泰聚 (已搬遷) 新店位置

平時食飯多數喺公司附近嘅茶記搞掂，就好少話特別行到好遠。由於今日要去酒吧街附近搞少少野，我地都食過呢間餐廳嘅晚市，覺得幾好食，所以就同同事食個午飯先。午市都供應多款套餐，有湯河、炒粉、泡飯、炒飯等，定價$45-$59，都幾抵食。我地大約兩點鐘左右到，餐廳位置都幾多，加上過左午飯時間，就唔係話好多人。菠蘿雞粒炒飯：冇用到菠蘿上，其實個人認為更好，起碼我覺得衛生啲。裡面有菠蘿、雜豆、肉鬆，本來仲有腰果，但朋友唔食得所以就刪除左。炒起唔會好油膩，飯粒分明，唔會太腍太黏。配料嘅份量都夠多，味道唔錯泰味海鮮炒河粉：唔食辣嘅朋友都接受到，裡面有魚、蝦、青口等，賣相都幾吸引，而且新鮮炒起，夠乾身，完全唔油膩，食落都幾惹味。最正係入面有埋芥蘭，你知啦，平時食晏就好少話專登叫碟菜食，咁都適合平時少食菜嘅人。原個西瓜沙冰、原個菠蘿沙冰：即時原個西瓜、菠蘿打起，造型已經勁吸引菠蘿沙冰好香菠蘿味，第一口飲就唔係甜，但原來菠蘿汁都沉左喺底，所以建議飲用前搞一搞勻，會好飲好多，又清新又香甜。西瓜沙冰勁多汁，而且比菠蘿會甜啲，所以第一口已經好香甜，食完泰國野飲西瓜冰正正子，不過我呢個就唔係打得好碎，偶然都飲到少少碎

見到屋企附近有泰國野食我就即係叫埋朋友同我食呢到啲午市套餐好抵食，我叫咗個冬陰公泡飯同原隻西瓜沙冰，朋友就叫咗泰式香辣海鮮炒河同椰青。鍾意飲冬陰公既朋友呢個冬陰公泡飯就啱曬你啦，又有得食海鮮，有蝦，又有得飲冬陰公。不過呢個冬陰公湯比較正宗，有啲辣呀！反而朋友叫咗個泰式香辣海鮮炒河就冇乜辣味，但係啲沖粉勝在夠彈牙，香口，又有好多海鮮，例如有魷魚，大蝦，青口等等。最後我地叫咗個甜品，有兩個椰汁西米糕，同埋兩個芒果椰汁糕，佢地唔係好甜，所以唔會食完覺得漏

咁啱係呢邊做完嘢，想食泰國菜，咁就search到依家間，睇落都幾好， 咁就去試吓啦。門口裝修得幾靚我識記得係中午嘅餐。咁𥚃面環境都幾大嘅，都坐到幾多人架。午市餐牌同飲品黃咖喱牛腩飯 $55女仔黎講份量都幾多，啲咖哩超正，吾會太辣，仲有好多配料，牛腩都幾多架，又軟林林，食落好有口感，啲咖哩汁又多😍泰味炒金邊粉 $55勁開胃，火侯岩岩好，酸辣好正，又有好多配料。龍眼冰勁多龍眼，冰度岩岩，夏天一流啊😍😍原個西瓜沙冰這個影相真的係一流，超級巨型，超靚，見到個一刻真係好開心，飲完透心涼，不過全部都沙冰，甜左小小，因為個人吾太飲甜野。食物：8/10環境：7/10服務：7/10價錢：6/10推介指數：75/100

香港嘅泰國菜館都有一定嘅水準，係咪呢間係太子嘅泰國菜館真係令我好失望！相信都唔會再訪第二次！先講環境，餐廳嘅樓底好高，當大家坐得好近嘅時候，都唔會聽到鄰座嘅談天內容。呢一點係值得一讚，但係服務真係不敢恭維。有禮貌地請侍應添水，我們三人同時都看到，他對我們返了一下白眼， 完全沒有任何回應的表情就走開了。相信今時今日這樣的服務態度，應該很趕客吧！食物方面泰式炒通菜味道很鹹，菜的份量很少，與價錢不成正比，每年可取的事菜好新鮮。生菜包眾多幾度菜式之中，這一道菜味道最正常的，豬肉炒得入味，配上泰式特有的香料，九層塔、指天椒、紅椒等等……非常惹味！咖喱炒軟殻蟹蟹本身炸得不夠香脆，咖喱汁味道亦太普通，沒有椰香，汁的份量也沒有想像中的多。這道菜味道只是僅僅合格。呢間餐廳我絕對唔會推介俾朋友。

