海南雞專門店

营业中

休息中

太安樓的小食有不少，當中大部份是屬於「ok la」的水準，雖然是港島東的美食地標之一，但始終還是做街坊學生的生意，成本要控制下也算炮制得不錯了，在太安樓外，還有許多真的無heart的店舖在。這裏的雞飯，完全是異數，甚至可以一爭香港最好的海南雞飯，以前買一碗就在外面站著食，現在擴充有了桌椅，更加沒有不來的理由海南雞飯，最重要當然是飯，用浸雞水/雞湯和雞油煮岀來的食有著全部雞的鮮味，味道效淡的雞則可以沾醬汁來吃，這裏的飯真是沒有可挑骨頭之處，坊間的海南雞飯名店也不是每間都能做好兩者。這裏收平外面一半價錢，質素卻不止好上一倍但真正最岀色的，是這裏的雞雜，尤其是雞肝。這裏賣的雞肝真的是無敵，甘香豐腴，絶無半點苦或鞋口，是比鵝肝美味的雞肝，加上火喉和味道都剛好的雞腎，只是賣5元，5元！其實賣得二十多元一碗，在成本上也知道沒可能用上極好的材料。但實力就是在這種情況下更能體現，用普通的材料做岀星級的味道。 這裏，可能是香港性價比最高的餐廳

平！平！平！如果俾＄30你去食晏，你會有咩選擇呢? 在於我嘅所知除咗老麥同大學嘅頹飯之外都真係食唔到啲乜嘢. 但而家話你知＄30可以食到個海南雞飯,仲要係喺港島區，真係講都無人信.地點就腳呢間野叫海南雞專門店，已經開到第二間分店. 佢嘅位置一啲都唔難搵，因為就係出名多嘢食嘅太安樓地下就可以搵到佢. 而太安樓其實就喺西灣河地鐵站A出口一上就見到.太安樓唔係好大，兜一個圈就會搵到呢間海南雞飯，因為永遠都好多人排隊. 雖然條隊長,但都係等10分8分鐘就已經排到你. 仲要係一兩分鐘之內,佢就已經可以比多個飯你.真係好啱食飯時間唔多嘅打工仔黎食晏。你可以選擇外賣或者對面嘅食堂進食。食堂𥚃大概有20張凳左右, 但大多時候都是滿滿的，不過唔使等太耐都會等到位。食堂嘅環境都算乾淨企理.重質重量雖然價錢平，但佢個飯一啲都唔馬虎.呢一個油飯油份充足，每粒飯都平均地沾上了雞油,十分香口. 而飯的份量中等，對於附近返工嘅OL來說，應該會夠飽. 佢個海南雞至係重點所在，肉質嫩滑，好有雞味；雞皮爽口又唔算太油.而且佢切到細細舊,好易入口. 而佢嗰醬汁有甜酸醬，黑醬油，同埋啲薑蓉作調味，冇咁單調.不得不提的就是對過

今日黎到太安樓附近⋯諗起聞名已久既海南雞飯！見都係5點幾姐⋯緊係去買盒飯番屋企當晚飯啦！點知未夠6點都已經有好多好多人排隊⋯睇落大家都似係街坊唔似遊客woo!不過唔理咁多啦⋯我照乖乖地排隊啦⋯⋯終於到我啦！我叫左個海南雞脾飯，轉雞脾要加錢架！不過唔緊要啦，最緊要好食！番到屋企已經凍哂啦⋯⋯所以我放番落個碗到加幾條菜叮黎食！我覺得雞既味道不錯，有鮮味既，但係個黃油飯太硬了，又冇咩味道，要靠果d配汁先有味⋯我覺得唔值排咁耐隊囉！

今日喺赤柱行完山，就搭巴士出番西灣河，見到太安樓，好似係好出名嘅地方，即刻上網check下有咩必食，就見到介紹呢間海南雞嘅食店，於是就入去覓食。今日係清明節，入到去其實好多舖頭都冇開，行下行下見到有間好多人排隊嘅店，真係好彩呢間海南雞有開門！行到埋去已經有差唔多10個人排緊隊，就知有幾受歡迎，而且我見有啲係街坊look咁黎排隊，應該真係好食到好深入民心！我就買左招牌嘅海南雞飯($28)，包一杯冬瓜湯，我加左雞翼($12)同埋雞腎($5)，同埋要左杯橄欖汁($15)海南雞飯真係冇得輸，又滑又香，連啲骨都係有味道嘅，雞翼都好好味，雞腎堅抵！加5蚊已經份量好多，同朋友不斷講：好食！好抵呀！橄欖汁，好重橄欖味，我相信真係無落糖，原汁原味，但個種橄欖味，未必個個都中意！

