泰苑小食

营业中

休息中

肉鬆飯普通,早知唔叫. 魚餅都ok 喎, 每碟都係6 餅, 芒果冰都唔酸, 正, 不過就真係要等好耐先有, 因佢草夠ORDER 先切芒果肉的(我見)茄子煲都麻麻, 冇咩特別.....冬蔭公D蝦細隻左, 反而今次D 蜆好正!每次去必叫3款1) 炸蝦餅(2) 金邊粉(3) 馬拉盞炒通菜平日去都坐爆, 恐怖!

兩口子去試下...都幾多人...等左半個鐘位...叫左個咖喱炒蟹...唔夠辣.......冬蔭公...都幾好...咸魚炒介蘭...咸魚咸到食唔到....串燒雞...$32..10串好抵...不過唔好味...我會prefer小曼谷多d....

夜晚十點去到, 唔洗等住, 兩個人坐係窗邊位置. 叫左細冬陰公, 燒豬頸肉, 生蝦, 蒜蓉包, 鐵板蠔仔. 生蝦係我食過覺得比較其他幾間好味, 炸蝦頭雖然唔熱, 但仲脆. 冬陰公味道唔太辣, 岩哂男友唔太食得辣. 燒豬頸肉邊位夠脆, 夠爽口. 鐵皮蠔仔其實似蠔仔蛋, 幾有蠔味, 同埋鐵板上令佢好耐都keep住熱熱地, 不過多油左少少. 蒜蓉包唔算太脆.再打包多個芒果糯米同椰汁西米糕, 埋單都係$205, 抵食.不過食到中段時, 開始發現窗邊有好多小強出沒, 實在頂唔順, 唯有改坐路中心位置, 感覺好似自在dd

我成日都由觀塘撘車黎ORDER 蝦餅同金邊粉(呢2樣係必食) 拎入新界比男友做燒夜......唉如果佢可以搬去旺角就好了! 唔洗我車費都去左十幾蚊!不過蝦餅拎到返去, 都係差DD ! 冇計啦.

年初一晚和朋友到九龍城睇o下邊間食市會開，大部份o既泰菜館都有開，想不到在街市三樓的泰苑都有開，也不太多人。大部份叫的食物都是之前試過的，朋友想試一個沙律叫塘虱鬆沙律，是炸得脆脆的魚鬆加上青芒沙律，想不到不錯呢﹗

耶誕日, 一早去到九龍城食個早D 的晚飯, 之後先到TST 逛街迫下! 去到無乜人, 叫乜都好快有得食! 叫左以下食物：去骨鳯爪- 入晒味, 勁辣又惹味, 食左一半要休息陣再食過! 但呢味比其他泰菜店出色! 生蝦刺身- 蝦唔夠爽, 無蝦味, D 汁點好都無用, 暫時係九龍城食過之中呢間最差, 唔知係咪季節問題, 定係X'MAS 入貨差左?馬拉盞炒芥蘭- 芥蘭切片炒, 入口非常惹味但又不太咸, 正正正! 咖哩炒青口+ 蒜蓉包- 最後來個椰汁蛋花咖哩炒扇貝, D 咖哩香滑但唔辣, 斟蒜蓉包一流, 扇貝新鮮大隻!冬蔭功- 很合港人口味, 少辣少酸, 配料新鮮, 好! 蝦羔炒飯- 普通炒飯, 純飽肚用。3式串燒- 沙爹醬普通, 但串燒不鞋口, 肉味也夠, 只是稍嫌不夠惹味椰青X 1, 芒果沙冰X 2埋單原$30X, 但老闆娘少算零頭, 齊頭$300! 抵! 總括來說可以一到, 味道不差, 價錢平, 但又沒有太令人難忘的菜式!

