泰聚 (已搬遷) 新店位置

旺角有唔少泰國野揀，咁經朋友介紹，就黎左泰聚。咁佢餐牌都有唔少選擇，唔單止有咖哩食，仲有前菜同小炒等等，揀到有排揀到想食乜。咁最後我地就叫左個泰式小食拼盤、青咖哩牛腩、肉碎粉絲湯。個泰式小食拼盤(小)都幾多野食，兩個人叫呢個都夠，有雞翼、春卷、魚餅等等。咁最好食係個春卷，因為d餡好多，而且係即叫即炸，熱辣辣送黎，非常好味。青咖哩牛腩d咖哩唔算太辣，非常適合唔想食辣嘅朋友。而牛腩方面都幾腍，而且都有好多舊。另外，叫碗白飯就咁low汁食都非常滿足。肉碎粉絲湯都有好多蔬菜係入面。飲品叫左杯龍眼冰，清清地幾好飲，而且都有不少龍眼肉。而我地亦都叫左個椰青飲，因為我地見到好多台都有叫，就想試試。椰青水好清甜，而且有好多椰子肉食。最後我地叫左個椰汁西米露作結。味道剛剛好，唔太甜，而且足料，好好味。

特別中意食泰國菜🇹🇭聽到有新餐廳介紹緊係唔放過～仲要喺太子咁方便呵呵🙈旺角東行去或太子站行去都好快到🙆🏻～呢度有唔少套餐選擇不過唔岩食都可以自己點既💁🏻～每樣菜唔算份量好多但都做得幾精緻😽😽～------------------------ 小食拼盤基本有齊最大路既小食🥗～例如蝦餅魚餅春卷雞翼同紙包雞🐥🐥～魚餅自家製幾惹味好多料🐟～蝦餅好彈牙春卷亦好多料同脆🌯～紙包雞勁有香茅葉味仲燒得好滑😌～ 柚子蝦沙律柚子好多好酸甜🦐，加埋大蝦真的幾開胃～跟住既粉絲湯就剛好清清味蕾準備主菜啦👅～芹菜味好香又多肉碎～清清的很舒服😗～ 青咖哩牛腩好惹味🐮個汁溝得好出色～入味且夠香辣🌶牛腩唔靭好滑送飯食剛剛好💁🏻～而鹽燒魚亦很不錯～外層掃了一層鹽巴再燒得香香的，未打開都聞到魚香味🌝🌝都幾大條，算抵食啦！ 食完正餐仲有甜品椰汁糕🍮同原隻西瓜沙冰嘆🍉～飽到傻啦！ 好味指數😋：7/10翻啅指數🙆🏻：6/10人均消費💰：201-400服務態度👨🏼‍🍳：6/10乾淨指數🌝：6/10

一家人揸車出太子食飯, 最易搵到咪錶泊車位都係近花園街, 原來行過少少有唔少食肆選擇, 今晚揀左間泰國菜餐廳食Dinner。平日晚收工時段, 人流唔算多, 餐廳內整潔, 都坐得幾舒服。menu上選擇都幾多, 一般泰菜既款式都有齊, 例如生蝦刺身、生菜包、馬拉盞、粉麵等等...更有多款泰式特飲, 當中最得我同媽咪歡心一定係呢兩款野飲。【原個菠蘿沙冰】份量不可看少, 沙冰疊得高高的, 菠蘿味很重, 甜甜的, 既可以當飲品飲, 更可以當甜品食。【原個西瓜沙冰】細細個既原個西瓜同樣是受歡迎飲品之一。甜度比起菠蘿沙冰稍為甜了一點, 但清新西瓜汁絕對係解渴消暑好選擇。【泰式小食拼盤 (小)】我地人少少order左個細size既拼盤, 但上檯發現份量都唔算細。包括有泰式春卷、雞翼、蝦餅、雞肉球同埋魚餅。蝦餅炸得表面乾身, 鮮甜略帶點彈牙; 魚餅入口有很重既香茅香; 雞肉球入味而且嫩滑; 雞翼juicy; 春卷脆口,而且層次豐富。呢個拼盤值得一試, 每款小食都很有驚喜!!【青咖哩牛腩】好少可泰國餐廳既青咖哩牛腩份量會咁多, 牛腩好林, 而且入味, 青咖哩有淡淡既椰香, 而且甜甜辣辣, 撈飯食簡直一流!

