泰發泰國餐廳

营业中

休息中

鐘意食野嘅我，都鐘意搵D細細間嘅餐廳，支持下D小店。黎到九龍城梗係要食泰國菜，今次比我搵到城南道泰發泰國餐廳。咸魚炒通菜，未食都已經聞到好香咸魚味，兩這一齊食好野味。😋鐡板𧐢仔蛋，𧐢餅就試得多，就叫黎試下比較下先，𧐢仔蛋無咁熱氣，蠔仔都幾大粒，配上蔥花、辣椒和蛋好有住家飯感覺😁檸檬燒牛肉，牛肉半生熟，分量都幾多下，上面有好多辣椒和蒜蓉，食落好刺激，因為好辣下。青檸蒸盲鰽，第一次食盲鰽，原來魚肉好嫩滑，青檸味湯底滲入魚肉入面，食落酸酸咪咪好開胃😋店內員工全部都係泰國人，講得一口流利中文好叻😁又有禮貌👍🏻

蠻喜歡去九龍城吃泰菜，總覺得隨便走進一間都可以吃到地道的泰菜。是夜正正又吃了一頓美味的正宗泰菜。入座後人客不少，其後更座無虛席。餐廳環境整潔企理，員工們都是正宗泰國人，令餐廳增添多一份地道感覺。牆上貼滿不少招牌菜式的照片，看似十分吸引。看看餐牌，選擇很多很多，價錢更十分相宜，可以盡情點菜。看到幾乎每枱都有點這個檸檬燒牛肉，我們都不執輸。呈粉紅色的牛肉份量超多，疊成層層疊高塔，賣相吸引。吃一口已感到驚為天人的美味，牛肉以秘製醬汁醃製，烤至半生熟，肉質非常鮮嫩軟腍，肉味濃郁又多汁，極度出色。更配以冰芥蘭座底，加上特製酸辣青檸汁，好惹味。難怪這道菜式是餐廳第一位招牌菜，果真實至名歸，絕對不能錯過。大頭蝦焗粉絲煲選用越南大頭蝦和泰國粉絲，大蝦有好多隻，每隻都好巨型，啖啖肉又多膏。粉絲爽口彈牙，並特別以冬菇炆製，粉絲充分吸收醬汁及大頭蝦味，美味十足。馬拉盞炒芥蘭同樣有水準，熱騰騰好有鑊氣，芥蘭爽脆可口，調味十分出色，每條芥蘭都好入味濃郁，超美味。芒果糯米飯好有特色，有五球不同顏色的糯米飯，每款均非常煙韌綿密，還暖暖的，口感佳。芒果更是原隻的份量，好多，好抵食，果肉新鮮香甜又多汁，配以香滑又美味的

今日同朋友聚舊，由佢話事。話帶我食佢平時都好鐘意食既一間泰國菜。呢間餐廳就係城南道泰國街，唔難搵！我見佢夜晚真係都幾多人黎食，唔怪得開左第二間分店係隔離啦！！餐廳既員工都係泰國人黎既，夠哂正宗！😃佢地亦識得講中文，所以唔洗擔心溝通唔到！雖然好多人好忙，但佢地都會keep住加番d水俾我地飲。👍都幾nice!價錢方面都幾抵食，仲要唔洗加一！👍👍野食選擇都好多，同都幾多新穎既菜式。叫左佢幾款招牌菜。 同大家推薦： 檸檬燒牛肉😋一黎度俾個賣相吸引住。😚將每一塊燒牛肉層層疊咁，疊到好高。底下仲有冰芥蘭用黎吸收d肉汁。牛肉先經秘製醬汁醃製過，再烤到半成熟！所以牛肉好夠味道，又唔會覺得鹹。烤到岩岩好，食落好軟腍好香既烤肉味！再沾少少酸辣青檸汁，更惹味好味！😋胃口大增！生菜包 🥗 次次食泰國野都會叫！貪d生菜包埋d豬肉碎食夠哂清新解膩既感覺！😛仲加左d洋葱，香料，辣椒落去，食落夠哂香又惹味！唔錯！泰式拼盤🍢🍢呢個抵叫，比平時食到既大份，仲多左款： 炸皮蛋蝦餅。係我最鐘意食的。一啖放入口，多重口感，又有蝦餅爽口彈牙感，又有皮蛋個陣香味。😋真係好match!春卷都炸得好好味，用好多材料去包埋黎炸。食落好

