泰象館

营业中

休息中

九龍城當然要食吓泰國菜啦! 朋友介紹了 "泰象館" 店舖裝修 “泰” 地道, 真的像泰國當地食館, 地方整潔, 而且夠光猛, 店舖放了泰國傳統佛像外, 牆身更貼滿了各式各樣菜式相片, 真係睇見相中菜式已經想食.老闆介紹了好幾味必食菜式 "南瓜咖哩軟殼蟹", 原個南瓜內浸滿了清香咖哩汁, 更有多款泰式配料作烹調, 味道啱啱好, 不辣不膩, 配上剛炸起的軟殼蟹, 外脆內嫩還帶有海鮮鮮味, 最好是完全不用拆殼, 果然沒有介紹錯.明爐烏頭清湯, 烏頭新鮮, 肉質幼滑, 而且清香上湯浸泡住, 湯內的檸檬及香茅更加野味、份外吸引.真材實料的醒胃 "冬蔭功", 熱紅紅湯內 (可選擇大、中、少辣) 放滿原隻蝦頭帶肉而且滿滿蝦膏、菇類.., 材料相當豐富.炸魚餅不算油膩, 帶有少許辣及魚香, 口感稔香軟彈. 最愛的燒猪頸肉, 外脆內嫩, 味道加上老闆自制的醬油, 帶出了肉質鮮甜味, 一口一啖, 極度滿足.下次多帶幾位朋友可品嚐更多「泰好味」

黎到九龍城食泰國菜, 自己總會有自己食開果間, 今次經朋友介紹黎到呢間, 比個機會自己試下其他泰國菜館既味道如何店舖附近唔係主要食泰菜位置, 但都唔算難搵, 望見門面已見到各款菜式相片, 望見已引起食慾早到關係, 唔算太多食客, 但原來有部份已有人訂枱, 望下餐牌, 見晚市套餐都幾抵食, 一於點左個SET B試下 呢款脆肉炒通菜都幾特別, 原來脆肉即係好似我地既燒肉, 食落真係幾脆口, 好似食緊燒肉皮咁, 但無咁咸, 通菜就稍為老左D, 可能唔係"當季", 灑上少少炸蒜, 好香 咖哩軟殼蟹, 咖哩汁配料有洋䓤, 青椒, 味道香滑而唔辣, 用黎撈白飯就至正! 而軟殼蟹炸得幾香口, 配汁一齊食都好夾 呢碟辣椒膏炒大蜆, 份量都幾多, 每隻蜆都有肉, 最驚喜係食唔到一粒沙, 真係一粒都無, 蜆肉幾鮮甜, 味道有少少辣, 係會令你愈食愈想食, 好快就被我地KO啦 壓軸出場........................泰式燒鰂魚 侍應上枱時, 我地都嚇左一跳, 咁大條既........................?! 燒烏頭就食得多, 燒鰂魚真係第一次食, 原條燒20分鐘, 表面舖上盬,

諗起食泰國野第一個當然會諗起刈龍城呢個小曼谷，係九龍城行兩步就會有一間泰國餐廳。今日天氣凍同埋落雨就同埋同事放工黎到泰象館食下辣野可以幫個秒暖一下。餐廳環境整齊乾淨，坐椅十分舒適，坐底擺低晒野已經急不及待叫野食。冬蔭功(小) ($68)食泰國野當然要飲下冬蔭功湯，雖然點左小冬蔭功，但係份量都十分。 湯入面既材料好多，蝦都十分大隻。而且肉質都仲係好有彈性，加埋蝦頭既膏一齊食真係好美味。湯既味道酸同辣度做得十分好，不會辣到令你飲完要不停灌水，好岩我個人既口味。蛋包鮮蝦金邊粉蛋包鮮蝦金邊粉($70)金邊粉用蛋包好，上枱之後有保溫既作用，金邊粉炒得入味，而且十分有嚼勁，份量也十分多，味道酸酸甜甜的，食唔到辣既人食金邊粉就最岩。明爐烏頭清湯($138)估唔到烏頭咁大條，加上配菜兩個人差少少食唔晒。湯底主要係鮮魚味同埋酸菜煮成。烏頭好大條但係肉質都尚算鮮嫩，加上酸菜同埋粉絲等配菜令人食唔停口。店員講如果喜歡辣既仲有另一款明爐青檸蒸烏頭又酸又辣，下次黎真係要試一下。

