泰聚 (已搬遷) 新店位置

今日係七夕即中國情人節，約左我前世情人爸爸吃飯今日來到位於太子嘅泰聚用饍。生意唔錯喎，我地7:30黎到，今日係星期一平日都幾乎坐滿了餐廳面積唔算細，窗邊仲有燈飾點綴下，幾矚目遠遠都望到呢間餐廳呢度出名沙冰幾乎台台都有叫，見佢整得咁靚都忍唔住叫左個原個西瓜沙冰黎到已經好開心，食落口當然正啦。個西瓜好甜，最適合炎炎夏日，一淡已經超降溫爸爸就飲椰青，好飲！不過就比較老，食唔到D果肉有進步空間，炒得比較油份量都唔少幾好味，好彩唔會好辣多D汁就仲正是日鮮魚係盲曹或烏頭我地揀左盲曹，燒得好靚仲好鮮味添，唔夠十分鐘就KO成條魚三款甜品都好好味深綠色的是班蘭糕，好香好軟熟。腳印係大菜糕，好新鮮。其餘的是椰汁西米糕都好好味不過偏甜兩個人食咗＄528，唔算貴總結: 服務態度唔錯主動幫地影相食物質素高，環境舒適，又坐得舒服回頭率100%

打風前夕照出街食晚飯，餐廳依然全院滿座，好在朋友早到拎左位。柚子蝦沙律，賣相幾有誠意，味道酸酸辣辣。雜菜肉碎粉絲，味道清清地，食菜之餘可以當湯飲添。小食拼盆有炸蝦餅、魚餅、雞翼、春卷、雞，3-4人食岩岩好。最好食係炸蝦餅，唔油又彈牙👍🏼青咖哩牛腩，牛腩份量唔多，不過青咖哩幾好食，我地仲叫左份蒜蓉包點咖哩食添👍🏼燒魚都算大條，魚肉帶香茅味，係泰國嘅味道呀！飲品方面都幾有特式，先黎係青檸梳打，成支泰國梳打水上，有風味！再黎有西瓜沙冰同菠蘿沙冰，都係好呃like😂

朋友話想食泰國野，佢推介左呢間泰聚，咁就早少少收工行埋花園街就直踩過去泰聚喇！泰聚位於花園街尾！ 原來果邊都有好多餐廳，當日8點到泰聚~叫左柚子蝦沙津！份量好多呀!起碼有5隻蝦! 柚子都唔苦唔甜! 蝦同柚子夾埋味道岩岩好！小食當然係叫小食拼盤~ 仲好貼心咁俾左2種醬小食拼盤有5款小食~ 同朋友SHARE食岩晒^_^食左D煎炸小食，緊係叫番碟炒蔬菜黎食~有少少辣，但非常開胃青咖哩牛腩！青咖哩岩晒我地唔食得辣既人~味道岩岩好，唔會好重椰奶味~菠蘿沙冰，味道好似食緊真既菠蘿咁~青檸梳打！呢個梳打水係THAI有得賣架!!!好掛住THAILAND 呀:3呢個鹽燒烏頭都好好味！好多肉冇咩骨完全冇泥氣味，另外仲有醬可以點~夠晒惹味!!下次黎會食卡農包 

好友偏愛食泰菜，但又不想每次只到九龍城聚餐， 所以便上openrice尋找一下，看看太子附近有沒有心儀的泰菜。 最後看到「泰聚」有不少好評，決定與好友試一試。 餐廳設計富有心思，樓梯高感覺比較舒適寫意， 散發濃濃泰國色彩，特別是洗手間最為有驚喜，令人感覺置身泰國之中！ 菜式與價錢都令人滿意，如果不知道如何下單，不妨試下二人套餐。 點了酸辣鳳爪沙律、泰式炒通菜、泰式明爐鮮魚、芒果沙冰及原個菠蘿沙冰。 酸辣鳳爪沙律份量很大，伴菜十分新鮮，鳳爪味道酸酸辣辣，十分開胃。 小妹覺得辣度適中，屬於微辣，十分容易入口。 泰式炒通菜有驚喜，有鑊氣而且通菜鮮綠同時不會感覺好油膩， 香味十足，味道甜中帶微辣，真的很不錯。 泰式明爐鮮魚絕對是一大「亮點」，首先份量十分多，配料超級多， 分別有粉絲、肉碎、秀珍菇，感覺超值！ 而且餐廳細心附送額外的湯，方便大家加湯， 不用擔心加熱過程中會蒸發所有湯水，感覺好貼心。 魚肉十分新鮮彈牙，配合泰式湯式顯得特別鮮甜，而且沒有腥味或泥味。 粉絲吸收湯式精華，軟腍入味，味道同樣酸酸辣辣，可以刺激食慾。 個人認為沙冰是必點單品，單是原個菠蘿沙冰已經是「睇得又飲

