泰發泰國餐廳

营业中

休息中

自從係泰國返黎之後 都冇食過泰國菜今次同🐷仔黎到九龍城嘅泰國大擦一餐先叫咗個酸辣無骨鳳爪沙律 ($58) 開一開胃酸辣程度啱啱好 絕對係開胃嘅首選之後叫咗個黃咖喱雞 ($78) 配蒜蓉包 ($26)呢個咖喱嘅味道同其他餐廳唔同應該係因為佢哋加咗紅椒青椒作為調味仲有陣陣嘅椰香味 真係好好食呀👍🏻至於肉碎生菜包 ($58) 比較鹹不過配上生菜食就啱啱好啦而我最期待當然係我第一次食嘅鹽燒盲曹 ($119)佢嘅香料味都幾重嘅 但條魚真係太好少骨啱晒好怕食到魚骨嘅我 所以我都好推薦大家嚟試吓最後叫咗個芒果糯米飯 ($63)呢次係我第一次見到有五色嘅糯米飯芒果好甜 同啲椰汁同糯米飯真係好夾🤤________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

我地晚上未夠8點到餐廳, 已經差唔多座無虛席, 非常旺場! 餐廳提供食物種類非常之多, 價錢大眾化, 份量又足, 而且不用加一!鹽燒盲鰽 $119  上碟嗰下好震撼, 因為條盲鰽係好大條! 盲鰽的魚皮已經被燒至硬身, 好輕易將盲鰽的魚皮整片打開去除!盲鰽肉質嫩滑, 充滿肉汁, 非常鮮味! 而且餐廳將大量香茅放入魚肚內一齊燒, 所以盲鰽魚肉帶有淡淡香茅味!點少許泰式酸辣汁, 同少量烤脆的鹽花, 香濃惹味, 非常推介!  香葉辣椒肉碎炒飯(豬) $55  炒飯份量相當多, 賣相吸引! 整個炒飯口感豐富, 味道也夠辣, 而且油香四溢, 好滋味 ! 馬拉盞炒通菜 $59 通菜非常新鮮, 十分爽脆! 份量同樣好多, 大大碟!  通菜加上馬拉盞, 辣椒, 蒜頭一齊炒, 入味之餘, 又夠鑊氣! 好味到食唔停口!芒果糯米飯 $69餐廳一點都不吝嗇, 用上一整個泰國芒果,  糯米飯都有5大團!泰國芒果清甜香滑, 糯米飯煙煙軔軔, 配合椰汁一齊食, 好美味!而且餐廳好細心將椰汁分開上, 可按個人喜好加入椰汁份量!  泰象啤 $30可樂 $13

這間泰國菜價廉物美！大家都知道在香港吃泰國菜不便宜，動輒每人要200元。但這間不但相對便宜，還很美味！而且服務員十分熱情，還為我們推薦了一些正宗的泰國菜飲品方面，我們點了椰汁冰，清甜可口。裏面還有椰絲，增添口感。我們點了一客芒果蟹肉炒飯。香甜的芒果配上鮮味的蟹肉，鹹甜配搭得很好。而且，價錢不貴但飯的份量足夠四人吃！跟朋友來食點一客便足夠。餸菜方面，我們點了蒜香炸蝦。蝦肉彈牙多肉，而且廚師貼心地把大蝦切開兩半，方便我們把蝦肉挑出來吃。最後，是服務員推薦的炸魚！炸魚是酸辣口味，十分開胃，而且不會太辣。細心的廚師先把魚肉起了出來，然後切片，最後才炸，方便食客直接夾起用生菜包著一起食。整體來說，我會再次光臨！