好耐冇食過泰國菜嚕~~今次見到大約六十蚊就已經有一個主菜，所以決定入去一試!我地叫咗個金邊粉同喇吵海鮮粉。金邊粉炒得好香，同埋佢一d都唔油膩，麵質彈牙有咬口，食完仲有種泰國風味嘅餘香喺個口入面，一流! 個喇吵都好好味，海鮮嘅份量充足，青口，鮮蝦各兩隻，仲有好多大魷魚，美中不足嘅地方係如果湯底再濃d會更加好， 不過呢道美食都物超所值!我地忍唔住叫咗兩樣野飲，椰青好大個好飽仲好鮮甜，飲極都唔厭，西瓜沙冰好fresh好juicy,簡直係夏日之選😋我地仲叫咗個甜品，好有椰汁味，食完好有滿足感!呢間餐廳嘅服務質素好好，職員好有禮貌。環境都好寬敞闊落，係享受美食嘅好地方。如果想喺太子搵間又平又正嘅泰國野，呢間係不二之選!

從來冇食過難食嘅泰國菜，諗住喺太子試新餐廳。個裝修係好靚， 樓底又高。點知個冬陰公湯係暖嘅，雖然入邊有幾隻蝦，但係湯一啲都唔熱，個碗就非常熱，然後仲要非常勁咸，一啲辣味都無。柚子沙律，柚子係無味嘅，連啲汁都係無味嘅，一個咁簡單嘅沙律都係咁難食。真係估佢唔到！店員推介我哋食菠蘿炒飯，個飯炒得好乾身，點知又係冇味嘅，完全好似冇落鹽咁，仲要一啲菠蘿味都冇，個菠蘿殼真係虛有其表，海鮮亦都係繼續無味！天啊！點解呢度樣樣野都唔合格，味道真係太差啦！好後悔嚟咗呢度

無意中發現花園街開左間泰國餐廳，環境不錯，地點又方便，剛巧又約左幾位朋友仔聚一聚，就提議不如去呢度由於星期六關係，所以一早預訂座位，我跟另一位朋友仔都提早到達餐廳，企在門口等埋其他朋友仔，員工得知後立即安排入座，話出面錦熱，入黎坐住等！真係好貼心～餐廳燈光昏暗，甚有氣氛，員工安排我們坐最後排的沙發位置，座位闊落，有足夠空間擺放袋子～我們一共六人，一開始計劃要滋味四人套餐，不夠再散叫，後來大家商量過後，還是覺得散叫的菜式較適合。 前菜當然少不了泰式鳳爪，生蝦刺身，而且優惠期間生蝦刺身只是$88，好抵食啊醃酸辣泰式去骨鳳爪食落酸辣又開胃，作配的洋蔥，紅蘿蔔絲，蕃茄可當成沙律，不好浪費。生蝦刺身肉質厚實又彈牙，夠凍夠鮮，沾上泰式醬汁更美味!!飲品方面，我跟朋友仔一早被格離枱的原隻西瓜汁和原隻菠蘿汁深深吸引著，當然不會放過!! 把西瓜肉打成沙冰，保留原個西瓜殼並倒入沙冰，西瓜味超濃又甜，真是消暑又解渴，超好飲!! 泰式咖哩炒蟹大大碟，金黃色相當吸引，椰味香濃一點都不辣，蟹肉鮮甜，最後配上蒜蓉包和牛油酥餅一起吃夠曬滿足原隻菠蘿鮮蝦雞肉炒飯好足料，裝得滿滿的! 炒飯粒粒分明，配上不少鮮甜的新鮮菠

