泰苑小食

营业中

休息中

我最近幾次去食,覺得食品確實有點退步,以前D 生蝦好好味,而家已不太新鮮,蝦肉很霉,同埋一早整定喺雪櫃,拿出來時還有一些碟疊碟既印,其他食物亦退步,我們亦問過他們的職員,他亦承認換了師傅,我們已沒有再去了

上星期日(7月10日)，一行五人去左食晚飯，等位等左20分鐘度啦！飲品叫左芒果冰青檸冰同三色冰，芒果冰好好味，但個青檸冰好甜好甜，佢地要加水一齊飲食物方面叫左拼盆、馬拉盞炒通菜、冬陰公、炒蜆、咖哩魷魚、蒜蓉飽，個通菜好香好好味，炒蜆都好食不過得好少，而個拼盆其中有個好似係魚餅既物體落左好多香草落去，D味就唔多O岩胃口，仲有我就最鍾意個冬陰公，又夠辣又有酸味，入邊又多料，有好多蝦呢！

我7月8日同同事第二次去呢度食飯，都預左要等位，等左半個鐘就有位，出面又有得坐住等，都ok。坐低自己抹檯就必做架啦，街市黎架嘛，d泰國姐姐好nice，又幫我地影相。1)冬蔭功~好夠料！唔會得個辣字。2)蝦餅~雖然係圓形，但都好大個喎！3)咖哩蟹~香料好味！d味我地仲用黎點左2客蒜蓉包，好味！！但d用得黎炒咖哩蟹，都預佢用d唔最新鮮o個d架啦。3)炒金邊粉~ok好味，酸酸甜甜。4)炒通菜~比上次黎大蝶左，好夠味。5)豬頸肉~OK，d汁同出面好似有d唔同。我地坐成3個鐘都冇好想趕我地走，咁就已經好過好多餐廳啦！其實都係有d食氣氛，有大排檔feel！

上星期四同太太第一次去試下.叫四個a) 炸蝦餅- 其實係炸蝦圓.有"偷工減料"既感覺- 唔老實.b) 炒什菜- 勁難食c) 紅咖哩牛肉- 味道几好,D牛肉好琳,但唔好食.d) 炒金邊粉- 一味花生多同好油呀.再叫一個白飯,一罐氣水,一枝啤酒TTL = HKD176.00 就街市鋪黎講,唔係咁經濟.重有要改善几點: -1) 女侍應服務一般對客人反應唔係太好. 我ORDER一枝啤酒. 點知5分鐘都未到.我是但CALL一個女侍應,佢走去柜CHECK 有冇 落單,再走過對面同水BAR 講.但係佢冇立即比我.如是這,再等5分鐘 我友追多一次,最近先黎到.2) 最重要就係,安排等位個姐姐,如果要等位,唔該妳 叫D客人係出面等,佢講野友細聲,好多人聽唔到叫 NUMBER,同時唔好比人坐係入面打邊爐度等. 因為入面打邊爐個老板好吋,大大聲叫D人唔係打邊爐 就唔好坐度. 慘過唔使錢食野.3) 地下好濕,個菜牌同張好污衊.耍認真處理.. 唯一樣好係個廁所very good因為個廁所係運動場 館入面,同一層都係三樓.

看了網上的食評，加上朋友一向都喜歡泰國菜，所以慕名而至，因為朋友聽見是街市三樓，立即關心是否有冷氣，所以打電話問問，順便訂枱﹗三個人，點了生蝦、青木瓜絲、青咖哩雞、馬拉盞通菜、冬蔭功、焗芋頭飯及三杯凍飲。我最喜歡的是冬蔭功和芋頭飯，好香、好好食﹗其他大家其實都講過。不過衛生真係差d，好多小強行來行去﹗