今晚同朋友慶祝生日，例牌壽星公話事想食咩啦。佢話來呢間，點知原來佢自己都無食過，不過都唔算中伏既，啲野不過不失，價值都ok ge.咁我地一行人，四個男兩個女（四個細食男），點左個四人餐，另加兩杯野飲，原本仲想再另外點串燒同魚既，但後尾食完個餐之後己經飽左，就無再嗌喇。總共連埋加一1200蚊。都唔算貴既，因為份量都足。服務來講算唔錯，有舉手都有人理你既，侍應都唔會黑面。環境ok，唔算太迫,但我見佢全晚都坐唔滿。呢個係我地嗌個個餐既餐牌，四人餐四杯野飲，所以我地另外嗌多兩杯。咁野飲方面就不限文字上個四杯既，仲可以揀其他38蚊既野飲，都幾多選擇架。呢個係冬蔭公海鮮湯，一啲都唔辣，仲要勁重椰奶味，同幾咸下，我自己唔太鍾意。呎個係小食拼盤，炸野都好難唔好食，不過不失。呢個係蒜茸炒椰菜苗，太油喇！泰式金邊粉，不過不失但都係偏油。軟殻蟹卡農包，椰奶味重。軟殼蟹炸得夠脆。包亦夠鬆。泰式燒雞半隻。普通到我食左都唔記得乜味，如果散嗌既呢味可以唔嗌。甜品，同飲茶個啲水準一樣。

朋友邀約，揀左呢間泰國菜，近太子地鐵站！餐廳大，擺設、裝潢舒適！叫左前菜：蝦棒蝦肉質保留，外層炸得剛好，外香內軟！冬陰公湯：二人份量，其實都幾多，料足！有吾同既蘑，蕃茄、洋蔥仲有兩大隻蝦湯濃郁，不會好辣，具海鮮味，不錯另手一小菜：海南雞半隻半份，雞肉質滑，份量足，配特制醬汁，幾開胃，吾錯菠蘿沙冰：看見餐單，便決定要叫此飲品！果然冇令人失望！原隻菠蘿挖空，裝滿沙冰，甜甜地，好重菠蘿味菠蘿炒飯：半隻菠蘿挖空，盛滿炒飯，份量足！飯炒得好香，有蝦、魷魚、蟹柳絲、雞肉粒、腰果..最上層鋪滿了肉鬆，好吸引

呢日我地黎食lunch，突然想食泰國野，間野又勁近地鐵站，正。好快就有位，一入到去，環境乾淨舒服。其實本身自己好鐘意食泰國野，貪佢夠濃味同多款式。我地總共叫左幾個餐，我地都覺得好好味！ 泰式豬脾飯（配溏心蛋半隻、芥蘭數條及湯一碗）聞就一般，但食落d汁配豬脾真係好好味，懶理佢肥唔肥！湯比想像中好飲。而賣相都排得整齊，好有心思；份量都好夠！飲品叫左洛神花有汽特飲，賣相唔錯，有粒真既洛神花做裝飾，女士必選！ 味道超香又好足料！個幾塊臘腸會食上癮，個飯炒得好入味！而賣相見到就想食；份量超大！食唔哂！ 到甜品喇：係熱椰汁膏！好新鮮好彈牙，椰汁味好香！差點忍唔住想叫多幾件哈哈。飲品就叫左西瓜沙冰，大杯到好似兩人飲咁！原汁原味！

朋友聚會，因掛念泰國菜的味道，所以黎一食。泰聚位於花園街，接近花墟，地理位置方便，入面好多座位，裝潢光鮮，空間寬堂，非常舒適。一座低就叫左原個菠蘿沙冰：原個菠蘿出現，裝滿沙冰，顏色鮮艷，好吸晴。菠蘿沙冰少甜，好消暑。泰式魚餅：四大件魚餅分成八小半，魚餅外皮炸得香脆，配上泰式酸辣醬料，好食。泰式炒通菜：泰式的做法，用上魚露炒，味道少咸，但又有魚露的鮮味，加通菜還保持脆脆的口感，不錯。菠蘿炒飯：原個菠蘿裝著：鮮蝦雞肉炒飯！份量足。飯炒得好香，新鮮菠蘿製作，菠蘿鮮甜，面層肉鬆非常鬆化，蝦肉彈牙，炒飯控必食。

