泰聚 (已搬遷) 新店位置

又到左lunch時間, 唔知食咩好, 記得泰聚坐得幾舒服, 呢度好多位, 有sofa,lunch menu以泰國菜為主, 有湯河, 金邊粉, 泰式野飲, 好多選擇,叫左一杯龍眼冰, 椰汁珍珠冰,椰汁珍珠冰的珍珠細細粒,唔係台灣珍珠,有咬口,好味,椰汁唔太甜, 易入口,冬陰公豬扒金邊粉,冬陰公唔辣, 偏酸, 豬扒另上, 唔會淋哂, 金邊粉好滑清湯肥牛河,好多肥牛, 河粉很滑,清湯好味,甜品係泰式糯米滋, 好溫暖, 出面係砂糖, 糯米, 入面係QQ的糯米滋,第一次食, 好味道

I was craving for Thai food tonight so me and my friend searched for a restaurant. To my surprise I found this Thai restaurant that I always wanted to go in Mong Kok, I only know the one in TSW but didn’t know that they opened one in MK. I was so happy so we went there quickly. The place was big and spacious with lots of people. My throat was a bit dry so I ordered a glass of chrysanthemum ginger honey, it was sweet and really helped with my throat. My friend got the coconut drink with black pea

泰聚香港天氣越來越凍，唯有用打邊爐暖下過身啦。問咗朋友仔，太子附近有乜餐廳打邊爐好？一係介紹啲鬼咁貴嘅酒樓或大排檔，一係啲質素較差嘅快餐店。我都明要搵一間又平又有特色嘅邊爐店真係好難。最後唯有自己上網search下有乜好介紹啦⋯⋯估唔到咁都比我搵到一間泰式打邊爐喎，今次夠曬特別，上大人一定會獎勵我啦⋯⋯haaahaaaa湯底：有冬蔭功，椰汁湯底，清湯。冬蔭功，湯底好濃，真係似飲果啲冬蔭功，濃度差不多。推介指數：8/10清湯，好清，唔油，用來煮蔬菜最啱。推介指數：7/10牛肉套餐：$138肥牛，一塊塊，唔大舊，有咀嚼感。牛丸，重肉味，咸咗小小，彈牙。粟米，冬菇，蔬菜，好味清味，蔬菜量足。推介指數：6.5/10海鮮套餐：$168鮮蝦，大隻，有四隻，肉爽，味清淡。青囗，幾大隻，有三隻，味清甜。生蠔，大大隻，有三隻，蠔味重，幾好味。魷魚，一塊塊，有好多塊，味淡，爽口。魚旦，有四粒，Q彈，有魚味。冬菇，粟米及蔬菜，同上。推介指數：7/10食完火鍋覺得全身暖曬，又見到旁邊嘅客人叫咗杯沙冰，杯沙冰好大好特別，唯有自己叫杯品嚐下。火龍果沙冰，$48，即榨，原全係果汁冰，好大杯，好重份量夠，火龍果汁好正

 小妹今日帶大家來到位於太子一間泰國餐廳【泰聚】 去試下佢地新推出的一人火鍋，平均每人百幾蚊就可以食到超豐富嘅火鍋套餐。  店鋪環境舒適，座位寬敞。  有三款湯底選擇，冬陰公湯，酸辣椰汁湯，清湯。 我選擇了冬陰公湯，因餐廳是泰國師傅，大家可以自行選擇辣度大中小。 冬陰公湯酸酸辣辣，好開胃，好有味道。  海鮮套餐$168 有鮮蝦、青口、魷魚、廣島蠔、白魚丸材料真係好足夠  鮮蝦好貼心剝了蝦穀，好大隻。  廣島蠔好肥美  配二個醬汁  另外一個選擇豬肉、雞肉套餐 $138 豬頸肉、雞柳、雞胸肉、豬肉丸、雞肉腸。  另外點了清湯  配菜有冬菇、金菇、粟米、粟米芯、蘿蔔、生菜、芹菜。  追加了美國肥牛$65  追加讚岐烏冬 $35 烏冬已煮過所以不容煮太久，配冬陰公湯底，味道一流啊。  每個套餐都會送甜點和飲料。 椰汁西米糕，好好食啊，椰汁味好重。  三色冰 味道不錯，甜甜的，裡面有配料一粒粒有紅色、綠色，幾有口感。  椰汁黑珍珠冰 香濃椰汁，配黑珍珠好有口感。  夢幻洛神花特飲 酸酸甜甜，開胃飲料。 ———————————————— 餐廳名字:泰聚 地址：太子花園街239號嘉慶苑地下

