泰發泰國餐廳

营业中

休息中

呢日特登出九龍城同朋友食泰國菜本身想食好出名既X姐但7點未夠去到出面已經有兩三枱所以就索性喺條街到發挖下新餐廳黎到見到呢間泰發門口光光猛猛又有兩間相連舖位入面都好多人下就決定幫襯呢間！我地三個人叫左個例牌冬陰公青咖哩雞配薄餅馬拉盞炒通菜仲有個青檸汁燒豬頸肉個人同朋友都認為佢既燒豬頸肉係最出色！青檸汁配埋一堆泰式調味同燒豬頸肉係非常夾！墊底仲有芥蘭份量非常足夠！另外佢既薄餅份量都多可能佢每塊剪細d唔會一人一塊好似到喉唔到肺咁～而且間野企理乾淨絕對會再幫襯！

泰國菜是我喜歡的菜色之一，今晚自然約埋一班好友，來到九龍城泰發泰國菜大吃一頓。先來一個清甜的椰青，非常之配合今晚的泰國菜。金柚沙律。份量有一個金柚咁多，配合泰式香料和海鮮，味道酸酸甜甜，作為飯前的開胃菜就一流。鹹蛋黃炒細蝦。這個做法和廣東菜的黃金蝦有些相似，蝦已經剝殼，用鹹蛋黃包著蝦，我覺得味道比廣式還要好。鹽燒盲曹。盲曹被厚厚的鹽包住來燒，保持肉汁鮮嫩，魚肉肉質滑嫰又鮮甜，魚骨比較少，加上魚肚內嘅香料，令魚肉嘅味道提升。泰式黃咖哩炒軟殼蟹。軟殼蟹炸得鬆軟，配合不算太辣的黃咖喱味道一流。薄餅。沾上黃咖哩，煙煙韌靱，味道就更好。鹹魚炒芥蘭。鹹魚味道很香，芥蘭炒得很脆，送飯一流。。泰式炒金邊粉。鑊氣十足，配料海鮮亦豐富。加些辣椒魚露，味道就更鮮美。

突然泰菜癮起，約齊飯腳到九龍城開餐，在城南道街頭的泰發，贏了地利，隨順進去開餐了。門口擺放了泰式蝦片，似乎味道不錯。我們點了齊魚、蝦、蟹及沙律，實行大快朵頤。鹽燒盲鰽 $119，大大的 poster 貼在牆上，怎捨得不來一客。連皮鹽燒的盲鰽賣相吸引，打開魚肉潔白 😍😍魚肚釀滿了泰式香料，魚肚位置又滑又香又惹味 😍😍。鹹蛋黃炒細蝦 $78，加了鹹蛋醬的餸菜特別咸香，特別美味。雖說細蝦，但一口是吃不完的，一點也不細 😏 鮮隻夠新鮮，質感爽口，不錯的一道菜。泰式黃咖哩軟殼蟹 $148，軟殼蟹炸得香脆，配咖哩汁是個常見做法。當然咖哩汁都不會是配角，用作伴飯，蒜包，薄餅都是超級好味的。今晚選了薄餅，點咖哩汁確是無得輸。😃金柚沙律 $68，金柚去皮大大件的，上面放了點小魚干，內面還有鮮魷，平日不太喜歡鮮魷的我也很喜歡這，完全不韌，反而有點軟腍口感，有驚喜🖒😎，多幾件就更完美。新鮮椰青 $30，椰子水滿滿的，好不清甜，椰肉嫩滑，忍不住挖得空空 😋😋泰菜一向受香港人愛戴，泰式菜館亦多不勝數。不論價錢、味道、環境、服務都用心經營，方能站穩陣腳。💪💪❣