九龍城有小泰國之稱，想食泰菜就多數會入黎食，今晚朋友忽然話好想食泰菜，我即刻推薦去泰發食啦，泰發係泰國人打理，主打正宗泰國菜，食過幾次，質素有保證。先叫左個生蝦刺身生蝦新鮮大大隻啖啖肉，爽脆夠凍，再配埋佢個自家製泰式辣汁，開胃惹味！炸蝦頭炸得勁香脆，粉也不會太厚，一啖蝦一啖泰啤，超爽！泰式白灼螄蚶以前多數吃開的都是生醃螄蚶，味道偏重，對比下，我更喜愛白灼，灼一灼，半生熟，容易打開殻，亦可保留螄蚶既鮮甜，好好好吃。招牌菜 檸檬燒牛肉份量很多，機乎每次都會叫，牛肉燒至半生熟，肉嫰，肉質非常軟腍，雖然醬汁味道濃烈，但仍然蓋不了濃郁既肉味，無論點唔點醬，都係好食。咖哩炒大蜆蜆好大隻，食落無沙，鮮甜彈牙，咖哩味道亦不錯，唔會特別辣，配飯或蒜容包都一流。蒜蓉包火候剛好，面頭脆卜卜，裡面軟綿綿，蒜香和牛油香十足！ 芒果糯米飯用上泰國芒果，清香滑溜，糯米口感QQ的，香氣濃郁，最欣賞佢係另外上椰汁，椰汁份量多，每一啖都可以撈到勁多椰汁。食埋甜品，好飽好滿足。

又黎到九龍城食泰國菜！今次主要想搵正宗嘅泰國菜食，所以決定食呢間由泰國人主打嘅餐廳，一嚐正宗泰國菜嘅滋味！呢間泰國餐廳鋪面唔算好大，二人四人或者更多嘅人都有自己獨立嘅枱，唔使同人哋share。餐廳嘅牆上面貼咗好多佢哋嘅招牌菜，揸唔定主意食咩嘅話，望下啲相，見幾吸引就嗌佢啦餐牌有好多嘢食呀，好多唔同嘅種類。即使係同種類嘅亦都有好多唔同嘅煮法。樣樣都好想食呀！！不過今次得兩個人食，食唔到多，下次要叫多啲人嚟先得！！ 首先嚟個馬拉盞通菜...平時去親泰國餐廳都會叫馬拉盞通菜！不過食得太多hea炒嘅...已經冇期望。可能就係因為冇期望，今次終於有驚喜！！！ 呢間泰國菜嘅馬拉盞通菜係我搵咗好耐，再想食返嘅味道呀！！ 馬拉盞嘅味道好濃郁，每一條通菜都沾滿曬汁料，非常好味！！黃咖哩炒大蜆 好大碟喎...每隻蜆都好大隻好新鮮，同黃咖哩好夾。 既然點咗咖哩，點可以唔叫埋蒜蓉包呢。蒜蓉包不論就咁食，定點埋咖哩一齊食都非常之脆口，好香蒜蓉味點埋咖哩一齊食又有另一番風味，兩者非常之夾鐵板蠔仔蛋店舖一啲都唔吝嗇，成個鐵板裏面有好多好多粒蠔，個人覺得唔係蠔仔咁簡單，一啲都唔細粒 ！夠新鮮！成碟滿滿的，好滿足呀！！

今日和家人到九龍城吃泰國菜，經朋友介紹，要吃好味又抵吃的泰國菜，可到泰發泰國餐廳，我們便到此一試。看看餐牌真的種類很多，價錢又大眾化，我們毫不猶豫的叫了不少的菜式。黃咖哩雞，顏色亮麗, 混合蛋花、青椒、洋蔥， 吃了一口，味道濃郁惹味又不太辣，很適合我們一家人的口味，立刻叫了兩碗白飯，一會兒便吃光了。蒜蓉包很香脆，配合咖哩汁真是非常好味。魚露雞，雞肉嫩滑，整個靈魂之處便是他會附送的泰國汁，好像畫龍點睛一樣，令到雞件非常惹味好吃，不錯酥炸蒜子豬頸肉，賣相很靚，豬頸肉入味可口，有水準。椰青焗海鮮飯份量真不少，上面鋪滿腰果、魷魚絲、鮮蝦，裏面的椰青白飯帶有很香的椰青味道，甜甜的，很好吃，令人吃過不停。蝦醬炒飯有很香的蝦醬香味，但又唔會太鹹，令人胃口大開。馬拉盞炒通菜，非常惹味，好送口，我們很喜歡。泰式乾炒牛河夠鑊氣，大大碟，抵吃。