After taking the lesson in Prince Edward, decided to search for some good food nearby. Having shortlisted some restaurants, finally decided to do Thai food!It was still early around noon that we were immediately seated upon arrival. The restaurant was rather spacious and there were quite some decorations. Best for spending an afternoon catching up with friends!There were lunch sets served - quite some different choices, such as soup noodles and fried rice. Besides, there were also business sets.

今日去咗太子搵朋友食午餐，上網睇吓太子有咩好嘢食，見到一間食泰國菜，於是我就決定咗食呢一間，去到發現餐廳嘅裝修比我想像中好好多，環境好大，樓底好高，坐得好舒適！而我同朋友就叫咗一個泰式喇沙海鮮湯麵，而今日嘅湯麵就係我最鍾意食嘅米線，yeah!另外仲叫咗一個波羅雞粒炒飯，感覺上分量好多，我哋飲品方面就叫咗個原個菠蘿沙冰同椰青，真係好泰式風情，哈哈！先講下個泰式喇沙海鮮湯麵，真係我食過咁多碗喇沙湯麵最好食，佢嘅海鮮材料非常豐富，而個湯底味道好濃郁，完全係唔會過淡，又唔會太鹹，剛剛好，米線都好入味，配上多種海鮮一齊食真係好滿足！至於個菠蘿雞粒炒飯都相當吾錯，分量果然好多，加上上面滿佈肉鬆同腰果，真係好惹味，層次更上一層樓！飲品方面，個原個菠蘿沙冰好𥄫睛，係天氣熱嘅時候飲一啖真係無敵正，超級透心涼！而椰青都係食泰國菜絕對吾少得，大大個，仲可以食埋佢裏面嘅椰子肉，聽聞可以養顏添！整體來講，呢間餐廳嘅午市真係好抵食，坐得又舒服，值得推介！

今晚專程和老公去花園街，到泰聚食泰菜，因為上次在隔離食晚餐，見到尼度有泰菜食，說會來試試，今晚有空，就不能錯過了。紅豆冰：多左朵蘭花點綴，靚好多，濃濃的椰汁味配甜甜的紅豆，好飲！原個菠蘿沙冰：菠蘿起肉打成沙冰，飲落還有菠蘿碎肉，不會好甜，冰凍解喝！泰式炒什菜：夠穫氣，多種蔬菜和菇菌類炒成，加上少許炸蒜更惹味！金抽子蝦球沙律：將泰國金抽起肉，加入腰果，蝦球等做成沙律，酸酸甜甜好醒胃！鹽燒鮮魚：今天的鮮魚是盲鰽，用盬燒特別香，魚肉嫩滑又有鹽香味，點些帶辣的醬汁，更使魚肉味道提升，美味可口！泰式甜品拼盆：飯後甜品，我最喜歡泰式椰汁西米糕，甜度適中，椰汁味濃，為晚餐劃上完美句號！

前天去旺角花墟看看，想買盤植物為家裡增添綠化，行完後，是時候要尋找美食，四處逛逛，見到有間樓底高的泰國餐廳 "泰聚"，就入去吃個午餐啦。餐廳裡樓底很高，空間感十足，環境舒適，悠閒寫意，很不錯！中午有午市套餐和有營行政小菜套餐，都算幾多選擇，還有其他特色飲品及甜點。我點了有營行政小菜套餐的香芒炒牛肉，套餐配白飯或金邊粉、油菜、泰式例湯、咖啡/茶，我選擇金邊粉和加錢要椰青。色彩繽紛的香芒炒牛肉，大大片牛肉，牛味濃郁，肉質嫩滑，配料除了芒果，還有三色椒，顔色鮮艷，而且美味可口。 清清甜甜的冬瓜湯，好味。   金邊粉爽滑，湯底清甜，灑上炸蒜蓉，提升湯的味道，很滋味！炒得香香的什錦蔬菜，好有泰式風味的感覺，好惹味，不錯！椰青清甜解膩，飲後清涼舒爽。

