泰聚 (已搬遷) 新店位置

近期成日食炸雞，係時候轉轉口味，換下新意。男友訂左我另一至愛泰國餐廳食飯！餐廳開張冇耐，裝潢好有心思，樓底又高，坐得好舒適唷！沙冰就好常見，但原個西瓜冰咁霸氣，係泰國餐廳都係第一次❄️❄️❄️飲完，透心涼喇！西瓜沙冰入口好肉食緊「起沙」既西瓜瓜肉咁，口感一流！菠蘿沙冰果香味濃，好fresh呀！飲完沙冰再黎個冬蔭公湯，簡直係味覺神經大刺激呀！冬蔭公湯椰味香濃，入口辣中帶有椰香，以及小小酸味！大蝦開邊，剝殻好方便，而且索哂湯底味道，好惹味！海南雞（半隻）肉質滑嫩，雞肉帶有小小脂肪，入口富有雞油香，油而不膩，配上白飯perfect match!蔗蝦size好大，蝦蓉好多，入口口感爽陣，配合竹蔗既甜味，好有水準！飯後甜品少不了具有泰國特色既椰汁西米糕！椰香味濃而不膩，糕身軟滑，配上西米口感豐富。

公司同事介紹,餐廳不是在當眼位置,要一直走到街尾先見到,外面外牆是黑色,餐廳入面坐位多, 坐得舒服, 冷氣夠大, 夏天最正,2:30開始下午茶,野食比lunch平D叫左香矛薑蜜,有支香矛插喺度,甜甜地,朋友叫龍眼冰,好解渴朋友食串燒沙律拼田園沙律, 沙嗲醬有花生味, 好味沙律有DD辣,好惹味, 夏天食D辣野增加胃口香矛雞翼撈檬, 個汁只有一小碟非常唔夠,加多碟都係唔夠,叫店員俾一支我倒落去先夠,店員都好樂意雞翼好香好脆,第一次食熱撈檬,好彩個汁係凍最後加多個甜品椰汁糕,椰汁味夠哂甜,夏天食就最岩

餐廳所在嘅位置唔算係人流好旺嘅地方由太子地鐵站行過去應該都要預返5分鐘左右餐廳有得電話訂座星期五晚黎食好彩book咗姐現場所見都已經滿座食物主食類叫左串燒丶辣椒膏炒青口丶菠蘿炒飯丶鹽燒烏頭魚丶蒜蓉炒通菜串燒燒得幾好唔會好乾身 肉貨都仲有啲嫰滑辣椒膏炒青口值得稱讚好多時出去食呢一款餸 青口有時得好少 仲有啲係只係得個殼不過依度唔會咁 一碟竟然有十隻 而且隻隻都夠大隻辣椒膏個醬汁我哋要求左小辣其實個汁都幾好味 用嚟餸飯一流鹽燒烏頭魚又係燒得火喉剛剛好仲有個酸酸甜甜嘅醬點 幾好味不得不提嘅係平時我都唔係咁鍾意食芒果糯米飯因為覺得平時啲甜品中嘅糯米飯冇乜咩味估唔到依度嘅糯米飯整得唔錯白糯米同黑糯米都一樣咁椰味飲品沙冰有啲gimmick有兩款係會原個生果上分別係西瓜沙冰同菠蘿沙冰西瓜個款味夠清甜大大杯 飲唔晒添而菠蘿就比較冇乜味可見其實都無特別加糖水落去 原汁原味就算唔係叫原個生果款我見到有其他食客點芒果沙冰都好吸引環境氣氛： ★★★☆☆食物質素： ★★★★★服務態度： ★★★☆☆