好耐冇黎九龍城晚餐，黎得就梗係食泰國野，次次都係食泰發！每次黎都被安排入唔同分店，店員姐姐依然有禮又熱情。食日餐點：冬陰功(細)檸檬燒牛肉馬拉盞炒椰菜苗紅咖哩雞蒜蓉包(5件)泰國餐廳必叫冬蔭公，雖然係細size，但分量已經足夠兩人飲，材料豐足，有蝦、芫茜同埋有泰國香料，辣味剛剛好。泰發必叫 檸檬燒牛肉， 悉心推砌一座高山，牛肉塊塊size均勻，燒到半生熟，肉質好滑嫩，檸檬汁唔係得酸味，牛肉配呢個汁好夾！馬拉盞炒任何菜式永遠冇得輸，鑊氣十足，但又唔會鹹。此咖哩唔會辣，裡面有好多配料-豆角、青檸、洋蔥、薯仔等等，肉其實可以選擇豬/牛/雞，我地選雞肉，肉滑!為左食咖哩，特意叫蒜蓉包，塊塊好大件，又夠脆口，配埋咖啡汁，真係會食唔停口。餐廳推介

週未同屋企人去九龍城行下，晚餐當然去食返餐泰國菜🍴唔打唔撞又找到間好野食泰國菜當然要試下個冬蔭功湯呢到最欣賞係會用個爐warm住👍唔會怕凍左，湯最緊要係熱飲先正呢個冬蔭功湯合我心意，酸辣度適中😋而且香料新鮮，有種清新的香味，十分開胃又十分足料，有好多鮮蝦，仲要有膏的，令到個湯好鮮甜一行4個人各有心水小食，不如叫個大拼盤乜都有仲正😂➡炸皮蛋，中間有層蝦膠包住，蝦膠彈牙皮蛋軟滑😋炸得香口➡春卷一樣炸得香脆，入邊既餡料幾有驚喜--芋頭,粉絲,紅蘿蔔，食落芋頭鬆軟而其他有咬口😋好有口感➡炸蝦餅食落好彈牙爽口且香口，且好厚身食落好有口感👍➡炸魚餅食落好有家鄉魚餅風味且鮮味，但就較油膩少少，配返酸甜醬就可以減少油膩感➡串燒食落好香香料，但係肉質有d“鞋”，同埋個沙嗲醬不太濃郁本人係第一次食司蚶，點知一食就比生蝦刺身更愛上了😍食落司蚶係超鮮甜同肥美😋點埋個泰式酸辣醬更提鮮p.s.食個隻會有d紅色汁流出黎，好似流血咁😂個飯炒得好香同乾身，香料又好香，帶少少辣，口感豐富，而且份量都好多👍抵食餐牌👇👇總括黎講:地道且有質素泰國菜，價錢又唔貴，又唔洗加一，💸性價比高🍳🍴味道: 8.5/10👩👨服務: 7/1

成日聽人地講「咁近城隍廟，點解唔求番支好籤？」，我就話「咁近九龍城，點解唔食泰國菜呀？」，我有咁既諗法都係因為九龍城成個泰國縮影咁，大街小巷都係泰國餐廳，所以今晚黎到，諗都唔駛諗就隨意走左入其中一間泰國餐廳喇呢間泰發係係九龍城既城南道，入面地方雖然唔大，不過就有兩個鋪位，裝修就比較簡單樸素，環境似足泰國當地既餐廳咁，夠晒風味。Menu呢度由泰式小食、沙律、串燒、咖喱、主食、海鮮、菜類、飯麵、甜品、飲品等等...有成百幾種選擇，梗有一款arm口味檸檬燒牛肉$119呢個燒牛肉係呢度既招牌菜，牛肉燒到半生熟，肉質嫩滑軟腍而且多汁，配埋大廚既秘製醃料同檸檬汁，格外清新醒胃，好有食生蝦點醬汁既風味，加埋爽口既冰芥蘭墊底黃咖喱炒大蜆$128呢個黃咖喱香濃唔辣，仲有少少甜，配埋大量洋蔥配料，好惹味，至於d蜆又真係大大隻，仲隻隻蜆肉都厚身冇沙tim蒜蓉包$26蒜蓉包烤得夠酥脆香口，而且蒜蓉味濃泰式炸蝦餅$63呢個蝦餅外邊有炸得酥脆既薄衣，咬開就係彈牙爽口既蝦膠，食落仲有蝦味tim泰式炒金邊粉$58呢個pad thai大大碟，好抵食，仲有齊甜、酸、鹹、辣，好正宗