九龍城出名多泰菜食，呢間聽朋友講過係正宗泰菜，廚都係泰國人，最喜歡地道菜，原汁原味！冬蔭功湯揀左細size，蝦頭、菇、蕃茄...一飲落就真係同平時唔同，好明顯足料，偏香辣，食完都出汗，好爽！酸辣無骨鳳爪爽口偏辣，哈！雖然我唔太食得辣既人，不過果種辣係會想追食，好開胃果種！ 洋蔥好入味！菠蘿炒飯好足料菠蘿、大大舊魷魚、雞肉、蝦、腰果，加上肉鬆吊味！6串串燒 豬+雞小小燶邊好惹味，即使唔點沙嗲醬食都好夠味！芒果沙冰鮮果味，唔係果d糖水合成味！地方黎講旁邊仲有個鋪位，鋪出面都有車錶位，好方便！

今日朋友提議去九龍城吃泰國菜，話有好介紹，為食的我當然舉手贊成，有人帶路，何樂而不為呢?泰發泰國餐廳屬於地道泰國人開的餐廳，在城南道8號，有兩間店舖頭連在一起。望望餐牌，嘩!價錢一D都不貴，又不用加一，非常抵吃。呢一間餐廳嘅第一推介，檸檬燒牛肉，當然要試一試啦!生熟度控制得很好的牛肉片，上面放上蒜片和辣椒、蒜蓉，賣相很吸引，分量也不少。牛肉吃起來很嫩滑，點上泰式汁，酸酸辣辣又帶有檸檬香味，非常惹味，醒神和開胃，下面有芥蘭菜墊底，沾滿泰式汁也很好吃。泰式黃咖哩雞，非常夠鑊氣，沾滿蛋液、洋蔥、青椒的咖哩汁好味得來夠曬多我們叫了薄餅配黃咖哩，很正。最後再多叫兩碗白飯，因為呢個汁非常好餸飯，服務員告知，如果不夠辣其實可以要求加辣，那我下次一定要加辣。馬拉盞炒通菜，好香夠鑊氣，顏色翠綠，味道惹味又不會太辣，我們吃得津津有味。蝦醬炒飯好大碟，上面鋪有一大塊蛋塊及豬肉鬆在旁邊，服務員教我們應該將蛋塊、肉鬆拌勻蝦醬飯一起吃才最好吃，我試過後，又真係好吃很多啊!泰發泰國餐廳，晚上8時已經坐滿食客，相信是因為這裡食物種類多、味道好、價錢大眾化，份量又足，更又不用加一，價錢比出面旺區的泰國菜館真是平很多，所

今日晚上同朋友一齊黎到九龍城，黎到九龍城不得不試就係地道既泰國菜，今晚就決定食呢一間既泰國餐廳，叫「泰發泰國餐廳」。我地黎到唔使等位已經可以好快入座，環境算唔錯，坐低之後，望一望餐牌，真係有好多選擇，最後我地點左一個招牌菜，一個小食，一個菜，分別係招牌泰式咖哩炒肉蟹（送蒜蓉包5件）、檸檬燒牛肉同馬拉盞炒通菜。首先上台既係馬拉盞炒通菜：份量都好大碟，而且岩岩炒起夠哂熱，食落去味道都好香，好入味。之後再上台既係檸檬燒牛肉：呢一款菜式我未係其他泰國餐廳食過，所以叫左試一下，將牛肉點落個汁度，連埋蒜蓉、辣椒，食落去酸酸辣辣，食落幾開胃，味道唔錯，而且份量都好多，最底仲有菜tim。最後上台係泰式咖哩炒蟹連蒜蓉包：份量係超大碟，足夠3-4人食，隻蟹都好大隻，連埋黃咖哩一齊食，好好味，蒜蓉包再點埋個黃咖哩一齊食。