今日和友人行開太子,突然好大雨,橫掂要揾地方醫肚,所以,就走進了這間泰國餐廳食晚餐。這裏地方都很大,坐位好舒服,唔迫夾。樓底又高，傾偈一流。成身都濕咗一大半,最好叫個冬薩公湯暖一暖胃,另外仲叫咗個泰式海南雞和泰式蔗蝦,飲品就叫了芒果沙冰和青檸檬梳打 冬蔭公湯二人份量啱啱好,材料十足 ,有草菰,菰.蕃茄,大蝦.....,橙橙的顏色已好吸引,飲落酸酸辣辣,好香椰汁味。蝦好爽口,彈牙。不是雪藏很久的蝦。草菰吸收了冬蔭公湯的味道,好好味。泰式蔗蝦 ,炸到金黃色,蝦肉做成了好幼滑的蝦蓉，再包著蔗來一起烹調成。蝦肉彈牙,在口腔內糾結了一會才吞下,因好味,不想咁快吞下.配埋泰式醬汁,好配合。蔗就沒有咬了為了保護牙齒,哈哈。泰式海南雞半隻 , 皮是黃的，食下去是暖的,因有時食的海南雞是涷冰冰的 ,所以,這點已經加分。而且每啖都只是雞肉,很瘦沒有脂肪,但唔靭。半隻份量也不少。芒果沙冰，買相好吸引,好大杯。淺黃色的顏色,好靚。一飲芒果味好濃,感覺唔會全口冰,不會一陣子就變水。青檸梳打~用上泰國梳打水,全樽上。倒在透明的玻璃杯上,顏色好靚。好清新的感覺。椰汁西米糕 有5件,椰汁好香滑,西米一粒粒,不會太甜,

4條友有3個係7月生日之星，咁梗係大事慶祝。買左cake同一支“無酒精hampagne”。跟住揾邊到食，間間都收切餅費，仲有F連飲品都唔比帶入去。泰聚完全無任何類似收費，咁梗係試下啦！一入到去服務好好，先雪蛋糕，再比啤酒杯我地飲支汽水。咖啡海鮮，完全唔辣，我地2個怕辣，但佢真係唔辣囉! 所以決定叫多個蒜蓉包點醬未試過咁甜嘅金邊粉，其實幾好味，係甜過左少少一般正常ok嘅小食併盤囉唔記得乜總之少少辣通菜。蒜蓉包，好正，全餐最好味，會再去一定要再食齋佢地服務同個厠所，都，值得再去嘅。個toilet無理由影，但乾淨夠大，有裝修嫁，點都去參觀下嘛！

今日咁岩朋友得閒，又咁岩自己在太子附近，所以就約左去咗泰聚食野！我同朋友一個選左香芧雞中翼豬扒飯，一個選左（喇沙湯底）泰式豬頸肉河粉！首先講下個香芧雞中翼豬扒飯先！個香芧雞中翼，真係好好食，好入味，共有2隻，但係個豬扒太乾，有啲嚡，唔多掂！個飯仲跟一碗清湯！都好味！成個飯只係個豬扒差咗小小。跟住講下個（喇沙湯底）泰式豬頸肉河粉，個朋友分咗D俾我食，好大一塊豬頸肉，跟埋特別醬汁，食之前點一點個醬，成塊豬頸肉都提升左好多。個喇沙湯底都好入味！完全係一個冇錯嘅選擇。嘢食總括來講非常之出色，只係豬扒有啲乾，雞翼同豬頸肉都非常有自己的特色。喇沙湯底都好入味。我哋仲叫咗兩杯特飲。一杯係完個西瓜沙冰，另一個係菠蘿特飲！西瓜沙冰完全令我喜出望外，首先個西瓜勁靚，紋路非常清晰！仲加左一把小雨傘做裝飾，睇得出間店勁有心機。味道就還可以，但係份量非常足！菠蘿特飲，顏色非常之繽紛，非常之吸引，嘢飲最下低仲有啲菠蘿果肉！係一個視覺的好享受！飲落去唔會太甜，甜度啱啱好！而且最後仲有一道甜品，共有四件糕點！比較特別嘅就係嗰兩件粟米椰汁西米露！原本一諗起西米露就覺得佢係一碗碗！但係估唔到做成一件件的糕點，都幾好好食！

見到facebook好多好評，就嚟試吓。 點知見到餐牌張相有泰式金邊粉，但竟然全本餐牌都冇這道菜名。 但店員話可以叫這道菜，於是就叫咗泰式金邊粉，串燒同芒果沙冰。金邊粉偏甜，串燒雞好乾好老，芒果沙冰太甜。 總結，冇下次