換左新工，舊公司GE朋友仔就要約出黎先見到了，朋友仔鐘意食泰國野，咁簡九龍城食好西一定無死啦！本身諗住同朋友系九龍城行一轉先，睇下有咩岩食就入去。點知行過見到鋪入面GE員工都系泰國人GE輪廓，朋友仔就話泰國人煮會比較有泰國正宗風味，於是就話要入去試下佢GE底蘊。坐定定即系叫杯野飲先，珍多冰($25)，入面有椰汁、椰糖、碎冰同綠綠紅紅GE啫哩條，飲落甜甜地，都幾透心涼又解渴，唔怪得東南亞咁興呢款野飲。去得泰國餐廳，朋友仔話唔洗睇Menu就已經知自己要食咩，一開口就話要食泰式炒金邊粉($58)、青咖哩雞($68)加簿餅($26)、冬蔭功明爐魚($148)同馬拉盞炒椰菜苗($68)，好啦，XD就等朋友仔拍辦啦，哈哈！有真系有齊哂呢D菜式Bo。泰式金邊粉，$60蚊都唔洗就有，勁抵食，店家落好多料俾我地，雞肉、蝦仁、芽菜、炒蛋、韮菜，金邊粉炒得非常有火喉，金邊粉會有D脆口GE感覺，而調味方面亦剛剛好，唔會因為落得太多蕃茄汁而太甜。好食！冬蔭功明爐魚，冬蔭功湯底本身已經非常香辣野味，好重GE椰香味，D湯汁滾下滾下，而冬蔭功湯開始滲入明爐魚，魚肉除左滑嫩之余，仲非常入肉，食極停唔到口。青、黃同紅咖哩

個日六點已經肚餓，咁啱經過呢間泰國餐館，見到OpenRice上面評價唔錯就入去試吓，估唔到呢間餐廳人氣爆燈，閒日竟然七點都未到就坐滿！！兩個人總共叫咗一個飯，一份蒜蓉包，再加兩個餐廳推薦嘅菜式。青檸汁燒豬頸肉豬頸肉嘅份量都幾多，配上酸辣嘅青檸汁十分開胃，比平時食開既燒豬頸肉更加惹味！椰青焗咖喱海鮮裏面嘅海鮮好豐富，例如蝦、魷魚、青口等等，食極都仲有，而個醬汁就係同咖喱蟹嗰種好接近，甜甜地辣度唔高，大人細路都啱食～叫得咖哩當然要叫一份蒜蓉包啦！芋頭焗飯，好大煲啊，所以我哋兩個最後食唔晒，欣賞佢個飯配料好多，啲餸多過個飯但係略嫌芋頭香比較淡。價錢公道，食物質素唔錯，難怪成為區內既人氣泰國餐館

今日尊誠到九龍城食泰國菜，當然要找一間老字的，揀了間開業20年，可算是區內最有歷史的泰國餐廳，泰發泰國餐廳。餐廳長方形，枱擺設得很整齊，牆上貼滿了餐廳的推介菜式，有我最愛食的咖哩蟹，串燒雞腎， 檸檬燒牛肉， 檸檬蒸盲曹，盲曹沙律 ...等，圖文並茂，淨看相片已令人垂涎欲滴。今日要了個檸檬燒牛肉，燒到剛好六成熟，檸檬燒牛肉經大師傅秘製醬汁醃製烤至半生熟，肉質軟淋以冰芥蘭坐底，味帶燒烤的香，牛肉軟腍有牛肉味，如果多一個汁㸃會更正。木瓜沙律木瓜沙律有花生碎及車喱茄，有小花蝦，花生碎很香口，車喱茄帶少少酸甜，令帶㸃爽口的木瓜沙律非常惹味及有口感。泰發香4魚沙律盲曹沙律有木瓜有香茅，原條新鮮魚經過煎炸，肉質香脆，配上大量青芒，蒜頭香茅等材料，味道酸甜帶點小辣。每一口以生菜包著魚肉及配料，非常醒胃。餐廳介紹得淋漓盡致，說出了我現在食泰發香茅魚沙律的感覺，非常好味，非常推薦。梳打檸檬水原本想隻要一杯的，但喝過一杯後，感覺清甜中帶酸甜的味道非常好喝，所以我再叫多一杯。