之前我見openrice同雜誌都係度介紹d間..所以專登去左試下..去到門口..見到好多人排隊..咁我諗應該係好味.等左一陣..入左去...叫左串燒..叫左個湯..叫左通菜同蜆..個串燒.. 真係唔掂...唔好味..個通菜炒得都真係幾普通..個蜆同個湯都還可以..但冇咩特別..可能我地唔識叫餸啦..不過我都唔會去多次丫..去小曼谷好過

日前約了朋友到此食晚歺，聞名己久，終於万可以試下啦！我地一共十女一男，点了：生蝦刺身四碟，咖哩蟹一碟，四碟蒜蓉包，二碟炒芽菜，一碟炒通菜，一碟咸魚炒芥蘭，二碟鐵板蚝仔煎旦，一碟大什錦拼盆，一隻海南雞，二煲冬陰公，一碟明爐烏頭，二碟青木瓜沙律，一碟泰式鳳爪，一碟炒粉絲，一碟炒金边粉，一個芋頭焗反，仲有一煲我都唔知係乜，因為太遠睇唔到﹗另每人order 2柸drink。Overall 啲食物質素都o.k.，而且超值，我覺得幾好！

見其他食家講到咁好,專登來呢度試下.下午一點幾,見到冇幾多人,叫左個炒金邊粉. 點知坐下等下,等左好耐都見冇得食,由唔多餓等到餓到肚咕咕.可能因為得一個廚師,搞到煮得咁慢,結果,呢碟粉等左足足40分鐘先至有得食!講番碟炒金邊粉,有埋花生碎及生芽菜,酸酸甜甜係幾有水準,但好食都唔使等o甘耐!如果趕時間就千祈唔好來,同埋預左要等好耐,所次我下次都未必再幫襯!

去呢度食同飲泰象啤一樣, 原因只有一個, 就係一班人圍埋一齊. 唔知點解, 每次睇到呢個廣告, 都會諗呢起間泰苑. 總係覺得個廣告好似係九龍城熟食度拍, 同埋好似見到其中一個伙記有份客串.............生蝦- 生苦瓜同個汁先係重點, 食咁多次未試過肚痛, 淨係試過有一次, 夾得唔好, 成隻跌左落地, 咁啱俾個服務生踩中, 而感到心痛. 如果冇人踩過, 有諗過夾番.豬頸肉- 此碟上菜時, 千其唔好點煙,舉杯或去廁所! 否則好大機會試唔到鳳爪- d配菜同埋last一只千其唔好收, 留番黎送飯, 特別係如果大圍食量不一, 好多時到最後有一兩個追飯, 呢d配菜就大派用場. 叫多味? 喂! 除大圍喎.通菜- 個人認為最少都應該叫pat pat, 最好pat pat pat. 咪pat不如唔好食泰國菜. (以上皆為送酒良伴, 關嘉美醫生所建議既每日酒精最高摄取量暫不適用)冬陰公- 同上及可以無限pat, 加番茄, 加磨菇. 註場既泰國小姐可以幫你.(可能係酒精昨用, 開始撩服務生)肉碎炒飯- 同上但相信此碟冇咪pat版泰象啤- 個人喜好, 食咩菜飲咩酒, 韓烤飲hite,

在這裡看過此食店的評論，女友又吃過一次，她的comment也不錯，昨晚一行五人驅車住九龍城一試。等了差不多半小時才有位，環境是絕對的大排檔feel，但有空調。點了生蝦刺身、蝦餅、雞和牛肉串燒、冬蔭公湯、咖哩蟹、明爐烏頭魚、馬拉盞炒通菜、蒜蓉飽；甜品是椰汁西米糕和芒果黑law米。我沒有吃刺身，看到那裡的環境，對生的食物有保留。蝦餅非常彈牙及爽口。串燒是一般貨色。冬蔭公湯味都算濃啦，但不及泰國的鮮味。咖啡蟹的蟹肉夠甜美，不過為何沒有咖哩味？烏頭本身的魚肉幾鮮味，但湯底很淡，在爐上煮了很久，魚肉都吸不到湯汁的味。馬拉盞炒通菜是吃泰菜的指定動作，不明白廚師為可加那麼多糖，難道這才是正宗泰國做法？蒜蓉飽烤得幾香脆喎。甜品是大路泰國口味，我欣賞它們做得不是太甜。沒有想像中好，這個價錢這種貨色，我相信很多地方都吃到。