原本一班食友是約了去海水游，因人數不足，大家又提議不如一起出來吃飯。筆者之前在這裡吃過兩味，都覺得幾正宗又經濟，覺得都值得拉隊來一試，結果反應不差，是日雖然在整日黃色暖雨的陰影下，出席人數也多達廿五人，都算熱烈。店方用四方檯給我們排出了一個長桌陣，在龍城三樓的熟食市場裡，好不壯觀。其實憑記憶，事先已擬定好基本菜單，加上臨場執生，最後叫了的菜色達25款，上次越華會的聚會是14人吃14個菜，今次就25人吃25款菜，都可以說是巧合。菜色大致可分為小吃、冷盤、湯、海鮮、菜及飯粉類六大款，基本上，其實每款不止叫一樣，幾十碟菜擺滿長桌，好有睇頭的。難怪餐後豬娜也說，就算每款菜色只吃一小口，也都相當之飽。菜色普遍幾有水準，碟頭都足夠，當然有幾款是不叫也罷的。﹝每款食物的評語，詳見泰苑的版頭食評。﹞個人而言，覺得除生蝦刺身是必吃的外，炸蝦餅好香口，醮上甜酸的桔油，味道更好，亦是必叫的項目；青木瓜沙律仍有水準，炒金邊粉也當然要叫；湯方面，冬蔭功有水準，酸辣椰子雞湯也可以一試；咖哩蟹椰汁味香濃，幾香而又不太辣，吃得過；明爐烏頭幾大條，已用香茅、香葉、青檸等僻去腥味，幾鮮甜。湯底酸酸辣辣，又有魚的鮮味，也有

好抵食的價錢，夾埋好鬼辣的生蝦，必定要飲好凍的啤酒、飲好地道的冬蔭公；先至平衡到好大碗的牛河。因為大碟，變成好浪費地食唔晒炒粉，唯一激氣的係好正的炒蜆食極都唔夠喉。

星期五牌是啤牌局，早開早收，十一點未夠就散隊。屋主叫我夠佢食消夜，見早早的，又睇下佢有咩好提議，原來佢來這裡。呢度位於市政三樓，差不多成個場都係泰菜，接近十一點，人客一點都不少，又見台前幕後全部都是泰藉人士，應該是幾對辨的。因為不太肚餓，所以只叫了青木瓜沙律及炒金邊粉，再加香茅冰及龍眼冰。青木瓜沙律﹝Som Tam﹞份量不小，除了青木瓜絲，還有花生、蕃茄、香葉等。醃過的青木瓜絲加入青檸汁，酸酸甜甜的幾開胃。Som tam少不了的當然是魚露，更加了蝦米粒，味道鹹鹹香香，用生菜包著吃，好味，幾有水準。要試一間泰菜館是否正宗，先吃som tam，是錯不了。可惜的是辣味欠奉，下次來吃要叫佢加辣一點，以前吃過加了辣到飛起的「老鼠屎」紅指天椒，非常之正。另這道泰北菜，在泰國吃過是連糯米飯一起吃的，不過在香港，就變了餐前的開胃菜；炒金邊粉﹝Pad Thai﹞看似細碟，原來也是幾夠份量的。配料下足，加入了羅望子汁，味道少少酸甜，好正宗。不知道的可能不喜歡，其實這個酸甜味道才是正宗金邊粉的應有味道。炒得濕度恰好，吃落煙煙韌韌，加入花生碎及生芽菜，幾掂。飲品方面，我的香茅冰幾香，又清甜，亦隱隱有香蘭葉的味

今日同family 去o左食, 我不嬲好怕dirty o既, o甘都好好好夾硬可以accept 佢個環境o既......d services 就好一般啦.... 我o地要o左7,8 個dishes 啦, 記憶中有:炒金邊粉--- 有甜味的, 我自己就麻麻喇.....不過都唔算油蝦刺身--- 好唔掂, d 蝦一d 都無鮮味不但止,仲係一d 味都無的!!!食o個陣有o的醬俾你點,食法同日式既唔同,各有各好食 椰汁紅豆冰--- 又係唔掂!!! 椰汁味淡,紅豆好硬, 差!!!蝦salad ---- 呢個好d, d 汁有d 香草味, 又有d spicy咖喱蟹----- 又唔掂, d curry 唔spicy, d 蟹又無鮮味!!其他唔記得喇, 總之really 好麻麻啦.......