今日同K小姐食飯，佢呢個選擇困難症嘅女人，諗來諗去都決定唔到食咩，結果搵到附近有呢間泰國餐廳，佢話認得掛喺門口嘅燈飾，之前都嚟過食一次覺得唔錯，肚餓嘅我就拖左佢入來了人流唔算多，比左一張四人枱我哋兩個坐，有兩張櫈俾我哋呢兩個女人放袋呢度嘅嘢食包羅萬有，套餐又有，散點又得。第一點要講嘅野食一定係我強烈推介嘅青咖哩$98(配牛腩)我自問唔係好食得辣，呢個咖喱簡直係我呢啲無辣人士既恩物，微辣，好香好滑，有啲似忌廉咖哩既味道平時嘅我都唔係好識飯，用咖喱汁撈飯唔覺唔覺就食咗一碗牛腩比較滑身嘅，牛質條理分明呢個係小食拼盤$138，岩哂咩都想試吓嘅我，當中我比較中意既就非雞翼同春卷莫屬雞翼皮脆脆地，但雞肉滑，點上甜酸醬，嫌佢太少啊春卷亦都係雙重口感，點埋甜酸醬再加分而好似糭包住嗰個其實係雞肉球。健康之選就係粉絲湯了$78，湯底清甜，粉絲都好爽口。除咗一般嘅泰式嘢飲，椰青呢啲之外，呢度嘅兩款水果沙冰都好特別好似呢個菠蘿沙冰$58，出邊好少會見到，清甜嘅菠蘿果汁底，絕對唔會太甜，上面嘅冰又可以當甜品咁食，仲可以影相呃like添西瓜沙冰就比較普遍，西瓜汁新鮮清甜，西瓜冰會被菠蘿冰甜少少，主要都睇返你自己鍾

今日去開太子 突然好想食泰國野 係街見到呢間個門面唔錯 就膽粗粗入去試下入到去見到個環境都唔錯 坐既位置幾舒服 唔洗同隔離枱手貼手咁 裝修得幾有型 環境對住餐廳黎講好重要 食得舒服d食物都好似會好味d望望餐牌都幾多選擇 諗咗好耐先決定到食咩 最後我同朋友一個叫curry一個叫炒河 價錢同份量係成正比 炒河唔會太咸 食完無口乾 試咗朋友既curry 覺得有d辣 但配飯係一流 朋友好快就清哂兩款賣相都非常好之餘 味道簡直可以拍得住之前去泰國食個d 兩杯飲品都好有風味 味道濃郁 甜度剛好 配合埋咸食 係perfect match 入面d粒粒無偷工減料 飲到最尾都仲有粒粒 朋友杯奶茶亦都好有泰國既味道總括而言 呢餐食得好滿足遺憾地太飽食唔到甜品 下次要同多d朋友夜晚黎 試埋d甜食

今日lunch 去咗食泰菜， 佢淨係午市套餐都已經有好多選擇， 而且價錢合理 ，而家喺出面食個lunch平平哋都要五六十蚊， 但係呢度就可以食到正宗嘅泰國菜環境好寬敞闊落 ，好多位，所以就算食lunch都唔使同人逼蟹肉蛋炒飯 ，上面舖滿曬蟹肉， 絕對不計成本， 收幾十蚊但係畀咁多蟹肉你， 見到都已經覺得好抵勁大份嘅黃咖哩牛腩飯， 入面係勁多牛腩 ，如果細食嘅朋友share食都可以 ，加上個黃咖哩啲咪較得好好，好有椰香， 牛腩又炆得好林 ，絕對誠意推介泰式甜品， 個心心好靚 ，見到都唔捨得食

泰國食物一向深得港人歡心，今次試試這間位於花園街的泰國餐廳。只是一個普通的星期三晚上，人流也很多，建議預先留座。原個菠蘿沙冰 ($58) 和原個西瓜沙冰 ($58) 賣相太吸引了。清甜解渴的水果沙冰，有喝不完的感覺，真是消暑一流！上面的小傘子裝飾令我想起兒時的我每次看到也會拿下來玩弄一翻。我們只點了小泰式小食拼盤 ($138)，但像四人份量。拼盤十分豐富，有自家製炸蝦餅、素春卷、炸雞翼、魚餅和辣雞。雖然炸物很熱氣，但相當香口。我最欣賞的是炸雞翼，雞皮香脆，雞肉並沒有炸得乾身，卻是嫩滑多汁的。牛肉青咖喱 ($98) 味道是bb辣，所以不吃辣的也能放心吃。咖喱很香滑，而且味道惹味十足，拌飯吃一流。牛肉切成正方形狀，所以煮得更稔更入味。肉碎粉絲湯 ($138) 是個健康的菜。湯底清淡又清甜，有很多不同種類的蔬菜，加了肉碎後口感更豐富。如果粉絲的份量更多會更好。最後的甜品椰汁西米糕 ($38) 煙煙韌韌，椰汁味也很重，但整體不覺太甜，非常好吃。