平時去九龍城都係想食泰國野多，搵下搵下就搵到呢間小店，價錢平民，份量都幾多生蝦刺身係食泰菜必叫，但呢間質素只係普通，未算得上出色通常唔係馬拉盞就係蒜蓉，估唔到呢個都幾惹味，少油就更好了冬蔭功個人認為可以更辣，但料就非常足最鍾意個燒豬頸肉 食得出個炭燒味，個邊脆脆地，夠熱，幾惹味～沙嗲醬幾好味，個人認為雞肉最出色！個飯超大個，有原粒菠蘿係入面，好搞笑哈哈總括都係抵食既，成日都話九龍城食泰國野就無死

今日收工返屋企接媽媽去九龍城食泰國菜我都係第一次來泰象館，為左食，去邊都得其實兩個人冇乜特別心水，睇下餐牌唸咗陣結果我地點左泰式蝦刺身，大大隻去殼的蝦身冰凍爽口非常新鮮！肉很札實配合生蒜片及紅椒粒來吃十分醒胃海南雞半隻，隻雞本身夠大隻有雞肉嫩滑又有雞肉香，就算雞胸部份都不會鞋明爐魚靚靚火鍋上枱加上青檸汁芫茜，邊食邊滾酸味十足，很重香芧味大量蒜蓉辟走魚腥味，魚肉熱辣辣十分嫩滑我們十分喜愛這個，我同媽媽清晒兩杯飲品椰青，食辣嘢飲椰青又香又甜好解渴食完兩個人都好飽,三樣嘢份量好大冇辦法再試甜品, 下次要試吓其他先得服務同環境幾好, 可以再試的泰國菜

泰菜是我其中一樣比較喜歡的菜式，貪其味道香辣和多香料重口味。雖然不少地區都有具名氣又好味的泰國菜，但無可否認，要數平靚正的泰菜館仍離不開九龍城。數數手指，已有年多沒到九龍城吃泰菜，趁年尾工作量不多，就跟家人到這裡晚飯。食店呈長方形，地方不算太大，約可容納五十位食客。裝潢簡單，除了掛上數幅泰國風的畫像外，沒有太多裝飾，就跟一般茶餐廳格局差不多。 椰汁冰($25)椰汁冰有淡淡椰子味，味道說不上非常濃厚，不過也可接受。 炸蝦餅($68)炸蝦餅一碟有八塊，每塊呈半圓形，應是由四塊炸蝦塊切開而成，每塊炸蝦餅都呈金黃色，色澤均勻，炸蝦餅旁邊，還伴有泰式辣醬。蝦餅炸粉不厚，頗香蝦味，肉質彈牙，蘸上酸而不辣的泰式辣醬同食，倍加美味。 蛋包鮮蝦金邊粉($70)當侍者奉上金邊粉時，我們都被它的份量震驚，因為這蛋包飯的價位雖跟其他泰國菜館差不多，但份量卻起碼多了三份一，足夠四五人分吃。金邊粉呈淺橙色，顏色均勻。細看下，還夾雜炒蛋絲和數隻大蝦。金邊粉入口微彈，可惜味道有點偏淡不夠甜，可能是茄醬加得不夠吧。大蝦肉質爽口彈牙，算是搶回不少分數。 馬拉盞炒通菜($55)通菜呈深草綠色，証明非常夠火喉，

Kowloon City is a place known for Thai cuisine, also known as 'Mini Thailand' in Hong Kong. One's can find alot of Thai people residing or working there, in any other forms. Since we were around the vicinity, we will definitely go for Thai food again for dinner. As my friends have positive reviews from this restaurant, he decided to bring me there for dinner. Shop was lit up in a bright yellow neon light, just like the national colour of Thailand. Shop decor was very simple and straight-forward,