泰國菜就食得多啦，香港周圍都有得食，但嚟九龍城食就真係第一次😂我同朋友晚上7點嚟到，店內已經有唔少人正在用餐🍴我地兩個人一共叫左一個主食，三個菜同兩杯飲品🍹首先嚟既係我地既主食 — 泰式炒金邊粉🍝炒金邊粉係我最喜歡食既泰式料理，味道好香濃入味，配料有蝦、蛋、芽菜等，食落唔會太乾，份量亦都好充足，夠我同朋友一齊食，超好食！之後嚟既係泰式香葉炒大蜆，大蜆好乾淨，食落唔會有沙，配住炒蜆既醬汁食味道啱啱好，唔會太過咸，就咁食唔配白飯都👌🏻食泰菜就梗係要食燒豬頸肉啦～燒過嘅豬頸肉香香地，又有淡淡嘅窿味，好似bbq咁😂配上個甜酸辣醬，好有層次感！最後一個菜係餐廳推薦嘅招牌菜 — 檸檬燒牛肉，因為我地事先冇係網上睇過圖片，一上菜既時候嚇親，冇估到牛肉會咁紅🙈唔食生野嘅朋友要小心啦😂但肉質好嫩滑鮮美，檸檬汁夠酸夠辣，好有勁😂椰青同龍眼冰都好清甜解渴～呢間泰菜價錢唔貴，而且份量充足，我地兩個人食到超飽都食唔曬😂🙈但仲有好多菜式想試，下次再嚟過～

今日同女友出左九龍城搵食，眾多既泰國鋪，對我黎講間間都差唔多，無人介紹下我都係睇價錢同客人量。呢間鋪分開兩邊，7點鬆啲已經坐左大半，野食價錢亦都唔貴。我坐呢邊大約10張枱，大家都有足夠位置坐，唔會好迫。牆身同好多鋪一樣貼左好多野食既相。叫左杯泰式青檸梳打同埋熱青檸泰國蜂蜜。前者唔係好甜，非常解喝。後者因為有咸味，飲落似咸柑桔。鐵板蠔仔蛋，蠔幾大隻，啲蛋無炒到乾哂好滑溜，再加上鐵板一路熱住保温，熱辣辣好好味！乾炒雞河，夠哂獲氣，再加上佢用左另一種生/老抽炒，所以味道有別於一般茶記。青檸汁燒牛肉，餐廳推介No.1當然叫黎試試。牛肉燒到好淋，5成熟無血水，食落口好似西餐廳既出品，再加上青檸汁酸酸地，值得推介！另一餐廳推介就係串燒雞腎，本身醃左到雞腎入哂味，唔洗點汁已經非常夠味。雞腎亦都好爽口一啲都唔韌。推介推介！

九龍城出名食泰國菜，今次專誠同屋企人黎到呢間泰發泰國餐廳食好野。一入到餐廳已經聞到好香既味道，選擇款式都有好多種，除左有出曬名既芒果糯米飯、串燒、咖哩炒蟹等等，連沙津呀炒粉麵飯都一應俱全，真係好難揀食咩呀🤪🤪我地點左呢碟馬拉盞炒通菜，超有水準，加左蒜容粒同咸魚粒去炒，非常香口，送白飯簡直一流！而且只係落左好少辣椒，開胃得黎又唔會辣到食唔到。仲有呢碟泰式乾炒豬肉河都值得一試！用厚河粉黎炒，有料到食落好有咬口，唔會好油，而且有好多配菜，豬肉份量都好足夠，食一碟都可以夠兩個人食住先，上菜夠快爽呀！

想食正宗泰國菜當然要嚟九龍城啦，聽朋友講泰發餐廳之所以咁正宗，係餐廳嘅廚師、樓面嘅姐姐都係泰國人嚟嘅。首先係每次都覺得最好食嘅泰國菜之一：青咖哩雞肉飯，除咗有好滑嘅雞肉之外，仲有唔少嘅雜菜、香草添！實在太香了，所以額外點多一碗白飯，撈咖哩汁已經可以食一碗啦～之後係我第一次食嘅泰式鐵版蠔仔蛋。一定要襯早食，否則蛋太熟就無咁好食。但蠔仔勁多粒，數唔哂，所以都幾抵食。同台式嘅蚵仔煎又有點唔同，可以一試！最後係必點椰青，清甜可口之外，內裡亦有好多果肉，感覺比其他飲品更健康了！

