泰豪燒 (已結業)

元朗一向好多好嘢食，今次小編我特登入元朗捐窿捐罅搵好嘢食😎，最後就揀咗呢間泰蠔燒食粥同埋串燒。小編揀咗個二人套餐，有海鮮粥同埋可以揀六種唔同嘅串燒😆。粥方面我哋揀咗奄仔蟹同蝦，個粥一嚟到，蝦蟹既鮮味香到我流晒口水🤤，蟹既鮮味同埋蝦嘅鮮味好夾，啲粥軟綿綿，好有米香，好足料，粥底仲加左馬蹄等等既配料，令到成個口感好豐富☺。串燒：全雞翼：皮脆內軟，啲雞肉唔會太老，仲好入味👍🏻。虎皮尖椒：辣得好正，而且燒到好軟腍😝。肥仔肥牛卷：係用肥牛捲住腸仔，食落又幾特別😚。菠蘿：一啖咬落去勁爆汁，好juicy，菠蘿又唔會好酸，食完其他串燒食返啖菠蘿就啱啱好🤩。冬菇：嚟到好香菇味， 食到完全停唔到口😋。一口甜薯：燒到個皮好脆，好香甜😆。