見去開九龍城，當然要去食翻餐好嘅泰菜哩度sell地道，基本上想食嘅泰菜，都會有得嗌，而且8點幾黎到，都一樣好多人，証明真材實料！生蝦刺身夠晒新鮮，勁鮮甜，無得輸！豬頸肉點辣汁係一個完美嘅配搭，而且切嘅厚度適中，好有口感馬拉盞通菜夠鑊氣，又唔會太油，爽口咸度適中，正！生菜包除左要啲肉炒得香之外，話明生菜包，當然要生菜夠新鮮！睇相都見到啲生菜嫩綠食，配埋炒香左嘅肉碎，伴埋香料，真心一流炸蝦餅炸得剛剛好，唔會炸過火，唔會太油膩，香口又脆，一流呀蝦醬炒飯一黎到已經好香，撈埋面頭嘅肉鬆，好搭調，份量亦一啲都唔少，好扺飯呀！嗌左芒果汁同椰青，各自都好出色芒果汁冰凍又夠晒味，椰青又清甜

話說近排返工忙到狗彩，幾乎無自己私人時間可言😢，但都係要捉緊時間找找身邊既水桶友出黎，邊食好野邊大吐下苦水。人在九龍城，偶爾經過【泰發】其實都會俾佢嘅門面吸引，唔係因為佢有華麗嘅裝潢，而係因為有朋友說過好好食好正宗又唔貴而且評語都唔錯！所以問問有沒有位置，員工說有，那就入去乖乖坐定去等朋友，因為聽聞事關佢地都成日會Full House既!😜等緊朋友個陣同姐姐們聊聊天呢度主打正宗泰北菜式...老闆娘至待應均為泰國人，而師父更特別由泰國邀請到港做呢度既大廚，雖然全部都係泰國人但係每一位都懂廣東話！好勁啊！呢度細細地，長方形格居但挺有感覺的！入座後客人都不少，愈夜愈後更座無虛席。另外餐廳內牆上貼滿了推介菜式， 檸檬燒牛肉， 盲曹系列...等等完全樣樣都好想食，目不暇給。❗❗不能受辣的朋友緊記...落單前講一講，因為泰國人一向能接受辣味，所以會重手小小，但師父都會因著客人口味親自調製出能吃的辣道。等了一會先點杯...珍多冰 $25很多人以為珍多冰是泰式或越式甜品，但只對了一半﹗ 珍多冰其實來自印尼，後來傳偏東南亞其他地區，成為極流行的特色飲品，上至高級餐廳下至平民餐廳都極為大賣...珍多冰由珍

食正宗泰菜, 一定係去九龍城!今次就去左城南道泰發, 綠色招牌黃色字, 好sharp~一入到去老闆娘同侍應都係泰國人, 好好笑容好nice呀!好似去左泰國咁~1.檸檬燒牛肉 $119掀開餐牌第一道菜就係佢, 招牌菜緊係要試試佢!-牛肉份量足料, 堆成牛肉山!-牛肉半生熟, 肉味濃郁-配上辣椒蒜蓉青檸汁, 又香又辣又開胃-牛肉底下嘅芥蘭雖然係配角, 但可以中和返食得太多牛肉嘅膩感2.泰式黃咖哩軟殼蟹 $148-軟殼蟹香脆又方便入口, 沾上黃咖哩, 味道更上一層樓-配菜青椒洋蔥等等, 爽口香甜-黃咖哩味道溫和, 一家大細都岩食3.蒜蓉包 $26-食黃咖哩又點小得蒜蓉包-蒜蓉包焗得夠脆-牛油味濃郁, 加上黃咖哩汁, 滿足嘅極致呀!4.泰式炒金邊粉 $58-金邊粉炒到酸酸甜甜, 好開胃-有蝦,雞肉粒,魚片條夠曬足料-花生碎好貼心咁放埋一邊, 如果有唔食花生嘅朋友食就方便好多!5.蒜蓉炒芥蘭 $59-蒜蓉芥蘭香噴噴, 清清地都唔錯!飲品就叫左一杯珍多冰,一杯芒果沙冰兩杯甜度剛好又解渴, 食泰國菜小不得!總括黎講, 九龍城泰國菜每條街都有幾間,要突圍而出有一定難度, 但泰發食物質素水準高,所以以後