正當我煩惱緊晚餐食乜好既時侯，一間充滿古色情懷既餐廳留住左我既腳步。-餐廳環境不錯，泰式既小擺設令人賞心悅目。餐桌之間有足夠嘅距離，位置寬敞舒適，私隱度充足。透過落地玻璃窗，就能夠將窗外既街景飽覽無遺。昏黃嘅街燈透過玻璃窗灑入餐桌，更添浪漫，好適合情侶約會。-我最鍾意食一人一鍋，可以選擇返自己最鐘意既湯底，唔洗同人爭🙈冬蔭公湯底火鍋打邊爐都幾特別。我叫左冬蔭公湯底同海鮮餐，冬蔭公酸味濃，辣味足，味道正宗。海鮮配料都好新鮮，生蠔肥沃飽滿，同埋我食咁多火鍋餐廳真係第一次見有鮮蝦係幫你剝埋殼，此舉非常貼心，食落更方便💕 我最鍾意就係調味料入面嘅辣椒魚露，充分將海鮮嘅鮮味帶出，辣得嚟又唔會搶走海鮮嘅原味，抵贊。最最最鍾意嘅都係跟餐送嘅沙冰，香港地真係好少餐廳會有火鍋同沙冰依個組合，一口熱辣辣嘅火鍋，然後再一啖沙冰， 根本就係人生最高享受。食到最後套餐仲跟送一份甜品，椰奶西米露清香奶滑， 正好令啱啱食完火鍋嘅喉嚨順返曬。餐廳嘅價錢適中，性價比略高， 非常滿意嘅一次用餐體驗 ，會經常黎。

今日約左同事去花墟果邊買啲小盆栽順便食埋飯，問同事想食乜，佢話想食泰國野。我記得之前喺呢邊食火鍋嘅時候，見過樓下有間泰國野，來到嘅時候接近兩點，已經過左食飯時間，人客唔算多呢度午餐都有啲lunch set供應，咁我地一人點左一份。香焗芋頭飯 $59：炒飯賣相都好吸引，裡面加左肉碎、芋頭、青豆、蘿蔔、芹菜等。飯粒唔會炒到好乾，仲保持少少濕潤。芋頭粒粒明顯，芋味香。泰味乾炒牛肉米粉 $59：炒米粉炒得夠乾身，牛肉份量都唔少，有大約五、六片，上枱都感覺到好夠鍋氣。除此之外，又加左啲菜絲、甘荀絲配搭。米粉調味適中，唔會太鹹，而且唔會好油膩。我地一人夾啲，好快已經食哂，個人認為呢度嘅炒野比焗飯更加好食椰汁黑珍珠冰 +$9 （原價：$38）椰汁裡面加左啲細細粒嘅黑珍珠，唔會太甜。原個菠蘿沙冰 +$18（原價$58）菠蘿沙冰幾推介，沙冰打得好滑，用左新鮮菠蘿打成，好足料。而且唔會溶得好快，唔會話要急住飲，仲可以用匙更當甜品食添咁如果唔叫呢啲特飲，本身午市套餐都包左餐茶，但如果覺得果啲野飲到悶，都不妨轉個特飲或者沙冰，唔會失望啊。

今次係我哋第一次喺呢間餐廳食晚餐。今次想試下晚餐的原因係，早前見到新推出嘅一人一火鍋套餐，平均每人百幾蚊就可以食到超豐富嘅火鍋套餐。所以就呢次我哋分別叫咗一個肥牛套餐同埋一個海鮮套餐，每個餐都俾唔同湯底我地揀，我地決定一試冬蔭功同埋椰汁湯底。椰汁湯底好濃郁，但係又其會搶走火鍋配料嘅鮮味，冬蔭功辣味都啱啱好。每個餐都有好多粒魚蛋，仲有粟米，金菇，冬菇同生菜，材料真係好足夠。牛肉套餐有好多牛肉， 而且啲牛肉都好鮮甜，好有牛味，咬落去都好有口感 。海鮮套餐方面，有好多唔同新鮮嘅海鮮，包括魷魚，青口，鮮蝦同埋蠔。 鮮蝦肉質彈牙 ，青口同蠔都好有鮮味。魷魚配上冬陰功或者椰汁湯底都非常鮮甜可口。 除此之外我哋仲叫咗兩款飲品，一杯係火龍果沙冰，好有火龍果味之餘又好清甜。另一杯係蜜糖檸檬沙冰 ，好解渴之餘 仲一啲都唔酸， 蜜糖味同檸檬味嘅配搭啱啱好。 火鍋配搭沙冰簡直係一流! 最後我哋叫咗個甜品椰汁西米糕，真係要畀一個大讚， 雖然食過幾次，但係一啲都唔饜，仲越食越好味添😋環境寬敞座位舒適，今次食得開心滿足!