雞腎 HKD5/份雞全翼 HKD12/隻呢間海南雞專門店，無花巧既店名，就係一間專賣海南雞既小店，重點係，佢所賣嘅海南雞，又的確係令到佢對「專門店」呢個店名當之無愧。我食海南雞既經驗唔算好多，但佢可能真係我暫時食過最好味嘅海南雞，而且夠哂抵食，唔會因為出名就托高個價，大大隻嘅雞全翼12蚊就有一隻！呢到嘅海南雞出名外滑內嫩、雞味突出，最重要嘅係，佢嘅海南雞做到雞皮同雞肉之間，仍然保留到一層啫哩狀嘅膠原蛋白，如果隻雞唔夠嫩，同埋處理得唔好嘅話，呢層膠原蛋白係絕對唔會出現，簡單啲講，就係靚雞先會有；食完雞翼未夠喉，再加埋爽口嘅雞腎，搞到我好想即刻食返碗雞油飯～

海南雞專門店第二分店環境：👣👣食物：😋😋態度：😊😊😊性價比：👍👍👍海南雞飯：30蚊環境方面，依然係好舊既商場，然後有自助堂食區，食完自己掉垃圾，然後唔好期望太高，話曬人地唔貴。秘製汁方面：黑色pat汁似好稠既瑞士汁，稠到澀（苦？燶？）；薑蓉得薑，油，鹽；紅色似越南撈檬，但唔甜咁囉。雞肉比較少，唔算好滑，亦無乜雞味，飯就無落薑黃，然後飯都無乜味，輕輕少少薑味，係比白飯多d色同油。態度方面，排長龍，趕住清人龍，少不免急少少。香港大把比佢好既海南雞飯，唔洗排隊食。

黎到太安樓見到長長嘅人龍原來係排緊海南雞飯(見到$28咁平又排黎試下先)雖然條隊好長，但店員好快手所以唔會話排好耐我地嗌左海南雞飯試下(海南雞脾🍗飯貴多$10，所以無叫)首先望到碟飯，份量都算ok雞有點少，但呢個價錢都合理嘅不過肉同皮分離，雞皮只有幾片🤦🏼‍♀️但眼見隔離枱個啲好靚仔下(係咪因為我地無嗌🍗所以咁)雞皮唔會話好肥，不錯👍🏻雞肉就只有面頭幾片係比較滑，其他有點嚡至於個油飯方面，比較乾身，無乜油，油香亦都唔重，要加埋啲醬汁先有味😅整體而言，係好平好抵食嘅😊

成日去太安樓，想食海南雞，成日都唔岩時間⋯⋯😔今次終於都食到啦🤩🤩午飯時間，都要排隊呀⋯⋯而家仲有得堂食，可以坐得舒服慢慢食望落好似好少雞，其實係下面仲有哦，份量都不少🤗雞油飯，多乾身，唔會油淋淋薑蓉，好味辣雞醬，就唔係好夠辣醬油甜甜地都唔錯！

放工坐順風車去西灣河，可以入泰安樓搵食，呢間海南雞飯嘅食評幾好，上次來剛好星期三休息，今日去到嚇一跳，店外排了20幾人，大家都好有默契地同旁邊嘅店分龍排（要留意有幾條龍）好在店家快手，人龍消得快，到我時其實有啲緊張，因為其他客都好爽，我怕唔跟店家嘅習慣叫會比人白眼（真係試過受氣）好在包外賣嘅姨姨同切雞嘅伯伯都好人，爽得來唔會嫌我唔知規矩！好似我問要油飯使唔使指明，伯伯即答本身跟油飯，反而轉白飯要講！地方一個店做晒廚房，主要係食雞！對面有另一間店做堂食（環境算幾好）所以要講清楚堂食/外賣，姨姨先落單再收錢，期間伯伯切好！極速包好比我！海南雞飯加雞腎（$35）普通發泡膠碗，呢個價錢真係抵食，所有餸及飯+醬汁加晒一齊，份量唔大（女仔剛好，男士仲可以掃下街）連皮雞已起骨，切得比較幼身，唔嚡不過雞味一般，雞腎又係切得好薄，比較硬，又無乜味！有啲失望，醬汁我只叫了黑醬油，撈油飯真係好味，油飯乾身鬆軟，油香滿咀，青瓜爽脆雞湯（跟飯）紙杯裝，仲好熱，幾清甜好味！伯伯姨姨快手，又幾好笑容！唔介意我唔知規矩！食物只可以話ok，以呢個價錢來講抵食，不過又唔值得排隊食

The title isn’t exaggerating since I’ve tried so many Hainan chicken rice all over Hong Kong from small shops to 5 star hotel. This shop is unbeatable. There is long queue everyday and it’s usually sold out before 7pm. Also, it’s closed on wed. The rice isn’t very oily but you can still taste the chicken oil. The chicken is very soft and smooth. With their homemade soy sauce and spicy sauce. It’s the perfect mix. With the price of $28, it’s just unbeatable and worth to queue.

