泰豪燒 (已結業)

我地一行四人就揀咗個四人餐，可以自選12款串燒同2款海鮮，仲有個砂鍋粥！❤️味道吾錯，又夠飽，賣相都吾錯，我地揀左好多串燒，比較推介雞中翼，菠蘿，燒雞泡魚乾，海鮮砂鍋粥。海鮮砂鍋粥真係不得了，一嚟覺得好大一煲，粥又煲得好軟熟好綿。重點係海鮮嘅鮮味完全融入咗喺粥入邊，鮮甜上升到一個層次，好味。串燒方面都唔駛話等好耐就有，個人最愛就係燒雞翼！外皮燒到好脆好薄，加上本身已經醃得好味，唔使加調味料都吾錯!至於燒菠蘿呢個就必叫㗎啦，一咬👄勁爆汁，香甜又有焦香，燒賣就好意外，咬落好煙韌，依家諗返起都流口水🤤