一大班人食飯食泰國菜就最啱，總有野啱大家心水。經過呢間新嘅泰國菜，試過都唔錯。出街食飯難得有條魚食，梗係那那林叫返條啦。條魚塊皮煎得好香脆，肉質都幾嫰滑，點埋佢個泰式醬汁好惹味。呢度個小食拼盤好豐富，有春卷、雞翼、唔少得泰式蝦餅，一大班人share就最啱，炸得好脆，味道不錯。食得多煎炸野都要叫番啲菜食啦，叫咗個柚子沙律，清清地幾好食。仲叫咗個粉絲煲同炒雜菜，清清地成餐最好食係依個青咖喱牛腩，不過牛腩份量少左啲，個醬汁幾香，配飯配法包一流。朋友叫咗個菠蘿沙冰，份量好大，好足料唔太甜，幾新鮮好飲。

星期五晚黎人流幾多，座位滿座，因為沒有訂位的關係，要等待一下才能用膳。叫左大蝦青木瓜沙拉、芋頭焗飯、炭燒豬頸肉，椰汁西米糕，青木瓜沙拉的醬汁幾辣，蝦的味道普通。炭燒豬頸肉唔會燒到好乾，整體感覺唔錯。芋頭焗飯用煲仔飯上，醬汁比較咸。西米糕最好食。環境幾好，地方寬敞明亮，適合多人約會。星期

地方又偏 D野食貴不突止！ 生蝦又難食 甘既價錢去9龍城重好啦 洗鬼來呢到！ 咖哩又無味 ！ 來到又無人既 鬼城甘 ！個老闆態度又差！後生世仔 無禮貌 唉 不知所謂 好難食好難食 不知所為

夏日炎炎, 最好就係食泰國菜, 酸酸辣辣很開胃呢~ 早前我同老公就到左太子泰聚享用了 一頓美味的泰國晚餐~ 雖然外面正下着大雨, 但也無損大家的雅興~ 餐廳裝修很有泰國風情, 座位寬敞舒適, 有一定的私隱度~ 每次食泰菜必點醃酸辣泰式鳳爪~ 微微酸辣, 做頭盤非常開胃! 泰式明爐鮮魚是招牌菜之一, 質素之高, 絕對沒有令我們失望! 魚的肉質鮮嫩、加埋泰式醬汁和配料, 十分惹味! 加上, 用火爐保溫, 我們就可以享用到熱騰騰的鮮魚了^^ 要提提呢道菜比之前的泰式鳳爪辣1倍, 如不好辣的朋友, 可以在落單前講聲^^ 泰式炒通菜炒得很翠綠、夠鑊氣, 入口陣陣蒜香, 余媽媽大愛~ 泰式甜品拼盆是我呢個甜品控最期待的! 尤其喜歡呢度嘅泰式椰汁西米糕, 椰子味十分香濃^^ 熱香茅薑蜜, 薑味濃郁但不會太辣口, 在雨天飲用更覺暖胃~ 泰式青檸梳打亦不失為健康清怡的泰式特飲~ 2人賣單連加一500元多, 以晚餐來說價錢合理, 服務和食品質素也不錯^^ 食埋甜品非常圓滿！ 以後我們食泰菜又多了一個好選擇了！

尋日同男友去太子行街，行到餓餓地就去搵下有咩好野食，男友想食泰國菜，見到呢間幾近就去試下由於係平日又過曬食飯時間，所以直接行入去就有位坐見佢門口餐牌上嘅午餐都幾抵食，就入去試下啦入面環境都幾闊落喎！裝修都好有心思，而且座位空間感都好足夠！由於街外又熱又焗，加上行街行到超攰，真係餓到一個點！🙈二話不說，先黎個椰青解解渴先男友就點左杯洛神花特飲嘩💕唔係講笑！真係透心涼呀！😌其實店員都好快遞上清水同餐牌，因為有時去啲餐廳，坐左勁耐，真係水都無杯我就點左個豬頸肉冬蔭公湯河其實呢間餐廳都幾多選擇架面可選：河粉、金邊粉湯底可選： 清湯、喇沙同冬蔭公最令我驚喜嘅係佢地碟豬頸肉好大碟呀！😍😍😍😍 平時就咁當小食點菜都係得十片呢碟竟然已經有8片仲要係另上💞仲要係好食😍姬絲係超級鍾意食豬頸肉嘅佢地嘅豬頸肉個邊有點燒到硬硬地咁，但中間嘅肉質又好軟再點埋佢地個汁我直頭想叫多碟黎食呀！🙈不過因為碗河粉嘅份量都唔少野，所以我先至我放棄左叫多碟豬頸肉個冬蔭公湯酸辣程度適中，對於吃得辣嘅我黎講，唔會話得個辣字，而且河粉索左啲湯，太有風味啦！男友就點左肥牛金邊粉配喇沙湯底雖然話係Lunch,但材料依然勁豐富，肥牛有好多

