泰苑小食

营业中

休息中

有時都好喜歡去街市熟食中心食嘢，今次去九龍城都唔錯，食物質素絕對合格，用的食物器具也有泰國風格，基本菜無骨鳳爪和冬陰公也做得好好，芒果冰也是招牌飲品．只是地方當然不夠清潔，這是不能避免的．價錢就當然十分大眾化．

本來提議去珍x 食泰國菜, 約好晒人時, 個friend話街市有檔又正又抵食結果行左入街市三個人叫左6味生蝦有十隻只是$59 冬陰公料足炒通菜咸左少少鐵版蠔(最正)青咖哩差左少少, D 汁太稀串燒好香, 個沙爹醬值得一贊泰象啤: ( 飲水好過如果大家唔介意食大排檔, 一個經濟既Dinner, ok 架!

去了九龍城市政大廈既泰苑小食. 街市環境就係麻麻地, 不過都算乾淨. 唔知係咪真係咁出名, 居然6點幾已經人山人海, 結果都等了半小時左右才有位.蒜蓉飽: 本來想等咖哩到才食, 點知咖哩係最後上, 結果已經好飽冇食到鐵板蠔仔蛋: 好多蠔, 好夠胡椒味, 全晚最好食.馬介休通菜: ok.. 普通料炸蝦餅: 炸得好脆, 蝦肉彈牙.冬陰公: 酸辣度岩岩好, 都算多料.串燒: 麻麻地, 個沙爹汁都冇乜味泰式鮮魷沙律: o的朋友話勁辣, 嚇得我唔敢食.黃咖喱雞: 個汁好滑, 但冇乜咖喱味. o的雞件炸過, 而且好硬. 好差!炒飯: 唔記得咩炒飯, 不過同白飯冇分別.總體來講麻麻地, 要等位就唔係好值, 不過都勝在平!

唔知去where食, 聽人講呢度好食, 最終決定試試。叫了: 1) 冬蔭功\ (一般, 有少許\甜, 亦無之前的post那麼多料!)2) 泰式鳳爪(幾好, 入味, 夠凍)3) 香葉炒蜆(幾好, d汁好味, 不過略嫌蜆份量太少)4) 菠羅飯(普通, 麻麻地)5) 泰式炒通菜(都OK, 加了chilli炒, 幾香)6) 耶青(x2) (略嫌唔夠凍)Overall 黎講, 都叫唔錯!下次會試下炒crab ($150), 濕炒河, 芒果冰*原來menu上面未收+1, 由16x 跳至$182*d阿姐收碟勁快, 想用隻空碟, 佢\己經一手“立”左, 叫都叫唔切

唔知去邊度食dinner好, 最尾去左呢間(因為聽人講話抵食+ 好味)。叫左: 冬蔭功,香葉炒蜆, 泰式炒通菜, 菠羅飯, 泰式鳳爪, 耶青(x2)冬蔭功: 味道一般, 覺得有少少甜甜地~ 亦無下面果位所post的那麼多料。香葉炒蜆: 都幾好味, d汁唔錯, 不過蜆的份量太少。(好多人叫)泰式炒通菜: 都OK! 唔係太特別。菠羅飯: 味道一般,唔建議食。泰式鳳爪: 真係唔錯。夠晒凍+ 入味。耶青: 唔夠凍~下次去食會try炒crab ($150), 泰式炒河粉, 飲芒果冰! (勁多人飲!)*原來要加一, 由16x 跳升到$182*d 阿姐收碟收勁快。>.<

估唔到街市樓上都有咁好食的泰國菜, 又唔貴以前一個月去幾次,較喜歡泰式濕炒河,燒豬頸肉,馬拉盞炒通菜,炸蝦餅,冬蔭功,香葉炒蜆,芒果冰炸蝦餅做得好出色,不過試過有一次肉質唔太新鮮(十次中試過一次咁多)冬蔭功:味道時濃時淡(可能有時落多咗水吧); 即使叫細碗,蝦都有好幾隻,中size,蝦鮮甜,多草菇香葉炒蜆: 蜆飽滿大隻,即使香葉也好食,不過嫌蜆份量太少試過炒泰式金邊粉,酸酸的,粉好稔,唔鍾意串燒:最差,肉實,好鞋好乾,又細串,食過一次以後都唔再叫最近一次去,濕炒河食到尾聲時赫然見到一隻中型瘦長的...,店員話這一碟不計錢, 我亦無再追究我己經有幾個月無再踏足了,因那晚真的睡不安想再去,但要先等陰影褪去...

