影片
更多
2015-12-19
331 浏览
我好鍾意食咖喱蟹，所以人多去食泰菜既話，都一定會點黎食。今日黎到「泰象館」，見到餐牌寫住「招牌咖喱炒羔蟹」($298)，咁有信心？就叫一隻。隻羔蟹好大隻，一見已流口水。我以0.01秒勁速搶左蟹蓋番黎，嘩，真係不得了！無論左中右，成個蟹蓋都有蟹羔，一啖噬落去，嗯~~好甘香，好似食緊蛋黃咁，加埋泰式咖喱，無得輸！個咖喱汁咁正，點可以嘥左佢？梗係要加一客薄餅($25)，個餅煎得微焦，好香脆，咬落去sok sok聲，點咖喱汁食，極品！冬蔭公 (小，$68)，好足料，有幾隻鮮甜大蝦。我地唔記得揀辣度，但好彩佢本身都唔算好辣，只係偏酸多一D，好啱唔太食得辣既我，一飲而盡，痛快！泰式燒魷魚 ($98)，呢碟真係好驚喜！隻魷魚勁巨型，足有我前臂咁長，而且超級厚肉，面層燒得焦香，咬落去軟腍腍，點埋酸辣汁食，係我既必食推介！串燒三拼 (豬牛雞，$70)，新鮮燒起熱辣辣，實係好味。串燒肉質夠腍，一D都唔靭，點埋惹味沙嗲醬，冬天食特別正。食泰國菜又點可以唔食蝦餅？呢個炸蝦餅($68)炸得香脆又唔油膩，蝦肉彈牙有蝦味，記得點埋個酸甜汁，夾到痺。泰式燒羊架三件 ($90)，我本身唔食羊，呢一味無食到，俾唔到意見，
今日黎到「泰象館」，見到餐牌寫住「招牌咖喱炒羔蟹」($298)，咁有信心？就叫一隻。
隻羔蟹好大隻，一見已流口水。我以0.01秒勁速搶左蟹蓋番黎，嘩，真係不得了！無論左中右，成個蟹蓋都有蟹羔，一啖噬落去，嗯~~好甘香，好似食緊蛋黃咁，加埋泰式咖喱，無得輸！
個咖喱汁咁正，點可以嘥左佢？梗係要加一客薄餅($25)，個餅煎得微焦，好香脆，咬落去sok sok聲，點咖喱汁食，極品！
冬蔭公 (小，$68)，好足料，有幾隻鮮甜大蝦。我地唔記得揀辣度，但好彩佢本身都唔算好辣，只係偏酸多一D，好啱唔太食得辣既我，一飲而盡，痛快！
泰式燒魷魚 ($98)，呢碟真係好驚喜！隻魷魚勁巨型，足有我前臂咁長，而且超級厚肉，面層燒得焦香，咬落去軟腍腍，點埋酸辣汁食，係我既必食推介！
串燒三拼 (豬牛雞，$70)，新鮮燒起熱辣辣，實係好味。串燒肉質夠腍，一D都唔靭，點埋惹味沙嗲醬，冬天食特別正。
食泰國菜又點可以唔食蝦餅？呢個炸蝦餅($68)炸得香脆又唔油膩，蝦肉彈牙有蝦味，記得點埋個酸甜汁，夾到痺。
泰式燒羊架三件 ($90)，我本身唔食羊，呢一味無食到，俾唔到意見，但單睇外形就肯定攞滿分！
食左咁多肉，又點可以唔叫番碟菜。馬拉盞炒椰菜苗，火候控制得好，炒完仲好翠綠，夠爽脆，馬拉盞鹹鹹地，唔錯。五個人，食左咁多野，除番開先每人百幾蚊，抵食啦！
张贴