今日中午飯叫泰式炒 粉絲，味道幾好，但細碟和幾貴。冬陰公湯底的金邊粉好味， 令人一試難忘味道正宗 ，豬頸肉另分碟上， 醬汁好吃 ， 肥瘦適中 。環境舒適闊絡， 午市有位不用排隊， 晚市爆棚要訂位。清湯金邊粉是中午市套餐，扎肉分量都足夠， 午市一般60元左右， 星期六日加一。

好耐無食泰國菜，最近跟朋友約食飯就決定來這裡先來個新鮮又大大個的原個西瓜沙冰同菠蘿沙冰(HKD58/款)味道清甜帶鮮果香且冰冰涼涼之後來個泰式小食拼盤(HKD138)單單小拼盤的份量已經好多二人食十足夠，如果食量不多，真的吃不掉整個拼盤有五款美食:泰式春卷，蝦餅，魚餅，雞翼同紙包雞，款款美味，特別係魚餅好彈牙好香，雞翼好入味，其餘的又炸得香脆可口再來個主食:泰式炒金邊粉，上面鋪上大大粒蝦球，下面滿滿的金邊粉，味道濃郁份量依舊十足 金邊粉好入味帶點微微的辣度，香氣四溢最後仲有必食的泰式甜品，十分精緻款款椰香水溢，味道唔會過甜，口感好滑滑，適中不膩這裡整體味道不錯，份量十足，下一次必定再來!

天氣轉冷，最岩食泰國菜暖暖胃之前同左朋友去太子食依間新開的泰聚餐廳環境寬敞，坐得好舒服因為只有我們兩個吃，沒有點套餐，分別叫了幾道菜式賣相挺不錯的柚子大蝦沙律 整個的份量很多，柚子肉好甜蝦肉大隻新鮮，加上爽脆腰果，好好味泰式炒雜菜有少少牛油香，加左香蒜炒的菜 就是惹味椰青—是食泰國菜必點的飲品夢幻藍蝶花特飲賣相好特別，即刻影多幾張相先朋友說味道幾清新，可一試！泰式燒盲鰽壓軸出場的主角，有點需時建議大家吃魚就提早落單喇魚肉燒過後仍保持嫩滑唔會嚡口點一些醬汁，更加惹味椰汁西米糕飯後來個泰式甜品 好滿足的一餐餐廳還有多款套餐選擇，下次一班朋友可以再來試

咁多唔同國家菜式當中，小弟最愛既一定係泰菜。 同事介紹旺角花墟附近靜靜地有間好味既泰菜，我梗係要去試下啦。 餐廳位置的確比較靜，街上雖然都有好多餐廳，但同旺角市中心既熱鬧差天共地 但 令我詫異既係，平日晚上餐廳竟然都幾乎滿座難道真係咁正!？ 餐廳既燈光暗暗地， 都有啲氣氛，同埋坐位唔會逼黎到食物環節， 柚子蝦沙律賣相非常吸引， 用柚子黎做碟，別出心裁。 味道亦唔錯，食落好fresh 好開胃小食拼盤非常豐富，蝦餅特別彈牙，有泰國當地餐廳既水準餐飲方面叫左西瓜及菠蘿沙冰，兩隻都係原個水果沙冰， 成座山咁高 食泰菜怕辣解辣一流之另外燒魚燒得剛剛好，裏面既肉好滑好鮮味青咖哩雞椰汁味十分濃郁，雞柳亦好嫩，送飯好夾，最後啲咖喱汁都飲埋 最後仲試左泰式甜品拼盤，味道同出面就差唔多啦總體黎講食物質素都幾好， 有泰國當地既味道， 又唔會太嘈吵， 值得一食

朋友們都推介位於太子嘅《泰聚》，以泰國菜為名，午市套餐更多款選擇，和朋友一齊入去試吓。我們二人就選了「滷水豬髀飯」同埋「泰式海鮮炒飯」套餐，套餐配以飲品，飲品款式多款選擇。「滷水豬髀飯」賣相非常吸引，一個托盤裝住，包括有餐湯 - 冬瓜湯，冬瓜湯味道鮮甜，清熱氣之選。滷水豬脾非常入味，而且肉質軟綿綿，食落去有入口即溶嘅感覺，再配以小辣嘅泰式醬汁，更為滋味。「泰味海鮮炒河粉」炒得好香，食落去非常有鑊氣，當中更有唔同嘅配料，包括大蝦、魷魚、青口同埋蔬菜等等，面頭更有啲蒜香粒，非常豐富，食落去河粉好入味，另外職員提供泰式醬料可以攞埋啲河粉一齊食，好好味。另外再叫多一份甜品，甜品拼盤中有三款甜品，每款有兩件，「泰式大菜糕」尤其吸引，大菜糕有花嘅圖案，食落去好鮮甜新鮮，非常滿足。兩個人嘅午市套餐夾埋都只係＄168，每人嘅平均消費係＄80，價錢相當合理，經濟又實惠。