上次食完覺得幾好食, 今次又返來食過,怎知,,,,,,今晚去食晚飯,d位真係爆滿得好緊要, 枱同枱之間距離好近!d食物物款式雖然多又幾好食, 但係每碟size就真係少左d,大班人食就要叫返多幾碟送,條數都響返到!d亞姐好忙好忙, 成碟送"車埋來"車到我屋企人膊頭say sorry都無,扮無事發生過! 執d 食完既碟又"琴琴青",倒瀉晒d湯汁落我屋企人到!食食下仲要叫我地俾一張四方摺桌free出來俾佢地2個客, 7個人擠埋在2張四方摺桌,2邊又唔坐得人(否則阻住條路),你話迫唔迫?!大排檔格局我都唔預期d服務同環境會好好, 但係都唔使咁差卦? 我唔會再來囉......

炸蝦球變左炸蝦丸??? 佢間野size 冇啦啦變細左D SIZE .. 價錢又偏偏冇減! 希望佢地唔會變質啦!熱板燒蠔仔, 幾正! 蠔仔好大粒.... 今次第一次TRY 蝦刺身, 係其他舖都未食過, 都有唸過衛唔衛生架! 不過一兩隻都唔怕啦! 炒雜菜下次都唔好叫了, 因有時D 菜真係唔係季節! 食左好多野, 飽! 星期四去好FULL , 冇位凈, 一路要加, 勁!

見如此多網友給予這間店好評,上星期六與我朋友一試,我們下午一時多去到頗多人, 叫了四個送1. 蒜容包(粒粒蒜容炸了放在面包面局, 蒜容欠蒜容味炸了的蒜粒感覺很硬, 面包不新鮮, 金麥餐館好吃多了.2. 胡椒蝦-用去"學"蝦開邊炸再沾上些少salt及胡椒無什特別.3. 炸蝦餅- 本來叫了"胡椒蝦"便不打算叫炸蝦餅,但所有到過此店的網友都十分推介這碟蝦餅所以還是叫了一客, 浦上台便見整碟都是油立立的, 咬下去外面那層不知為何十分"un" 不鬆化, 金寶的炸蝦餅絕對做得比這裏好.4. 馬拉盞炒介欄- 獲氣很夠,味道ok, 可是還是太多油..****中午去, 熱得很*****

lee 間泰國菜, 我已經同我屋企人幫襯左好幾年, 佢D野好抵食, 而且好好味, 燒豬頸肉同海南雞飯都好正, 仲有芒果冰. 最重要係, 佢地雖然係街市, 但係好乾淨, 地下無濕淋淋^_^

蒜子胡椒蝦$39 有十隻度! 唔加料都好到味! 今日星期一去都FULL 咁齊,得返2張凈! 我坐TAXI 去都$40 !! 唉.......好食冇計, 我都好保守,叫返之前好味果D.....泰式炒金邊粉! 正! 不過碟底好油! 今次最唔掂係青檸冰, 超酸! 仲叫左炸蝦球((((呢個唔叫唔得)))今次$154 2人埋單!

之前聽啲人講哩間嘢好正，終於有機會試吓。咖喱蟹($110)--ok，個朋友話好味，本人就覺得麻麻地，咸咗少少明爐烏頭($98)--冇乜特別，不過個湯幾好味馬拉棧炒通菜($27)--好好味小食拼盤($98)--有齊至愛既小食︰冇骨鳳爪、炸春卷、香葉包雞、炸蝦丸＆香矛魚餅，係香葉包雞麻麻，其他都幾好雖然冇想像中咁正，但都算唔錯，七點幾開始就滿晒坐，要食就要早啲