泰苑小食

营业中

休息中

星期六, 難得一家人齊人吃飯，試一下泰國菜, 果然不錯。炭燒豬頸肉- 好入味, 但半肥瘦。串燒- 沒有驚喜，肉質略乾身。鐡皮蠔仔旦- 蠔仔夠肥美，旦亦夠滑。香葉炒蜆- 蜆夠新鮮夠大, 每隻都有肉, 可惜件數只有六至七隻, 已經是$30幾蚊, 雖然好食, 惹味但價錢不底吃。炸蝦餅- 一定要試，香口, 蝦夠新鮮爽口, 外脆內熱, 加埋醬汁，very good, 一家人爭住吃。咸魚炒芥蘭及馬拉盞炒通菜- 略太鹹, 份量小。椰汁青咖喱雞- 全部來説, 最差這個，汁料水汪汪，雞是用雪雞脾用，無雞味，有太稀, 得個咸字, 只有少許椰汁味。菠蘿海鮮炒反- 以為有菠蘿原個上, 原來是用碟上，不過味道好和材料很足, 菠蘿也夠多, 不過濕也不過乾, OK。咖喱炒蟹- 好味也一定要試, 蟹新鮮夠肉, 最正個汁夠多夠濃, 椰汁最香, 沾蒜茸飽或白飯不錯。可惜蟹只有一隻。冬蔭公湯- 值得要試, 不太辣也夠味, 材料有草菇及蝦, 蝦也新鮮及幾多, $50(大)算抵試, 夠我們九人分。木瓜沙律- 一定要試, 夠底食, 汁料酸鹹適中, 阿媽很喜歡吃。炸魚餅- 可以一試, 不過沒有蝦餅受歡迎, 我覺得略鹹, 但夠大件。

yes，真係本年大發現!!!呢排早放工，食得好野多，食得好咀叼。食野要求高左，好多野都話唔夠好。呢間真係好掂，掂到我係呢個時侯都話掂。係好真既泰國野。唔係大家同常會食到個d 香港版泰國菜(菠羅、泰式粉捲...果d)。我地兩個人，叫左4個人份量既食物。(結果食死左，行左2.5 個鐘先番屋企)1。小食併盤(大) <-- 個伙計confirm 左我地幾次，你地係咪chi sin，兩個人叫咁多食物2。木瓜沙律3。生蝦4。雞牛豬肉串燒小食併盤(大)有紙包雞、鳳爪、魚餅兩種、春卷- 共五種，每樣野有五件。好好食，好新鮮，果春卷落足好多料，果d魚餅好熱。正。個兩碟醬更正。木瓜沙律係所有人既推介，d 木瓜絲好新鮮，好fresh，果辣醬底好配合到果d菜既味，係泰國菜先有既味道。生蝦無正，開始食果陣有d 尤疑，但食左好好味，食到停唔到手。果sauce 係全晚最好食果個。我好想問佢落左乜野配料。雞牛豬肉串燒- 同"好時咖哩"個d 差唔多。地方係真係好泰國個d feel，我lum 係泰國食果environment 都9咁。個價係嚇死人，唔關佢地事，係我地叫野叫得多，食到食唔到anything more

今天和家人到了九龍城，平常會去隆姐吃但今天爸爸話要試新野，同埋哩間評語都幾好，所以就來了。星期五晚八點左右，都不用等太久(約十分鐘)就有位。環境不是靚個D，但今天天氣幾熱，個度D冷氣唔多夠!! 加埋隔黎D人打邊爐，真係熱到飆汗~叫了炸蝦餅，青木瓜沙律，燒豬頸肉，炒蜆，蝦膏炒飯，串燒豬，泰式鐵板蠔仔。食物出色的有：炸蝦餅和燒豬頸肉，真不錯。普通的有：青木瓜沙律- 太甜；炒蜆- 炒over 左唔太好：串燒豬- 醃得ok但好乾；蝦膏炒飯- D飯碎晒，又無特別。OVERALL 來說，食物OK，碟頭細細可以叫多幾款。但真係太熱啦個場。