假期後與同事一起吃飯，由於多人一齊食可以叫好多款，好開心，勁加餸不停叫，今次老板介紹其他款式，有爆炸蝦、辣椒膏炒膏蟹、白烚鰤鮯、泰式燒雞和炸皮蛋........首先要介紹老板推介的爆炸蝦，用香茅，乾辣椒和炸香蒜蓉一起炒，好正😋佐酒🍻一流，從未試過泰式可以咁煮好出色。平時多數食咖哩蟹，今次試下辣椒膏炒蟹，嘩好香好野味，🦀膏超爆多，不得不讚👍👍👍下次可以試試加辣。鰤鮯我第一次食，原來係超鮮甜好新鮮，加埋辣汁一絕，燒🐔就一般香脆，但上枱時熱騰騰，所以都好味，最後想介紹炸皮蛋，可以食到他們做這個菜很有水準，外脆內軟，皮蛋好似流心咁好靚，炸得時間剛剛好，下次要再點。椰青是我的至愛，好新鮮清甜多水，不過今次試左芒果沙冰，好香甜，芒果肉非常足夠。老板話預備緊D新款菜式，我十分期待下次泰象館的新煮意，同事們也大讚我的推介，大家都滿飽🍻🍹而歸。一個愉快的晚上😜😍

一段時間無食泰國野，心痕痕又去搵邊間好食。食泰國野就緊係去九龍城啦，夠多選擇，但係咁多邊間又好食呢，係openrice搵到呢間見食評唔錯一於去食。入到店內闊夠光猛，有電視睇，又有D泰國畫像掛係到幾靚。睇過佢地餐牌野食種類都唔小咖。首先叫左個椰青($28)飲先。夠曬大個，椰青水又多又夠鮮甜。再來就係燒豬頸肉($72) ，唔只大大份，食入口果D邊位真係脆。味道有好好調過好惹味，唔洗點醬汁都已經好好味。抵食。食泰國野我都一定會叫個馬拉盞炒通菜($55)，呢個通菜既特點就係D通菜炒好夠香口又爽口，唔會仲有好多水份係到。另外，馬拉盞既香味完全入曬條條通菜到。但係食泰國菜又點小得冬蔭公海鮮湯($68)兩個人就叫左個細既。上菜時已聞到好濃郁既湯味，新鮮熱辣，材料又十足。睇下入面既海鮮料真係好多咖。入口陣陣香茅味，最重要係佢既酸味同辣味岩岩好，唔會好似出面食咁太酸，酸大帶有甜味食到咁咁上下。係有甜品既。椰汁西米露同埋千層糕。椰汁西米露既椰汁味道香濃，千層糕彈牙外帶點煙韌。

冬至食泰國菜，就是貪其辣味夠暖身。泰象館位於九龍城城南道，位置不算太理想，全因附近的大型工程改道而至。因此，走到泰象館已足夠熱身……坐下來先來柸”椰汁珍多冰”，為了身體著想，免去了冰粒。亦可能因此而感覺這椰汁珍多冰極為濃厚，椰香濃郁，啫喱爽滑。接來個”生蝦刺身”生蝦夠新鮮，處理乾淨。對開後配上辣椒及生蒜一起食用，鮮甜中帶點辣香，加點青咖哩食用，更感泰式風味。冷盤過後便來過熱食” 燒豬頸肉” ，燒豬頸肉煮食時間控制相當恰當，豬頸肉能保持肉質鬆軟，外層卻香脆可口，雖然味道不算突出，但火喉十足絕對穩陣之選。續來客”泰式燒魷魚” ，豐厚的魷魚外層燒得香脆，肉質豐厚口感十足，沾上泰式燒醬，實在停不了一口又一口。言而香口食品更不可不提”炸芝士蝦丸” ，炸芝士蝦丸是利用了蝦膠包含芝士炸至金黃，熱力熔化芝士有如流心芝士一般，非常可口。炸物食品中”炸皮蛋球”更具其特色。相比炸芝士蝦丸，炸皮蛋球就是把芝士換成皮蛋炸至金黃，言而口感及味道截然不同，因而令皮蛋餘香配合蝦膠香甜突圍而出，不論加甜酸醬與否亦非常合適，可以說此炸皮蛋球推介之一。泰式食品又怎能沒有泰式串燒，”串燒三併”為此最失望的菜色。串燒三併當中包