跟朋友食飯，他帶我去食泰國菜，泰聚是在太子旺角警署後面，地點方便。餐廳整齊光猛，座位舒適。本來想叫做二人餐，但朋友不太吃辣，所以放棄了，決定散叫。泰式炒雜菜：有西蘭花、椰菜花等蔬菜，加上點泰式炸蒜等炒成，蔬菜新鮮翠綠，非常爽脆。泰式小食拼盤：雞翼比較普通，外皮香脆，炸得不會太乾。香葉雞裏面包滿了雞肉，雞肉用泰式香料醃製，香料味濃，反而雞肉有點鞋。炸蝦餅外脆內軟，肉質爽口彈牙，是最好味。炸魚餅味道比較咸，但有濃郁的泰式香料混合在內。炸春卷外脆，裏面是粉絲蘿蔔等餡料，炸得很鬆脆，醮上甜酸醬減輕油膩感。青咖哩牛腩：雖然點了細的，但份量十足，牛腩都有7-8 件，而且大大舊，肉質很腍有牛肉味，青咖哩辣度比較輕，加上點椰汁的甜香味，送飯一流。泰式甜品拼盤：有椰汁西米糕、椰汁糕及大菜糕，全部甜度適中，我自己比較喜歡食椰汁糕，煙韌之餘又不會太甜，其他甜品賣相精緻。原個菠蘿沙冰：原個菠蘿中間放滿沙冰，酸酸甜甜，非常解渴，足夠兩人份量。芒果沙冰：芒果味濃而且不會酸，份量十足。總結：咖哩及小食拼盤質素不俗，所有食物飲品份量十足，價錢合理，下次會試下個農夫包，似乎不錯。

肉碎粉絲湯份量十足，足夠兩個人食，好有家常小菜既感覺，完全無味精，粉絲又夠爽口，有點魚湯味道，如果加D菜落去仲好，可以放碗白飯落去撈尼食，夠哂飽啦，不過價錢就比較貴，要成$78，唔太抵食。

平時去大坑東球場跑步，經過一間泰式餐廳，今次終於有機會一試。位於太子酒吧街後面的泰聚，正正在三育中學隔離。餐廳地方寬敞，座位舒適，適合一大班人gathering。餐廳有幾款不同的晚餐套餐。另外亦有單點餐廳，款式種類很多。甜品亦有幾款，基本上所有泰式甜品都齊全。金柚子蝦球沙律原個柚子裝著沙律，柚子肉份量很多，甜中帶點酸，還有蝦肉爽口彈牙，泰上少許紫洋及泰式香料，非常清新開胃。粉絲肉碎湯大量肉碎、粉絲，玉子豆腐及蝦肉，加上點香芹，簡簡單單，但味道鮮甜，粉絲吸收了肉的甜味，爽口不糊。鹽燒烏頭烏頭外皮燒至焦黑，裏面的肉質雪白嫩滑，魚味咸香鮮甜，完全零腥味，還有點香茅味道。椰汁西米糕表面是椰奶，下面是西米及粟米粒，有椰香之餘但不會太甜。原個菠蘿沙冰外觀精緻，份量多得誇張，菠蘿味甜中帶點酸，因為沙冰慢慢溶化，所以越飲越滿。原個西瓜沙冰西瓜味本身都甜，加上糖水，所以更甜，不過大熱天時，非常解渴。總括而言，食物味錯中上，尤其是燒烏頭是必食，店員有禮，上菜快速，值得一讚。

肚仔餓餓被路邊泰聚既午市餐牌吸引行左入去試下佢既午市套餐餐廳門面同餐牌都相當吸引價錢亦合理餐廳環境舒適闊落坐得好舒服泰聚鹵水豬脾飯hkd55豬腳超軟糯一d都五會覺得油利再連埋個泰式辣汁酸辣加上軟軟糯糯既感覺 令我忍五住咬多兩啖細味隨餐附送既白蘿蔔湯同鹵蛋蘿蔔清甜無渣 湯有少少既蘿蔔清甜味之外仲有少少既泰式風味鹵蛋都算入味西瓜冰起巨型的西瓜冰 而且五係糖水味係新鮮既西瓜汁味道而且成個佈置都好靚泰式豬扒湯金邊粉hkd45佢有3款湯底揀分別係喇沙/冬陰公/清湯湯底揀左喇沙 湯底濃郁但唔heavyd粉五錯幾滑滑到我有d誤會係河粉而佢依然係送半粒蛋連埋喇沙湯食頗有風味當然仲有重頭戲豬扒na豬扒份量都算多已經睇到佢個表面已經好重香草味食落去亦都無令我失望油脂分佈平均咬落去一d都五柴 頗有香味再加上香料 略為不錯珍多冰泰式啫哩 大樹菠蘿再架上濃濃既椰汁 口感加味覺既享受冰凍既椰汁味好濃香甜夠凍