me and my family , a total of 4 ppl, arrived the restaurant at 545pm to have a early dinnerSo we don't need to wait to get a table.after we sit down, we order the signature dish, the raw beef wif some vege. THIS TASTES SOOOOO GOOD!!This is a must to try!But i recommend not to order for jus 2 people, coz it will be a bit heavybesides, we ordered a 金邊粉which cooked in thai style. This is even more tasty than the one i tried in Thailand reli surprised me !! and the 通菜is also very good! we ordered li

去九龍城一定係食泰國菜，今次揀左呢間，都係泰國人主理的，平靚正，仲要唔洗排隊，坐得幾舒服，可以慢慢食，電視仲播緊泰國節目，幾有趣☺️檸檬燒牛肉👍🏻👍🏻👍🏻👍🏻個汁酸酸辣辣既，好開胃，牛肉都燒得好好，夠嫩，份量都好大！泰式炒椰菜仔👍🏻👍🏻👍🏻👍🏻個人好中意食脆脆的菜，蒜味好夠，好好味！Pad thai👍🏻每次食泰國野必叫既菜，但係今次有啲失望，因為好似淡味左啲，隻蝦冇乜味，下次努力🤔

自從食過泰發，每次去九龍城食泰菜就一定揀佢例牌點豬頸肉，酸辣鳳爪，泰式生蝦呢d前菜先再黎重點係呢碟泰式魚沙律，真係好食到番到屋企會回味😭炸到脆卜卜，個沙律都幾重口味，沙律包住生菜咁食口感豐富仲有咖喱炒蟹，好大隻肉蟹，咖喱無辣味送飯送蒜蓉包

昨天20/2和朋友一起去長洲行山，行完就決定再去九龍城泰發食泰國菜........................泰式生蝦剌身肉質彈牙新鮮，配蒜片及酸辣汁食，正......泰式青木瓜沙律味道夠酸，木瓜絲爽脆，正....檸檬燒牛肉牛肉咸，食得出牛肉用食粉/鬆肉粉醃，汁水淡，唔夠酸黃咖喱炒軟殼蟹咖喱味淡，一般泰式燒雞肉嫩夠味蒜蓉法包夠熱夠脆，但蒜蓉不足芒果糯米飯中椰汁味淡 ，芒果夠甜整體ok,性價比高。

今晚收工，同事提議呢間泰國菜，佢地話幾好食又唔貴頭盤 泰式無骨鳳爪對我黎講酸左啲，夠辣，好開胃泰國菜必食—冬蔭公湯 （大）我地有5個人，都飲唔晒，好大兜👍🏻入面有蝦，菇🍄，好味燒羊架 一客有四件，正常味道，有啲位會難咬開，唔膻燒豬頸肉 呢個超正，燒到脆卜卜，好香口，但係又唔會overcook 👍🏻👍🏻👍🏻馬拉盞炒芥蘭 穩陣之選，純粹想食個菜先揀唔錯既，有啲位略嫌太老，咬唔開明爐烏頭 少少泥味 肉有啲難咬開 不過個湯好租 好惹味 唔錯

九龍城2步ㄧ間泰國餐廳,泰發我食過N次,檸檬汁燒牛肉ㄧ直都無得輸,汁夠辣夠酸,肉好林真係好正呀,下面浸住菜既汁更加辣濕炒海鮮河,睇賣相就不過不失啦,度度差唔多樣,河粉係闊身大塊,,好多料,又菜又尤魚又蝦,不過今日海鮮就ㄧ般新鮮喇，汁都ok既😋燒大頭蝦係好大隻,好似龍蝦甘大隻,不過又係唔夠新鮮,又話燒既點解唔係好香😥😥,肉冇乜味,頭有少少膏(上次明明好好味架)😶好中意酒杯夠凍,好爽象啤好易入口