泰聚 (已搬遷) 新店位置

今次係我哋第一次喺呢間餐廳食晚餐。今次想試下晚餐的原因係，早前見到新推出嘅一人一火鍋套餐，平均每人百幾蚊就可以食到超豐富嘅火鍋套餐。所以就呢次我哋分別叫咗一個肥牛套餐同埋一個海鮮套餐，每個餐都俾唔同湯底我地揀，我地決定一試冬蔭功同埋椰汁湯底。椰汁湯底好濃郁，但係又其會搶走火鍋配料嘅鮮味，冬蔭功辣味都啱啱好。每個餐都有好多粒魚蛋，仲有粟米，金菇，冬菇同生菜，材料真係好足夠。牛肉套餐有好多牛肉， 而且啲牛肉都好鮮甜，好有牛味，咬落去都好有口感 。海鮮套餐方面，有好多唔同新鮮嘅海鮮，包括魷魚，青口，鮮蝦同埋蠔。 鮮蝦肉質彈牙 ，青口同蠔都好有鮮味。魷魚配上冬陰功或者椰汁湯底都非常鮮甜可口。 除此之外我哋仲叫咗兩款飲品，一杯係火龍果沙冰，好有火龍果味之餘又好清甜。另一杯係蜜糖檸檬沙冰 ，好解渴之餘 仲一啲都唔酸， 蜜糖味同檸檬味嘅配搭啱啱好。 火鍋配搭沙冰簡直係一流! 最後我哋叫咗個甜品椰汁西米糕，真係要畀一個大讚， 雖然食過幾次，但係一啲都唔饜，仲越食越好味添😋環境寬敞座位舒適，今次食得開心滿足!