九龍城出名多泰國餐廳，今晚專登去行返轉，希望揾到正宗泰國菜。行經城南道時見到呢間泰發泰國餐廳，從外面望入去見到侍應似乎都係泰國人，心諗呢到唔知可否食到我仲意嘅野？😜坐低後見到餐牌有青檸汁燒牛肉，應該係好好嘅開胃菜，所以叫咗嚟試！侍應送到時見牛肉係層層疊成座山咁，山頂仲堆滿蒜蓉同辣椒，見到個樣即時胃口大開😛牛肉好腍，加埋青檸汁同蒜茸辣椒一齊食，酸酸辣辣啱哂鐘意食辣嘅我😋鐵板蠔仔蛋鐘意食蠔嘅我，呢道菜一定走唔甩，蠔仔夠肥，配埋爽口牙菜同蛋一齊食，香口得嚟又唔會覺得滯咸魚炒通菜咸魚炒過之後，香味更特出，加上通菜一齊好惹味。青檸汁蒸盲鰽烏頭就試得多，今次就試下盲鰽，青檸湯底煮到盲鰽入晒味，魚肉仲好嫩滑，正👍🏻珍多冰椰香味濃，我超仲意平時食親泰國菜唔平，但今晚食咁多嘢都係四百幾蚊，真係抵😃

我發覺我就嚟食晒全個九龍城嘅泰國餐廳架啦而我比較鍾意食啲傳統舊式泰國餐廳多啲。。今日行過城南道頭，見到呢間餐廳其實都爆滿晒架啦，但係門口唔使等位，於是就諗住幫襯啦，心諗就算要等位，我都係第一個啦，好快就有得食🤪🤪🤪結果如我所料好快就有位啦，原來呢間泰國餐廳主打檸檬烤牛肉，因為幾乎每台都會嗌，我哋梗係唔執輸啦，跟大隊架嘛😝😝😝我哋最後嗌左生蝦，檸檬烤牛肉，燒鯽魚，青木瓜沙律，鐵板蛋消蠔同埋芒果沙冰生蝦首先到先，生蝦好肥美呀，而且仲有炸過既蝦頭伴碟，好靚呀😍😍😍嗰檸檬烤牛肉到左，賣相不錯，不過略嫌烤得唔夠喔，可以再烤得香小小😝😝😝嗰燒鯽魚烤得岩岩口，火喉真係好重要，啲魚好滑，配埋啲泰色辣醬，真係食極唔停口至於個鐵板蛋蠔都不錯喎，又係人氣精選既菜式呀，如果啲蠔肉多番啲就好啦😙😙😙😙😙😙買單先發現原來唔收+1，真係好有良心

人人都知九龍城食國菜最出名，泰國菜酸酸甜甜，開胃又惹味，今日心思思又想食泰國菜，與先生來到九龍城，揀了間開業20年，扎根九龍城，可算是區內最有歷史的泰國餐廳，原來這裡的廚師都是泰國師父，特別由泰國邀請到港，喜愛食泰國菜的我當然要試嚇了。餐廳內牆上貼滿了推介菜式， 檸檬燒牛肉， 檸檬蒸盲曹，盲曹沙律， 咖哩蟹，串燒雞腎....令人目不暇給。我們要了食泰菜最有特色的冬陰功明爐盲鰽$148。明爐有給我新鮮滾熱辣的感覺，所以我特別喜歡，冬陰功明爐盲鰽上枱，真是非常吸引，面上鋪滿了芫荽蔥，秀珍菇，泰式菜特有的香茅，車厘茄，洋蔥，娃娃菜，南薑，檸檬葉.....，材料豐富。之前食過是明爐烏頭，明爐盲鰽我是第一次食，原來盲鰽比烏頭多肉，肥嘟嘟，肉質也比較嫩滑多汁，再㸃上酸辣醬，非常惹味。泰式蝦香料沙律$68。有大量蒜片，香茅，辣椒，紅蔥頭，味道酸甜惹味，第一次食這麼野味的鮮蝦沙律。新鮮原個西瓜汁$40。飲品要了個有史以來食飯第一次要的原個新鮮西瓜汁，嘩，整個西瓜多汁多肉又夠清甜，可兩個人分享，超讚。