同朋友仔突然好想食泰國野，就黎左呢度試下啦外面貼左餐牌同食物圖片，淨睇圖片已經覺得好吸引~由於六點半就入左黎，時間尚早，感覺俾我地包左場😂環境都幾靚幾闊寛，不過7點幾就開始多人了~食物款式都唔少，而且價錢合宜，餐廳亦都有套餐供我地選擇，不過我地都中意散叫多d ~我地分別叫左西瓜沙冰同菠蘿沙冰，十分消暑解渴西瓜沙冰西瓜味好重，而且幾清甜而菠蘿沙冰都幾清甜，而且酸酸地幾開胃黎左個小食，炸魚餅，口感好彈牙，仲有d豆係裡面，幾爽口，點埋個酸辣醬幾夾，而且食落唔會覺得好油膩，反而幾香口泰式炒通菜，好夠鑊氣，好香豆豉味，而且通菜炒得爽口，正粉絲老虎蝦煲，有4隻老虎蝦咁多!仲要好大隻，好濃味，好重沙嗲味，而且蝦肉爽口彈牙。粉絲亦吸哂所有精華，好入味，好煙韌，送飯正。最後仲叫左我最愛既椰汁糕，椰汁味好濃，個糕好滑身，唔會好漏，唔錯。整體黎講，食物味道唔錯，價錢合理，幾值得一試~

​ 平時返工食lunch都唔知去邊度食好，見到公司附近有一間以黑色為主裝修的泰國菜， 叫做「泰聚」，感覺上好華麗Feel嘅裝修， 充滿着泰式風味， 而且餐廳門口出面有錶位泊車，非常方便，所以選擇咗嚟呢度食lunch。 餐廳環境整潔，位置非常寬，以落地玻璃設計，陽光能夠射入餐廳，好舒服嘅感覺。 見到餐牌上有唔同款式嘅lunch套餐， 包括「泰式粉麵」、「普通午市套餐」同埋「有營行政小菜套餐」， 而飲品方面有不同飲選擇，例如「原隻菠蘿沙冰」同埋「原個西瓜沙冰」等等， 仲有我最鍾意嘅泰式甜品，多款選擇。 我哋就叫左一個「有營行政小菜套餐」，就係「泰式海南雞配雞油飯」， 呢個套餐仲配埋一碟油菜、一碗泰式例湯同埋飲品， 而我就比較鍾意飲沙冰系列嘅飲品，所以就加左＄18要一個「原個西瓜沙冰」。 食物終於嚟到喇，套餐用一個盆裝住上菜， 首先就飲泰式例湯，原來係冬瓜湯，湯嘅味道好濃郁， 有好濃嘅冬瓜湯味道，而且唔太鹹，味道剛剛好， 仲係熱辣辣添，湯入面有一舊冬瓜，冬瓜煲到好「林」， 食落去軟林林又爽口，好飲。 泰式海南雞有雞髀嘅位置，另外仲有少少雞胸， 再配埋一碟泰式辣汁一齊食，好惹味

今晚約左外父外母食飯，老婆大人話同佢地去酒樓食得多，問我有無其他好介紹，我就提議不如試下泰國菜啦。呢間位於太子花園街(近警署遊樂會)嘅泰聚，門外有掛上餐牌，老婆大人臨入餐廳前已經被農夫包所吸引住了。見佢有套餐，但又唔係樣樣啱食，倒不如散叫，起碼每樣都係自己鍾意食嘅嘢吖嘛。呢樣係基本上每次食泰菜必食頭盤，連唔食生嘢嘅老婆大人都食，的確相當吸引。椰菜苗算得上是泰菜指定的菜蔬，菜身爽甜，略帶少少微辣，非常惹味可口。菠蘿炒飯應該是大家最熟悉的水果菜式之一，而且不是很多地方會用原個菠蘿上。而菠蘿味道甜甜酸酸，實在開胃，加上肉鬆同腰果呢啲惹味配料，炒飯之中，菠蘿炒飯真係我的最愛，我自己都可以食晒佢。這款泰式沙律與我地平時食開嘅沙律絕不相同，沒有沙律醬。生果方面，不是蘋果、菠蘿、薯仔等，而係柚子，酸酸地卻非常醒胃。仲有腰果配搭添。農夫包有多個選擇，可配軟殼蟹、老虎蝦或燒鴨均可。我地選擇左老虎蝦，蝦身份量十足，有肉地而且唔會太乾身，單看已叫人食指大動，最後愛吃麵包嘅老婆大人連麵包皮都食埋，認真犀利食左咁多嘢，整番杯泰式飲品先，原個西瓜沙冰，外父話味道清甜，夠晒解渴。原個菠蘿沙冰，老婆大人就係鍾意佢酸酸