九龍城泰菜選擇有如恆河沙數。呢間係我食過咁多間中, 食味而言有d素質的。生蝦刺身個汁為此店中精華! 醱辣得過癮。蝦都叫鮮味, 唯冇冰墊底失其冰凍火辣口感。配苦瓜都幾nice。蝦羔炒飯幾香, 唔似其他同區菜館咁食完仲有一噸油o係餉碟度。但係咪一個好吃的炒飯呢? 咁又未算!海南雞個薑汁又係精品! d雞又滑又濃味! 配埋個汁仲抵死~ 50蚊半隻, 多到食唔曬~ 冬蔭功都係正野。酸酸地好正。p.s. 不過男仕們唔好帶女朋友來拍拖。我食完果時見到有隻好肥的米奇o係頭上面d水管度散步=.=!!! d米奇肥到都唔驚得落lu! 唔... 米奇都來搵食, 証明呢度d野真係好得~

昨晚同老公兩小口子去左呢到食慶祝佢既生日,之前睇到大家既推介已經寫下要食乜野. 因為有太多野想食, 但得兩個人又唔係大胃王. 於是叫左以下既食物:蒜蓉飽(一客五件, 配咖哩食應該好正, 但飽唔熱又唔新鮮, 有d隔夜飽既感覺)咖哩蟹(正! 好大隻蟹又新鮮又多配料, 我食到不顧儀態用手食. hehe..)冬蔭公(因為我唔好呢個湯, 但老公好想試, 所以叫左個細既, 見到好足料, 不過老公話唔夠辣!)生蝦刺身($60 蚊有成十幾隻, 仲有炸左既蝦頭.好抵食, 之前去過西沙茶座食一樣新鮮爽口不過就貴D )炒通菜(好香好夠辣)苧頭焗飯(侍應送到黎既時候, 因為見有好多海鮮係面, 以為黎錯左! 好味好香, 食落仲有飯蕉係底, 不過我地都食唔晒, 仲打包今日當午餐係公司食...哈哈) 椰青2 個(唔夠凍, 椰肉好薄)共: $302 無加一叫左咁多野, 食完後都覺有些少過份..我地已經打算下次要同一大班朋友再食過!!

七個人...食左:生蝦刺身: 好爽口..果汁都幾辣...第一下唔覺意點多左...攪到咳下咳下...炒通菜: 夠火喉...炒蜆: 咁鬼大隻一D 都唔似蜆...似蚌多D...不過果汁唔錯...鐵板蠔仔: D蠔仔好鮮味...D蛋又唔會過熟..仲好滑....咖喱蟹: 超正...隻蟹勁多糕...又多肉...最正係果個汁...點蒜蓉飽好好味...炒金邊粉: 炒得好好味...D粉唔會黐到一舊舊...芋頭焗飯: 用左唔知咩汁去焗...好味...泰啤X2芒果冰X3: 清清地唔太甜..正好中和食物既濃味...蒜蓉飽X3白飯: 臨尾要黎撈咖喱汁...正!!有人話碟頭冇之前咁大碟..但係我覺得份量剛好...至少七個人食到飽哂...埋單都只係$4XX....勁抵....

我師父生日所以我地今晚去左食佢地換左師傅d 野好難食~我仲叫左6 碟生蝦tim~~ 嗚......冬蔭功得個酸字無南薑, 香茅同埋檸檬葉既香味失敗!!豬頸肉表面唔香唔乾肉質林晒唔爽失敗!!蟹肉炒飯點食都係什豆炒飯失敗!!咸蛋鮮魷唔講以為係沙爹鮮魷, 仲要d鮮魷有"汕"應該只係飛水無走油~ 失敗中既失敗~拼盤果個魚餅唔記得叫佢轉蝦餅係我自己衰, 明知呢度d魚餅一向唔掂!! 個香葉雞以前有時都夠乾身可以食埋d香葉(仲正過舊雞好多!!)而家..........唉!!不過個蝦餅(不如叫丸啦~) 都仲好爽, 而且芒果冰同龍眼冰都仲好正!!本來我呢~ o係館入面不嬲都係帶人去食野無走雞果d ga麻~點知師父生日先黎一鋪失敗之作~