同男友1行2人去…食左197蚊…我好細個已經成日去…但蝦餅d汁吾同左…其餘都ok ga…但要早去

琴晚小SUN帶左我黎E到,因為之前去左泰國而愛上食辣野同埋泰國式既沙律,我地叫左1)甜蝦刺身--個汁好好味,酸酸辣辣,小SUN話有D橙味喎,D蝦好鮮甜,正2)青木瓜絲沙律--比我想像中辣,不1好好味,又係酸酸辣辣,重有D蕃茄粒同生菜伴食,成碟差吾多我食哂~~~3)冬陰公--小SUN至愛,佢話吾辣,我就覺得有D辣啦,不過吾夠我個沙律辣,湯入面既蝦都幾好味,草菇粒都幾多4)蛋包海鱗炒飯--都有好多料,蝦,鮮魷,青口..飯炒得乾身,夠味,海鮮都夠爽5)蒜蓉飽--都OK,可能太飽啦,吾覺得太特別

成年無去啦,以前去覺得平,覿,正.但上個月去完,以後唔會再去.咖哩蟹----- 水汪汪,無哩味道Mango juice ----- 好淡, 好希,肯定係加水泰式抄貢菜----- 細碟,縮水可能越旺就越差,同以前完全無得比.都唔明點解仲有人話好食@@@@@

今天與三五知己一起到泰苑小食晚飯，晚上7:15到達，雖然要稍等廿分鐘，但能一嚐惹味的地道泰式美食真不錯。食店地店雖然在街市樓上，但由於有空調及足夠的大風扇，因此在32度的炎夏，也可舒服地享用豐富的晚餐。五人吃了九大碟：1)辣椒膏炒硯：硯的size大得很，有口感，但略嫌過火，汁十分惹味。2)冬蔭公湯（大）：湯內有很多蘑菇，也有蝦，不太辣，熱飲仲好味。3)炸蝦餅：蝦夠彈牙，很鮮味。4)咸魚炒芥蘭：咸香咸香，很好味。5)馬拉盞炒通菜6)活蝦刺身：蝦好新鮮，又甜美7)青芒果絲沙律：酸酸地，夏天食最醒胃。8)泰式串燒（豬、牛、雞）：有十串，可能不夠熱，全晚最失色的唯一一道菜。9)椰汁青咖喱雞：咖喱汁Yummy，最好連白飯／蒜蓉包一起吃。10)蒜蓉包一客11)白飯一碗12)椰青2個，青檸冰2杯雖然唔可以坐得太耐，但勝在惹味又平，以上收費只係$408。

星期6晚(10/06) 陪姐姐去接姐夫放工, 本來姐夫趕住番去睇波架, 不過佢最後竟然放棄左唔睇波, 同我地去左食飯喎^0^ 加分~ 姐姐就提議我地去9龍城街市上面食泰國野, 羊羊專車接送, 毫不猶豫, 起程即去!!去到分頭行事, 一team泊車, 一team去等位, 9點鐘d人應該要睇英格蘭架啦, 個度無電視, 但依然要等位, 好多人食呀!! 爆場!!泊完車, 由姐姐發板, 叫左勁多野: 炭燒豬頸肉+ 明爐烏頭魚+ 黃咖哩雞+ 串燒x10串+ 蝦醬炒飯+ 芥蘭炒燒肉+ 鐵板蠔仔旦+ 香葉炒蜆+ 椰汁西米糕+ 椰青x2 + 芒果汁+ 白飯x2 = 埋單都係$406, 傻架?! 勁抵又好食, 食飽飽, 心情勁靚!! 真係好好味架!! 呢排無咩胃口食野, 但我都食左好多o野!! 抵佢咁多人等位架^^炭燒豬頸肉: 熱辣辣上碟, 燒得好脆, d醬好特別, 香口好味^^明爐烏頭魚: 條魚好大條, 好肥咁, 好味, 不過略嫌d湯淡左d, 滾左好諗都好似唔入味咁黃咖哩雞: 都ok o既, d雞好滑, 不過都係淡左少少, 可以唔叫~ 串燒x10串: 好抵!! 10串都係$32, 仲可以3款揀哂,