位於港島西灣河嘅太安樓 呢度多嘢食就係人都知 今日經過見到有好多人排隊 原來係排緊嚟至新加坡嘅海南雞飯專門店 於是我又排埋一份呢個海南雞飯只係買28蚊 一個飯28蚊今時今日喺香港真係好難搵到 雖然唔大碗 但係味道一流 油飯係淡黃色 唔係太濃味 上面嘅雞超滑溜 有雞味 而且配埋薑蓉一齊食超正 加上秘製醬汁 夠惹味 仲有一碗熱辣辣嘅雞湯 都係28蚊 下次嚟都會再黎食 不過如果唔使排隊就更加好啦

第一次來到太安樓, 其實真的不知道有哪幾間是出名的。於是就臨急抱佛腳地google 了一下, 有哪幾間是必食的。海南雞專門店是榜上有名的! 而當天所見, 最多人排隊的就是這間。理所當然地, 跟著人龍搵食絕對死不了。排隊期間, 看到原來有堂食! 就在對面有個食堂! 要堂食的, 就一定要早出聲了!店員做野好快手! 因為超多人排隊, 但好快就到!海南雞脾飯 HKD 38.00另加 一個腎 HKD 5.00 及一個潤 HKD 5.00首先一定要先說的就是雞脾, 真的做到皮脆肉嫩!無錯, 雞皮是脆的! 以前聽朋友常說泰國吃的海南雞是脆皮的, 我一直都很好奇。明明不是炸的, 何來脆呢? 原來他們指的, 就是這樣的一種景界! 一向食雞不食皮的, 都忍不住食到停不到口! 完成沒有肥膩感! 雞肉也是極之嫩口, 好味! 難怪排隊時, 有位大哥要了一個淨雞脾! 要60蚊的!雞腎也是好味! 很爽口! 後悔沒有多點一個! 另外雞潤, 個人覺得不好吃, 因為有一種澀澀的味道, 我不喜歡。雞油飯好香口, 又不會太油, 剛剛好! 整個飯超出想像, 太安樓真的有卧虎藏龍的地方。真的想不到, 有這麼出色的雞飯! 下次再來

本身住九龍，如果唔係特登有嘢去港島嗰邊做，都唔會過海。呢幾日就一直諗起太安樓既海南雞飯；但係次次都見到排到人龍勁長，心諗一定要等勁耐，所以一直都冇機會食。今次終於有機會去太安樓度行吓，見到佢地新開嘅鋪仔可以買完即時入去坐低食，好方便！ 我都用左成20分鐘去排嗰個隊先至等到叫我，於是我就叫咗個海南雞髀飯，之後就匆匆忙忙入去佢哋新開個鋪頭度坐低食：海南雞食落去果然雞用嫩滑入口，可惜份量唔多，但係20零30蚊有一個飯，算係咁。本人特別欣賞佢哋嘅薑黃飯食落好有口感，雞油襯落啲雞肉度香氣四溢，口感一流；由於飯嘅份量唔多，本人食完個飯都要再買多串燒賣魚蛋同埋雞蛋仔食，當然有機會黎到太安樓係要試吓呢度嘅街頭小食，正呀！

會令人掛住的海南雞飯。食物最欣賞係個油飯，超香。雞好滑但份量較小，但絕對對得住價格，醬料足夠，而且附送真材實料無味精冬瓜湯，$28蚊。絕對超值啦。環境對面有位置方便堂食。雖然自助形式，嚟得食都係本地香港人，比較自律守規矩。堂食仲有無冰凍奶茶及其它飲品賣。

來到太安樓，頭號目標是 [ 海南雞專門店]  六點來排個隊， 閒閒地要廿分鐘，店員做到唔停手，客人埋到位就是最開心的一刻。對面是堂食位， 全自助形式 。見到正常份量的雞肉得幾片， 肯定食到到喉唔到肺， 唯有加餸。加餸後就係正常份量， 價錢較一般餐廳還是便宜的。 三色醬齊，先試一口飯，富油潤感之餘有咬口，有香茅芳香，不俗。 雞皮鮮黃色，沒有Jelly位，雞切得較碎，吃得唔夠暢快 。雞肉香而軟滑，好味。冬瓜湯清甜，夏天喝一口一流。