今日早放就同朋友係太子行咗一陣，冇諗過會遇到又好食又抵嘅泰國菜！餐廳距離地鐵站大約5分鐘嘅路程 都幾方便，環境算靜 好適合同朋友傾計！ 我地入到去每人叫咗一個set lunch! 我食海南雞飯而我朋友就食泰式豬頸肉湯河！上主菜之前都有湯。 個湯唔錯呀，平時飲泰式湯都好多油，今次呢個唔油得黎又幾入味💁🏻我地係食主菜之前食咗個小食 就係我至愛嘅生菜包！呢個生菜包好足料，我最鐘意就係佢調嘅味，同我之前係泰國食嘅差唔多！正！講下主菜先！個海南雞飯好香雞都夠滑又唔會好硬，份量適中！值得再試個湯河份量算多，個湯底調得幾好味！豬頸肉唔硬幾好！至於餐飲方便，我吃咗原個菠蘿沙𣲙而我朋友就叫咗龍眼𣲙！呢兩杯野飲都好大杯，味道好夠！而原個菠蘿𣲙賣相仲要好靚添😍😍😍

泉哥今次去食泰國菜，食個午餐唔會太貴。我哋一人揀咗一個粉，香茅雞翼冬陰公金邊粉和香茅豬扒喇沙金邊粉。兩個金邊粉都好大兜，男人都夠晒食。香茅雞翼就有四隻；豬扒都唔差，有好多片。冬陰公味道超濃，鹹香十足；朋友個喇沙湯底都幾清新，好似去咗新加坡咁！金邊粉有少少似河粉嘅迷你版，不會太過入味，但係好有彈性，份量驚人。貪得意每人散叫沙冰，一個就要西瓜沙冰，一個就叫菠蘿沙冰，超深色，味道好似食緊真嘅菠蘿咁，當然應該都會有少少色素啦。西瓜沙冰個顏色就真實啲，夏日炎炎最清涼，兩款都好推薦。最後仲叫咗個泰式拼盤，唔會太凍，有啲爽口有啲就比較甜香，係唔錯嘅泰國菜。

行過門口見到佢有啲午市套餐都幾多款式再望埋佢 仲有乜嘢 嘢食吸引，見到佢都有幾個套餐都不錯唔理啦橫掂都唔知食乜， 就呢間啦行咗入去充滿泰國風味嘅泰國餐廳擺咗不少 泰國當地嘅 擺設， 餐廳好深好多座位， 不過依家晚市時間都坐曬爆棚呀未食嘢 都要拿拿聲點返 杯嘢飲下先啦出面實在太熱啦， 朋友仔點咗杯青檸梳打我就點咗個原隻菠蘿沙冰， 好誘惑呀，成個菠蘿咁食， 食起上嚟嗰陣時都幾痛快， 而且啲沙冰打到好綿好滑， 夠曬解暑呀濕炒肉片河， 夠曬多汁， 而且餸多個河， 大量雜菜 有椰菜 ，西蘭花 ，粟米芯，蘿蔔，紹菜，菜心， 蘑菇食起上嚟啖啖餸， 睇到都覺得豐富呀。泰式豬肉生菜包食親泰國菜 我都會點嚟食㗎， 肉碎同生菜包起上嚟食真係好perfect match， 本身喺調左味嘅肉碎加咗辣椒粉 同其他調味料令到啲肉碎更加惹味香辣，配埋生菜一齊食 就會有少少中和辛辣嘅效果。鹽燒烏頭用大量嘅鹽包住烏頭一齊燒， 令到條烏頭入曬味 之餘，又冇咗份泥味，正!如果鹽燒 同明爐烏頭兩個畀我揀，我都係鍾意鹽燒， 夠乾身香口。最後嘆番個甜品 就完滿結束喇。簡單嘅泰式甜品主要係用椰汁 同班蘭製作而成， 清新又唔會太甜。