放工同老公去食飯，突然想到九龍城的泰國菜，就去左九龍城走一轉，行到城南道見一泰發泰國餐廳，有二人坐在門口用泰文傾談，見到我們就問幾多位，原來她們是餐廳的員工，還介紹餐廳老闆和員工都是泰國人，賣的都是正宗泰國菜，因為她們已開業超過20年，所以都識講廣東話，能夠經營甘耐，當然有獨特的風味，我們也想試試，就決定入座了！泰式鹽燒盲鰽 ：餐牌寫泰發客必食！當然要試下，是用新鮮游水盲鰽，肉嫩少骨，魚肚內有以香茅為主的香料，用鹽燒方式將魚燒熟，熱騰騰的魚肉嫩滑鮮甜，點些自製的泰式酸辣汁份外惹味！泰式黃咖喱雞 ：泰式咖喱味道濃郁帶椰香味，不太辣，加埋蛋花口感滑溜，雞肉鮮嫩。薄餅：口感煙韌，用來點泰式黃咖哩汁一齊食，十分美味！芒果蟹肉炒飯 ：夠穫氣，用料有芒果肉、蟹肉和雞蛋等，飯粒粒分明不油膩。泰式菠蘿沙冰 ：味道不會太甜，冰凍解渴。泰象啤 ：啤酒味濃。

九龍城出名食泰菜，今次試試呢間泰發。晚上嘅7點，食客都算不少了。 餐牌選擇好多，價格亦都相宜。泰式菠蘿沙冰 $28飲得到菠蘿嘅清甜，味道天然解暑。檸檬燒牛肉 $119將醃製過嘅牛肉燒至半熟，口感軟稔有肉汁。墊在底部嘅冰芥蘭非常爽脆。兩者配上檸檬酸辣醬汁，非常開胃惹味！黃咖喱豬肉 $78呢度嘅黃咖哩係有我最欣賞好似綿花甘軟滑嘅蛋，舖滿整碟黃咖喱！豬肉份量都很足料。薄餅 $26咖喱一定要配薄餅，沾黎食先可食盡整碟嘅精華。泰式濕炒海鮮河 $58海鮮款式都幾多，份量都好大碟。河粉唔會炒到好碎，不過可能前兩碟比較濃味，相對濕炒河係比較淡味少少。呢間算性價比幾高嘅九龍城泰菜，下次又多個好選擇。

今晚約咗契仔食飯，諗來諗去，都係想去九龍城食泰國嘢。看見這間小店，都想去試吓。泰菜可以有好多嘢食，最緊要一定要有烤魚。我和契仔媽咪係啤酒控，所以先來一支象牌。這間小店酒杯嘅杯係鋁質， 10分保溫，啤酒放左落去之後冰涼無比。小店的窩心服務，10分讚。👍烤豬頸肉10分嫩滑，加上特別調製嘅醬汁，令肉質提升。🐥⭐⭐⭐烤魚我們選了盲曹，魚肉肉質滑嫰，魚骨比較少，加上魚肚內嘅香料，令魚肉嘅味道提升。🐥⭐⭐⭐⭐蒜蓉炒椰菜苗，椰菜苗不會太靭，蒜蓉的香味，令椰菜苗更加好味。🐥⭐⭐⭐⭐⭐️芒果糯米飯，這個糯米飯不是黑白糯米咁少，還有其他三種顏色，是創新的五色糯米飯，加上芒果的香甜和椰漿的味道，就更加滋味。🐥⭐⭐⭐⭐⭐️

今晚約了友人在九龍城吃飯，我們愛吃泰國🇹🇭菜，幾間出名的餐館都吃過，便試試這間泰發。這裡的裝修不算豪華，有點像在泰國，吃泰國菜的感覺。吃泰國菜就要飲泰國啤，泰象啤$30，兩個裝啤酒的杯，都已經雪涷了，飲落更透心涼。青檸沙冰$28，甜酸味道適中，是吃泰國菜必選飲品之一。椰子沙冰$28，用了椰子🥥肉打碎，加上少許花奶，非常適合夏天飲用。泰式燒豬頸肉$69，表面的焦香味，和燒得外脆內軟，肉汁豐富，加上些辣椒魚露就更加好味。泰式炸蝦餅$63，蝦肉彈牙，又香又脆，是正宗的味道，點些泰式酸辣醬，味道充份發揮。芒果糯米飯$63，芒果香甜味美，而五種不同顏色的糯米飯，除了黑糯米外，其餘都是用上天然染色而成，配合椰漿，味道一流。