食物一般, d生蝦好細隻,飯亦好細碟,最重要係如果你得閒可以望一望上邊, 我上次見倒d老鼠走黎走去, 唔知會唔會跌落黎不過街市係咁架0拉

今日同林小B一家四口補祝番母親節, 林小B鍾意食泰菜就算了這裡:炸蝦餅X2 - 新鮮即炸, 有鮮蝦味。菠蘿海鮮炒飯X2 - 鮮菠蘿, 鮮蝦, 鮮魷炒飯, 再加炸脆腰菓及肉鬆。馬拉盞炒通菜及鹹魚炒芥蘭- 兩個菜都係惹味菜, 但兩款菜有少許靭。泰式肉碎炒河- 係夠辣, 但太多雜菜囉。咖喱炒蟹- 全碟由林小B爸媽包起, 佢哋話蟹大隻又新鮮, 食到停唔到手。蒜蓉包- 唔夠脆, 只覺微暖, 不叫也罷。菠蘿紅毛丹冰X2 - 濃揶奶味, 全杯白雪雪, 唔錯。芒菓冰- 林小B媽話好飲過許留山, 好濃鮮芒菓味。泰啤- (因為係林小B爸飲, 所以唔知同香港飲開D啤酒有咩分別)埋單：五個人加埋$445勁抵!

大家都知九龍城出名食泰國野, 而且都開左好多, 有d 我覺得出左名收得貴都合理o既, 但呢間仍然是街坊價錢, 真係又好食又平, 都係因為平租lor –九龍城街市3樓熟食層最入的店裝修同衛生真係要將就o下喇…..同埋搵位都唔易1. 烏頭魚連鐵爐上, warm 住食, d 泰式汁同配菜酸酸甜甜都幾好味2. 蝦餅上菜時仍是熱的, 真係即叫即整架3.有多種咖哩選擇, 試過食青咖哩雞, 少少辣, 我覺得都幾正宗. 一定要再叫白飯來撈汁4.菠蘿炒飯暖暖地, 又有新鮮菠蘿, 幾有水準, 最重要是價錢冇出面如黃珍珍咁貴5.湯檬只是普通, 不算特別好食一家4口埋單只是$120, 聽到價錢都嚇左一跳, 咁平!!!?!!?!

陪傻鬼食晚飯(我要回家食, 不過都忍唔住食左佢好多). 叫左蒜容包($15)有5片, 青咖哩雞($39)及炒通菜($29)包就麻麻地, 都無咩蒜容香味. 最欣賞係個咖哩雞, 有好多泰國細茄子, 好正好甜. 個汁都好正, 我忍唔住飲左好多汁.通菜都好一般啦.

見班姐姐仔,每次去龍城食泰菜都係黃珍珍,今次轉口味,殺入龍城街市"泰苑".屈指一算,又係幾年無黎過.相比之下,馬仔無咩客,全場客人差不多係為泰國菜而來.點解?在價錢黎講,比出面街舖,起碼打左九折先.同埋味道口碑也不錯.隔左幾年,幾年前我都仲記得條明爐烏頭,係很不錯的.三個人吃得不多,先來個鐵板蠔仔蛋,蠔仔漲卜卜,好新鮮,好過上次在泰地道吃過的.生蝦刺身,例牌必叫,醬汁無金寶咁刺激.草蝦也鮮甜.但身邊友人,只敢試一隻.蝦頭唔係即炸,可以不理.泰式串燒,很香口惹味.蛋包飯也不錯,炭燒魷魚外表燒得頗un,好難咬.芥蘭炒肥肉就一般,春卷反而最後才上.無甚特別.連埋其他酒水,三百埋單,請客也並不肉赤.只係得來的回應,係"無甚特別".下次不如去小曼谷.

今次同老巴2個人又去左呢間食泰。o係本人好想食咖哩炒蟹下, 終於叫左咖哩炒蟹, 冬蔭功湯, 生蝦刺身同蟹肉炒飯。生蝦刺身唔夠凍, 炸蝦頭就係凍! 冬蔭功湯唔夠熱, 可能收工時間, 煲底果d俾我飲左, 較咸。其實好味的咖哩炒蟹我知不多, 估唔到佢俾隻霉的我咁過份! 唉... 都收得唔算平, 駛唔駛咁。炒飯水準叫今餐至好味, d蟹肉冇碟蟹果d咁霉添!加上上次的米奇事件(詳見我之前的食評), 如無意外冇下次。

講既係環境同食物....叫左:1. 炸蝦餅- 面不是太金黃, 是不是用萬年油, 或是炸得唔夠耐? 不過也是外脆內爽, 如表面可索乾少少油就更好2. 咖喱炒牛肉- 不算辣, 也唔夠香, 牛肉有D鞋...比較失色3. 炒金邊粉- 唔得, 似西炒粉, 茄汁味太重, 泰國Sheraton Pattaya 既elements 餐廳好食百倍, 它的金邊粉煙un彈牙