係飛之前同朋友既最後一次聚會就揀左尼泰聚食泰國野😋早午時間12點左右到達，唔洗等位👍🏻泰味雞絲炒金邊粉 $59金邊粉一開始睇落去以為佢炒到勁濕，但食落又唔會喎，唔乾唔濕咁非常美味👍🏻 另外佢底下有一塊生菜，感覺上成碟野即刻冇咁油膩！成碟粉有唔少雞柳，落足料！泰式豬頸肉湯河 $48河粉特別之處係佢唔係我地平時係街食魚蛋粉嗰啲河粉，而係正宗東南亞食開嗰啲河粉（朋友媽咪郷下係印尼，佢話係正宗既😎，我就唔太清楚😂）河粉入面既生菜亦好新鮮，好小係街食菜既朋友都全部食晒~另外佢豬頸肉係好香香茅味，唔係平時靠湯既味既冇味豬頸肉👍🏻原個西瓜沙冰 $58 （午餐+$18）衣個沙冰真係打卡必備🙈 唔單止外型好睇 味道都好新鮮，最好係飲哂啲冰之後仲可以食埋佢側邊啲西瓜肉😍菠蘿沙冰 $48 份量超多！ 其實佢仲有原個菠蘿沙冰，不過朋友就淨叫左用杯裝既衣隻。賣相都一樣討好，味道亦好清甜，推介！甜品其實都食到好飽但我都一定要食埋個耶汁西米糕，真係好好味😭 點解耶汁同芋頭可以咁夾🙈🙈最後衣到既裝潢十分大氣，就算係拖家帶口尼做節呀慶祝都冇問題，廁所亦有設計同好乾淨，加分！總括而言，泰聚既食物質素同環境都十分好，加上賣

之前都有食過喺太子嘅泰國菜「泰聚」嘅lunch，今次就同妹妹試吓佢嘅晚餐。我最欣賞餐廳外面可以有錶位泊車，而且有落地玻璃可以望出去，食都食得心安理得。晚餐就比較多選擇，除咗「晚市套餐」之外，仲有散叫食物，我哋就選擇咗散叫，首先就梗係要叫我最鍾意嘅「泰式生蝦刺身」啦。泰式生蝦刺身一共有八隻，賣相非常吸引而且好大隻，仲配埋一碟泰式辣汁，點埋一齊食非常惹味，而且辣汁唔太辣，生蝦非常爽口，一口氣每人食咗四隻了。之後就叫咗個「泰式燒雞半隻」，賣相都非常吸引，見到燒雞外皮燒得好香脆，而且遠處都聞到佢嘅燒雞香味，肉質方面咬落去非常滑嫩，食到係好新鮮嘅雞嘅味道，而且有雞髀雞翼同埋雞胸等位置，再配埋一碟泰式辣醬一齊食，正！當然唔少得叫我最鍾意食嘅「原個菠蘿炒飯」呀，佢真係用原個菠蘿入面裝住炒飯上菜的，而且炒飯配料非常多，非常足料，有不同嘅海鮮，例如魷魚、蝦，仲有三色豆同埋肉鬆等等，食落去啲飯有好香嘅菠蘿味道，而且每一啖都有好多配料，好有口感。食咗咁多野都有D頸渴，我哋一人叫咗一個「原個西瓜沙冰」同埋「原個菠蘿沙冰」，賣相非常吸引，全部都係用原個水果裝住啲沙冰，而且係用鮮榨果汁製成，既消暑又解渴。最後叫咗