好耐冇食過泰國菜今日同朋友今晚行花園街附近經過呢一間就諗住試吓，首先叫咗一個冬陰公湯，佢嘅湯底都幾好味，酸酸甜甜少少辣，而佢唔會太辣嘅都啱大眾口味, 同埋值得一讚嘅係佢隻蝦好大隻而且都幾鮮甜口感幾彈牙海南雞雞肉幾滑，同普遍嘅泰國菜質素差唔多， 不過佢擺得幾令椰汁糕係成晚最好味嘅部份，佢既椰汁好香好甜而且入邊都有一啲西米令個口感更加豐富仲有一啲粟米食到舔舔脷嘢飲方面叫咗呢個西瓜沙冰，佢嘅西瓜水冰呢真係用新鮮西瓜炸出嚟嘅，所以真係好水果味嘅，而且都好大杯，佢嘅擺設都擺得好靚雖然價錢唔平但係真係夠大杯另外仲叫咗杯火龍果沙冰好豐富嘅火龍果味夠晒健康呀而且火龍果本身都唔平所以我都推薦叫呢一杯環境都算幾舒服佢個位對比一般餐廳佢比較闊落坐得舒服啱傾計。

在星期一的下雨天和媽媽到花園街四圍搜索新事物，C9總是愛逛街，但雨一直下，我們點都要開餐的時候，無意間看見泰聚來一個泰式lunch吧12:00午餐的節奏，爽、靚、正泰式湯粉麵、飯set lunch $45~69我的泰式海南雞配白飯，本人怕肥所以要白飯，但餐廳有油飯供應的雞肉嫩滑，已去骨冇雪味，雞醬辣得啱我口味，餐湯凊清地仲有炒什菜超值又抵食餐飲青檸梳打，中和了我的餓肚感覺豬扒湯金邊粉配清湯，媽媽大讚沒有味精，因為一點也不口渴金邊粉好滑，香矛豬扒中規中舉熱咖啡quite good Thai sauce ~~spicy 特飲選擇多

咁啱同女朋友一齊放lunch 行過呢間餐廳就入左去試下🤤一入到鋪頭裝修佈置都好靚 以黑色為主色 位置夠寬敞 👍🏻坐起黎都唔會有壓迫感 環境好舒服 ☺️我同佢分別叫左一個泰式豬頸肉湯河同海南雞飯 加多兩杯野飲夢幻菠蘿特飲同珍多冰🍹🍸豬頸肉湯河就簡左冬蔭公湯底 一上台 賣相好精細 冬蔭公味好濃 撲鼻而黎湯河配料包括有少許菇類 番茄同香料等豬頸肉份量夠多 仲有一個醬汁可以蘸黎食醬汁入口少許酸味蘸上脆身的豬頸肉 簡直一流🤤特別欣賞個醬汁👍🏻湯底入口會食到酸味為主 🌶辣度低唔食得辣的人亦可以一嚐女朋友嘅海南雞飯就包一碗油飯、海南雞、泰式湯同野飯。泰式湯嘅味似越棧河粉嘅湯底，但無咁多味精，唔會愈飲愈口渴。油飯粒粒都金黃色，食落有好香嘅雞湯味，飯粒軟硬適中。海南雞有成十幾舊，份量幾多，雞皮唔油，🍖雞肉好嫩好滑，點埋個汁食仲好味。珍多冰一飲超濃椰汁味 仲有好多粉條😍夢幻菠蘿特飲上面係綠色下面係黃色，兩隻色max得好靚。飲落酸酸地，仲有小小菠蘿肉係下面，好好味。