泰式菜一直是我的最愛之一。今天來到太子的泰聚，位於通菜街的一隅，雖然位置比較偏僻，但內櫳雅致，裝修新淨企理。晚飯時間裏面也相當多人，明顯生意不俗。看看菜單，菜式選擇頗多，基本上說得出口的泰國菜他都幾乎有。夏天了嘛，總是想吃一點開胃菜式於是叫了醃酸辣去骨鳳爪($68)。去骨的鳳爪甚有咬口，膠質甚豐，吃得出有魚露的味道，還有些少芫荽酸薑等等，食落相當惹味。個人覺得再酸一些會更美味。另外叫了一個泰式明爐鮮魚($180)，有烏頭盲鰽兩款魚的選擇。烏頭好像到處都有，所以這次選了另外那款。果然有驚喜！盲鰽比我想像中嫩滑，冇乜骨。而且上枱時會配上一碗湯汁可以邊煮邊加湯，不怕煮乾塘。泰式炒通菜($68)與出邊其他餐廳的分別不大炒得幾有鑊氣，而且不算太油膩。顏色翠綠。這裏的飲品令我驚艶！我叫了一個原個西瓜沙冰（$58）。首先上枱非常漂亮，是用一整個小型西瓜，中間打碎做沙冰，保留了外殼。既美觀又美味，極為值得推介！淡淡香甜的西瓜沙冰入口清爽甜而不膩。令人回味無窮！中間發生一段小插曲話說沙冰上插了一把小紙傘裝飾。然後放在明爐魚旁邊，結果小紙傘着火了，着實嚇了一跳！朋友形容我處變不驚地，輕輕呼氣把火吹熄。同時

My sister friend at Kln park morning exercise group lives in Prince Edward She said on Garden street A Thai restaurant makes real whole pineapple sand iced drink 🍹 I know she is fatty so she must like iced sweet things in this summer we can see young handsome boys working Behind the pantry The sound of cutting and making ice sand is extremely attractive when I see the whole Pineapple iced flakes truly appreciate!we have a set of seafood Bamboo shrimp rolls are my life favourite The meat of the r

去完旺角shopping，行過嚟呢間泰國菜館食嘢真係超方便，環境佈置好有泰國風格，座位闊落舒適唔再講，員工服務態度同招呼都非常一流 ，小菜既新鮮又好味泰式明爐魚 - 有盲曹同烏頭，我哋揀咗烏頭魚，條烏頭魚非常大條，好厚肉 ，配合埋泰國香料放響爐上一路蒸煮 ，上湯酸酸辣辣慢慢滲透入魚肉裏面，再加上酸甜汁， 成條魚嘅鮮味都帶咗出嚟，厚厚實實的魚肉，食起來 真係好爽，不但有泰式風味 ，配合埋整體環境，感覺自己彷如置身泰國一樣。·前菜係去骨鳳爪 ，啲骨去得好清 ，食落酸酸甜甜， 好爽趣，做前菜好開胃。泰式炒通菜 ，都有啲似馬拉盞炒通菜， 菜蔬本身好鮮嫩 ，炒得好翠綠 ，食落味道雖然有啲辣辣地 ，但係好惹味 ，伴飯一齐食真係好好食。呢度嘅飲品都有好多選擇，我同朋友就叫咗個原個菠蘿沙冰， 起初以為會有啲酸，但係飲落好清甜，好冰涼， 好痛快 ，賣相都好靚 ，好有架勢 ，配合呢餐飯有啲辣辣地嘅小菜 ，係一個好完美嘅組合。飯後仲有甜品拼盤 ，都係泰式菜館常見，同經常會食到的甜品，好似西米糕，大菜糕等等，令呢餐晚飯更加圓滿和滿足!

假日行完花墟就過太子與朋友聚頭，夏日炎炎最好食泰菜。內裡樓底高，感覺很寬敞。椰青($40)，椰青肉又嫩又軟，容易挖。龍眼冰($38)，好多龍眼肉，甜得黎龍眼味都好濃。冬蔭功湯($98)份量都幾大，起碼有4-6碗，仲有兩隻大蝦，味道唔算辣，非常鮮味。庶蝦($50)，蝦肉有彈性，點酸梅醬食，非常開胃，庶身粗枝多汁唔乾，比坊間的好吃多了。海南雞半隻($168)，雞肉超滑，無骨的，配特調泰色醬，味道酸酸辣辣，好味到可以食晒成個白飯($15一碗)。食甜品都有換碟，服務不錯。椰汁西米糕($38)，椰汁味重，清甜滋潤。