這裡是我第一次品嘗泰菜的地方，第二次到來，環境都沒甚麼大變，市政大廈的環境總不會太好，但地方乾爽、有冷氣、碗筷沒有油跡就可以了。食物味道很好，雖然那個泰式生蝦刺身沒有第一次的好味，但也不差。不要以為街市的食店服務好極有限，這裡的泰國侍應都能操廣東話，見到吉碟也會主動收回。以價錢來說，這裡的味價比實在太好。其實個人認為這裡食物的味道比起深水的小金象還差少許，但不及這裡的價錢便宜。個人推介：生蝦刺身、鳳爪、蒜蓉包、咖喱炒蟹、冬陰功、芒果冰、什錦冰。此處有相片：http://www.fotop.net/fanshu/Amporn_Thai_Food

星期二8點幾去到,好彩仲有位,2人叫左:1) 泰式炒金邊粉: 味道ok,不過自覺香辣屋好味d, 2) 蒜蓉飽: 好脆,而且有蒜蓉係面,好食!3) 炸蝦餅: 正!蝦餅彈牙,而且好熱,個甜酸汁味道好正!4) 豬頸肉: 味道一般,不過個汁都ok, 辣辣地~5) 黃咖哩雞湯(好似呢個名): 正!d咖哩汁有少少椰汁味,不過好好飲,而且點蒜蓉飽都好正, d雞ok滑,而且勁熱,食極都仲噴煙!雖然環境麻麻!不過勝在價廉物美!食左咁多野,埋單都係$140, 真係估唔到

一行3人冬蔭公、咖喱蟹、蒜蓉飽、炒芥蘭、蝦膏炒飯。。。咖喱蟹- 蟹都幾新鮮、咖喱汁好足好夠味，汁鋪在蒜蓉飽上，放入口，平日咩煩腦都暫時消失其他都不過不失。隔離班學生好似好肚餓，一來就一擁而上，一齊搶，1分鐘唔夠碟無晒，好有氣氛。會再來的，不過要試埋九龍城其他泰國菜食店先。

一個自我製造游閒的星期四中午，四條友特登從九龍塘走來九龍城午膳。聽講熟食中心有間泰菜幾得，就走上來一試。中午時間，大部分去了隔籬的茶餐廳檔，這邊廂拍烏蠅。1)冬蔭公湯食泰國菜點冬蔭公似乎是一個指定動作，今次也不例外，要了一碗細的，夠四個人每人一碗。奇怪的是湯底相當之單調，只有草菇，香茅及鮮蝦，味道不算很杰，湯底也稀，但味道也重。應該是落了味精吧。2)鹵水鴨肉湯河一片蘿蔔，幾片鴨肉加河粉，賣相頗好。湯料幾地道，跟曼谷街頭一袋一袋賣的差不多，當然比較衛生，味道已經相對地淡(其實也濃)。河粉滑滑，鴨肉在濃湯下變成配角，鹵得還可以。3)腐乳炒通菜多油少腐乳，有本地特色，然而，炒菜只是平衡一下菜與肉的比例。不是一心好想吃炒通菜的。4)泰式炒金邊粉花生碎與juicy的芽菜一乾一濕地拌著粘粘的金邊粉，味道調較合到好處。可口也。5)辣椒海鮮炒河一向也接受不了雜豆粒登大雅之堂，這次也不會例外。不明白為甚麼要加雜豆粒，辣椒與海鮮(雖然少)也夠味吧，不要配菜件伴碟也不是問題，其實這個炒河味道最重，辣度很低，是很迎合本地口味的做法。九龍城眾多泰菜中，它不算地道。不過出品不差，走本地大眾化路線。位處熟食中心關係