座位屬二人檯合併的長檯，大伙兒前來用膳的話，閒談或許有點吃力。甫坐下，先點一杯咸檸七喜 (HKD25) 解渴。汽水原罐奉上，食客自助，好處是可待吃飽後飲用時才開罐，確保汽水「夠氣」。點了一客冷盤生蝦刺身 (HKD98)作前菜。生蝦非常爽口，配以辣椒及生蒜食用，味道極為刺激，具驅除一日疲勞之效。沾點青咖哩，加倍醒神。燒豬頸肉 (HKD72) 的外層雖然燒得較燶，但仍保留肉汁，肉質亦見嫩滑，添些酸甜醒胃的泰式燒汁，更為惹味。泰式燒魷魚 (HKD98) 魷魚外邊帶著微微咸香，燒得香脆之餘，魷魚肉質不失軟稔彈牙，值得一讚。炸芝士蝦丸 (HKD68) 非傳統泰國菜，但憑鬆化外層，熱騰騰的彈牙蝦丸包裹流心香甜的芝士，仍成功俘虜人心。炸皮蛋球 (HKD58) 中泰合璧，外層同樣鬆化，以蝦餅盛載晶瑩皮蛋，口感獨特，味道比傳統泰菜淡口，可加甜酸醬找回泰式滋味。上述菜式均相當不錯，唯獨以下兩款，冰覺得僅屬中規中矩之選：串燒三併 (HKD70) 共有豬、牛、雞各兩串，燒得略嫌乾和韌，味道亦淡，需搭配帶濃郁花生香味的醬汁一同進食。咖哩軟殼蟹 (HKD198)的蟹算不上「軟殼」，邊吃邊吐出咬不爛的蟹殼，看來是食

冬至晚飯除了提早吃，還選擇泰菜迎冬至。家人提議重臨九龍城泰象館，泰象館價錢公道食物用料新鮮，Stella當然贊成！ 先點選飲品全部都是$25椰汁珍多冰、青檸梳打、咸檸七喜全部走冰，珍多冰都走冰？！係！我們似不似是愛登士家庭呢！走冰、飛沙走奶、走葱、走青、少油.....是香港飲食文化特色，講番轉頭啦， 走冰椰汁珍多冰試過了！其實都是有冰好飲的，冇冰就顯得椰奶味太重了！ $98生蝦刺身先試一口原味的生蝦刺身，果然清爽彈牙，帶微辣酸的綠色醬汁、生蒜同辣椒，喚醒吃的情緒！ 炸皮蛋球 $58 皮蛋被爽口蝦肉打成的蝦膠包裹炸成皮蛋球，頗有趣的小吃！ $72燒豬頸肉 豬頸肉燒很香口，肉味濃郁！我喜歡原味所以沒有沾大廚泡製既靚醬汁！$98泰式燒魷魚 用泰式燒醬燒魷魚，魷魚表面焦香肉軟滑入味，好味道，每次必吃！$70燒三併 豬牛雞串燒很香濃入味， 牛串燒稍嫌燒老過少少！ $68炸芝士蝦丸 粒粒爆醬芝士蝦丸，由我至愛的家人品嚐，也是每次必吃。 $198咖哩軟殼蟹 原個南瓜入面有香濃咖喱汁和蔬菜絲，可配合香脆軟殼蟹吃，也可點蒜蓉包來吃。豐富的泰式菜餚，為冬至帶來口福。

