泰豪燒 (已結業)

二人套餐($298)套餐非常抵食，包括海鮮砂鍋粥(自選2款海鮮)、自選6款串燒、啤酒1支或汽水2罐，另設加一。自選串燒款式共有26款：雞中翼、海蝦、雞軟骨、司華力腸等。冬天凍凍地除左打邊爐、煲仔飯、燒烤，其實食粥暖下胃都係唔錯既選擇😖！海鮮可選擇肉蟹、奄仔蟹、蝦、蜆、白鱔、聖子、鮑魚、墨魚滑、花甲，價格會因當日時價而有所不同。一打開煲蓋，隨即香氣撲鼻，海鮮精華盡滲當中，亦可按個人喜好加入蔥及芫茜，非常鮮甜，口感綿密。