1/4本想晚飯去小曼谷，但要等上一小時... 轉到街市，好快有位，地方是迫、窄，還好冷氣開放。1) 泰式炒粉絲($4x) --- 甜甜的、好味、香2) 濕炒海鮮河($4x) --- 好明顯廚房炒錯，河粉明顯有兩種色(白色+干炒的啡色)，加上一個唔知咩芡，差! 真係想叫佢換過碟3) 沙爹串燒($32/10串) --- 細細串，雞牛豬都較"鞋"，唔好味，沙爹醬可以4) 炸蝦春卷($39/5) --- 春卷裹住原隻蝦，露出蝦尾，賣相+味道都很不錯5) 馬拉盞通菜($29) --- 雖有辣椒、但不辣，味道普通6) 咖喱青蠔($35) --- 唔想食蟹咁麻煩可選此，同樣的咖喱汁(顏色吸引，但一點咖喱香也沒有，只有椰味，又不辣)，幸好青蠔不錯7) 蒜蓉包($15/5) --- 原以為咖喱汁好味，用以點汁吃... 包淨吃也不錯，外脆內軟8) 香葉炒蜆($3x) --- 不夠鑊氣，還可以9) 珍多冰、什錦冰(@$15) --- 推介什錦冰、乜都有d幾好味，椰味好味四人點了頗多食物，環境嘈些、乾淨欠奉，但勝在抵!

家父家母出了trip, 晚上一枝公吃.因為不用返學, 回家也沒有甚麼事好做4點開始和itm開的會, 開到1830放工在想去那裏吃, 黃大仙的食肆平時lunch也食渾晒打算行遠少少吃, 最後行下行下還以為自己蕩失路見到身旁的公園竟然是九龍城公園, 再看見遠處有金寶的招牌方知身在九龍城.記得很耐前和茜茜去過九龍城街市吃的泰國菜, 美道不俗, 氣氛浪漫一場來到, 便品嘗一下, 再回味一下當時的感覺上到去, 人也不少, 但一個人找位不會太難.坐下點了海南雞飯, 最近對海南雞飯情有獨中.點了後, 覺一個飯太寡, 便隨口點多了椰汁冰. 過後看返原來menu是沒有椰汁冰的.飯來了, 份量不算多, 油飯油而不膩, 雞乃去骨雞, 不算多膏多肥, 泰式像很醒胃坐隔離的情侶看見我碟飯, 也除消了蒜蓉包, 轉了海南雞飯原來還有例湯送,椰汁冰椰汁太杰, 但也有很香很豐富的一餐, 看著泰國員工走來走去,外表全是女人, 但本人心裏總是覺得是男人扮的, 妝越濃裙越短那些一定是男人.肚裏是泰國的味道, 真想去泰國走一轉.

我兩個人, 叫左個1...泰式炒蜆, 好多好多沙, 份量好少, 我數過, 10隻殼8粒肉, 但我地食左3粒肉都係沙沙沙, 第4隻食到鐵線!! OK 食完2...蝦羔炒飯, 炒完出尼, 紅色一堆飯, 濕既, 我以為係潮州粥炒既, 味道一般, 但係無蝦羔喎, 只有兩三隻蝦, 蛋, 肉鬆, 我問士頭婆, E 個係泰式定蝦羔炒飯, 佢話無錯, 咁係我唔識野啦, 咁差既蝦羔炒飯我又係未食過3...蒜蓉飽, 又係差, 放D炸過既蒜粒上塊飽就係蒜蓉飽, 好唔好味大家自己估4...棷青, 係無問題既..其實我之前去過3-4 次, 次次都幾好架, 上次去已經覺得唔抵食, 質素跌左WATT, 今次去完, ""我以後唔會再去""結論:論價錢, 係同附近地舖價錢睇齊, 如: 金象,小曼谷論份量, 又係少過人論質素, 唔講啦, RE-CAP 返主題論乾淨+SERVICE !! 哈哈, 街市飯堂, 無謂講

呢一晚同幾個朋友聚舊黎咗呢度食估唔到要等位我地叫咗幾樣嘢- 包(加咖哩汁超得)- 咖哩蟹(超得~)- 抄菜(夠香)- 炒粉(一般般)- 串燒(一般般)其中個咖哩蟹($120)好得好好味，個汁又ok，正！食完埋單先至每人$70大完不過，環境有點兒唔自然

星期五下午同男友去九龍城搵食,行黎行去都唔知食邊間好,忽然諗起街市有間食泰國野於是就上去試吓!!!1.酸辣湯河粉$18(份量唔多,湯底係酸酸地既冬蔭公,但唔係我鍾意果種味道,"西沙"果d好食好多)2.肉鬆炒飯$32(賣相好靚,色水都好靚,好好食,好有味)3.大蝦沙律$38(蝦絕對唔係大蝦,中蝦都冇,味道較酸,mama地可以唔食)4.波羅紅毛丹冰$15(幾好飲,好多波羅and紅毛丹,飲完可以當飯後果食)結帳$104,感覺小曼谷好d,抵食d,下次會去番小曼谷!!!