九龍城泰菜館實在太多，很多都是老字號亦做得很出色，所以難免每次來來去去都去某幾間。今晚與好友飯聚，帶我去我從未幫襯過的泰菜館泰發。泰發相連有兩個舖位，平日晚上都差不多爆滿。我倆由店員帶往較少人的一間。黃咖喱雞餸菜由好友發板，下單不久就送上第一道菜黃咖喱雞。咖喱汁用花奶雞蛋煮成，又香又甜用來撈白飯一流。此道菜用上很多配菜煮成，有甜椒、洋蔥及泰菜少見的唐芹，唐芹味道比西芹幽香濃郁得多。此道菜多菜多肉又多咖喱汁，實在很抵食。青檸汁燒牛肉此菜於其他泰菜館較少見，半熟燒牛肉一片一片的層層疊在芥蘭上，上面淋上猶如青木瓜沙律的酸辣檸汁及生蒜粒。燒牛肉肉質軟熟肉味亦濃，加上酸辣檸汁越食越開胃，芥蘭亦見爽脆鮮甜。泰式鹽燒盲鰽盲鰽用鹽即燒，要稍候片刻。盲鰽上枱時很熱，用了不少鹽醃。撕開魚皮內裡魚肉鹹鮮嫩滑，魚肚放入不少香茅同燒，不用點醬魚肉已經沾滿濃濃的香茅香味。此菜很合愛吃魚之人。

而家好多時去到泰國買椰青飲，佢嘅味道都唔夠喺香港飲嗰度甜，所以而家係親香港有椰青飲嘅地方，我都會飲，又甜，又解渴又解暑。大頭蝦係我最中意食嘅海鮮，因為拒個頭特別多膏，而且肉好厚，好夾身。趁仲後生當然要食多d，如果唔係就無機會架喇。大頭蝦仲配上粉絲黎整，煮大頭蝦嘅時候佢啲呢汁嘅味道會完全滲出，然後粉絲會完全吸入，嗰種味道真係好正，好香。喺九龍城食嘅芒果糯米飯通常就淨係會有白色一種，但係呢一間非常之有心思做咗五色嘅芒果糯米飯。每一種顏色會有佢唔同嘅味道，我個人就鍾意食綠色，綠色就係斑斕味道嘅糯米飯，有淡淡的斑斕葉香味，再配上鹹鹹甜甜嘅椰汁，十分美味。又令我想起泰國夜市，哈哈。

眾所周知九龍城泰國餐廳多不勝數，幾乎每條街都可以發掘到泰式美食。經過見到裡面坐滿人，應該吾會差，睇埋餐牌，價錢又大眾化，一於排隊試下。泰式生蝦 $85每次食泰國菜例牌必點生蝦，因為生蝦作為前菜最適合不過，一來上得快，二來酸甜開胃。生蝦色澤晶瑩透亮，肉質爽口彈牙，配辣椒、蒜末、青檸及魚露混合製成既醬汁，辣而不嗆，味道剛好。檸檬燒牛肉 $119牛肉片份量多到堆成一座山，牛肉片燒至半生熟，肉質軟腍，內裡粉嫩，生熟度恰到好處，底下鋪了層冰芥蘭，好讓沾滿酸酸辣辣醬汁，秘製醬汁既醒神開胃。鹽燒盲鰽魚 $119香料填滿魚肚內，鹽佈滿系魚皮上，避走腥味，提升鮮味，盲鰽魚肉帶有淡淡香料幽香，肉嫩少骨，點埋泰式酸辣汁，味道昇華。泰式乾炒海鮮河 $58做到乾炒重中之重—夠鍋氣，河粉q彈爽口，油而不膩，蛋花更系精粹，落醬油猛火炒，十分惹味香口。芒果沙冰 $28選用既新鮮芒果不老，清甜果香，甜度剛好，冰沙細滑順口，清爽不膩，透心涼又解辣

九龍城係個「小泰國」就係人都知。泰國餐廳幾十間，今日嚟到朋友介紹既「泰發」，由正宗泰國人主理。首先先嚟到個生蝦刺身打頭陣，新鮮！醬汁惹味再嚟一個檸檬燒牛肉，牛肉5成熟，有少少韌，但味酸酸甜甜，好好味咸蛋黃炒鮮魷有d港式，但味道好惹味，送飯一流最後一個烤盲鰽，撕開外皮，入面魚肉鮮味嫩滑，點埋個汁又係勁好味