又係食lunch嘅時候，去到太子附近見到有一間泰國菜《泰聚》，餐廳裝修黑色神秘感為主。店員隨即比咗兩杯茶同埋餐牌我哋，非常體貼。餐牌有多款「午市套餐」，如果大胃王就可以選擇「有營行政小菜套餐」，當中包括白飯一碗、油菜一碟同埋泰式例湯一碗，都只係$69。「泰式乾炒牛河肉米粉」套餐賣相非常吸引，米粉炒得好有鑊氣，而且驟眼睇米粉中有好多配料，包括有蘿蔔條、雞蛋、雜菜同埋牛肉，好豐富。除此之外，米粉質感乾身爽口，非常入味。有營行政小菜套餐-「青咖喱雞肉」「例湯」冬瓜湯清甜的味道飲落去好舒服。「油菜」炒得好香嘅雜菜，當中見到有生菜同埋芥蘭等等，好入味而且好爽口。「小菜-青咖喱雞肉」食落去唔算太辣，還有一點椰汁味道，而雞肉嘅份量都比較多，咬落去肉質滑嫩爽口，咖喱汁撈飯一齊食，冇得頂。餐飲分別叫咗「西瓜沙冰」同埋「凍檸茶」「西瓜沙冰」即叫即刨，西瓜汁味道非常鮮甜。最後叫咗一個甜品一齊share食，有我最鍾意嘅「椰汁糕」，正。最後埋單$150，每人平均消費都只係$75，非常抵食。

一向很喜歡插花藝術, 有次要幫朋友做結婚花球,於是提早多天前,到花墟行一趟, 看看最近時令的花有什麼品種!行完一整個花墟, 人都虛脫了, 而且還迷了路,找了好久, 發現一條大街, 又像平民區, 又像一條食市街,最後看見一間頗多中外食客的餐廳--泰聚!終於, 按捺不住了, 著實太倦, 要先行入內作息和醫肚餓!他們的裝修設計有少少混合式, 感覺泰, 中和外國FEEL,而且窒內空間非常大, 自己本來很疲倦的身心, 都已經被他們的寬敞和特別的舒服感覺帶走了, 人自然精神起來!原來他們是剛開張不久, 有些特式食品外, 原來還有一些特價午餐.......左想右想後, 始終最愛食--泰式海南雞套餐$69,包飯, 菜, 加錢可以有特飲.很喜歡這張墊餐紙, 好像半朵金色的蓮花,低調得來, 卻又令人眼前一亮!就連一隻水杯,又有另一番風味,整個餐廳由設計佈局, 至一杯一枱,不會令人有古老傳統泰國感, 但新式得來, 每一樣東西, 都會引起你的注意與迷思!嘩! $69 有咁多嘢食! 有些擔心會否吃不完添!i先介紹主菜--泰式海南雞,肉質嫩滑, 多肉, 很有雞味;而飯是黃薑飯, 淡淡黃薑加上DD鹹的飯, 那種味道

太子一向最易揾食，朋友詩想食青咖哩，咁選左黎多次呢間嘢，因為上次佢個蒜蓉包都令我想再幫襯。menu都算多選擇，都幾多嘢想食，但2個人，食得唔會多。蒜蓉包點青咖哩食，單食都唔錯。青木瓜沙律，話左少辣，都唔少囉，好再仲可接受。青咖哩雞（可選牛豬雞。。），叫左少辣就真係少辣，子ok嘅，不過得好少雞囉。蒜蓉通菜，好普通，爽，啱我。呢個沙冰原個，所以貴普通沙冰成蚊。為左影相而叫嘅，講真原個西瓜沙冰又係為影相，不過朋友話偏淡估佢應該無落糖水。我個菠蘿有，所以可能西瓜落少左啫大事發生啦。我地叫原個沙冰已經係到講會唔會係重用嘅生果殼呀？我仲話都算貴，而且泰國嘢都要幾多菠蘿，西瓜咁平又唔駛呀！咁照叫啦！好啦，差唔多走，我朋友整爛左個西瓜，其實我都整穿左個菠蘿嘅，但睇唔出，只係有少許漏水咁啫。佢收左個西瓜時，我見個侍應望住個西瓜個樣。。。我已經覺得好怪到收菠蘿時無乜嘢啦!點知。。。。。。轉個頭。。。。我見佢將個菠蘿殼放返去個水吧到我同自己講。。。我以後唔會再飲原個沙冰了！