泰聚 (已搬遷) 新店位置

正當我煩惱緊晚餐食乜好既時侯，一間充滿古色情懷既餐廳留住左我既腳步。-餐廳環境不錯，泰式既小擺設令人賞心悅目。餐桌之間有足夠嘅距離，位置寬敞舒適，私隱度充足。透過落地玻璃窗，就能夠將窗外既街景飽覽無遺。昏黃嘅街燈透過玻璃窗灑入餐桌，更添浪漫，好適合情侶約會。-我最鍾意食一人一鍋，可以選擇返自己最鐘意既湯底，唔洗同人爭🙈冬蔭公湯底火鍋打邊爐都幾特別。我叫左冬蔭公湯底同海鮮餐，冬蔭公酸味濃，辣味足，味道正宗。海鮮配料都好新鮮，生蠔肥沃飽滿，同埋我食咁多火鍋餐廳真係第一次見有鮮蝦係幫你剝埋殼，此舉非常貼心，食落更方便💕 我最鍾意就係調味料入面嘅辣椒魚露，充分將海鮮嘅鮮味帶出，辣得嚟又唔會搶走海鮮嘅原味，抵贊。最最最鍾意嘅都係跟餐送嘅沙冰，香港地真係好少餐廳會有火鍋同沙冰依個組合，一口熱辣辣嘅火鍋，然後再一啖沙冰， 根本就係人生最高享受。食到最後套餐仲跟送一份甜品，椰奶西米露清香奶滑， 正好令啱啱食完火鍋嘅喉嚨順返曬。餐廳嘅價錢適中，性價比略高， 非常滿意嘅一次用餐體驗 ，會經常黎。