢，雞味同冬瓜味都好出。可惜杯湯得嗰一粒冬瓜，我唔夠皮囉另外嗰支石榴汁，本來見倒佢紅到紅藥水咁都怕怕地佢伏，結果飲落又清甜舒服喎。唯一要彈係樽身好油，我估係阿姐整雞成手肥油搞到咁啩。成個餐又飯又湯又嘢飲先$43，抵爆！另外見好多人叫橄欖汁，下次有機會會試試。

帶朋友黎太安樓掃街，一定要試下依間海南雞飯。雖然會飽左一半，但佢地都話值得一試。而加有得堂食，真係方便好多，唔洗企喺到食。不過大家要自律，食完要自己收返啲餐具。三個人叫左兩碗海南雞飯，一個加腎，一個加潤。啲雞唔係話最滑最好食，不過依個價錢($28)，可以話好足料，性價比極高。佢個油飯本身已經好香，加上啲汁甜甜地，完全食唔停口。個雞潤($5)亦好大份，又香又軟，撈飯一流。食完飲埋個湯好滿足 朋友食完都話正，要打包多一份第二日再食。

成日都好鐘意去掃街, 而掃街既地方一定要數到太安樓, 之前去過一次, 但只食左好少野, 而且啲小店愈開愈多, 所以今次去到都食左幾間野食!首先去食左勁多人話正既海南雞飯, 成日聽人講要等好耐,好多人排隊.但當時去到前面得1個人排隊, 所以果斷買左泥食先! 本身仲諗緊食吾食脾飯可能會滑啲, 但最後都試一試普通版先! 28蚊一個飯仲送冬瓜雞湯! 好抵食啊! 佢會問我地要吾要醬, 我地就要晒啲醬, 甘先正宗架嘛! 撈埋佢既薑茸醬汁真係無得彈! 同埋佢地唧既量都剛剛好! 另外個湯都好正,有啲冬瓜粒係入面! 同埋重點係佢地有堂食位, 係甘多人又焗既太安樓真係一個福音~ 最後真係要講句:性價比好高!!!

係太安樓掃完街，最後外賣個海南雞飯做晚餐。呢間海南雞飯長期多人排隊，今次等左20-30分鐘先買到。海南雞飯只係$28蚊，咁既價錢係香港地點搵? 呢間鋪仲可以買半隻/一隻海南雞，另外買飯亦可以加餸加底。另外要推介下飲品，番石榴汁(跟餐$10)，3個番石榴搾成一支果汁，好正仲有芒果汁同紅石榴果汁，可以一試。而家其實鋪頭已經開設左堂食，不過因為已經好飽所以外賣返屋企慢慢享用。一個雞飯跟冬瓜湯，打開蓋一睇已經好吸引，不過老闆會倒曬啲醬汁落個飯到，冇得分開，有少少可惜。個飯睇落好細，但女仔食落其實都夠飽。雞肉已去骨，幾滑身，之前見到有食評話雞肉份量少，但其實唔少啦，畢竟去左骨，睇落梗係少啲。近鏡望下個飯除左雞，個飯都好好食，不過就硬左少少一個字總結: 抵

自我摸過2次門釘後 第三次終於食到 果然古人講野喺無錯嘅 三顧草廬的確有用～-海南雞飯 ($28)果然喺名不虛傳!!!! 雞肉食落夠滑 而且又唔會話有血水 個人食雞好驚見到血水😰😰😰😰而且喺油飯嚟 個人就覺得不過不失!!!個飯係我鍾意既硬飯!!!😰😰😰😰配埋醬汁食 真心唔錯!!!送飯一流 做lunch 份量又夠大!!!!😰😰😰😰同埋佢個湯好唔知點解有媽媽的味道😢😢😢性價比確喺高❣️

❗️海南雞飯❗️$28<海南雞專門店(第二分店) (西灣河)>📍西灣河筲箕灣道57-87號太安樓地下A32B號舖-次次嚟親都一定好多人排隊,12點半到達已有20幾人排緊,周圍嘅鋪頭最多都係幾個人排緊,排咗大約20min,仲要冇冷氣😵不過排咁耐係值得嘅,因為個飯真係又好味又抵食🤤海南雞可以要雞胸同去皮,而且冇乜肥膏,啱晒減緊肥(邊食邊減😐)嘅我😂雞肉嫩滑,配上醬汁十分惹味,雖份量不算多,但個人認為已足夠送飯食,油飯軟硬適中,不會太乾/濕,而且十分入味,$28還包括冬瓜湯,冬瓜湯香而且味道清甜,還有數粒冬瓜不過美中不足的是飯和湯的份量都比較少,大食嘅人可能唔夠食。另外三種醬汁是直接加入飯中,所以不能控制分量總括來說,$28有如此質素的海南雞飯實在超值!p.s. 依家有得堂食-好食指數: 9/10

海南雞飯🐔🍚 $28去太安樓掃街😆見到呢間排哂長龍 決定去排下😂$28有甘大碗足料海南雞飯 真係算抵食🤓海南雞都幾滑調味又岩岩好 好中意個油飯🤤好想添飯😂好多人排隊都成隻甘買斬料番屋企😚😚

海南雞專門店（第二店）隱世超正海南雞飯$25 連湯果都唔會隻海南雞都係用浸嘅方式來煮想知道足唔足料？飲埋佢碗雞湯就知開放式廚房 - 你可以見住佢地由浸雞嘅大煱裏面滔湯出嚟。湯裏面定必有南薑、香矛仲有好香好濃嘅雞味 正。講返個海南雞 冇骨就一定， 用浸嘅方法來煮 冇可能老仲有辣醬，薑蓉，同老抽任你配雞嚟食 各有各特色 。最緊要最緊要係佢個飯 用雞湯嚟煮。每一粒都食到好強嘅雞味。遺憾嘅係份量偏少滿足唔到我嘅大胃 所以我會加錢叫多雞。