泰象館

营业中

休息中

六位志同道合戰友上星期五晚再戰泰象館，嘴饞和舌尖的戰術，泰象館見猛將如雲立刻見招拆招，終於招招招牌菜都能打動六顆嘴饞和芳心！先來柚子沙律打開醒胃之門，多酸少甜的確能喚口胃，手慢了！嘗不到心儀的蝦仁添！再來另一款式，豬頸肉沙律生菜包，非常治惹味，豬頸肉味鮮軟滑包入生菜，又滑又爽在口舌翻騰！生蝦刺身，爽、鮮、甜！脆肉炒椰菜苗，脆肉口感有點像叉燒，加上香濃獻汁，一於揾個靚仔（白飯）同佢拍拖！南瓜海鮮飯，外型靚仔到無朋友！椰香、飯香、海鮮鮮嫩瓜肉清甜，內涵極之豐富！南瓜軟殼蟹，軟殼蟹啖啖鮮嫩無黐牙，沾美味南瓜獻汁，配合得天衣無縫！還點選香脆蒜蓉包、薄餅沾美味南瓜獻汁吃，香脆和美味此刻還在回味中！還有値得推介是店鋪自家煲的龍眼蜜水！三個小時的吃喝談天說地話咁快就過！是埋單時候，位位$140！

出發北海道旅遊前夕，在九龍城吃過一頓美味的泰國菜，我們一行五人在泰象館品嚐泰國菜頭盤是剛剛熟獅蛤，配泰式甜酸汁。剛剛熟的獅蛤，很鮮美！餐廳可以因應顧客要求，造出需要的生熟程度，Stella不喜生吃，要剛剛熟的，鮮嫩美味，帶出好食慾！招牌咖哩蟹很吸引，肉質鮮甜啖啖肉仲要有膏，咖哩香勁惹味！勁香惹味咖哩汁當然要揾個好拍檔，熱辣辣蒜蓉包沾咖哩汁好味到無朋友！又香又酥脆薄餅沾咖哩汁一樣無得彈！豬頸肉沙律 ~肉質鮮味道香辣！好！賣相超靚的椰香南瓜飯，椰香撲鼻食慾大增！明爐鰂魚酸辣湯~鰂魚鮮甜肉嫩，伴菜豐富佐酸辣湯，配合得天衣無縫！很豐富的佳餚，不能沒有甜品，但選擇不多，這款椰汁糯米芒果，芒香、椰汁濃郁帶微鹹，頗特別！温馨提示付款方式現金星期四至二: 18:30-02:00星期三休息(公眾假期除外)

今日老闆唔知做咩鬼? 臨放工吹雞, 重話請食飯! 你知啦, 無啦啦叫去, 梗係要睇下佢請食咩先啦! 佢話帶我地食好野, 心諗:梗係又唔知要我地做咩啦? 哎....打工仔心態, 係咪都要做, 梗係食咗先講啦!  準時6點, 上咗佢車, 佢諗都無諗就渣到去九龍城, 停咗係泰象館門口!  入到去眼見都好光猛, 望通樓上閣樓!  餐廳老闆唔知係咪見我地成班都係飲樣, 就招呼咗我地上閣樓, 自成一閣! 可以點玩都得, 又唔會騷擾到其他食客! 話明飲樣, 啤酒梗係一桶桶咁叫啦, 最正係佢地有SIGHA 啤! 酒夠凍 (個人最驚就係唔夠凍既啤酒)!  吹咗一輪水之後, 餐廳老闆就上黎同我地介紹餐廳必食既精選! 我地成班同事只係顧住飲, 有1-2個唔係好飲得既同事, 就係咁食呀食! 玩得咁上下, 主角出場~~辣椒膏炒蟹!  開頭大家唔好意思搶蟹食, 斯斯文文攞起塊蒜蓉飽點埋D汁食, 我食咗第一答, 得五個字: "嘩, 頂! 無得輸!" 我都開始無理人感受, 快快手手食完蟹鉗就搶蟹腳! 哈哈!  有D怕羞既同事就執輸啦!  老闆為咗滿足每個同事, 同伙計追加多一碟! 其他餸菜(魚, 菜, 豬頸肉, 青口

琴日同一班朋友係九龍城打完波，一行8人勁肚餓，見到le間好光猛泰菜館就走入去試下！真係食完—定會再返去，首先座位夠闊，我地有位放球拍，座得舒服！老闆安排我地8人上一層，嘈d都唔怕！推介咖哩蟹，本身我自已好鐘意食蟹，好怕食泰菜整個d蟹，以為炸一炸再加咖哩汁就可以蓋過隻蟹本身唔新鮮，肉霉等…但今次我覺得唔錯，蟹好新鮮，啖啖肉仲要有膏，咖哩唔太辣，加埋蒜蓉包....正~另外值得一食生蝦，隻隻都好肥，d肉好實好鮮，仲有佢個辣汁唔錯，不過我怕辣只可以點小小！當然唔少得炸蝦餅，泰式木瓜沙津等，大致上都唔錯~唯一美中不足就係飲品款式較少，無我最鐘意的沙冰！

成日去食泰國菜，今晚和屋企人在九龍城發現有間新開嘅泰國餐廳，就入去試吓。叫咗生蝦、咖喱南瓜飯、鰂魚沙律和蒜蓉包。個鰂魚沙律和蒜蓉包真係超讚！鰂魚沙律，做得好有心機，魚肉先片出來炸，好脆，魚肉炸完仍好滑！最好係老闆提醒我，因我有小朋友，怕小朋友唔食得辣，老闆幫我把鰂魚和沙律分開上碟，所以小朋友也可以食到鰂魚！老闆嘅細心超讚！另外個蒜蓉包好脆好香！真係喜出望外！好味過麵包舖新鮮出爐嘅包！！

好鍾意食泰菜，早幾晚行開九龍城，見到呢間鋪新開，一於走入去試下先。黎個最愛既咖哩蟹，竟然係膏蟹，爆晒膏，啱晒我，正！！！再黎老闆介紹既鹽燒魚，無介紹錯，點埋個辣汁，好味！！仲有南瓜咖哩蝦，隻大頭蝦手板咁長，好大隻呀！加埋個小食拼盤，炒河，飽晒。一於下次再黎試埋其他菜先。

環境好，食物好，服務好，雖然初初開鋪，但見到廚師有❤️製作，我當日食了一條燒鰂魚，外面魚皮脆卜卜，裡面魚肉剛剛好，不會過火，還有肉汁，不會大乾，另外點了一碟咖哩大蜆，咖哩汁味道剛剛帶出蜆肉鮮味，服務員還在我落單時問我咸味及辣味之多少，再加上一碟牛油薄餅，飽了！但見到餐單內還有很多東西，下一次必定再約三五知己，再試其他菜式，