泰發泰國餐廳

营业中

休息中

去到九龍城當然要食泰菜啦，因為得我們兩個人，入到去本來我們是坐四人枱的，但因為有人客來，所以要我們搬過隔離鋪，坐二人枱，本來都嬲嬲豬的。但我們都照食，因為懶得行。叫了一個泰式白雲鳳爪，不過鳳爪就好似好堅固，咬口辛苦當然要叫串燒雙併，雞加豬。雞幾好食，不過🐷就怪怪地，唔好食。叫了一個泰式通菜，鹹鹹地，麻麻地。加1個炒粉不錯。

今日泰興起想食菜國菜，都唔理交通如何，6時便到達呢間泰發餐廳，叫左好想食的- 炒金邊粉，內有虾同3塊雞肉，熱辣辣好有獲氣，酸甜味剛好。- 黃咖哩豬肉配上蒜蓉包咖哩唔辣內有大量洋蔥青椒，豬肉大片而且滑，但偏咸了一些，其實配飯最正，但怕太飽.- 鐵板蠔仔炒蛋蠔仔新鮮，蛋炒得都滑，底配上大量芽茶，唔怕太漏，👏👏

係九龍城食完泰國菜，緊係要食返個泰式甜品「芒果糯米飯」，今次我地就去咗泰發😋佢個💛芒果五色糯米飯係即叫即整！張梁點餐👦🏻🧒🏻$63 芒果五色糯米飯評分（10分滿分）：8⃣食評💬：平時食開都係白色飯，之前喺泰國機場見過有紫色飯，第一次見有五色飯，非常吸精🤩即叫即整既好處就係，啲糯米飯係暖嘅☺而椰漿奶滑香濃，仲一大兜放咗係側邊，自己想落幾多就幾多👍🏼五色飯除左黑色飯外，其餘四隻色都係一般糯米飯，只係用咗蝶豆花同斑蘭汁染成，而黑色就零舍特別，因為佢係用咗黑糯米去整😍所以更有咬口更煙韌！芒果香甜多汁🥭，一啖芒果一啖淋咗椰漿嘅糯米飯🤤簡直係大滿足！

黎到九龍城最多人都會食泰國美食，今次難得黎到當然都要試下。兩個人叫左黃咖喱雞、鹽燒盲鰽、炸蝦餅同木瓜沙律，仲有芒果沙冰同椰子冰。講下值得推介既炸蝦餅，炸漿吾厚而肉質彈牙，新鮮炸起好好味，而醬汁就係普通既甜酸醬；而木瓜沙律味道調得幾好，酸甜度適中，而木瓜絲爽脆，食完好開胃。而令我有少失望既就係黃咖喱雞，咖喱味吾重而且吾辣亦吾惹味，洋蔥又比較生，而且食落發現雞有怪味所以叫左佢換，最後換左牛肉，但亦覺得味道一般；而鹽燒盲鰽係連皮燒既，夾有吾同既香料在內，但肉質就比較霉，個人覺得較一般。而比較已椰子冰同芒果冰，就會揀椰子冰啦，椰子味相當濃，配合泰式美食就更夾。整體黎講今次係有點少失望，冇想像中既驚喜，而且位置亦比較窄，而且價錢亦吾算平

上個月尾同同事慶祝生日，同事揀咗食泰國菜於是去呢間試下，平時食果啲都係不過不失，估唔到呢間有驚喜喎，味道好味好有水準，我一定會再去的😋😋😋我同事之前食過燒雞翼話係必食，不過今次我哋4個人已經食唔到咁多，所以無叫到。

九龍城多泰國菜，但我食黎食去都係最鐘意泰發！佢好在有大枱，我次次都成幾十人去都夠坐！不過變咗要一款叫兩至三份，因為佢份量唔太大，但又好好味！每次例牌叫燒牛肉，外面個層熟但裡面仲生生地，第一次咁食好正！ 同埋都算特別因為唔係到到都有呢道茶嘛！今次都叫埋螄蚶🤤🤤配佢個酸辣汁好好味好鮮甜！好彩食完都無肚痛無唔舒服🙈佢仲有個椰子海鮮飯都好出色，真係成個椰青裡面裝咗個白汁海鮮飯，食落去好有椰香味！飲品方面可以叫青檸沙冰，配泰國野食好開胃好涼爽，好有係泰國食野嘅風味😆

呢個朋友第一次食！又叫咗招牌牛肉，連尼位外國朋友都話好食！不過今次辣左少少！然之後叫咗個蠔仔蛋！蠔仔夠大粒！夠鮮味！然後再叫咗個生菜包，啲豬肉夠鮮！佢竟然食得出係半肥瘦！真係要介紹多幾個朋友！

我同屋企人都好鐘意食泰國菜🇹🇭😂差不多係九龍城既泰國菜都試得7788😂😆又心癢癢想食就是旦搵間試下啦😚今次試呢間泰菜 真係ok wor👍🏻👍🏻👍🏻最推介既就係呢個檸檬牛肉👍🏻👍🏻👍🏻我屋企人怕辣 所以汁另上但係汁真係一定要點架😋😋😋呢2個都好好食最推介係雞腎串燒😂👍🏻完全估唔到咁好食呀 熱辣辣wor仲要唔硬 d汁又好好味😚個雞都不過不失呀屋企人就覺得酸左dum 呢個就真係麻麻 唔洗嗌呀不過d位就真係坐得麻麻地舒服 坐唔得耐🙈