太耐冇食泰國菜喇！太掛住泰國菜的味道，所以今次就選來泰聚同朋友一齊去聚聚！選入飲品時，我同朋友見到有原個菠蘿沙冰、原個西瓜沙冰，我地就毫不考慮其他就選了這兩款沙冰了！原個菠蘿沙冰半個菠蘿，挖空了菠蘿肉，放入極濃的菠蘿沙冰，好消暑呀！原個西瓜沙冰如同原個菠蘿沙冰一樣，挖空了西瓜肉，放入紅紅的西瓜沙冰，原汁原味！泰式生菜包 (牛肉)生菜包係泰國菜的特色，點會唔點嚟食呢？我地選了牛肉，肉碎放在生菜上，包起一起入口，正！肉碎本身都辣辣地，加上香草及洋蔥作配料，令整個生菜包更惹味！泰式鹽燒鮮魚哇！哇！面層舖上大量的鹽蓋滿著盲糟，未食，淨係諗都知條盲糟已入哂味！魚肉非常的滑，很鮮味！不會軟身，燒得剛剛好！魚肚內藏有不同香料，有檸檬葉、薑、香茅等等，不但可以除去腥味，仲可以令鮮味更突出！蟹肉蛋炒飯呢個蛋炒飯，頂層舖上蟹肉，份量多得很！炒飯炒得夠乾身，一粒一粒的，不會黏在一起。把蟹肉與炒飯混在一起食，味道不會太濃，但炒的份量也不少，可以分配到不少喔！因為朋友覺得生菜包的肉碎太辣，把少許的肉碎混在蟹肉蛋炒飯裡，令這個蟹肉蛋炒飯不一樣，另有一種食法！千層糕這個千層糕，入口還是暖暖的，很軟糯，不會太甜！食泰

呢日我地咁岩行完花墟就見到呢間野，未試過泰國野，所以就試下，個位置都幾方便，幾近地鐵站環境唔錯，十分寬敞，值得一讚係個廁所hahaha，又大又乾淨。我地叫左兩個午餐set，好多個都好吸引，真係唔知點揀好。第一個係泰式雞絲炒金邊粉，佢個醬汁好香，甜甜地咁，金邊粉炒得好爽口，夠鑊氣而仍然留有濕潤既感覺。雞絲好嫩滑，而配上花生碎食既金邊粉，口感一流，十分開胃，差d想叫多一碟。第二個係蝦醬青豆角肉碎炒飯，呢個飯更吸引，一上菜既時候，我地已經比香濃既蝦醬味吸引，當放入口中既時候，齒頰留香，肉碎有咬口，飯裡亦充滿油香，而且佢個伴碟好靚，砌得好有心思。我地仲叫左杯沙冰share，好香士多啤梨味既，呃like一流，但因為個飯太好食，冇影到已經飲哂杯野)))下次會再黎，好好食呀呢間野。

之前在Instagram已看過有朋友在泰聚進膳，很想去，可惜在天水圍。但近日有朋友告知已在太子開了分店，所以馬上約朋友去試！好有泰國FEEL!!!泰式魚餅魚餅經過微炸，擁有著黃金的外皮，再加上包著豆類食物，咬下去十分香脆，再點上泰式酸辣醬，吃完後不會充滿油膩感。泰式炒通菜我本身不太喜歡吃通菜，可能第一次吃過後覺得口感欠佳，所以一直都沒再嘗試，但這裡的通菜令我對通菜有新的感覺，十分爽口，而且帶微辣，上枱時仍然鑊氣十足，汁的味道不會全蓋通菜的味道，決定之後試試這個通菜制法。粉絲老虎蝦煲超大的蝦配上炒粉絲是我沒有想過的組合，一直都頂多只會用蒸的方法去制作，這次的粉絲蝦煲配白飯一流，粉絲偏咸，配合白飯剛好調和了，而且更想吃！蝦很容易脫殻椰汁糕泰式甜品一向是我喜愛的食物，實不相暪，到泰聚進膳我最期待的就是吃椰汁糕了！(ᵔᴥᵔ)這裡的甜品一點都不令我失望，有一些西米在底部，而且椰汁味道合適，想再叫多幾個！千層糕層次分明，而且咬下去煙煙韌韌的感覺很開心。龍眼冰很少有龍眼的特飲，因為較時限性的水果，而這裡竟然有！對於超喜歡吃龍眼的我，就點了這個龍眼冰。如果下次再來的話，必定會再點！