平日鮮有踏足不是鐵路沿線的九龍城，但在銅鑼灣或尖沙咀區內價錢相宜的的泰國菜都已經吃悶了。碰巧翌日放假，一向鍾情泰國食物的泰國通友人便提議到九龍城泰象館一嘆正宗泰國菜，既可以大快朵頤而不怕荷包留血！蝦醬炒通菜 ($55)：究竟是馬拉盞，腐乳還是蝦醬才是通菜的最佳拍檔呢？本人比較喜歡蝦醬的味道，所以選擇了蝦醬炒通菜。店員捧上碟菜的時候還是熱氣騰騰的，鑊氣十足！新鮮的通菜加上鹹香的蝦醬果然是一絕，菜上面還撒上了香口的炸蒜蓉，我和友人都一撮接一撮，停不了口。柚子沙律 ($68)：這開胃的沙律充滿著柚子的天然酸香，搭配檸檬汁、香菜、辣椒與蒜頭的香氣，清甜的感覺完全發揮得淋漓盡致！味道方面，柚子肉爽甜多汁，蝦肉肉質彈牙，生菜新鮮爽脆，味道匹配得來，又極為清新宜人；沙律表面更灑上了香脆的碎花生，增加豐富的口感。炸蝦餅拼炸春卷 ($68)：餐廳的炸蝦餅可謂美味得極致－賣點不是黃金焦香的表面，而是內裡爽彈的手功質感、富有淡淡蝦香且混雜蝦粒的蝦肉膠。蝦餅入口外皮脆，粉漿的比例恰到好處，既香口惹味，又沒有油膩感；而內裡的蝦肉膠則彈牙十足，純和的鮮味在口裡四溢。明爐烏頭清湯 ($138)：這是店員極力推介的菜

我好鍾意食咖喱蟹，所以人多去食泰菜既話，都一定會點黎食。今日黎到「泰象館」，見到餐牌寫住「招牌咖喱炒羔蟹」($298)，咁有信心？就叫一隻。隻羔蟹好大隻，一見已流口水。我以0.01秒勁速搶左蟹蓋番黎，嘩，真係不得了！無論左中右，成個蟹蓋都有蟹羔，一啖噬落去，嗯~~好甘香，好似食緊蛋黃咁，加埋泰式咖喱，無得輸！個咖喱汁咁正，點可以嘥左佢？梗係要加一客薄餅($25)，個餅煎得微焦，好香脆，咬落去sok sok聲，點咖喱汁食，極品！冬蔭公 (小，$68)，好足料，有幾隻鮮甜大蝦。我地唔記得揀辣度，但好彩佢本身都唔算好辣，只係偏酸多一D，好啱唔太食得辣既我，一飲而盡，痛快！泰式燒魷魚 ($98)，呢碟真係好驚喜！隻魷魚勁巨型，足有我前臂咁長，而且超級厚肉，面層燒得焦香，咬落去軟腍腍，點埋酸辣汁食，係我既必食推介！串燒三拼 (豬牛雞，$70)，新鮮燒起熱辣辣，實係好味。串燒肉質夠腍，一D都唔靭，點埋惹味沙嗲醬，冬天食特別正。食泰國菜又點可以唔食蝦餅？呢個炸蝦餅($68)炸得香脆又唔油膩，蝦肉彈牙有蝦味，記得點埋個酸甜汁，夾到痺。泰式燒羊架三件 ($90)，我本身唔食羊，呢一味無食到，俾唔到意見，

家人愛吃泰國菜，九龍城一向都是泰國菜集中地多人去個D泰國菜又去過了，想試新野，行過看見門面光猛乾淨，於是便入去試試！ 看過餐牌Set c$458較抵食！ 鰂魚沙律伴菜係泰式沙律口味，酸甜辣一併俱全鰂魚切成小塊並炸到脆卜卜，入口脆口 冬陰公用料十足，有大蝦，鮮茄，有菇及不同香料煲煮而成，味道濃郁嘅香味 馬拉盞炒芥蘭已將芥蘭切片混埋馬拉盞一起炒，夠晒鑊氣 招牌咖喱炒肉蟹大大只肉蟹上面淋滿招牌咖喱，咖喱香滑並不太辣肉蟹蟹肉鮮甜，蟹殼亦充滿蟹膏，如果配埋薄餅更佳 生蝦刺身$98有爽彈口嘅感覺！配合白色辣醬，更加好吃！ 1 小食拼盤$1184個小食中炸魚餅炸得彈牙爽口、蝦餅炸得軟香口、春卷外脆內軟 泰式燒大頭蝦$98本來只有三隻，老細見我們一家四個人，free左一隻比我們。大大隻大頭蝦，身上鋪了香蒜燒到金黃色，上枱時已聞到香氣撲鼻！入口蝦肉爽彈 原隻菠蘿海鮮炒飯 $78菠蘿炒飯用鮮菠蘿盛載，材料十足！有蝦、臘肉、肉鬆、 蛋絲，炒飯較乾身，配埋咖喱汁吃一流！ 今晚真的吃得太飽了！