泰苑小食

营业中

休息中

尋日我生日,大伙兒就去左呢間野同我慶祝。因為我有個朋友話呢間o的蝦刺身好好食,所以我一直想去呢間食野好耐架喇。我地6個人7:00p.m左右去到,都已經8,9成full,坐低之後叫左大冬陰宮---今次都係我第一次飲,好正,o個種辣唔係o個o的令你流眼淚o個隻辣,而係會令你回味既辣,總之好好飲啦!!剪蝦餅---好脆好好食菠蘿炒飯---呢個我覺我麻麻,冇咩味道可言炒金邊粉---好食呀!!!!!炒得好入味,但係o的生芽菜就淨哂o係度蝦刺身---好好食呀,食o個陣有o的醬俾你點,食法同日式既唔同,各有各好食泰式春卷---呢個都好正,好多涵,好鬆脆椰汁紅豆冰---椰汁好好飲,好濃,但係o的紅豆就麻麻地喇...好硬,好淡,佢應該冇用糖浸過,唔好食既...o的野食其實好好,但係可能佢既地點o係街市啦,所以...尋晚見到有老鼠呀!!!!嚇死我地!!!!!!!!仲有呀,呢間野8:00開始就要等位喇,所以早到有著數

我睇左報紙去食的, d野又平又好食,尤其生蝦,真係好扺, 好在我食得辣..蝦餅幾好食,我未試過甜品同飲品, 下次去試下..

上次去泰國都冇乜機會食泰國菜今日睇完戲決定要食番夠本兩個人叫左生蝦刺身,炸蝦餅,泰式炒金邊粉,咖喱焗海鮮,蒜蓉包,馬拉盞炒通菜同埋菠蘿冰生蝦刺身～一碟好似有12隻,洗得好乾淨又挑晒腸,好清甜,但d汁好辣,記憶中同o係泰國食街邊d木瓜沙津個汁係一樣架,好正宗!!但唔食得辣既朋友就唔好叫喇!(呢個最貴,但都係60蚊左右,睇相啦!)炸蝦餅～炸得好香口而本身蝦丸又好彈牙,點左d甜酸汁一d都唔覺油仲好好食,但食完發現墊底既椰菜留左好多油泰式炒金邊粉～酸酸甜甜好開胃,有蛋絲有蝦米仔(係好細好細o個d),有芽菜,炒得一d都唔油,金邊粉係幼身既河粉咁,但冇港式河粉咁油,好好食咖喱焗海鮮～好多料又新鮮,有青口,有大大隻既蜆,有蝦仁,有魷魚,有香葉,又加左蛋入咖喱汁度所以唔係好辣,用d汁點蒜蓉包好好食,我諗如果叫飯撈汁都一定可以食兩碗飯蒜蓉包～一客有五件,好香蒜蓉味但唔會好似pizza hut o個d咁油,有粒粒炸香既蒜粒舖面,淨食或者點咖喱都係咁正!!馬拉盞炒通菜～炒得夠穫氣又唔會油淋淋,有鹹鹹地既蝦米仔同蒜蓉一齊炒,好香好野味! 菠蘿冰～佢唔係茶餐廳o個種菠蘿冰,而係菠蘿同d冰一齊打成沙冰,好香新鮮菠

樣樣野都好好食~ 每次必叫豬頸肉,冬蔭公,蝦餅,芒果冰!! 真係又平又好食~ 不過有冇人知道佢地既併盤有d咩呢?

原來龍眼冰仲正過芒果冰!不過佢地D 衛生可能都有D 問題.... D 杯唔乾凈蜆有D 沙, 蝦餅一定係必食啦!蒜蝦反而麻麻, 就算即炒起, 上到菜黎都凍晒了!

蚱餅係極熱, 但texture 及味道毫不特出.炒菜及鐵板oyster仔味道亦毫不特出.共花了$127.

最初係公司客戶介紹, 依家一個月去一次......生蝦刺身, 蝦餅, 豬頸肉係一定會叫, 刺身對於我來說太辣了(係我唔受得o者), 豬頸肉無甚特別, 最正反而係蝦餅.飲品推介青檸冰, 其次是芒果冰.同埋去呢度真係好似去左泰國咁, 伙計全是泰國人, 廚房更不在話下, 有時很多食客都係泰國人(甚至小弟見過人妖出現), 好似一個小泰國咁, 反而在九龍城其他泰國食肆又沒有呢種感覺.

第一次0黎, 環境比我想像中好喎~因為之後諗住再去食碗腩米, 兩個人只叫左:冬陰公(小)~ 幾好! 好濃, 亦算係夠辣! 蝦鮮甜, 仲好脆肉, 草菇又夠哂多!$25, 都分到四碗仔, 算好抵喇辣椒膏炒蟹($110), 因為成日食泰國菜都食咖哩炒蟹, 所以今次試下呢個~ 估唔到又幾好喎! 叫左中辣, 不過唔係幾辣, 炒得好香, 隻蟹好大隻, 雖然冇膏, 但係就好鮮甜, 肯定新鮮!另加一杯芒果冰($15), 幾好飲, 尤其當你之前食到“興合合”…埋單$150, 有下次~

生蝦刺身, 蝦餅,蒜茸飽,curry,芒果冰,各樣都好好味,價錢中等(比金寶平),但環境一般街市格局,食飯時間例必等位

Thai food d 野食好好味,青0 果冰冰,炸蝦餅, 同蟹肉炒飯also good, just quite noisy and the floor a little bit shake, Overall, it is good and for sure will go there again .

初時朋友帶我去我都冇咩期望，因為小好平生最憎去街市，但搭到電梯上去發覺環境並唔污糟，仲有冷氣。雖然冇裝修可言，但好有泰國食肆風味，真係好似去左泰國咁。d野食好好味，蝦餅係必食推介，如果食得辣既可以試下個生蝦刺身,幾特別又好味。另外，咖哩海鮮煲都好抵食，什錦冰又好好飲=P呢到野食好味又唔貴，成日都去九龍城d泰式餐廳，去到悶悶地呢到反而另有一番風味。不過要去食晚飯最好早d去,如果唔係就有排等位啦。

我既至愛至愛係炸蝦餅~! 可以講全世界至正既野食, 如果佢1肯係旺區開分店就正啦!金邊粉好正, 有D 甜, 唔知有冇人知加左D 咩? 我FRIENDS 話係加左D 蕃茄~!冬蔭公就算叫細既, 都起碼可以比到2-3人既份量!不過真係真係好正~ ~ ~ ~ 唔怪得係度咁多人讚正啦!叫左好多野都係$130 有找, 真係唔知係邊度搵到啦!不過真係唔係好多人識去呀!咁耐成幾個月都冇人比分佢既!

炸蝦餅勁勁正, 勁重鮮蝦味, 又彈牙! 馬拉x炒通菜都好到味, 芒果冰麻麻, 佢地杯水好似係開候水咁既???濕炒牛河冇味!豬頸肉既面好"脆"雖平日好full,但佢地都唔係太趕客, 坐左係度傾左半粒鐘度

位於街市樓上,環境當然唔及一般餐廳,但絕對是可以接受的.食物方面,必食豬頸肉同冬蔭功湯,另外佢既炒粉都好有水準.仲有芒果冰,$15一大杯,我試過一次之後,成日都想再返去飲多次食物水準絕對唔差得過出面既餐館,但價錢平一大截, 所以一定會再去過!

哈哈哈...非常抵食！椒醬青口、咸魚炒芥蘭、炸蝦餅、頸肉、果冰，一定要試。地方亦很乾淨。論味道，付出咁價錢，簡直物超所值(好過去香辣屋啦)！