同標題所講嘅一樣試過一次之後真係返唔到轉頭，我本身呢就唔係好食得辣野嘅，見到朋友介紹咁就去試一次啦，仲好記得第一次去嘅時候我仲未食得牛肉，所以食完第一次之後都未至於愛上左食，直到第二次去我終於食得牛肉啦，試過之後簡直可以話一個餸餸一個飯！啲牛肉淋得黎有質感，嗰個醬汁雖然酸酸辣辣，但係個辣到適中！完全唔會辣到你食唔到！反而係好想繼續食，底層鋪左一啲芥蘭，吸晒嗰啲汁同牛肉汁，又係超正！總括嚟講我一定會再次返去食

本人鍾意食酸酸辣辣嘅野，所以必食0檬燒牛&香茅鱼沙津。燒牛肉夠霖，个汁夠濃鱼起肉炸再擺沙津上面，一片鱼一啖菜絲又脆又爽口加多碟菜&濕炒河，3个女仔剛剛好，每人都係百多d，抵食

蒜蓉炒翡翠苗。這個菜我覺得比較有特色。首先他們用很香的蒜蓉炒 非常有鑊氣,最啱冬天食。其次翡翠苗很新鮮,就好像農夫剛剛收割好一樣，吃出那份真誠及誠意。海南雞飯這是我阿姨的最愛，她年紀比較大。已經冇牙，但係仍然能吃到他們的海南雞飯，主要是雞肉嫩滑無骨，很多餐廳也做不到。覺得唔錯。

九龍城出名食泰國菜，而且越開越多，開始好多都係質素麻麻，平時我都係食開某幾間，因為試過好多間都無回頭，食物質素參差。今日年初二，唔係好多都開，經過呢間好似幾多人就入左去試下首先當然要叫個生蝦刺身呢度嘅生蝦刺身好好味，好耐無食過咁厚肉大隻嘅生蝦刺身咬落爽口新鮮，配埋蒜頭辣汁好正真係必叫而且蝦頭仲炸埋比你，真係香好好味另外喜愛食蝦餅嘅我當然要叫返一碟，蝦餅幾彈牙，炸到金黃香脆，而且份量都多，唔錯。生菜包都係值得推介佢嘅香料味好香，我地叫左小辣試下，下次可以叫辣dd肉碎好香，調味剛剛好，好有泰式風味生菜又超新鮮，正呀黃咖喱雞反而就一般，咖哩唔夠香同辣，但雞肉都ok。蒜蓉包就好香牛油味，幾好味，如果蒜蓉味再濃d就好了另外叫左椰青，呢度椰青好抵，只係$30，出面一般餐廳都要$40，而且超甜可能當做埋單都係$380左右，食物好食，都算抵食。

🦐泰式乾炒海鮮河（🤤8/10）呢個炒海鮮河係我成餐覺得最好食既野，唔單止係炒得夠鑊氣 夠乾身，材料亦都好豐富 幾足料 有海鮮 菜同啲蛋呀咁，調味做得岩岩好，聞到都覺得好香，無咩好油膩既感覺，幾出色。🔽🐷泰式燒豬頸肉（🤤6/10）呢個燒豬頸肉肉味就有啦 但係就真係太乾啦，無咩肉汁 。咬落口質感都偏硬 從啲肉既形狀都睇得出燒到乾晒 ，啲埋個辣辣地既汁食都仲好少少既。🔽🍚芒果糯米飯(🤤6.5/10)都俾足一個芒果既量既，而且仲有幾種唔同顏色唔同口味既糯米飯，雖然味道就唔太食得出有咩大分別，不過用幾種顏色黎整都算幾有心思，可惜既係芒果唔當造，會比較酸一啲。📍泰發泰國餐廳📍九龍城城南道8號東昇閣地下

九龍城呢個「小泰國」泰國餐廳多到唔知揀邊間。今次周圍行下隨意咁揀左呢間「泰發泰國餐廳」🤤當日係閒日夜晚，入座時間尚早，餐廳未有咩人，但到左7點開始餐廳嘅人就越黎越多。冬蔭功湯（細）味道好正，份量以及材料都好充足😋雖然冬蔭功係重口味的食物，但飲完唔會好口渴㗎。呢個「檸檬燒牛肉」一定要試，絕對無得輸！聞落好香之餘，食落牛肉仲要好滑好淰，少少辣味更加提出牛肉的肉香味。為左再食呢個檸檬牛，一定要再幫襯「泰發」💪🏻最後用「香葉雞炒飯」作結，米飯黏黏韌韌、香香辣辣好開胃。不過一不留神食中辣椒碎就真係會辣到要即刻飲水。一定要回頭再試其他菜式😋😋😋

今日去左九龍城揾食地道泰國菜，朋友推薦這一間，店舖設計簡單的小店，入面所有侍應都是泰國人來的，而且價錢實惠貼地，物有所值，都見到同一條街有2間。椰青: 好清甜，新鮮多水，椰子肉都好易拆來食，聽人講椰子肉唔實就係新鮮喇！啖啖肉吃光光都飽幾成。哈哈，我同朋友都係愛吃菜之人，專登叫不同泰式炒法嘅兩款菜試試。泰式炒椰菜苗(上): 這個不太辣而且味普通一點，而上面鋪滿了炸蒜蓉香口點。馬拉盞炒飛天通菜(下): 有埋洋蔥多汁又辣啲，我自己比較喜歡食呢個多啲，好香口。冬陰公湯: 足料冬陰公湯，好多秀珍菇同大蝦，而且味道適中不會太油，2人食點小碗份量便可。鐵板蠔仔炒蛋: 蠔仔份量夠多又新鮮，底舖滿左芽菜，蛋炒至金黃色點埋醬汁食一流。果然係招牌菜。芒果糯米飯: 五色糯米飯🍚賣相都夠靚，而且芒果都好鮮甜再加埋甜甜的椰漿，無懈可擊，不同顏色的糯米飯有不同的口感。這間地道平民小店價錢大眾化值得一食，正宗泰國菜，好食。